تابع من مدونات قطوف الأزهار
* أما الشاعر سلطان بن ماجد المعروف بسليطين أبو خميس وقد عاش مع قبيلة الحبلان من الجبل من
العمارات فهو شاعر جزل ولم يدوّن من شعره إلا ما تلقيته من أفواه حفاظه وله قصائد كثيرة لم تكتب ومن
شعره هذه القصيدة وهي من غرر الشعر وقد تم حذف بعض بيوت هذه القصيدة وهذا ملخصها :
مـبـداي بالـلي تشحـذ النـاس بـابـه *** ربي يسنعـني على العـدل لا اعيـل
يا الـلـه تجعـل طـلـبـتـي مستجـابـه *** يا اللي عطيت ايوب صبر وتباديل
ويـا راكـب حمـرا عـريـب ضرابـه *** شيبا ضهرمن ساس هجن مراميل
شــد الـشـداد ولا تـكـثــر زهــابــه *** وجبت عشـا تلحـق سريع التنابيـل
الصبح من قصـر النبـاوي مشابـه *** دلا يــزوّل لـه مـع الــقـاع تـزويــل
أقـفـت تـلاحـق مـثـل دلـو النهـابـه *** المـاء بعيـد اوصل الحبـل توصيـل
ربـدا وضـربهـا ولا تمكـن صـوابـه *** أخطا سهمها وأرتكت حامي حيـل
لا جـيـت أبـو عـايــد تـرد الـثـنـابـه *** بسـلام أحـلا مـن حليـب المباهيـل
من فوق سرد وجرد الأيدي غدابـه *** ورد الطلب عنهـم زعـالا مفاشيـل
الطـيـب واجـد والصـخى يـلتـقـابـه *** ستين ليلـه ما لحقـني طـرف ميـل
مـثـل الـقـراح الـلـي لـذيـذ شـرابـه *** بالقيظ لا يبست مـوارد هـل الحيـل
لـولا الكريمـة كـان صـارت ربـابـه *** عـز الله من الجوع ما نمت بالليل
عـنهـم تـشـل الطيـب شـل الكسابـه *** شـل القـطيـع بمبـعـدات المحاويـل
بعـض الحلايـل لا استحلـه وجـابـه *** عقـب الضنا قامـت تعـزل تعـازيـل
وبعض الحلايـل لا أنظلـم وابتـلابـه *** همـه يزيد وتمحن الحـال والحيـل
تـنغـط نغيـط الـلي بـوسط الخـرابـه *** تـنـدب ولـدهـا ضايـعٍ بـأول الليـل
هـذيـك تـصـلـح لـلـهـريـد الـزلابــه *** فـرخ النعامـة مـا يـداني الأزاويـل
يـبـني عـلـيـهـا شـقـة تـقـل غـابــه *** تـك الـرواق وجـلـل البـيـت تجليـل
يـنـقـل طـعـامـه بـس دوبـه ودابــه *** من البخل دوم ايتقصى على الكيل
لـولا الـولايـش كـان مـاتـت اكلابـه *** راسـه وراسـه وعطـاه الغـرابـيـل
أشهـد شـهـادة حـق يـامـن حكـابـه *** أنـه كـذوب وخـل عـنـك التهاويـل
عـن طـاري الشكـة عفيـف جنـابـه *** ولا تطـيـع أهـل القـلـوب المهابيـل
والـلـي هـقـالـه هـقـوة مـا هـقـابـه *** الـلـه حسيـب المبغضين المغـاليـل
عن هرج بعض الناس قول مضابه *** سـود القلوب مطرديـن المجاعيـل
أقـسم بجـيـاب المـطـر مـن سحابـه *** أنـه عـني بـعـد النجـوم المطافيـل
من صرت ما دست الخنا والعيـابـه *** ولا طعت شورالمبغضه والعواذيل
يـا ونـتـي ونـت خـلـوج بــدابــــــه *** هـم الحوار وشمتـه عقب ما شيـل
على ولدهـا وأبيض الشمس غابـه *** تقـفي وتقبل والدبش لـه جـواديـل
قـلـتـه ونـار الـقـلـب زاد اشتـبـابـه *** والعـيـن كـن بنـونهـا يلعـب الميـل
رجلي تسوج ودمعـت العيـن رابـه *** بالحجـر ضـاق وبلـل الجفـن تبليـل
عـلـيـك يـا وقـت مـضـى وسـفـابـه *** يـوم القهـاوي والطـرب والتعاليـل
لا جـيـت ديـوان الـنـشـامـا تـهـابـه *** قـالـوا وقـلنــا بالرجـال المشاكيـل
هـذا يـقـوم وشـبـهــا واعـتــنـابــه *** وهـذاك بـيـديـنـه يغسـل الفنـاجيـل
قـلـت وكثير الهـرج مـا فـيـه ثـابـه *** وصار الفخـر للي يـدور المساهيل
شجـرة الكـدادة مـن يـدور الذاربـه *** يبي الذرى وأطراف شوكه منابيل
