تابع
* ومن قصائد الشاعر الفارس شخيّر بن بصري الوضيحي هذه الأبيات يهدد الشيخ دهام بن قعيشيش والشيخ دلي الأميّر عندما بلغه خبر عقد الصلح بين
الشيخ دهام بن قعيشيش شيخ قبيلة ضنا ماجد من الفدعان والشيخ عبدالكريم الجربا شيخ شمر فلم يلوق له هذا الصلح وتوقف عن زيارة بيت الشيخ عبدالكريم
وعندما لاحظ عبدالكريم الجربا توقف شخيّر عن زيارته أرسل عليه يطلب حضوره فأمتنع عن الحضور وأبلغ المرسال بهذه الأبيات يعبر عن سبب توقفه
ويطلب فرس سابق لكي يحارب دهام ابن قعيشيش شيخ ضنا ماجد من الفدعان ودلي الأميّر من كبار الخرصة :

قـالـوا تـسـيـّر قـلـت مـانـي مـسيّـر *** يكـفـون بالمسيـار فتخـان الأيـدي
وأن كـان ولـد الشيخ يبغيـن أسيّـر *** يعطينن الـلي مثل عنـق الفـريـدي
وأن مـا ذبـحـت دهــام ولا الأمـيّــر *** يحـرم علي يا شيخ لبس الجديدي

وقد عارضه شاعر من ضنا عبيد نسبها الشيخ ممدوح بن سليمان الأميّر رحمه الله لمطلق بن شنير من الأمارا من ضنا لحيدة من الخرصة ولكن الراوي
صقار بن حنيف رحمه الله وبعض رواة المسكا ينسبونها لسلطان الأسحم من المسكا والقول الثالث تنسب للشاعـر زعازع العمري من ضنا عربان من
الخرصة من ضنا ماجد من الفدعان والعهدة على الرواة يقول زعازع العمري معارضاً شخيّر البصري الوضيحي :

يـا راكـب الـلي مـا لهجهـا الحـويّـر *** حمرا طـواها القفل عقب الفديدي
يـا راكـبـه وصـّل جـوابـي شـخـيّـر *** الـلـي بـنـا بـالشـيخ قـاف جـديـدي
الكـذب حبـلـه يـالـوضيحي قـصيّـر *** خلـه يا بن بصري عسى ما تفيدي
أبـوك قـبـلـك مـا ذبــح كــل خـيــّـر *** ولا ذكـر بكم غير القصايد حميدي
بالـك مـن القـلطات قـلطـت عـفـيّـر *** يـبغي يصيد النـاس لا شك صيـدي
دهـام شيـخ الـروم مـا هـو صغـيـّر *** طـلعـه وراكـم يالـوضاحـا بعـيـدي
والـلي يـريـد الـحـرب قـلـه أيـهيّـر *** عـلـيـه مـردود الـلـنـقـا لا يحـيـدي
مـن رازنـا عـن نــو رايــه ايـغـيـّر *** وعــدونــا لـو زام لا بــد يـهـيــدي
وحنـا عـلى عصم الشوارب انجيّر *** بالشلف الـلي تقطع وتين الوريدي
نـركـب عـلى مثـل الحمـام المطيّـر *** يوطن حديـد ولبس أهلهن حديـدي
كـم واحــدٍ خـلـي بـثـرهـن مـتـيّــر *** عـلـيـه عكـفـان المخالـب اتـعـيـدي

* أما الشاعر مطلق بن سالم بن شنير من الأمارا من ضنا لحيدة من الخرصة من ضنا ماجد من الفدعان فهو شاعـر معروف
بجودة الشعر ولم نعثر له ألا على هذه القصيدة يمدح الشيخ حاكم بن مهيد وأبن عربان وبعض فرسان قبيلة الفدعان فيقول :

