تابع
ثم بعد مدة من الزمن توجه فهد بن صليبيخ إلى الشيخ مقحم بن مهيد ( مصوت بالعشا ) وكان في أوج عـزه فمدحه بعدد من القصائد وأكرمه وزوجه واعطاه بيت وعدد من الأبل والخيل ومن قصائده بالشيخ مقحم هذه القصيدة :
قـال الفهيـم يولـف الـقـيـل تـولـيـف *** مـتـولـع يـبـنـي عـلـى كــل قــافـي
أشرفـت مشراف طويـل المشاريـف *** العـيـن ما شافت بلا القـلب شـافي
شوف بعيـد وزمت الصبح ما شيف *** وأنا عـلى الرجلين بالقيض حافـي
بـاكـر عـلى خيـر وسلامـه مناكيـف *** الفـود من دون العسيـر أنحـرافـي
يا القـلـب لا تمطع ديـان ومحـاليـف *** تشوف لك شوف عن العين خافي
أن طعـت بالأدنين مـن دون تكليـف *** والـحـي مع طـول الليـالي ايشـافي
أبي الشمال وعند وجهي شواحيف *** أعـنز على مقحم غـدي أنـه توافي
قلت يا دونهم من نابيات المياهيف *** ومن خالي مثل أزرق الجـم صـافي
دوٍ بـه الـجـني مـرب الخـواشـيـف *** ذيـب الـمجـلـي هـضمـه والخـلافـي
من دون مرفوع الكسور المشانيف *** بـيـت تـبـنـى فـي بـيـان الـكـشافـي
ريف الفقارى والقلـوب الملاهـيـف *** مزبان من جاهم على الرجل حافي
سنين الغلا يذكـر كما يذكـر الـريـف *** ومن يمهـم جتـنا العـلوم النضافي
أنتـم هـل المعروف والجبر بالسيف *** وللفضـل يـا عـز الهـواشل ملافـي
جـدك مصـوت بالعـشـا بالشفاشيف *** وبعض المشايخ ياخوقطنه عوافي
قبست من خصلات جـدك تواصيف *** مروي القنـا ياذا الشجاع السنافـي
بحر الندا يضحك حجاجه إلى ضيف *** أفـنـا الـغـنـم ومـنـيـلات الشعـافـي
ولا كـل من كثر العـطا والمصاريـف *** من مداللي مده على الناس ضافي
محي العظام اللي خذتها العواصيف *** من عقب ماتسفي عليها السوافي
مع خـيـّر مـثـل الحيـا للمضـاعـيـف *** إلـى لـطـف رب المخـالـيـق كـافـي
كـا النيـل لا كثـرت عليـه الغواريـف *** أزود لفـيـضه كـل مـا ميـح طافـي
ما أظن ولـد مثلك من الهند للـريـف *** الـيـا نـجـد للبحريـن لجبـال قـافـي
أنـا طـلبـت محـزّم الـنـخـل بـالـليـف *** يـبـعـد عـنـك شـر البـلا والخلافـي
يـا عـل مـا نسمع عـليك التحـاسيف *** تـمـوت نـيـران اليتـامـا الضعافـي
يا مروي حـدود الحـديـد المناحيـف *** والخيـل عـن مثلـك بأهلهـا مقافـي
جيناك من عقـب التعـب والتواقيـف *** وخـليت تـالـي فـاطـري بالمهـافـي
النضـوة الـلي يدبـوهـا العساسيـف *** تـاقـف على حبل الرسن بالعسافي
تفـداك يـا حبس العـواد المزاهيـف *** من عرض ما تعطي وهي بالذلافي
وأنـت الـذي ترهم عليك العجاريـف *** الـلـه جـعـل كـفـك لـمـالـك تـلافــي
وقال فهد بن صليبيخ هذه القصيدة يمدح الشيخ مقحم بن مهيد :
يا أهـل الـركـاب الـلي بنـو النكيـفـه *** قاضي شحمهن ضمر عـقب مطراش
رقـابـهـن مـثـل الـجـرايـد نـحـيـفــه *** شـمـايـل مـن عـقـب الأدلاج نـشّـاش
صـدوا نكيفتهن لـراعـي العـسيـفـه *** مع خايع صيده على الشوف ينحـاش
