* الشاعـر محّرق بن غيلان بن مغامس رحمه الله من كبار السعيدان من المهيوب من الأشاجعة ومن الوجهاء وقد تعرض لفاجعه حيث توفوا أخوته الثلاثة في خلال سنة وكانوا من خيرة الرجال وتركوا خلفهم ذرية صغار وكانت ظروف محرق المادية لا تغطي نفقات هذا العدد من تركت أخوته فتحمل عبء إضافة إلى حزنه العميق على أخوته وقد بكا على أخوته بكاء موجع وحزن حزناً مفجع ولكن العزاء الوحيد لمحرق هو أنهم انجبوا أبناء ويأمل أن يكونوا خير خلف لخير سلف وهكذا الدنيا لا تبقي ولا تذر وله قصائد كثيره في رثاء أخوته منها هذه القصيدة يقول :

وقـلـبي الـلي منـفجـر دون صـمـام *** لا فات فايت ما نفع كثـر الأصوات
شبح النـواظـر بـّدل الـنـور باظـلام *** ولا عـاد بقـالي للمسيـر اتجاهـات
الحـظ طـاح ولـو تـشافيـت مـا قـام *** عـيـا يـساعـد بـالـرخـا والمهمـات
والـلـه يـا لـو الحـظ للبـيع وايسـام *** لا سوم احظوظ بالمواقف سمينات
حظي يـبي يرجع وأنـا أنحـاه قـّدام *** وتـلاشـت أيـام الـطـرب والـملـذات
لـو أيـتـضـيـّر بـالمضايـيـر مـا رام *** دنيـا انظرتـنـا بالعيـون الغضيـبات
الحـظ بعـصـر الجاهـليـة والإسـلام *** يـحـط مـا بـيـن الخـلايـق مسافـات
دنيـا أدبرت بحدور عـام بأثـر عـام *** عقب الهنا صارت تحسر ولوعات
يـا مـا كنيت اهمـوم قـلبي إلـى زام *** ويا ما كنيت بداخل الصدر عبرات
الـهـم يـأتـيـنـي عـلـى غـيـر عـزام *** والفرح لو اجهدت في دعوته فات
والـلـه لـو بيحـت سـدي فـلا انـلام *** وأظهـرت مكنون السدود الخفيـات
بالأمس كنـت اسابـق اللـيـل وانـام *** واليوم نومي يا فتى الجود غفوات
كانت اسود الغاب عـني لهـا الجـام *** مار الثعالب صارت اليوم جسرات
وأخـوانـي الـلي للمنـاعـيـر سطـام *** لا صـار بطراف العشيره امناخـات
واخواني اللي ماكر الجود وأكـرام *** أيـمانهـم بالجـود والبـذل عـجـلات
واخواني اللي ما رضوا سب ذمـام *** دايـم ايـديهـم بالمـراجـل طـويـلات
واخواني اللي لا شكا الظيم منظـام *** عـمـارهـم عـنـد الملاقـا رخيصات
واخواني الـلي لا حشـم كـل حشـّام *** بهـم الحميـة عـنـد كـل الجماعـات
واخواني اللي شفتهم مثـل الأحلام *** الـنـافـلـيـن أهـل العـزوم القـويـات
واخـوانـي الـلي لا جـزم كـل جـّزام *** ماهم من أصحاب العـلوم الرديـات
واخـوانـي الـلي يـوم للكـون زهـام *** مثل السباع الضارية وسط غابات
وأخواني اللي باللزم جنـد واحـزام *** لا صـار للأرواح بـيـعـه وشـروات
يـا مـا نحـوا مـن فعـلهم كـل ظـّلام *** وياما نحوا في سابق الوقت سيات
أرداهـم الـلي يـدور المـدح مـزرام *** واعـلومهم بـيـن الأجاويـد جـزلات
مـا يجتمع وزن القنـاطيـر واغـرام *** ولا ظـني القصديـر مثـل الجنيهات
عـدوهـم مهجـور بـه قـيـد وخـزام *** وصديـقهـم دوم بمسـره وكـيـفـات
عـاداتهـم يرسون بالموقـف الهـام *** جربتهـم بالضيق مـا هـي دعايـات
نسـل الـذي بالكـون للخصـم لـطـام *** لـطـّــام لـلـعــيـال يــوم الـقـوامـات
لبسو الجوخ بدور الأتـراك وأروام *** جاهـم بحـد السيف ما فـيـه مـنـّات
لـو كان الـلي سـووه يكتب بالأقـلام *** أفـعـالـهـم يـوم المـراجـل كثيـرات
دنياي صارت عقبهم حرب واصدام *** واليـوم مـن بقعـا تلقيت صدمـات
تـرمي علينـا من شنيعـات الأسهـام *** صالـت علينـا فـي مدافـع وقـوات
والـعـمـر تـالـيـه الفـنـا ثـم الأعـدام *** وجـروح قلبي بالضماير خطيرات
جسمي نحل واللي بقا جلد واعظام *** على الثلاثـة صار بالجسم عاهات
أبكي على اللي باللقا ضد الأخصام *** يـوم الأمـور الكـايـدات الصعيبـات
