موقع قبيلة عنزه الرسمي: الموقع الرسمي لقبائل ربيعه عامه و عنزة خاصه - عرض مشاركة واحدة - قصيدة المائة بيت في تحرير بلاد الشام من الطواغيت

01-01-2025, 06:21 PM

قصيدة المائة بيت في تحرير بلاد الشام من الطواغيت

قال : عبدالله بن دهيمش بن عبار العنزي هذه القصيدة في تحرير بلاد الشام والأنتصار
على الطاغية بشّار الأسد واعوانه :

مـبـداي بـالـلـي بـخـافـي الـسـر عـلاّم *** رب الـمـلأ ارزاق الـخـلايـق كـفـلـهـا
هـو الـكـريـم الـلـي تـفـضّـل بـالأنـعـام *** الـلـي جميـع الخـلـق فـضلـه شمـلهـا
وبعـد ذكـر الـلـه سجل الحـرف بأقـلام *** عـذب القـوافـي قـلـت يالفـكـر قـلـهـا
عـاش الملـك ذخـر العـروبـه والإسلام *** سلـمـان هـو عـز الجـزيـره وأهـلـهـا
سلـمـان نسـل مـلـوك وافـيـن واحشـام *** هـو الـزعـيـم الـلي الأمـانـة حـمـلـهـا
حـقـق لشعـب المـمـلـكـة كـل الأحــلام *** بـجـهـده وعـون الـلـه تـحـقـق أمـلهـا
سـلايـل الـلـي لـلـعــلا والـفـخـر شــام *** صقـر الجزيـره هـو فخـرهـا وبطـلهـا
ومـحـمـد الـسـلــمــان قـايــد ومـقــدام *** الـلي عـظـيـمـات الـفـعـايـل فـعـلـهـــا
الـحـر الأشـقـر مـن مـواكـيـر غــنّــام *** عـنـه أخـمـرت عقبـانهـا مـع حجـلهـا
يـعـطـب صواريـم الصوارم الـيـا حـام *** طيـر السـعـد عكـف المخالب حـبـلـهـا
الـلـه وهـب شـعـب الجـزيـره بـحـكّـام *** حـكـم الـعـدل عـوج القضـايـا عـدلهـا
أشـبـال مـقـرن لـلـعـدا عـوق وكـعــام *** عـن الطـمـان الـلـه رفعـهـا وشهلهـا
وحــنــا بـعــز مـلــوكــنــا عــزنــا دام *** حــكــم الـشـريـعـة مـا نـدوّر بـدلـهـا
ومن طـاش وافلـت مقولـه شـد ببـلام *** مـا يـربـح الـلي العـافـيـة مـا قـبـلهـا
وأبـي انشـر البشرى لفانـا خبـر هـام *** الـعـلـم الـلـي كـبـود الأعـادي دبـلـهـا
فـحـوى الخـبـر تحـرّرت دولـة الشـام *** مـن قبـضـت السّفـاح والـلي انتحـلهـا
تـم الهدف والقصد فـي خيـر ما يـرام *** يـوم البـلـد جـيـش البـواسـل دهـلـهـا
الـشّـرع جـاهـم قـدم الأبـطـال هـجّــام *** صـمـم عـلـى دحـر الطـغـاة وهـبـلهـا
الشـرع يستـاهـل عـلى صـدره وسـام *** خـلا دعــاة الـشـر تـخـفـي خـجـلـهـا
حـظي بنـصـر الـرب يـوم السعـد قـام *** ســاد ورفـيـعــات الـمـنـازل نـزلـهــا
يـا عـل حـكـم الشـرع لـلأمـن صـمّـام *** حـــرر بــلاده والأعــادي ســحـلـهــا
ثـار وهـجـم حـيثـه عـلى الـثـار جـزّام *** قـصّـده يـريـد الــدار يـرفـى خـلـلـهـا
الـلـي لـخـشـوم اعـداه قـامـع ولـطّــام *** ما هاب حتف الموت روحـه بـذلـهـا
حـمـى بـلاده واخـتـفـت عـنهـا الأزلام *** وأهـل الكسـل وأهـل المـذلـه نـفـلـهـا
خـلا الأعـادي مـا لـقـوا درب مـهـزام *** كـلـن تــرك ذخــيــرتــه مــا جـدلـهــا
غـشـاهـم سـيـلٍ يقشـع القشـع طـمّـام *** خــلا مــقــادمـهــم تــغــادر فــلـلـهــا
فـتـك بـهـم بـاسـل غضنـفـر وضرغام *** الـلـي كـلاهـم بـالـمـخـالـب مـعـلـهـــا
انـهـار حـزب الشـر وفـلـول الأعجـام *** هـجّـت هجيـج الصـيـد والـلـه خـذلهـا
زام وتـراجـع جـمعـهـم عـقـب مـا زام *** وراح يـتـسـابـق ذيـبـهـا مـع ثـعـلـهـا
الـلـي لـحـكـم الطـاغـيـه سـنـد وحـزام *** عـلـيـهـم الـخـفـرات تـنـتّـف اقـذلـهـا
