معارك عنزة المتأخرة (( قصص وقصائد )) - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

02-08-2012, 01:25 AM

شجاعة صبيان الصقور من عنزه يردون شمر علي اعقابهم

.................................................. ....................

هاكم هالسالفة اللي تدل على شجاعة الصقور من العمارات من عنزة..

طلعت قبيلة الصقور تبي المغازي ويم تركوا ربعهم ماعندهم الا اللي يرعون البل وصبيان صغار وهم يجهلون أمر الحرب لان ربعهم طلعوا ومشايخهم وكبارهم للمغازي وبهاك الوقت جوه غزاة من قبيلة شمر ومعهم قبائل ثانية يبون يغزون على بل الصقور وحلالهم لانهم استغلوا غياب فرسانهم وشيوخهم وتصير المعركة وينتصرون هالصبيان التسعة هم ورعيان البل اللي معهم وعقب هالنصر قال الشاعر محمد النجدي الصقري العنزي هالقصيده :

ياركبا من عندنا بنت شقـــــــــران
،،،،،،،،،،،،،،،،،،،،،،،،،،،،ما فوقها الا الخرج هو واللواليـــــح
لاجيت عبد وعبدين الاخــــــــــوان
،،،،،،،،،،،،،،،،،،،،،،،،،،،،وعبدالكريم اللي كسب هبة الريح
هل الندم من خاطر هل غــــدران
،،،،،،،،،،،،،،،،،،،،،،،،،،،،غبقة وصبحة ريّ ما هو تناشيــــح
جونا السيافا والعجرش وحدبـــــان
،،،،،،،،،،،،،،،،،،،،،،،،،،،،وابن مصيول وابن راجح وابا الميــخ
يتلون **** الغوى نسل فرحــــــان
،،،،،،،،،،،،،،،،،،،،،،،،،،،،من ماكر تبعه يصيد المجاويــــــــخ
وحنا جنبنا بس تسعة ووغــــــدان
،،،،،،،،،،،،،،،،،،،،،،،،،،،،ومن دون زرفات العشاير ذوابيــــح
عن الكمي ما رددوهن بالارســـان
،،،،،،،،،،،،،،،،،،،،،،،،،،،،يروون عطشان القنا من المجاويخ
من نقرة الصيقال الى نقرة الخان
،،،،،،،،،،،،،،،،،،،،،،،،،،،،والخيل عزم بالوجيه المفاليــــــــح
وفرسان تالي الخيل نارت بشامان
،،،،،،،،،،،،،،،،،،،،،،،،،،،،طال النهار وكملت هبة الريــــــــح
وعن السهل ياطن شخانيم ضلعان
،،،،،،،،،،،،،،،،،،،،،،،،،،،،وغطى قطي الخيل مثل الشماريخ
وأما بيات الليل ما عنه جحـــــــدان
،،،،،،،،،،،،،،،،،،،،،،،،،،،،لحقوا طلب شقح عليهن شراشيح
رطين مرزات العجم باوسط الخــــان
،،،،،،،،،،،،،،،،،،،،،،،،،،،،سمعوا حنين مطربات السواريــــــح