ومنها قوله في الوصف :
الـطـفـلـة الـلـي تـو زمـت شـبـابــه *** نبـغي نمثـلهـا عـلى الكيـف تمثيـل
الخـشـم سـلـة سـيـف قـرم عـدابــه *** والخـد بـراق لـمع طلعـت اسهيـل
والـراس ذيـل كـحـيـلـة بـالحـرابــه *** ثـار العجـاج ولاقـت الخيـل للخيـل
يضـفي عـلى كـاغـد خطيـب قـرابـه *** ولا شـعـاع الـمعـلـقـات القـنـاديـل
ابـيض من اللـولـو تلاعـج اعـذابـه *** ولا حـلـيـب مـغـذيـات الـمخـالـيـل
يـا عـود مـوزٍ رابـح مـن سـقـابـــه *** بـيـن العـروق اليابسات النواحيـل
مـا قـال أبـن عــدوان نـمـرٍ لـقـابـه *** ومحمد القاضي بوصف المعاميـل
ومحسن جميع المال ساقـه جلابـه *** لأم العيـون الـلي هدبهـن مضاليـل
والضيـغـمي قطعـت لـيـالي غـدابـه *** غـروا خـذا عـلى العـذارى تنافيـل
وفـواز مـجـدول الـذوايـب رمـابــه *** رمي الحجـر من عاليات الأطاويل
وفهيـد ابـن شعـلان حفيـت اركابـه *** من كثـر مـا يرسل عليهـا مراسيل
وطـلال عـيـا لا يـطـيـع الـطـلابــــه *** اليا ما تحيّـل مترف الروح تحييـل
وفيصـل ثـلاث أيـام حـط العـصابـه *** فـوق الحجـاج وذلـل القـوم تذليـل
ومـن الـزعـل يقصر مثاني جوابـه *** والبيض قـبلـه عـذبـن كـل حلحيـل
وأبـن السبـيعـي للـمـهـادي فـدابـه *** بالسيف عـدل معوج الحق تعـديـل
عمن على شيوخ العرب والشيابـه *** زمـل التخوت معفيات عـن الشيل
لعـبـن بـهـم لعـب الوغـد بالكعـابـه *** بالسلهمه واطلاق رمش المضاليل
نجـل العـيـون الـلي تـنـقش ثـيـابـه *** صخاف المثاني لابسات الخلاخيل
طـرد الهوى قـلـب المشقى شقابـه *** الشيب لاح وصاب قـلـبي هـرافيـل
لا قـلـت عـنهـم يمكن النـفس طابـه *** زادن بلاي وشفت جيل غلب جيل
ومن شعر سلطان هذه القصيدة في النصح والأرشاد وقد كتب لي أحد الأخوة
يقول أن هذه القصيدة للشاعر عيدان الهزيمي وليس لسلطان :
ابـتـدي بـالـلي عـلى خـلـقـه رحـوم *** وأمر المخلوق في صوم وصـلات
شـدوا لـبـيـتـه قـويــات الـعـــــزوم *** عـن ذنـوب إبـليس جنـه عـانيـات
يـوم حـجـن واقـتضـن كـل الـلـزوم *** مـا حـلاهــن يــوم جـن مـروحـات
شالـن النيـيـن مـن عشب الوسـوم *** طـيـرن تـالـي الـوبـر بأتـلا النبـات
مـا تـلاهـن الـضـنـا رمـل اعــقــوم *** كــل فــزات الأعــمـار مـحـيـــلات
حيـلـوهـن عـن لـواهـيـب السمـوم *** أن نــووا فـي طـرشـة ولا غــزات
كـان سـمـع ذيــرة طــرم اكــتـــوم *** والعـيـون مـن الحـزاب ملـوذعـات
والخـفـاف مـن الحفـا مـابـه رقـوم *** واللشش دن الشواص المسمـلات
والهـدب بـيـن أربـع الكنس تـهـوم *** والـمـتـون ابـهـا الأشـدة قـاعـدات
لا استخفـن وأستضفـن مـع خـروم *** كالقطا شاف الوحش عقب المبات
مـنـوت الـلي طـاح لـه بـديـار قـوم *** يـوم شـوب القيظ سـّرى جخدمات
عـومـلات لـلـعــدات بـحـــرف زوم *** عقـب رعي القـفـر حـص قـافـلات
وكان ضب الجيش عدوهن سهـوم *** كـنـهـن الـلـي بـالمصّـنع حـافـلات
لا تـمـشـن كـالـحـنـابـيـز الــقـــدوم *** والـسـفـايـف والـمـيـارك لايــقـات
طـرقـوا هـل النضى في ظرف يـوم *** سـت فـي لـيـل ونـهـار سـاهــرات
والـدلـيـلـه قـرم مـع ربــع قـــــروم *** هـرجـت الطيّب بهـا ملـح وحـلات
ريـضـوا خـوذوا حـلـيـات الـرسـوم *** مـن ضميرٍ خـام يا اهـل الناجيـات
زرفـوهـن واخـتـمـوهـن بـالخـتـوم *** كـلـهـن مـن الـفـهـيـم مــوازنـــات