أهـل الضـلال اقـفـوا مـع الريـع خـرّام *** وتـلاشـت جـنـود العـجـم مـع اشللهـا
والـلي فـزع عـوّد عـلى خفاف الأقـدام *** حـلّـت بـهـا الـنـكـبـة ودلّــت دولـهـا
من شاهـد الـلي صار لـو هـج ما يـلام *** مـلـيـشـيـا الـعـدوان خـلّـت احـلـلـهـا
احـمـد يـعـالـج مـن بـه نـحـاز وهـيـام *** مـل الـجـروح الـمـسـمـلات ودمـلـهـا
حـافـظ عـلـى كـرامـة الشعـب والـنـام *** وعـن الـدرن ديـرة جـدّوده غـسلـهـا
صـارت بـلاد الـشـام تـزهــو بـهنـدام *** وتـزيـنـت بـالـمـحـتـفـل فـي اكـلـلـهـا
بالرقـص والدبكـة عـلى زيـن الأنغـام *** ترقـص فـرح ما هـي مسارح وملهـا
حـس الغـنـاء وأصـوات طبلـه ودمـام *** غـنّـت شـعـوب الشـام فـي محتـفلهـا
مـظـاهـر الـبـهـجـة بـهـا كـامـل وتــام *** يـوم الـذي قــاد الـفـصـايـل دخـلـهــا
والـلي فـتـك بـالشـعـب فـي كـل الأيـام *** هـرب وخابـت خـطـتـه مـن فـشلـهـا
هـرب قـبـل يـرداه بالعـنـق صـمـصـام *** سيـفٍ رقبتـه عـن مـتـونـه خـزلـهـا
يا لـيـت لـو جـروا عـلى حلـقـه حسـام *** خبـيـث روحـه مـن جسدهـا نسلهـا
السيف فـيـه عـلاج مـن صابـه اسقـام *** أهـل الطـغى والكـيـد يـبـري اعللهـا
الـلـي بـدولـة سـوريـا يـعــمـل اجــرام *** كـم مسـلـم مـسالـم رقـبـتـه فـصلـهـا
عـلى مـواطـن سـوريـا خـنـجـره سـام *** بـه نـاس يـنـحـرهـا ونـاس اعتقـلهـا
كـم جـادلـن تـلـبـس دنـاديـش وزمــام *** عـقـب السعـادة فـجعــوهـا بـرجـلـهـا
والشـب الـلي في مبتـدأ عـمـره غـلام *** روحـه نـزعـهـا مـن جـسـدهـا نـتـلهـا
يا كثر اللي من شوحط السوط ما نـام *** من جـور الـلي سلـوم الطغاة انتحلهـا
تـفـرّقـوا شعـبـه عـلـى العـالـم اقسـام *** وسلطت عـدو الشعـب ما أحـد سـألهـا
الـلـي لـجـأ يـسـكـن عـرازيـل وخـيـام *** والـلـي بـه الـسـجّـان يـلـعـب ويـلـهـا
والمكبـس الـلي ورده يطـحـن عـظـام *** وشبـيحتـه فـي طحـن الأجساد ولـهـا
اكـثـر مـن اعــداد الأرامــل والأيــتـام *** وبـاد العـرب يـوم المناصـب شغـلهـا
الشعـب عـنـده مـثـل قطعـان الأغـنـام *** مـن قـو صبـره صـار مضرب مثلهـا
يـسـمـع دعـايــة كـل مـخـبـر ونـمّــام *** الـلي الـوشـايـه ضـد غـيـره نـقـلهـا
حكـم الشريعـه عطّلـه وأصـدر احكـام *** طغـى وبـغـى وسـادات شعبـه قـتلهـا
مـلـحــد ولا صـلّـى لــربــه ولا صــام *** ولا يـوم مـكّـة فـي حـيـاتـه وصـلـهـا
ولا يـوم قـالـوا مـعـتمـر لابـس حـرام *** ما يـرغـب الجنـة وصـافي عسلـهـا
سـلـك طـريـق الـلي يعبـدون الأصنـام *** أحـيـا المـراقـص والمساجـد قـفلهـا
وخـلا عـمـوم الشـعـب للـفـرس خـدّام *** يـنشـر مبـاديـهـا ويخـشـى زعـلـهـا
ما بين فارس والعـرب حرب وخصام *** الـفـرس مـا نـنسى فـضايـع عـملـهـا
فـي مـاضـى الأيـام بـحـروب واصـدام *** ذي قـار بالـتـاريـخ مـا أحـدٍ جـهـلهـا
بـكـر وعـنـزه بـاغـتـوهـم من اشـمـام *** مـثـل الـرعـود اليـا تـواصـل هـلـلـهـا
العـزوة الـلي ضـربهـم يـرمـي الهـام *** رب الـمـلأ عـلـى الشـجـاعـه جـبـلـهـا
بالمطـرد عـج الـرمـك بالفـضـاء عام *** غـطّـى جـميـع جـبـالهـا مـع سهـلهـا
خـيـل الـعـجـم مـا ردهـا الكـع بـلجـام *** أقـفـت بـسـرعـه مـا تـسيـر بمهـلهـا
