قصيدة مهنا بن شليه فيها روايتين عند رواة سبيع1-أنها في مناخ الرضيمه عام1238هـ بعدما قتل شيخ الشيوخ(من عام1212هـ إلى 1238هـ) في سبيع الغلباء مسلم بن سلامه الادغم في اول المناخ(بعدشيخةوالده سلامه شيخ الشيوخ في سبيع الغلباء من عام 1139هـ إلى 1212هـ) وكمل المناخ ولده سياف بن مسلم بن سلامه الادغم شيخ الشيوخ من عام 1238هـ إلى 1293هـ سنة ميلاد الملك عبدالعزيز رحمهم الله جميعاقال سياف(عندما تضايقوا بني عمر سبيع الغلباءلانهم لوحدهم ضد العجمان ومطير والدواسر والسهول):- من يجيب لنا فهيد الصييفي وصديقه ناجي الادغم(يجيبون لنا فزعة محمد واخوه ماجد بن عريعرواللي معهم من بني خالد وبني حسين ومشعان بن هذال واللي معه من عنزه ) قال مهنا انا اجيبهم فارسل هذه القصيده(عندماوصلت القصيده لفهيدوناجي جابوالنا قوة ابن عريعرنهار89 وانتصرنا نهار90):-
ياراكب حر على وقم شفي = وقم السديس ولابعد شق نابه
حليت زوله يوم دبر مقفي= دالوب ساج وسط موج غدابه
والاظليم ذاير مستخفي= مع رأس قفقوف حدته الذيابه
طالع على بيضه بروق ترفي = متغانمه يسبق رشاش السحابه
نصه(يلفي)فهيد اللي جوابه يكفي = اللي اليامن قال قول وفابه
وراه عنا(ياكيف عنا) قاعد وامتكفي = والشيخ مثله يعتني بالحرابه
تسعين ليل للثميدي نصفي = لليوم مع تفاقنا مارمابه
وإن كان يعطيني على كيف شفي = رأس الحريب ومابغى (ومانوى) الرب جابه
في رأي من هو في المواقف يوفي = سياف اخو ساره مجري المهابه
قالوا نعفي قال مابه معفي = شيخ الشيوخ اللي عزيز جنابه
واليوم قام الحرب مابه تخفي = ومن ذل حتى صاحبه مايهابه وفي روايه ثانيه ومن ذل منا صاحبه مايهابه
2-أنها في مناخ السبيه عام1245هـ(شهرين) نفس القصيده اعلاه إلى ان قال:-
وراه عنا(ياكيف عنا) قاعد وامتكفي = والشيخ مثله يعتني بالحرابه
ربعي لمشخول الثميدي تصفي = وجاء الحول مع تفاقنا مارمابه روايه ثانيه وجاءالحول ناقل ملحنا مارمابه
روايه ثانيه ياطول منا للثميدي نصفي = وجاء الحول مع تفاقنا مارمابه
روايه ثالثه تسعين ليل للثميدي نصفي = وجاء الحول ناقل ملحنا مارمابه
وإن كان يعطيني على كيف شفي = رأس الحريب ومابغى(ومانوى) الرب جابه
في رأي من هو في المواقف يوفي = سياف اخو ساره مجري المهابه
قالوا نعفي قال مابه معفي = شيخ الشيوخ اللي عزيز جنابه
واليوم قام الحرب مابه تخفي = ومن تم يدرى صاحبه(يقصد فهيد إذا يدرى صاحبه بن عريعر)مايهابه روايه ثانيه ومن ذل منا صاحبه مايهابه
الإهداءات
12-21-2017, 10:43 PM
العرض المتطور