يا راكـب مـن عندنـا فـوق مشـدود *** رعـاب ما يداني العصى لا اوميلـه
فوقـه غـلام يقصد الـدرب مقصـود *** واشـديـده والميـركـة تـستـوي لـه
وصل سلامي ياعسى مانت مقـرود *** مـلـفـاك بـيـت بـالـلـزم ينعـني لـه
سلم على اللي عقب الركب بجـرود *** يا مشبـع الجـيعـان بـايـق عميـلـه
سلم على اللي لبسهم جوخ ماهـود *** وش وقعهم لا صـار بوق وفشيله
يا فارس حاكـم زلزلـة وأنـت بالـود *** تـبـي تـحـيّـل مـار فـاتـك بـحـيـلـه
وأخـوان قـطنـة كلهـم ماكـر فـهـود *** رديـهـم يـسـوى خـطـات القـبـيلـه
تلقـا الشحم والـزاد بالبيـت مرجـود *** ريـف الضعافي بالسنين المحيلـه
نايف خصمكم عقب لط أبـو حـمـوّد *** الشيـخ قـّواد الجـمـوع الـثـقـيـلـه
وتـركي أبـن حمـّاد بالخـص مفنـود *** عـوق العـديـم إلـى تـزاود هبـيلـه
تركي الحمـاد يخلي الطـرش يبـّـود *** كـم هجمـة بالقيض يطوي صميله
يضرب بحد السيف صـدق وماكـود *** ويروي حـدود المرهفات الصقيله
ودرك وجـديـع طيبهـم مالـه حـدود *** وأبـو دليّـل شـوق ضـافي جـديلـه
وأخـو زهيـة مروي الجـب والعـود *** الخيـل مـن حسـه تـزاود جـفـيـلـه
هـم حربة الفدعان ورباعهـم سـود *** يا مـا وقـع بنحورهـم مـن غـليلـه
صاحـوا عليهم صيحة ما بها ردود *** مـن ديـرة الـمـنخـر لـحـد الجبيلـه
يا ذيـب يالـلي ساكن بفـرع جلعـود *** أنـا بـشـيـرك كـان دارك مـحـيـلــه
جت لـك مزون ساقها برد وارعود *** ورمـت عليـك من النعـايـم فضيلـه
أهـل دغيمـا شـارهيـن عـلى الفـود *** فـلـوٍ محسن وأنطـلـق مـن شليلـه
شرهين والفدعـان مـا تقـبل الـزود *** والهـوش عـنـد محـرمات وعـيلـه
من حـد أم مـدفـع بحـاوي ومـردود *** دز الـيـامـا تـاصـلـون الجـبـيـلـــه
أخوان قطنة حمولة آل مقحم بن مهيد – نايف بن دهام بن قعيشيش – تركي الحماد ابن عربان – أخو زهية معجون الأميّر – أبو دليّل فصّال السمن 0

*- أما الشاعر زعازع العمري من ضنا عربان من الخرصة من الفدعان فمن شعره هذه الأبيات برواية
عنتر بن عربان قالها يسند على الشيخ جدعان بن مهيد(مصّوت بالعشا) شيخ قبيلة الولد من الفدعان

يا راكـب مـن فـوق كـور القعـودي *** يـفـوج فـوجـات الـبحـر مطرشاني
ينحر شعيب الفيض يمـه قـصودي *** عنـد أبـو تركي هـو مناخ العـماني
قل قوم لقت قوم وصارت سعـودي *** وهـفـت حـظـوظ مقطعين العـواني
يا شيخ مـا نشـره بكسـر العمـودي *** ولا وطـنـك كـاضـمـات الـعـنـانــي
أذكر محمد شوق ضافي الجعـودي *** بـوجيـه ربـعـي مطلـقيـن اليمـانـي
والـلي يـجـرب فعـلـنـا مـا يـعـودي *** لكـود مـن هـو جـاهـل ومغـلطـاني
العـشـره الـلـي نـفـلـوهـم بــزودي *** صمع القلوب اللي تروي السنانـي
نـواف خـيـال الـرمـك بـالـسنـودي *** خـيـال ونـدات الـرمـك والحصانـي

وقال زعازع العمري هذه الأبيات من قصيدة لها مناسبة :

