الاخ مشعل الصوره غير واضحه
لكن على العموم .. انت مصدرنا بعد ابو مشعل الله يحفظه ..

اما بالنسبه للكتب والمراجع ... الجميع يتفق على وجود اخطاء فيها اما مطبعيه ..او عدم درايه الكاتب في الانساب ..

نفس المصدر اللذي يستشهد به الاخ صقر الاشاجعه يوجد فيه ماينافي الاستشهاد وقد تم ايراد النص ..

الرجل يحفظ اللي عليه والا اللي له الناس تحفظه له

ياخوان المكابره لاتنفع ابن شعلان شيخ ضنا مسلم عموم .. وفي احد الفترات على عنزه كلها ..
والرجال الكبار يعرفون هالشيء .. ..

الطيار رحمة الله عليه (لايحظرني اسمه) سألوه عيال عن الماضي وتاريخ الطيار .. قال هكا السنه سردونا الفلان .. وهكا السنه اخذونا الفلان .. وهكا السنه كسرونا الفلان ..
قالوا ياطويل العمر وش هذا هذا تاريخنا كله هزايم .. قال : لا .. لكن انا اعد اللي علي .. اما اللي ليه الناس تعده ..
الخلاصه من القصه ياصقر الاشجاعه .. كان بك طيب تلقاه عند الناس .. وكان بك غيره بعد تلقاه ..

والفزعه تكون بالمال والجاه والنفس ... ولاكن ماتكون بالحظ .. الرجل مايفزع بحظه زور وبهتان


اما بالنسبه للاخ الزاوي .. ابن جندل وسبعة انعام طيبه يطيبنا .. وابن معجل مثله .. وابن مجيد وكل عيال وايل على الراس من فوق

واحب اضيف لك معلومه بما انك راوي ترى ابن جندل اذا ما ذبحت له وهو ضيفك ذبيحته هي تموت من حلالك من حالها
يعني ياتذبح وتاكل والا صارت فطيسه ..


والمعذره من كل الاخوان هنا .. واخ الاخ مشعل على سعة افقه وبعد نظره نسال الله ان يوفقه للخير والسداد وينفع به عيال وايل قاطبه


والسلام عليكم ورحمة الله وبركاته