تابع
قال عوض بن سليمان الولم الهيزعي الحبلاني هذه
القصيدة يثني على عبدالله بن دهيمش بن عبار الفدعاني :
مـني لابـن عـبـار يـمـدح لـنـا البـيـق *** ويمـدح شيوخ عنـوز وايـل بطرقـه
اديــب مـتـمـكـن بـكـل الـطــواريــــق *** اهـل بـخـت فـدعـان ربـعـي وتـرقـه
للمجـد والعـلـيـا صـدوق المـخـالـيـق *** الساس فـي ربعـي سطع نجـم برقـه
حسبي عـلى الظـلام واهـل الخثاريق *** الـلـي يـزيـحـون الأصـيـلـيـن فـرقـه
فرقـه وفرقـه حـط ضيق باثـر ضيـق *** مـتنـاقـضيـن عـلومهـم باش مـرقـه
مـا اقـول فـيهـم شـي لـكـن ذواويـق *** يمكـن اطـلعـهـم مـن الغـرب شـرقـه
غـاوي واهيـم احيـان لاشـك ماطيـق *** وصلـت انـا فـي حـدهـا سـط عـرقـه
المخـتـفي يـا مـسنـدي خـلـه يـويـق *** الـلي يـبي يـفـتـش بـهـا وايـتـشـرقـه
اليا صرت مبطي مرتفع بالشواهيق *** بـالـنـايـفـات الـبـيـض يسـنـاك بـرقـه
سـلام يـا حـر الـرجـال الـمـطـالـيـق *** مـن قـلـب حـبـلاني عـليـك يـتـحـرقـه
الصوت صوت الزم الغيض والضيق *** كظمـه تـرى عفـوك نقـا فـيـه فـرقـه
قـلتـه يـا ابن عـبـار ورد الـمغـاليـق *** انـت الـلي بـحـورك تصـافـق بطـرقـه
صـوادف الـدنـيـا تـمـرك مـطـاريــق *** ولـلـجـيـل ابــو الـفـيـن رمـاح زرقــه
اربـع عشـر تـمـن عـلى قافيـة أيـق *** وفـي عجزهـن ختمن على قاف ارقـه
قال عبدالله بن دهيمش بن عبار هذه القصيدة جواب لقصيدة الشاعر عوض بن
سليمان الولم الهيزعي الحبلاني :
يا راكـب الـلي اليـا مـشى يسبق الهيـق *** مـثـل الشبح لا مـر يـا سـرع مـرقـه
وأن دق سـلـف وعشّـق القيـر تعشيـق *** يطوي سهل حمـر الصحاري وبـرقـه
لـولا الـزلـل لا اقـول اسـرع من الميـق *** طــيـارهــا بـالـبـوصـلــه دل طــرقــه
جـيــبٍ بـيـاضـه زي لــون الـغــرانـيـق *** عـن الشفـر والجمس يـا بـعـد فـرقـه
قـم يـا نـديـبـي واطـلـب الـرب تـوفـيـق *** حـذراك يـأتـي لـك مـن النـوم غـرقـه
خـل السـفـر مجهـام مـع فـكّـت الـريـق *** قـبـل تـطـيـر مـن الـفـراريـش يــرقـه
وصـل تـحـيـه مـن صـمـيـم المعـالـيـق *** بـعـداد مـا ناحـت عـلى الغصن ورقـه
تلـفي عـوض بالمرجـلـه نـال تـفـويـق *** الـلي الحـمـر فـي حـد موسـه يهـرقـه
مـن نسـل مرويـن الـرمـاح المزاريـق *** وسيـوفـهـم جـوف المـعـادي تـخـرقـه
قـطـعـانـهـم تـرتـع بـقـفـر الـزمـالـيـق *** في صحصحٍ تلعي عـلى الغصن ورقه
يا عـوض مـن يلفـظ معايـب وتعـليـق *** غــر الـقـبـيـلـه فـي خـداعــه ودرقــه
الـظـالـم الـلـي لـفّـق الـهـرج تـلـفـيـق *** مـا هـمـنـي يـالـقــرم هـلـسـه وقـرقـه
الـلـي كـلامـه فـرّق الـشـمـل تـفــريـق *** يـلـم مـن شـهـب الـسـوالـف وزرقــه
هـيـهـات مـا حـقـق مـنـاويـه تحـقيـق *** فـي خافقـه يشعـر مـن الحسد حـرقـه
عـيـال وايــل حـافـضـيـن الـمـواثـيـق *** والـجـد مـا يـوخـذ هـمـيـلـه وسـرقــه
مـا ودي افـتـح مـقـفـلات الصنـاديـق *** بـان الـدليـل وتشـرق الشمس شـرقـه
قال محمد بن عايد الدوهان هذه الأبيات يسند على عبدالله بن دهيمش بن عبار:
مـؤرخ قـبـايـل ربـيـعـه عـبـدالـلـه الـعـبـــــار *** تشهـد شبـه الجزيره لشاعـر وايل لا رسـى
رمـز عـنـزة بالفـخـر اسـمـه لـعـنـزة شـعـار *** اطلب لـه رب المـلأ يطـوّل عمـره يا عـسى
فـدعـان نسـل عـنـاز حـر ومـن نسـل حـرار *** حربـة عـنـزة بالكـون صويـتي يـوم القسى
