قال الشاعر عبدالله بن عقاب الشن الخمعلي يثني على منصور بن إبراهيم العليان بمناسبة تكريم عبدالله بن دهيمش بن عبار :
مشكـور يا منصـور يا أبـن عـلـيـان *** كــل عــنــزة تــقــل يــالـــلـــه درّه
تـرفع لـك البيضاء تشكّـر وعـرفـان *** والطـيـب يا منصور عـنـدك مـقـرّه
كـرّمـت أبـن عـبـار يا عـالي الشـان *** تـكـريـم مـن وافـي لـوافـي مـبـــرّه
نهـج الفـخـر تكـريـم شـمـر لـويـلان *** وبالطـيـب يـلـقى للسناعـيس جـرّه
بالنّهـج جـيـران وبـالأرض جـيـران *** وأرحـام في عـهـد السّعـد والمسرّه
عـهـد السعـود وكـلنا ربـع وأخـوان *** ومرحوم أبو تركي لنا الشّرع أقرّه
وراعي الوفا لأهـل الوفا دوم مندان *** وافـعـالكـم يـفخـر بـهـا مـن تـسـرّه
ولابـتـك شـمـر بالفخـر عـلمكم بـان *** وبالطـيـب عـانقتـم نجـوم المـجـرّه
وأمـجـادكـم بالعـز فـي لـب الأذهـان *** عـبـر الـزمّـن مابين خـيـره وشـرّه
أهل الكرم وأن كان هرج اللّغى شان *** أفــعــالـكــم عــدوكــم مــا تــغـــرّه
وامـجـادكـم مـذكـوره بـكـل ديــــوان *** وجـاحـد مكـارمكـم طاريها تـحـرّه
هـذاك وجـوده عـلى الأرض خسران *** مـيّـت أمـجـاد وحـالـتـه مـستـقـرّه
وتكرم وجيه أهل المفاخر والأحسان *** راعي الـرّدى ما أحد عليه ايتشرّه
وشمر لهم علم الفخر عبـر الأزمـان *** كـل الـقـبـايـل طـيـبـهـم لـه امـقـرّه
ومنصور وربعه طيبهم ورث جـدان *** فـي مـدحهـم ما زل من بـاح سـرّه
مـا يـنـجـح دشـي مـوثـق لـلأعـيـان *** وجـحـد الوفي من ناقصٍ ما يضرّه
اقـولـهـا يـوم أن رد الـثـنــاء حــان *** بقـصـد الثـنـاء مـا أريـد مثقـال ذرّه
وتقديرنا لمنصور من قـلب والسان *** بـالـذّكـر قـبـل الـقـاه بالـعـمـر مـرّه
ويخـونـنـا التعبيـر يا ذرب الأيـمـان *** بـرد الـثـنـاء وظـروف الأيـام مــرّه
وكـم واحـد ينوي وفيه الزّمن خـان *** ويـلـومـه الـلـي اقـبـال الأيـام غـرّه
وبـلابـتي فـي وقـفـة العـز شرهـان *** وبهـم افـتخـر وامجـادهـم مستمـرّه