نكتب القيفان ماعنها لزاز *** من يلز اليوم قافه عجزه
يابو مشعل ياعسى قافي مجاز *** افتخربه دام ردك حفزه
وانت شاعر صلف طقيت ارتواز *** في بحور الشعر ردك معجزه
يالسان الشعر فيك الشعر راز *** رز بالقمه جنابك رززه
ياامير الشعر ردك بالتواز *** كل شاعر صاغ ردك عززه
تكتب القيفان ماجاك اعتجاز *** يالمعلم كل درسك نفرزه
ذاخرين الوايلي وقت اعتياز *** لحتمى الموقف عدوه وجلزه
والردي يالوايلي مايوم هاز *** قال مهما قال عرفك هزهزه
والهلامه بالمواقف فر ناز *** عن طريق الحق جنب واقفزه
والنسب يالوايلي صعب المراز *** من مشابه في جدال ونرفزه
جاز ولى اجتاز ولى مايجاز *** ايتحمل كل هرجه ترمزه