يا عـلي ودمعي تهلهـل مـن العيـن *** تبكي عـلى لا ما القـلـوب الحبايـب
أنشدك ما عينت يا خساف يا شيـن *** أبـو فـنـدي حـامـيك يـوم الطلايـب
من عندكم اقفت ضعـون المعاديـن *** أقفـن بهم طايب عـلى غيـر طايـب
واليوم صرت سواة بعض الغلامين *** معـطي عـيـالـه للهـنـادا قـضايـب

* أما الشاعـر زعل بن صلهام من الساري من ضنا فريض من الولد من الفدعان فهو شاعر وفاضل ومن شعره
هذه القصيدة يمدح الشيخ خليل بن حاكم المهيد والشيخ النوري بن مقحم المهيد ويحذر اخصامهم :

راكـب مـن عـنـدنـا حـمـرا جـلـيــل *** هوجا عوصى ما تبارى دوم حايل
يـعـلـم الـلـه لا مشـت مـالـه مـثـيـل *** الا عـنـز الـريـم لا قـادت جـمـايـل
أركـبـه يـا مسنـدي وأنـحـر خـلـيـل *** ذيـب عـزبـات نـصـاهـا بالـقـوايـل
هـو ذعـار الخيـل إلـى كـن الذلـيـل *** وقـرادت حـظ مـن يـأتــيـه عــايــل
اللي بوادي الزور ما ذكر له مثيـل *** ألا الـنـوري مـن عـدالـه بالمثـايـل
قـلـه الـعــدوان يــا عــز الــدخـيــل *** جـامعـيـن جـرود يـبغـون الفعـايـل
حرمـوا النسوان وركـوب الأصيـل *** غـيـر تفنا جموعنـا من دور وايـل
حاسبـيـن حـسـابـنـا الـيـامـا نشيـل *** مـنـتسـيـن افـعـالـنـا يـوم الـدبـايـل
مــا نـخـلـي حـقـنــا لـلـي يـعــيـــل *** ومن مشى مع جمعنـا عمـال طايـل
وأبـو ثـامـر باللـقـا يـرمي القبـيـل *** لا ركـب بالكون خـلا الـراس طايـل
مثـل هـوات البـرق بالمزن الثـقيـل *** وأن درع بـعـداه خـلا الـدم سـايـل
أن وفينـا الـديـن وأرهـيـنـا المكيـل *** تـايـه حـسـابـهـا ضـاعـت قـبـايــل

وقال زعل بن صلهام يسند على الشيخ مقحم بن مهيد ويثني على الشيخ عفات بن قاعد والفارس محمد بن هزاع ويمدح قبيلة العقاقرة :

راكـب الـلي مـا تملـل مـن سـراتـه *** أدهـم مـطـلــوب وآلاتـــه قـــويـــه
أركبـه يـا حمـود وهـاتـولي ثبـاتـه *** هات علوم الشيخ وأعجل به عليه
سلّـم عـلى اللي سكن نـابي علاتـه *** أبـو النوري سولفـوا لـه بالقضيـه
لـه ضديـد صـار مـن جملـة بنـاتـه *** وأحـمـد الـلـه بـردنـاهـا بضحـويـه
مقـدمنـا عـفـات مـا دارى بحيـاتـه *** مقـدم الشجعـان وعـلـومـه طـريـه
يطـعـن العـدوان يـوم الهيـج فـاتـه *** اليا مـا غـدا سلاحه ترسيم الحنيـه
ولا أبــو زيـدان لا قـبــت عـبـاتـه *** يـنـدب الـفـدعـان مـابـه مـرحـمـيـه
تـو حـل الـديـن لـدوارت قـضـاتـه *** أسـتـافـوا لـشـيـخـنـا ذيـب السـريـه
يـوم ثـار الهيج وحـنـا مـن تـلاتـه *** والـمــوازر كـنـهــا جـلـد بــرديـــه
كـم غـلام طـاح يـبـكـنـه خـواتـــه *** ضرب عيال العـود يرمـون الشفيـه
شبعـت الويـوان بـمـروس فـلاتـه *** يــوم ولــد الـلاش فـسـقـان عـلـيـه
يتبع