جزأ بن مرجي بن غانم من القواسم من الزبنة من العلي من الدهامشة رجل نبيل متواضع يتصّف باللطف والكرم والصدق وتبدو عليه علامات الوقار ويحب فعل الخير ومن شواهد نبل هذا الرجل ما قيل به من شعر من رجال يثنون عليه ويشكرون مواقفه الطيبه ومن كانت هذه صفاته فهو جدير بأن يمدح ويثنا عليه وهذه عدد من القصايد التي قيلت في مدح جزأ بن مرجي العنزي قال الشاعر فرحان بن قيران الجميشي يثني على جزأ بن مرجي الزبيني :

الـبـارح الـدنـيـا عـذاب ومـســرات *** قـضيـتهـا بـيـن الـدفـاتـر والأقـلام
أخذت لي مع ضيقت الصدر سجات *** كلي تعـب والجفن غمض ولا نـام
الراس بـه صجـه وبالصـدر ونـات *** ودورت لي عن عتمة الليل مهزام
ما والله اقضي باقي الليل حسرات *** الحـر لا شـاف القهـر للسماء حـام
حلقـت بأفكـاري ونظـمـت الأبـيـات *** كررتهن بالـراس مـا جبتهـن خـام
عـنـدي لتكريـر الجواهـر محطـات *** حذف الشوايب عندهن طبع الوهام
أبي أمدح اللي فيـه للطيب شـارات *** فعـله يسلي ضـايـق الصـدر ياقـام
سلام يا راعي الشرف والمـروات *** يا فـزعـت المظيوم يا جـاك منظـام
لـك يا جـزأ مرجـي سلام وتحيـات *** اسوقهن مـن مطـلع الشمس للشام
عسى حياك يا أبو مـرجي مسرات *** مدحك علي يالدهمشي فرض ولزام
لـك سيرة فيـهـا عـلـوم شـريـفـات *** مـا هـي علوم متابعت شين الأفلام
عـندي عـلى ماقول تأكيد وأثـبـات *** كـمّـل مـعـي يـا طـايـب العـلـم قـدام
كسبت في عـرعـر علوم طريفـات *** مـا تنحصي لـو حسبوهـا بالأعـوام
ولـك بالرياض من المراجل ملفات *** يا قـلـبـوهـا تـرفـع الـراس والهـام
وأذكربعض طيبك مع أهل القريات *** فـعـلـك مـوثـق بالحقـايـق والأرقـام
واليـوم في نجـران يا طيّـب الـذات *** خدمة وطن لشرف علم بين الأعلام
مخلص لدينك مـا بـدربـك متـاهـات *** ثـم الملك ثـم الوطن شرع الأسلام
لـو غـبت عـنـا بالـديـار البعـيـدات *** مـا تـنـسي يـا فخـرنـا عـبـر الأيـام
تـزهاك تيجـان الفخـر والمقصّـات *** قـايـد حـقيقي ثـابـت القـلـب مقـدام
عـنـد الشـدايـد تـنـتـبـي للمهـمـات *** راعي مواقـف يابـو مرجي وجزام
صارم وطيّب تفعـل الخيـر بسكات *** اسعد بشر من صرت له درع وحزام
لـك الوفى قصه وبالفـعـل وقـفـات *** تبقى لراس الدهمشي تاج ووسـام
عـادتـك فعـل المرجلـة والجمـالات *** صنديد وأفعالك جـزيـلات واعظـام
تشيل عسرات الحـمـول الثـقيـلات *** يا قـامـت الحـّمى تراجـف بالأقـدام
تعيش يا راعي الفعول الصعيبـات *** يـوم أن بعض الناس فعله بالآحلام
بعض البشر ميّت وهوما بعد مات *** ولا أحـدٍ بـهـالـدنـيـا تـخـّلـد ولا دام
أنت الكريم اللي صحونـه وسعـات *** تـدري نهايـات البشر قطعـت الخام
أفعل عسى يفـداك راعي الملـذات *** وخـل الرخوم يفيدهـا كبـر الأجسام

