يا قلبي اللي فيه همّ(ن) وهوجا س
همّ(ن) كبير (و)هاجس(ن) كاويٍ(ن) كي
على اللي من فارقتهم واني في الناس
مثل اليتيم (ب)غير أمّ(ن) ولا بي
خوفي عليهم حط في الراس وسواس
(و)شوقي إليهم حارم النوم عينيّ
اللي (ب)رغم غدر الداء الاسود والافلاس
وبلاد غربة وقعها عالمرء سي
فيهم عشت ملكاً بجند(ن) وحرّاس
(و)خدّام تسعى فخدمتي (و)بين إيديّ
بزّوا السموأل في الوفا (و)نبل الاحساس
(و)تالله أبلغ في الكرم من إبن طي
مهما قلت قالوا على العين والراس
وهيك تكون (ا)وفادة الخي للخي
كانوا لي (ب)وجه المقادير متراس
(و)دوني أُسد تلوي زنود البلا لي
ردّوا المصايب عنّي اشكال واجناس
(ب)أسوار من نخوة بنوها حواليّ
حفظوا غيابي من مكر كل دسّاس
ردّوه خايب ليس يلوي على شي
خلّوا عدوّي يضرب اخماس باسداس
وأهون عليي يصير من شربة المي
والحين في أهلي بصحب(ن) وجلّاس
وبنعمة الخالق عن الخلق مغنيّ
عايش على كرسي بدواليب منحاس
زهقت حتّى من دواليب كرسيّ
(و)شوقي إلى الغربة واهلها ما ينقاس
واحلم بيوم ارجع أنا فيه للحي
مشتاق لل "قَرْم" (و)إلى رْبوع "دونْباس"
مشتاق انا (و)مخطي من يْقول لي وي
حنّيت للغربة وانا ف برإلياس
من غدر ذي القربى علت صيحتي أي
د. فواز عراجي