ابومشعل بعد التحية ،،،

وش الفايدة يابومشعل من الملف السري اللي تجمع به القصص والقصائد ،؟؟ اذا انت تجمعه وتخليه سري وش الفايده منه؟
انت تقول يابومشعل انها احداث بين عنزة وقبايل اخرى وعنزة نفسها ، طيب مع احترامنا لك يابومشعل ، هذي المكتبات تعج بالكتب والقصص والسوالف والغزوات اللي بين القبائل ويصعب حصرها
وفيها بعد من التحامل على عنزة بعلوم وتزوير ولاهو حقيقة ـ ماودنا نذكر احد بالاسم ، بعضهم افضى الى ماقدم وبعضهم موجود الان ،

انا لااعلم هل يعني السياسة الاعلاميه فقط مايخص عنزة اما غيرها لا ؟ هذا الكلام غير مقبول يابومشعل ...

اذا كان هذا الملف سري يابومشعل وش المغزى منه ؟ يعني مجهودك في لم هالقصايد والقصص والغزوات وش الداعي له ؟

المساله الاخرى يابومشعل ،،،،

مسألة التغيير ، دائماً اسمع منك وتغيير مايلزم ؟ انا لااعلم ماهو تغيير مايلزم
القصيدة اذا غيرت بها لو كلمة واحده ، معنى ذلك انها لم تعد نفس القصيده ،

مسألة كسر الابيات يمكن نقول انها ضروره ، لكن بدون تغيير للمضمون ،
يعني اذا قلنا قصيدة مشعان بن هذال
ويوم على العدوان مثل المعاصير
معروف ان العدوان كلمة مغيره ، وبذلك القصيده اصبحت مشوهه ، يعني انا قد اعلم ان الكلمه ليست العدوان ، لكن يجي جيل بعدنا ويقرأ هالكلمة ؟؟
طيب وبعدين ؟ يعني لااستفدنا من القصيدة الحقيقية ولاعرفنا المغزى ومضمون الحدث ..

انا اعتقد انه لايجوز تغيير الابيات ، وتغيير الابيات يتنافى مع الحدث التاريخي التي تشير له ، وش ابيبها عقب التغيير ؟ عدم نشرها افضل ..

مااود قوله يابومشعل ان التغيير في القصيد يقتضي عدم صحته ، يعني مثل قصيدة :
مودع على المطران كدر عجاجه ...هجيجهم مابين ابانات وسواج

اصبحت :
مودع على العدوان كدرا هجاده

يعني ان يصل التغيير للقافيه لااعلم ماذا اسمي هذا ؟

خل المريخي طايحن في مداجه............. لــتصبح :

خلا فارسهم طايحن في معاده

يعني هنا لاوصلنا العلم الوافي ؟ ولا الحدث الاصلي ، ولا القصيده الاصليه ، طيب مثل هذي يابومشعل الله يجزاك خير وش ابيبها ؟ وش الفايده منها؟

يعني كلمة تغيير مايلزم امر غير مقبول ، ماهو الشيء اللي يلزم واللي مايلزم ،يعني التبرير بانها نعرات قبليه وانها تحدث مشاكل امر غير صحيح
هذي المكاتب فيها الصحيح وغير الصحيح والكذب والتزوير وفيه نفس ماتعتقد انت انه لايجوز

يعني هل تعقتد ان الناس اذا قرأوها كلن يغز بيرقه ويغزي الثاني ، اسمها تاريخ وانتهت واذا ماعرفنا التاريخ هذا نفسه بحقيقته لايعد تاريخ

مع احترامنا لشخصك الكريم