بشـطـة شلافـيح أسـعـاره قـصيـفـه *** مشاتيـه تـفـني الـخـزايـن والأدبـاش
تـلـفي عـلى بـيـت كسـوره مـنيـفـه *** يفرح ضمير اللي على الكيف منداش
ومفـارشه زل القـمـاش النـظيـفـــه *** والـلي يسـوون العجـم فـيـه يعتــاش
تسمع ورا القاطع ضريس الرهيفه *** مـا يـذبح ألا كـنـس الـكـوم وأكـبــاش
في بيت أخـو قطنـه ذراهـا وريفــه *** حطـاط بسنيـن المواجـيـب مـا حـاش
لا صـد عـن مـثـلـه ردي الصحيفـه *** تخـيـّر الـهـيـّن عـلى الـكـود لا هـاش
خـلاه لـلـي يـنـطـحـون الـكـلـيـفـــه *** أخـوان قـطـنــه لا هــبـأ كــل هــلاش
وأخـص أنـا مقحـم ذرا كـل عـيـفـه *** لا يـا بـعــد عـفــن لـلأمـوال حـّــواش
يا شوق من هي زاهيـة بالوصيفـه *** بـيـن اشـفـتـيـهـا لـؤلـؤ بـأيـد قـمـّاش
بنـت الشيوخ وشوف كفـه طريفـه *** تـرجيـك يا اللي لأبـرق الريش قفـّاش
أشـقـر يـميـنـه يـوم يـدلي ضليـفـه *** مـا يعتق اللي في طـرف مخلبه نـاش
ومـن باقـي الشيخـان نفسه معيفـه *** أمـا أنـت ولا تـنـظـر الـمـوت قشّـاش
وأظـن مـا يـبـقـا بـنـفـسه حسيـفـه *** لا لاعـبـت عسـم المـنـاعـيـر بـفـراش
وقال فهد بن صليبيخ بالشيخ النوري بن مقحم المهيد :
مبـداي بالـلي كـّون الغـيـم وأنشـاه *** هـو الـذي يـنشي ثـقيـل الغـيومـي
عـلام بـالخـمس الـكـبـار الـخـفـيـاه *** يعـلـم خـفيـات الصدور الظـلومـي
الـلـه يـقـطع نـاقـل السـؤ مـا أرداه *** وكـم واحـدٍ تستـر عليـه الهدومـي
البـيـت مـا خـرب عـمـاره ومبـنـاه *** بسلامـة الـلـي نـاقـلـيـن اهـمـومي
بسلامـة الـنـوري وتـركي ومركـاه *** مركـاه مقحـم عند وقـت اللـزومي
يـا نـاشـدٍ عـنـي بـخـيـر وطــراواه *** ضللت راسي عـن لهيب السمومي
لـقـيـت شـيـخ مـا يحـسب عطـايـاه *** مثـل الفـراه بـوقـت فيضه يزومي
في ديرة مـا أحلا مصيفـه ومشتـاه *** أهـلـه معـيـين عـلى الـلي يهـومي
فـي ديـرة تـرمي الـمكـايـل قـرايـاه *** سفـّار عـدلـه غـيـبتـه ربـع يـومي
أخـوان قطنه هـم حـذايـاه وأحمـاه *** ياما قطعوا من دونها روس قومي
واليـوم يـا شواخ مـا هـي حسافـاه *** الـكـل مـنـا مـن الزمـان محكـومي
والـلـه يـا لـولا اللي رطين حكايـاه *** ما تعلفج الرديان عـوج الخشومي
لا بـد مـا يحصل لـنـا بـك مقـاضـاه *** سبحان من غيّـر هبـوب النسومي
نـأتي بـنمـرا يقـلـب القـاع مـمشـاه *** يغـدي بهـا المدب طحـوح كتـومي
تـتـلي ولـد تـركي يـقـوده ويـقــداه *** ومع أيمنه النوري قـوي العزومي
ومع أيسره تركي وسيفـه بيـمنـاه *** جـعـل سعـدهـم بـالـلـيـالي يـقـومي
وجدعان ومحمد ونايـف وشـرواه *** فروخ الحراراللي تنوس الرجومي
جدعان شوق الـلي ترجـاه بصبـاه *** عـلـيـه مـن حـليـا سميـه رسـومي
تـمـت وصـلـوا عـد وبـل نـثـر مـاه *** على الرسول اعـداد طلع النجومي
يتبع