يـا حـمــد الـضــوي تـذكـرت مـا كــان=وفـطنـوا عـلي الـلي بحفـد المـلاحيـد
أورنـس والـنـوري ومـقـحـم وراكــان=ومشهـور والأمـعـط وجـزاع ورشيـد
ومـحـمـد وزبـن وعـرعـر وجـدعـــان=وفـريـح نسـل عـقـاب ومحـمـد العيـد
وصياح والذيـب العـرج وأبن رشـدان=وعـبـيـد وكـريّـم وشـيـخ الـمـحـامـيـد
يـا حـمـد الـضـوي دلـيـل الخـبـر بـان=مـانـي مصـدّق لكـن الـعـلـم تـأكـيـد
ختم الذي سمي على الـذيـب سرحـان=في عصر الأمعط كان عز لضناعبيد
لاشـك صـار الـيـوم يـا حـيـف مـجّـان=أصبح يوقع بـه عـلى الظلم والكيـد
أنشد 000 وش مقصده طير حوران=وش السبب غشوه بعـض المحاقيـد
وقـف مـع الـلـي لأبـن عــبّـار عـدوان=بالمشهـد الـلي بـه تحـدي وتـهـديـد
لـيـتـه يـوجـهـنـي إذا كـنـت غـلـطــان=من دون مـا ياقـف بصف الحواسيـد
وش الخـطـأ بأنسـاب عـزوة سليمـان=أقـر الـكـتـاب وفـنّـد الـعـلـم تـفـنـيـد
مـا كنت من شكوى هـل الظلم زمـلان=ولانـي بـحـال الـلي يـدور المـنـاقـيـد
عـنـدي عـلى قـولـي دلايـل وبـرهــان=والـلي كلامه صدق يركـن عـلى حيـد
جـد عـنـزة معـروف من نسل عـدنـان=والساس ثـابـت مـالـه اليـوم تجـديـد

صح لسانك على القصيده التي أسندتها إلي والشرف لي بذلك
وأرجو أن تتقبل ردي المتواضع أمام شموخك
وأعذرني أطلعت على موضوعك متأخرا ً

يابن دهيمش ياسلايل كحيلان=يانسل مفدع ياعديم الاواليد
ياجامع انساب القبايل وبتقان=يامعوّد ٍ نفسك على الطيب تعويد
قافك وصل واضح معاني وعنوان=سِجّل له التاريخ والرمز والقيد
ساعة قريته ثار بالصدر بركان=علم ٍ يشيّب راس من يَرضَع الديد
واصبحت بالموضوع حاير وبلشان=ماغير ألوج ازريت لا اركد ولا اهيد
أمضيت ذاك اليوم ضايق وزعلان=وسبب لي الموضوع ضيقه وتنكيد
لكن يابن عبار خذ رد قيفان=وحنا على نهجك نصوت بتاييد
إثبت كما يثبت شواميخ ضلعان=لايستفزك هرج محمود وحميد
واللي ذكرته من عظايم وشيخان=راحوا مراح ٍ دام مابه تعاويد
ذولاك أهل عزم وعزيمه وسلطان=عسى لهم حوض النبوه مواريد
وأبانشد شيوخ ٍ يروسون عربان=وأخص من وقع بختمه بتحديد
ياشيوخ وايل يا وجهانا والاعيان=ياصفوة شيوخ العرب يالصنـاديـــد
وشلون شاعركم جزيتوه نسيان=اللي لوايل خلّد المجد تخليد
عمره بخدمة ربعه أفناه لاهان=وشيّد مفاخركم والانساب تشيـيـد
منكم يبي تكريم مع رفعة الشان=حقه عليكم كبر أبانات ويزيد
نسّــاب ومورّخ وراوي لويلان=ومهجد الشعار بالشعر تهجيد
مفروض جهده مايقابل بنكران=ومن حقه نثمن مسـاعـيـه ونشـيـد
ومن طبعكم تجزون الإحسان بإحسان=وهذي صفات الطيبين الاجاويد
لاتاخذون العلم من كل فلتان=ياهل الفخر ياكاسبين التحاميد
من جاب علم ٍ دون أدله وثبتان=عن الطريق أخلف مثل عاكس الســيـد
لاتيّدون فلان وفلان وفلان=إلا بدعوى ثابته بالشواهـــيـــد
وصبرك يابو مشعل ترى ما انت خسران=ولاتلتفت لمعقّد الحبل تعقيد
ياكثر من يهديك شكره وعرفان=وياكثرها ناسٍ ٍ تمجّدك تمجيد
وهرج ٍ بلا برهان وثبات بطلان=والله عليم بغايتي والمقاصيد