تابع
وقال فهد بن صليبيخ هذه القصيدة يمدح الشيخ مقحم بن تركي بن مهيد
ويثني على بعض الرجال الكرماء من شمر وغيرهم :
قـلـت أقـرضوني يـوم لاذن الأفـواد *** أبي اتنصى صـوب جـزل العطـايـا
أحفيت عـن مـرذي المراميل نشـّاد *** مـرمـوع قـلـبـي بـيـنيـن الـبـنـايــا
نصه على شيخ عـلى الجود معتـاد *** مـقحـم إلـى عـدو رجـال الحـمـايـا
ابـن مهيـد الـلي كـما الشـط مـيـراد *** مـداهـلـه مـن كـل فـج ونـحـايـــــا
صيته طلع من نجد يذكر إلى غـــاد *** لأرض اليمن وديار عـوج اللغـايـا
اللي يصوت بالعشى في غلا الــزاد *** ريـف الضيوف ومتعبين المطايــا
نسل الكرام اللي لهم صيت وأمجـاد *** بحـفـايـظ تـقـرأ عـليهـم وصـايــا
الـلـه لا يــقـطـع مـواريـث الأجــواد *** ويجعـل لحـاميـن الـدبـايـل تـلايــا
ويعـيـن مفـنين الخـزايـن والأنـفـاد *** إلـى عنكضت غبر السنين الردايـا
مقحم إلى كـن المطـر والدهـر عـاد *** وصارالطمع بالقوت محي الهفايا
رجالهم لا عنكض الـوقـت هـو زاد *** بكفخ النجـوم ونقـص مي الـركايـا
من حـط عـن ميغـاب الأيـام مسنـاد *** بحـر النـدا مقحـم حـميـد السجايـا
كنـك عـلى الخـابـور لا جـيـت وراد *** ولا عـلى هـداج مـروي الـظـمـايـا
أمـا الـعـدم مـلـكـاد شـداد بــن عـاد *** لا طـاردت يـمنـاه حـوض المنـايـا
مجناه من حصن الرمك صادي الماد *** لا قال أخو قـطنـه ذعـار السبايا
فوق الذي مثـل الوضيحي إلى عـاد *** مـبـاجـده بـالـقـاع مـثـل الـهـبـايـا
ومـعـوده عـلـى الصـوابـيـر ملـكـاد *** يا مـا وطـت بيـدينهـا مـن شفـايـا
لـكـن جـلـد الـخـيـل لا جــاه لــكــاد *** جلـد البـرد مـن ضيـق مـزن ملايـا
بحمـول مـا عـليـه تـزاويل واعـداد *** وتـشوف بـه مـرج تـنـازع عرايـا
أقفـوا بشردان عـلى الشوف شراد *** من كـف مدغـوش عطيب الهوايـا
أخوان قطنه لأعبس الهـوش وراد *** وسـيـوفـهـم يـوم الـمـلاقـا دمـايــا
ملـكـادهـم ياخـذ بـه الـذيـب مرقـاد *** لعـوج المناقـر مثـل عيـد الضحايـا
يا الـلـه يـا حي عـلى النـاس عـواد *** فـي طـلبـتـك دفـع الـبـلا والـرزايـا
تعين من يصبر على الوقت لو كـاد *** تـموت من موتـه ضعـوف القرايـا
في جاه من ينشي سقا الغيم لا راد *** يحـيـي هشيمـه بالسنيـن الصغـايـا
قـلـتـه ولا سبيـت ذربـيـن الأجـواد *** نـدرا العـلـوم الـواضحـة والخـفايـا
أهـل الـكــرم زراعــة الـزاد بـعـداد *** الـلـي بـنجـد يـسـقـمـون الـهـفـايـا
أهـل المضايـف متعـبـينـه بالأنـفـاد *** أهـل الـضعـون ونـازليـن الـقـرايـا
نطـاح سبع خلول من عصر شـداد *** أبـن عـبـيـكـة بـالـسـنـيـن الـردايـا