أسمعـوا يالغوش من شال الهمـوم *** وأقـبـلـوا مـني عـن الـدنـيا وصـاة
الـفـتـى صـيـور عـمـره مـا يـــدوم *** والـسـوالـف والـمـثـايـل بــارزات
كـل جـيـل يـعـقـب لجـيـلـه عــلــوم *** لـو غـدت هـذي هـذيـك مسولفـات
مـن رقـد وسـط المقـابـر مـا يقـوم *** والـبـخــل مـا فـاد دوار الـغـنــــات
زيـنـوا قـبــره بـزمــات الـرجــــوم *** مـا خـذا غيـر الكفـن حـتى العبـات
وأن جت علوم الفخـر مالـه اقسوم *** مـا كسب غـيـر المذمـه والشمـات
بـذت الـمـخـلـوق دنـيـانـا تـحــــوم *** لـو تـبـسـم لـك سنـيـنــه فـايـنــات
خـربـت حـكـم المـنـاذر عـقـب تـوم *** وذي مـنـازلـهـم حصاهـا بـاقـيـات
وكـان ما قولي عـلى أبن آدم لـزوم *** جـزت من قـول المـثـايـل للممـات
ومن شعر الشاعـر سلطان هذه القصيدة يثني على عبدالله اليتيّم الحازمي
يا دار وين الـلي نـزل بـك ولا عـاد *** هـذا مطـب اوجـارهـم والـهـوادي
بـس الـثـلاث مـراكــيــات وقــعــّاد *** ما بينهـن تـذرى ذواري السمـادي
ويا راكـب الـلي كنها السيـل لا فـاد *** يـوم السبـاع مـن الـمـذلـه تـرادي
خـم الفـريـسة وأنقـلـب مقـفي غـاد *** يـبي ايتعيـّن لـه خطـات الصدادي
حـمـرا ولـكــنـه تــوعـــد تـوعـــاد *** كان اشقثت عينه براعي الشدادي
حمرا من المنكب إلى حـد الأعضاد *** تشدي للأدمي لا حـذف ثـم عـادي
حـمـرا وطـارف ذروتـه يـوم تنقـاد *** نـديف قطـن وباصرن بـه استادي
حمـرا وفخـذه قيمـة الشبـر مـا زاد *** سيـل تـحـدر مـع صحاصيح وادي
فـوقـهـا غـلام مـن شغـاميـم الأولاد *** قـرم مـعـلـم لـلـسـرى والـمـعـادي
مـلـفـاه بـيـت كـنـه الـقـصـر بـبــلاد *** أو قــارة زمـه سـراب الـحـمـادي
نـوّخ وشـطـرهـا عـن البـيـت بقيـاد *** ترى بـلاهـا من السطر ما تقـادي
الـيـامـا نـشـب الـنـار بالحفـر وقـّاد *** أقـلـط ويـرمالك نضيف الوسـادي
مـد الفراش وقـام يـنشد بـالأجـهـاد *** دلا يـسيـلـك بـالـولـي ويـن غـادي
قـل عنك أنا ياريف المواجيف نشّاد *** نـقـطع رهـاريـه السهال البعـادي
منكـم وعنكـم طلعـت الشمس مـّداد *** العصر عـن قصر النباوي تحـادي
أطلب بجـاه الـلي لـه النـاس سجّـاد *** ذكـر الولي يبـدي عـلى كـل بـادي
أنـه يجيـه مـن أزرق المـزن رعـّاد *** حتى يضيق من الوغـف كل وادي
مـا حـده الغـدفا على حـزم الأجـداد *** وما ضيق بالفيضة خـذاه المنـادي
قضيـت ربـيع العـمـر للبـدو معـتـاد *** وقامـت تعـد القـرن لقـران حـادي
كـن يحداها عـن هوى الشوق جّلاد *** عـطـوك روس مربعـات النـوادي
توحي صليـل انجورهـم تـقـل حـّداد *** هـذا يـدق وذاك صـب الــقــنــادي
يا أبـو فهيد الكبد صامت عن الـزاد *** الياما تشوف البيت عيني وكـادي
يرفع لـه الكاسر على طول الأوتـاد *** يوقف عموده مثل وصف المنادي
واللي خلق يا القرم شداد بن عـاد *** أنـه عـلـيـنـا مـثـل يــوم الـعـيـادي
عـليـك يالـلي لأبـيض الجـلـد جـّلاد *** يفـرح بـك العانـي خفيف الفـوادي
عـلم كسبتـه مـا كسبه زيـد وجهـاد *** المـال يـفـنـا والسـوالـف اجـدادي
ومن شعر سلطان هذه الأبيات من قصيدة طويله فقدت من صدور الرواة:
يـا ونـتي ونـت ثـلاث عـلى صـوب *** خـلـج ريـام وبـوهـن جـادعـيـنـــه
وقع لهن من والي الأقـدار حالـوب *** مـن فـوق جرجوب صفاتـه متينـه
يتبع