ولّـت مـع البيـداء تسابـق لهـا زحـام *** شعـيـب الأبـلـه خـلّـبـت فـي وحـلهـا
والهجـن تـجـفـل كـنهـا جـول الأريـام *** مـثـل القـطيـع الـيـا حـداهـا فـحـلـهـا
معـهـم عـلى الأفـيـال نشّـاب وسـهـام *** ولا منهـم الـلي سهـم قـوسه نبـلهـا
بـواسـل الـشـجـعـان خـلـوهـم ارجـام *** بـسيـوفـهـم قـصّـوا خـراطـم فيـلـهـا
انهار كسرى وأرغموا جيشه ارغـام *** الـرعـب خـش قـلوبهـا مـن زمـلـهـا
حـنـضـلـه أبـن سـيّـار للغـوش نـهّـام *** حـلـيـلـتـه قــطّـع بـطــايـن جـمـلـهــا
وهـانـي ابـن مسعـود وانجـال بسطام *** كـلّـن سـيـوفـه لـلـحـرايـب صـقـلـهـا
ذربـة سـلايـل عـوف واحـفـاد هـمــام *** حـمـوا دخـيـلتـهـم ولا أحـدٍ شـبلـهـا
واليشكـري شجـاع مـن خـلفـة اكـرام *** السـربـه الـلـي مـن تـلاتـه زهـلـهــا
الـمـعـتـدي عـقـب العـيـا عـاد منظـام *** اجـسـادهـم نـسـر القـشـاعـم أكـلـهـا
والـذيـب جــر عــواه داعــي وعــزّام *** وثـعـالـب الـغــابـات مـلّــت ادحـلـهـا
جـيش العـجـم أقـبـل لـذي قـار دحّـام *** وحـلّـوا بـكـر باخـفـافـهـا مـع ثـقـلهـا
والـيـوم بـديـار الـعـرب ركــز أعــلام *** وجـمّـع شـراذم مـن سفـايـل هـملهـا
غـزا البـلاد وهـو عـلى الفـود معـتـام *** مــزارع الـفــلاح يـقـطــف سـبـلـهـا
شـعـب الوطـن مـا نـال مـلـيّـم وغـرام *** والفـرس تجـني من غرايس نخلهـا
عـبّـى مـن الـخـزنـه صـنـاديـق ودرام *** مـن غـلّـت الـدولـه سرقهـا ونطلهـا
والـلي تـبـعـهـم تـقـل يـنـقـاد بـخـطـام *** قـادوه فـي حـبـل الرسـن قـود بـلهـا
حـزبـه لـواحـق والمناخـر بهـا خـزام *** والحلـف عـن جمع العروبـة عزلهـا
وتـحـالـفـوا مـا بينهـم عـبـر الأعـوام *** حـلـف الـعـدا مـا فـيـه مسلـم قـبـلهـا
مـذهـب دعـاة الـشّـرك فـاسـد وهـدّام *** وأهـل الـضـلال الـكـل يـفهـم دجـلهـا
عـمـي البصـر جـهـال تحـتـاج لفهـام *** لـو كـان تـفهـم مـا تـمـادا بـجـدلـهـا
الـلـي لـنــار الـشـر مــوقــد وضــّرام *** شبّت ولبّـت واحـرقـت مـن شـعـلـهـا
طـاع الـذي يـنشـر خـرافـات وأوهـام *** مـا عـاد يـعـرف جـدهـا مـن هـزلهـا
مـهـمتـه بـيـن الـعـرب قـطـع الأرحـام *** ونـواصـر الـسّـنـه درقـهـا وخـتلهـا
عـاف الـرفـاقـه والقـرايـب والأعـمـام *** ومشى مع الـلي ضد قومـه حـولهـا
ظـالـم وخاوى مـن أهـل الـبغـي ظـلاّم *** مع جمع الـلي كل الشعوب اعتزلها
مـن حـالـف الأشـرار لـفــوّه بـالـخــام *** جـاه الـلـدود الـلـي رقـبـتـه فـتـلـهـا
نـادا وصـاح بـعــالـي الـصـوت زهّـام *** يـنـخـى سـيـاده لـكـن الـلـه نـجـلـهـا
الـلي بـسـادات الـعـرب فـجّــر الـغــام *** نفسـه عـن افعـال الخـزا مـا عـذلهـا
سـود الـفـوايـل رابـضـة كـنهـا اهـرام *** وديـارهـم صهيـون خـش بـدغـلـهـا
الـلي اعـدم السـنّـه نـهـايـتـه الإعـدام *** جـثـتـه مـن تـحـت الـركـام انتـشلـهـا
سـلّـط عـليـه الـلـه عصايـب ابـراهـام *** عــاف الـصـراع ومـر كـبـده تـفـلـهـا
جـاه الـيـهـودي فـي تـعـالـيـم حـاخـام *** كـم شخص بالجـوال عـينـه سملهـا
هـذا جـزأ الـلي قطّعوا روس الأشـوام *** كـم روح مسلـم هـم سبـايـب أجـلـهـا
والـخـاتـمـه صـلـوا عـلـى خيـر الآنـام *** عـدد شجـر أرطـى النـفـود وعبـلهـا