الأخ راعي الجدعا أنت تذوّق الشعر وتقرضه وأتمنى لو أطلعت على الشريط الأول والثاني من شعر التصدي للحملة المغرضة عندما قاموا بعض الحسّاد وأحدثوا بلبلة في أوساط عنزة لقصد تشويه سمعتي وجحود جهدي وتزوير نسب عنزة ومن القصائد هذه الأبيات :

وقال عبدالله بن دهيمش بن عبار العنزي لتفنيد بعض الأقوال :
يـا نـديـبي جهـز الخـط المـزرّف *** وارسله يالقـرم لرجال الشهامه
وزعـه لـعـيـال وايـل لا تـطــّرف *** من عموم الربع أومقدم جهامه
بـلـغ الشيّـاب والصـبي المتـرّف *** وقـل أبـن عـبـار يهديكم سلامه
ما يسود القوم من مجده تقـرّف *** لـو تفـاخـر بالـذي بادت عظامه
من حبى يا لابتي كوعه تجرّف *** ومن يدلبح ذل يوصف بالرخامه
المجالس تهترش مثل المهّرف *** مـن يـرّوج للدعايه وش علامـه
من تمسك بالخرافـة قيـل خـّرف *** ومن جهل مجناه تغشاه الملامه
كـل جاهـل قـام يكتب وايتصّـرف *** والتعبّـث بالنـسب يـرث نـدامـه
العلوم الزايفه توضع على الرّف *** والنسب مايتقنه من به غشامه
أفـخـر بتـأليـف كتـبي واتـشّـرف *** وأحمد الله منهجي عـز وكرامه
لـوبهـا تـزويـر أو قـول محـّرف *** والـلـه أنـي لا أحذفهـا بالقمامـه
جدنـا وايـل ما هـو نكره معـّرف *** مـا مكانـه لهـزمـه لاشك هـامـه