اللي اشتكـا مـن ظيم يأتونه اشمام *** أهـل القـلوب الصامدات الجـريـات
الـلـه يـخـون الـوقـت لـلـعــز هـدام *** لــو كـان مـره زان يـشـيـن مـرات
الـلـه يـدوم وبـاقـي الخـلـق مـا دام *** ولا تـرى الدنيـا بـهـا بـوق غـرات
راحوا اللي في طاعـتي تـقـل خـّدام *** واللي سلبته ما اخبر قال لي هات
وإلى حصل عند اللقا كون وازحـام *** لهـم عـلى كسر المعـاديـن عـادات
الـكـل مـنـهـم لـلـحـواسـيـس لـمـّام *** وعـزومهـم بالضيق دايـم رهيـات
الـلـه عطـاهـم كامـل الفهـم فـلهـام *** أيضـاَ ولا داروا لـلأقـراب عـثـرات
يـا مـا توطـوا زايـد النفس بـاقـدام *** مـالـه سـعـد مـع كاسبيـن النفيلات
أقـفـوا عـن الدنيـا سريعيـن الأولام *** دنـيـا دنـيـه مـا عـلـيـهـا حسافـات
أقـفـوا وخـلـونـي اطـالـع بـالأيـتـام *** يـا حسرتي ما يسمعـون المنـادات
وأصبح بعيني شوفهم مثل الأفـلام *** يـوم أتـذكّـر صـار بـالـقـلـب كـيـات
لوا وجـودي وجد من يشري الخام *** يشري كفن غاليه بالخص بالـذات
لـو فاضت العبرة على كل ضرغام *** ربـيـع قـلـبي بالسنيـن الخصيـبـات
ما صار صار وكل جاري له احكام *** والموت مـا وفـر مشايخ وباشـات
ربعي غدوا من زايد الغيض كضّام *** على الرجال أهل الفعول الحميدات
مـا همهـم جـمع الغـنـايـم والأنعـام *** وشعاد لو راحت اوشعاد لـو جـات
يبكـون صلفيـن الرجاجيـل وازمـام *** اخـوانـي الـلي للمنـاعـيـر لـقـوات
وسط القبيلـة بالفخـر قـدرهـم هـام *** واعلـومهـم بـيـن القبايـل كبيـرات
من عقبهـم لـو ابني بيوت واخيـام *** دنـيـاي جـارت والليـالـي تعيسـات
والكيف عني بعـد صنعا عن الشام *** ولا هـو أبعـد مـن حـدود الولايـات
فـقـدت عـزي يالـرفاقـه مـن الـعـام *** واليوم ساهر يمضي الليل ما بات
مقسوم ربك يرمي الطيـر لـو حـام *** عـنـدي يقين وكاتم الصدر بسكـات
مات الرسول اللي قشع كل الأصنام *** ولا حـي الا قيـل عقب البطأ مـات
لا شك ليـت الموت عن مثلهم شـام *** مـا ودي الطـيـّب تجـيـه المـنـيـات
والموت عن كـل المخاليق ما صام *** يرمي على نحورالمخاليق صليات
ياخـذ جميع الـنـاس يـدحـم وكهـام *** والعبـد بأعـمالـه يـنـال العـقـوبـات
والعمـر لـه تعـداد يعـرف بالأرقـام *** ولا فـاد من صابه مذلـه ورهـبـات
مـا فـاد الـلي مالـه قناطير وأكـوام *** ولاياقي عن الموت جمع الألوفات
بـاح العـزا لـو كـنـت لـلسـد كـتــّام *** عبـرت من صدري تناظيم الأبيـات
فـجـعـنـي الـلـي للمـخـالـيـق قحـّام *** هـيهـات لـو نبكي يالأجواد هيهات
لا شك مـا يـاقى عـن المـوت كمـّام *** تـوقعـه يأتيك فـي ظـرف لحـظـات
ما شفت اللي داله على خير مايرام *** الكل جرب من غثا الوقت صفعات
والـكـل صـابـه بـالأصـابـيـع لـكـّـام *** ودنياك مـا فيهـا وناسه وغـفـلات
دنـيــا تـبـّيــد كــل هـاقـي وزعــّـام *** دنـيـا الشقـا دايـم تجيب الشقاوات
يـا مـا هـفابـه مـن قوييـن الأعـزام *** دنـيـا النكـد تـأتي علومه شنيعـات
المـوت سيفـه طاعنٍ كـل الأجسـام *** والعـبـد بالـدنـيـا سنيـنـه قصيرات
المـوت يقصب بالبشر قصب لحـّام *** كـل يـوم تسمع للمفاجيع صيحـات
مـا يمهـل المخلوق لو بعض الأيام *** عسى الولي يغفر جميع الخطيـات
يحـفـر لدسمين الشوارب بالأكـزام *** الـلي لهـم بالطيب فعـل وشهـادات
يا الـلـه يـالـلـي بـالـخـفـيـات عـّلام *** يـالـمـطـلـع بـالـبـيـنـه والخـفيـات
يا ناصرٍ نبي العرب هـم والأعجـام *** أسمح لنـا يارب عـن كـل مـا فـات

يتبع