إلـيـه يشـار البنـان حنـتـوشي نـسـل عـقـار *** مـا أنـت نـده يالكـذوب تخـسى وثـم تخسى
عـبـدالـلـه ابـن عـبـار سيـف عنـزة الـبـتـار *** يشبه سهيل اليماني بمظلم الليـل عسعسى
عـنـزة مـع جـديـلـه هـبـت هـرجـك يالمكـار *** ولا يعذرب عريب عراب الا اللي فيه دنسا
قال عبدالله بن دهيمش بن عبار هذه الأبيات جواب لأبيات الشاعر محمد بن عايد الدوهان :
يا محمد ياأبن دوهان عشت يا نسل الأخيـار *** اطلب عسى الله يسعدك كانـه صباح أو مسا
يا أبن الحمايل مشكور تسلم يا عزيـز الجـار *** قلـت الشعر من حمياك بـه تذكير لمـن نسـا
هرج البايه لايزعلك هو اللي به عيب وعـار *** المذمـوم مـن السـواد لبـس حـلّـه واكـتسـا
عـريتـه قـدّام النـاس واسقـيتـه مـر الأمـرار *** الحاقـد عـدو الصّدق من لـب الحنضل حسا
مهما ضـدي يقولـون مـا انـا منـهـم محـتـار *** قلـته والـلي يثرثـر جـاه عـلمن للسانه لسا
ثابت مثـل ضلع طويـق أوكما شامـخ سنجـار *** البرد وسموم القيض ما حرك حمرا قعسا
قال سالم بن خساف الرودسي الحنتوشي العقاري الفدعاني ابو انور هذه
الأبيات يثني على عبدالله بن دهيمش بن عبار الحنتوشي :
قـال سـالـم يـا عـديـمـيـن الـرجـولـه *** طـاب لي بـدع القصيد وطـاب فالي
عاش ابن عبار من روس الزحولـه *** مـن هـل القـويـدا كريميـن السبـالي
مـن حناتيـش الظـفـر عـز وبطـولـه *** لا حصـل بالوضـع ميلـه واعتـدالي
يـالحـصـانـي يا مسـحـبـت الـذيـولـه *** يا خشاش الأرض تدعس بالنعالي
يـا هـافيـن الحـظ يا شـبـة الجعـولـه *** مـن ظلـم حـظّـه مصيـره للـزوالي
مـا انتـم لقاتن لأبـو مشعـل وقـولـه *** شـاعــر الـويـلان مـن أول وتـالـي
قال عبدالله بن دهيمش بن عبار هذه الأبيات جواب لأبيات الشاعر سالم بن خساف الرودسي :
جـتـني الأبـيـات من نسـل الحـمـولـه *** سـالـم أبن الـرودسي قـرم العـيالـي
يا سليل خساف مـن عصـر الكهولـه *** كـل منـكـم مـن كـلام العـيـب خـالـي
مـا عـلـيـه مـن حـكي شبـه الثعـولـه *** حيث قدري عند اللي شرواك عالي
كـل مـن ضـم المخـازي فـي حثولـه *** صـار يطعـن في نـزيهيـن الرجـالي
بـس مـهـمـا شـجـعـوه وصـفـقـّولــه *** مـا قـدر يالقـرم يجحـد مـا مضـالي
من ظلـم حـظّـه يحـط الكـذب سـولـه *** مـا خـشي رب المـلأ عـز الجـلالـي
قال عبدالله بن زامل الرودسي هذه الأبيات يسند على عبدالله بن دهيمش بن عبار:
يـا هـيـه يا رفـاع راسـك عـلـى ويـش *** هـيّـد وأمـش بـمسلك الخـط سـيـده
عـبـدالله العـبـار لـو قـلـت حـتى ايّـش *** خلفـة خضر معـروف اعـرق بديـده
مـن عـزوة سليمـان نسـل الحنـاتيش *** فـدعـان مـن اهـل الـفـعـال الـوكيـده
امسك لسانك دوم واحذر من الطيش *** وكـلامـك الـمـسـمـوم احـذر تـزيــده
وختامها صلـوا عـلى صفـوة قـريش *** نـبـيـنـا الـمـخـتـار صـفّـى الـعـقـيـده
قال عبدالله بن دهيمش بن عبار جواب لأبيات عبدالله الزامل الرودسي :
يـا راكـب الـلـي مـد قبـل المغـابـيش *** سـار وطريقـه بـيـن طـلحـه وضيـده
صوب الحفـر يلفي سليل المداغيش *** عـبـدالـلـه الـزامـل خـصـالـه حميـده
يا نسـل مرويـن الرمـاح المـراييش *** أهـل الـفـعـايـل والـعـلـوم الـمـجـيــده
الـلي سمعـت من السوالـف تناويش *** من هـرج الـلي صدره تراكم صديده
الله حسيب أهـل القلـوب المغـاشيش *** أهـل الحسـد وأهـل العقـول الهريـده