وسكان بقعا عبيد وعثمـان لا جـاد *** مزهـب الطـراقي لا لفـولـه عـرايـا
والبايح والهياف وأن جـوه حـفـّاد *** وناصـر بـن لحيـدان زبـن الـردايـا
وزيد الخويـر والضلمـاوي وفهـّاد *** أشـبـاه حـاتـم بـالـكـرم والـعـطـايــا
وحطّـاب والجربان بالسند وأسنـاد *** أهـل الصحـون اللي كـبـار وملايـا
وأن حـل حـلال يـزيحـون الأضـداد *** وبرمـاحهـم تـلـقـا سهـوم المنـايـا
وأخوان بتلا مطوعت من به اعناد *** أهـل الـبـيـوت الـلي كبـار وزمـايـا
كـم واحـدٍ منـهـم عـلى القـاع ورّاد *** يشكي صـوابٍ لـه خـطيـر النحـايـا
والكـل منهـم يرخص العمـر زهّـاد *** الـيا أعـتـلـوا بضهور قـب السبايـا
وراكـان بـن مـرشـد ينـادي بعـواد *** يـكـدي النحيـر وعـز ذيـك الـبنـايـا
وأختص أبو هيكل إلى صرت وفاد *** عليـه من وصـف المهـادي تهـايـا
أيضاً المهادي مكرم الجـار وطـراد *** طـراد بـن مـلـحـم زبـون الـونـايـا
هـذا الكـرم مـا عندهـم شـط بـغـداد *** هـل الـنـدا يـنـدون لـو هـم ثـوايــا
ليتـك تجي لديـار عـربـيـن الأجـداد *** تضيع بيـن صحـون هـاك الطنـايـا
أطـرفـهـم الـلـي للمـواجـيـب سـداد *** ومـع ميرهـم تـلقـا نفـوس وطـايـا
ثم أن فهد بن صليبيخ ذهب إلى الشيخ خليل بن حاكم المهيد فمدحه بعدة قصايد
وأعطاه فرس أصيل ومبلغ من المال وقال فهد هذه القصيدة :
يا الـلـه أنـي طالبـك وأنـت الـوكيـل *** بـآيـة الكـرسـي بـلـيـلـة الـغـداري
يـا رفـيـع الشـان مـا خـيـرك قـلـيـل *** موحي الذره على صم الصخـاري
محصي الـمخـلـوق بـرزاقـه كـفيـل *** حيثـك اللي عـالـم وبالغـيـب داري
تـرحـم الـلـي قـاعــد كـنــه هـبـيــل *** فـاخـت الخـلان مقطـوع الـذراري
أسـتـرح يـا قـلـب خـل الـلي يشيـل *** أسترح يا شين وش لك بالطواري
يـا منـاكيـف أرفـقـوا وقـت المقيـل *** ريـحـوهـن بـالـقـوايـل لـلـمسـاري
لا أعـتـلـيـتـوا هـّرب تـفـزيـز ريــل *** نـاحـلات وكنهـن روس المـبـاري
كـنـهـن ربـد وتـعــلـواهـن جـفــيـل *** طـالـعـن زول تـبـيـّن مـع غـتـاري
يـتـلــن قــرمٍ دلــيــل مــا يــعــيـــل *** مـا تـقــدّى بـالـنـعـايـم والـمـبـاري
مشمـلات ونـاحـرن ريـف الهـزيـل *** فـارق صيتـه مثـل لبس الشهـاري
وأن لـفـيتـم بـيـت مـزبـان الـدخيـل *** لايـح بـوجيـهـكـم وسـم الـعـزاري
فـالـكـم فـنـجــال مـريــوك بـهـيـــل *** كـنـه الـلي وصـفـه ولـد الـفـواري
والصحـن تـلـقـا عـليـه ذنـاب حيـل *** وأزهري السمن فوق الزاد جاري
خــايــر عـمّــال لـو قــل الـمـكـيــل *** راهـي وعـدك عـلى جـو الغضاري
