تابع
وقال فهد بن صليبيخ هذه القصيدة عندما ثوت ذلوله :

يا الـلـه يا اللي تعـلم الغيب يا الـلـه *** فـي جـاه بـيـتـك والـذي زايـريـنـه
الواحـد الـلي كـون الكـون وأنشـاه *** يحسـب خـطـاه ولا يـراعي جبينـه
خـمسة وخـمسة والركايـب مثـنـّاه *** مـا دار بـهـا دوّار دارٍ ضـفـيـنـــه
كيف الذلـول وكورهـا الفلج غطـاه *** وهي أقشـر الحرجات يا حاضرينه
لـولا الـولي ثـم بـالي البطـم لـولاه *** شــرايــد الـحـيـيـن مـنـا ظـنـيـنـــه
أدعـي لـعـل أن الصـواعـق تــدالاه *** سماء وماء تـمشي عليـه السفينه
يـا بكـرتي صبـراه صبـراه صبـراه *** لابــد مـا تـفـلـيــن فـاوٍ تــبــيــنـــه
الـلي حـذاه بصيفته وين أبي ألقـاه *** مـدنـاه لا وعـرة ولا هـي مـتـيـنـه
يامن خبـر طـرد الهـوا كيف يسلاه *** جـمـيـعـكـم بـالـلـه يـا خـابـريـنـــه
البعـد هـو يجـفـا المحبـة ويـمحـاه *** ومـن باح صبره عسى ربـه يعينـه
عسى ينساني خالقي كـان أبنسـاه *** ألا أعـضـاي وجـثـتـي دافـنـيـنـــــه
رديـت لـه جـزوى بحـرف التحـيـاه *** والـخـط هـو يـقـراه يـا نـاقـلـيــنـه
وأن ما كفـاه الخـط عمـري فـدايـاه *** والروح لا والـلـه مـا هـي وزيـنـه
الـروح من حـذواه والشـاهـد الـلـه *** وبالنفس بس أرضاه لا تـزعـلينـه

ومن شعر فهد بن صليبيخ قصيدة طويله منها قوله :

يا نجد والـلـه ما تسـوى سـوايـاك *** نفسك عـلينـا مثـل نـفس المهـاوي
اليـوم أبـن مـقـرن حكمـك وتـولاك *** خـلا ردوفـك والسنامي امتسـاوي
لـّوح عـلـيــك وثـم شــدك وخــلاك *** أطوع من النضوى ذلول اللحـاوي

وقال فهد بن صليبيخ هذه القصيدة ويقال أنه القاها إمام الملك عبدالعزيز ابن عبدالرحمن آل سعود طيّب الله ثراه :

يـا منـاديـبي فـوق شيـب تـرحـلـوا *** عرامس حـرار مـن ضـراب جهـام
خـوذوا من القـلب المشقى وصيـه *** لأبــن الإمــام وبــلـغــــوه ســـــلام
ألـذ مـن القـراح في سـاعـة الظمـأ *** كـبــدٍ ظــمــيـه ثــم جــاهــا حـيــام
صبـح أربـعٍ تـلـفـون بحـدود ديـره *** غـرب الحزوم الحمر صوب حـزام
كـن بهـا شارات القـديـم المضيحـة *** خشب دوح من جرد السنين جثـام
يـا دار مـا تـدريـن مـن خـلـفـوبــك *** مقـابـيس شـر ولـلـحـريـب اكـعـام
يا مـا جـابـوا مـن طحـوح مدلهمـه *** عـلى ضهـور قـب سريعـات أولام
مـعــهـم نـوادر شـمـرٍ والـغــفـيـلـه *** تـرى الـلي مـا شافـه يقـول حـرام
مـقـرهـم قـصـر بـه الـنـد والـنــدى *** يـا مـا قـلــط بـه مـن فـقـار سـنـام
ويـا ذبـحـوبـه مـن ردوم وحــايــل *** ويـا مـا أشبعوا من عـايـز وأيـتـام
ذولا مـقـابـيـل تـو مـا حـيـي بـهــم *** وذولا جلوس عـلى الفرش حشـام
وذولا جـو للصلـح مـا جـو لغـيـره *** يـزورون مـن خـلا الصـديـق يـنـام
هـذي فـعـايـلـهـم ولا داومـت لهــم *** وغيـر الـولي بالكـون مـا أحـدٍ دام
ونعـم بأبن مقـرن يـوم قـيـل نالهـا *** حـكـم نـجـد وهـو لـلمسلميـن أمـام

وقال فهد بن صليبيخ عندما ضاف عند أحد الأعراب وسمع طفلة تنادي لأحد الفتيات وكان هذا الأسم مطابق لأسم يعرفه أبن صليبيخ
فتنبه لهذا الأسم وعندما شاهد صاحبت الأسم أتضح له الأختلاف بين الأسمين فقال :

الـلـه لا يــجــزأ غــريــر يــنـــادي *** بسم غـريـب وفطّـن القـلب لا عـاد
وصاحـبي دونـه فيـاض وحـمـادي *** والدبدبـة والبطـن وخشوم الأنفـاد
عـزي لـعـيـن مـا يجـيهـا الـنـوادي *** بـينـه وبـينـه واقـف عسكر أكـراد
وقـلـبـي كـمـا كيـت بـراه البـيـادي *** ولا فــحــم كــيــر تـــولاه حـّـــــداد
ولا ينـوش أقـصـاه فـرخ الجرادي *** ولا وقـف عـن روضـة القلب ذواد
لـو أتـمـنـى والـمـنــا قـبــل أفـادي *** كـان أتمنـى ومنوتي ظبي الأجـراد
أرجـي مـن الـلي ترتجيـه العـبادي *** أرجيـه يجمع شملنا عـقـب الأبعـاد
وخـلاف ذا دنـيـت سـمـح الأيـادي *** أسرع من الـلي روّح العصـر فهـاد
عـليـه مـن يوصـل سـلامي ودادي *** سـلام أحـلا مـن لبـن شقح الأذواد
وأخـن من فوحـات مسك وزبـادي *** وأحـلا من الفرتـك عـلى كبـد ورّاد

وقال فهد بن صليبيخ من قصيدة طويلـه نقتبس منها هذه الأبيات يقول :

الـريـل جـابـتـه المكـيـنـة سـريـعي *** متحـظـي نـار الـمـكـيـنـة أسـتـادي
في يـد ظـريـف وعـالـم لـه مطيعي *** يـأكــل فـحـم ثـــم يــذبــه سـمـادي
لا أقبل عـلى النقطة غداله قضيعي *** قضيع هملـول ضـرب سلـب وادي
يا الـلـه يا الـلي طالبـك ما يضيعـي *** يـا رازق الـبـري وراعـي البـلادي
تـفـرج لـنـاس مـا لـقـت مـا تبيـعي *** راحـت حـريـمـه بـالقـرايـا قعـادي
عـقـب البـيـوت البـينـه والقـطيعـي *** ودحـم الضديـد ومنـزل بالحمـادي
ألا والـيـا جـاهـم غـريـب مجـيـعـي *** يـدور حـولـه مـا يـحـط الــهـوادي
جـاهـم مـن الـقـبلـة جـراد يسـيعي *** أكـثـر من السنبل ليـالي الحصـادي
يتبع