وقال الشاعر سلامة بن محارب اللعاق الدهمشي يثني على جزأ بن مرجي

سلام يالـلي صـرت للطيب عـنـوان *** يـالـلي تـفـاخـر فـيـك كـل السميـه
سـلام مـن قـلـب مـن الـود مـلـيــان *** يـعـلـم بـه الـلـي عـالـمٍ بـالخـفـيـه
لـك يـا جـزأ مرجي تحيه وعـرفـان *** شكرك ومدحك صار واجب عـليـه
امدحك يا راعي المكارم والأحسان *** قصـدي فخـر مـاني مـدوّر عـطيـه
نفخـر بفعلك كان وقت الفخـر حـان *** يـا حـل ذكـر أهـل الوفاء والحمية
يا ملتجأ الأصحاب كان الزمن شان *** يا نـاطـح القالات لـو هـي عصيـه
بعـد الـولي بالضيق ملجـأ ومزبـان *** صنـديـد بـالـشـدة عـزومـك قـويـه
دايم على الطولات والطيب شفقـان *** نـفسك تـروم الطـيـب نـفسٍ أبـيـه
تاريخـك أبـيض مـا تلـّوث بالأدران *** عـالٍ جـنـابـك مـا وطـيـت الـرديـه
فعلك عـلى ماقـول شاهـد وبـرهـان *** يـا عـز مـن ضاقت عـليـه الفضيه
لـو كـنـت عـنـا منـتحي يـم نـجـران *** نـزهـم عليـك اليا اعسرتنا قضيـه
عساك دوم بعـز مـن عـالي الشـان *** اقـولـهـا مـن قـلـب مخـلص ونـيـه
يا ملتجـأ مـن كـان حـايـر وزمـلان *** هـذا كـلامـي والـسـريـرة نـقـيــــه
واختامهـا اهـديـك يا طيـر حـوران *** مـثـل بـدايـتـهـا ســلام وتـحـيـــــه
تمت وصلى الله على أشرف أنسان *** الـلي عصم عن كل ذنـب وخطيـه

وقال الشاعر بشير بن محمد الحجر يثني على جزأ بن مرجي العنزي :

عسى جـزأ مرجي تـعـداه الأدراك *** ويا عـلـنـا مـا نفتـقـد طيّـب الصيت
لي الفخر يا جيب علمك وطريـاك *** وفعلك ينومسني بما شفت وأوحيت
يلقا المسرة خاطره كـل من جـاك *** مـا عـمـرهم قالـوا بخـلـت وترديـت
ترفع مقـام الـلي قصدك وتـنصّاك *** والـيـا بـدت لـه حـاجة مـا تـتـقـيـت
تعيش يامـن تفعـل الخيـر يـمـنـاك *** المـرجـلـه عـلـى قـراهـا تـسـاويـت
أن عـد منسوب الفضيلـة ذكرنـاك *** حيث أنت من لـب الفضيلة تغـذيـت
معادن الجوهـر من أدناك لقـصاك *** وعـلى الكرامـة والشهامـة تـربيـت
ووجهـت للشيـمـة طلايع نـوايـاك *** ووصلـت مـيـد الطيبـيـن وتـعـديـت
كـم واحـدٍ عـلى لـزومـه تـمـنـــاك *** يـا بـان عـجـز ممشطين التـوالـيـت
اللي اليا جاء لازمه ماهو شرواك *** هـل التمهـزي والحيـل والمشاخيت
يـا عـل ذولا يـابـو مرجي فدايـاك *** هـكـا العـفـون مصاحبين السرابيـت
يعجزون ما يسوون مثل سوايـاك *** مـا عندهـم كـود الحسد والتناهـيـت
تمسك زمـام الطيـب قبـل ايتعـداك *** يـا مـا فعـلت من الجمايـل وسويـت
كم واحـدٍ عـلى الصعيبات ينخـاك *** والـيا مشيـت بلازمـه مـا تـبـاهـيـت
زبـن الضعيف اليا زبنك وترجـاك *** تقضي لـزومه لـو تحمـلـت تشميت
عسى الولي يحفظ جنابك ويحماك *** بجاه الرسول وجـاه من حج للبيـت
وعسى الولي يسعد حياتك بدنياك *** وايحقـق احلامـك عـلى مـا تـمنيـت
وصـلاة ربـي عـد دورات الأفــلاك *** عـلى النبي ختمـت قـولي وصليـت

وقال الشاعر رمضان الدربي العنزي هذه الأبيات يثني على جزأ بن مرجي

يالـلـه يالـلي بقدرتـك تـبعـث الميـت *** يا رازق الـداب العمى بـالجحـاره
يالخالـق الـلي فـوق خلقـك تـعـليـت *** يا محيي القاع المحل من امطـاره
نرجي حنـانـك مـا لغـيـرك تـرجيـت *** ياللي جميع الخلق محصي عماره
يا بو مرجي عن حاجتي ما تخفيـت *** بـذلـت مجهـودك بـعــزم وجـداره
يا ابن الكريم اللي لفعله طلع صيت *** يـالـوايـلي يـا عـز ضيـفـه وجـاره
يـالـلي سنـام الـمجـد فـوقـه تعـليت *** وعند الذي شرواك ما هو خساره
يـالـلي الـيـا مـنـا نـصـينـاك هـليـت *** مـن قـلب صافي ما تعرف القماره
عـلـى الـلـوازم تـنـتبي مـا تـتقـيـت *** يـوم الردي يبدي سمين اعـتـذاره
افـعـال ربـعـك بـيـّنٍ يـشـبـه الـلـيـت *** أركـوا عـلى كبد المعـادي حـراره
من زارهم يقلط على مفطح العيـت *** بمجـالـس تـلـقـا الـكـرم والـوقـاره
وصلواعدد ما طافوا الناس بالبيـت *** على الرسول المصطفى بالطهاره
يتبع