سلمـوا يـا الـربـع لا جيـتـوا خـليـل *** مزبـن المظيـوم بسنيـن العـساري
الأصيـل أبـن الأصيـل مـن الأصيـل *** مـاكــرٍ مـابـه تـبــوع ولا وكــاري
كـنـه الـحـر الـقـطـامـي الـفـصـيــل *** مـانـعـي ومطـالعٍ جـول الحـبـاري
هـو ذعـار الخيـل إلـى كـن الـذليـل *** لا عتزى ضيّق بهار سود البراري
تـوحي جلـد الخيـل لا جاهـن خليـل *** أقـرشـت بطـرافهـا جـرد ومعـاري
مثـل جلـد الضيق من مـزن ثـقـيـل *** ما أحـلا مـع تـاليـه حـس المثـاري
وأن تـوازن بـيـن راسـه والشلـيـل *** زلزل البيداء وحي سبع الضواري
عـازل الخيـلـيـن بـحـدود الصقـيـل *** لحتوس مضهـور لباس الخـزاري
يشحذون الخيـل عن باقي الحصيل *** مفضيـات ويـدبـه نـمـر الـهـواري
ويـل راعي الغوج والهلب العصيـل *** أول الـسـبـّق تـغـارن الـمــــذاري
أن عسـرك الـوقـت لا تـنحـر بخيـل *** أنـحـر الـلـي مـثـل هـذا لا تــداري
أخـو جـازي بـالعـطـاء مـده جزيـل *** أبــلـه مـا أعـطــاه بـيـاع لـشــاري
يعـطي البـارود والحمـراء الجـليـل *** مع كبارالروس وكياس المصاري
وقال فهد بن صليبيخ أيضاً بالشيخ خليل بن حاكم المهيد بعد أن أعطاه
فرس أصيل وكيس من الفلوس فقال يثني على الشيخ خليل :
بـادي بـالـلي خـلـق كـل النـفـوسي *** ربـي الـمعـبــود خّــلاق الـعـبــادي
يـرحـم اللي قـاعـدٍ تـقـل محبـوسي *** أنـحـكـم مـعـدوم مسـجـون يـرادي
قـاعـدٍ بالبيـت مـا عـنـدي ونـوسي *** غيـر ورع ما عـرف غايـة مرادي
ساهـرٍ باللـيـل مـا جـانـي نـعـوسي *** وأتـمـنـى مـزت الـعـظـم العـمـادي
عـذبـن قـلبي حواسيس الهجـوسي *** وأشبعـن مشحاي من مر النكادي
قـم تحـّرف وأحترف كـب النجوسي *** الـخـطــاوي عـز وأرزاق تـقـادي
سـجـة ومشـاهـد الـليـث الفـروسي *** ينحسب يومـه مثـل يـوم العيـادي
جيت أخو جازي وعطان النسوسي *** عـنـدل تـعـطيـك راسـه بالطـرادي
قـال لـي حيـيـت وطـارن النحـوسي *** قـم تـخـيّـر بالجـمـل ولا الجـوادي
بالثمـن مـا يـدركـه كـثـر الفـلـوسي *** أرخصه لي وعسى عمـره يزادي
جـت تخـطى سابـقي كنـه عـروسي *** دمثـت الوركين وحاركهـا سنـادي
مـا أحـلا يـوم تـزهـت بـالـلـبــوسي *** كنهـا اللي حفلـت عقـب الحـدادي
مـع طويـل العمـر باليـوم العـبوسي *** لا طـواهـا القفـل للريمـة تـشـادي
عـطـوت الـلي مـا تسـّمع للهيـوسي *** حـاضـرٍ مـا هـي مواعيـدٍ ابعـادي
بـل كبـد العـبد مـن عـقـب اليبوسي *** مـن كـريــم تـنحـره كـل الـبـوادي
من قـوي البـاس مقلاع الضروسي *** زايـدٍ صبـره عـلى صبـر المهادي
ضاع فكـر الـلي لغـيـوبـه يسـوسي *** غيـر مقحم بالعـرب مالـه مشـادي
يتبع