قال الشيخ الشاعر مشعل بن هدوان بن رشيد المصرب هذه القصيدة يثني
على عبدالله بن دهيمش بن عبار :
يا شـاعـر الـويـلان والـفـعـل بـرهـان *** أنـت الـذي عـن جـمع وايـل تذودي
فعـلـك فخـر معـروف يا عـالي الشان *** والشاهـد الـلـه والبشر لك شهودي
حـطـيـت لأنسـاب المـنـاعـيـر ديـوان *** وحفـظـت تاريـخ الأهـل والجـدودي
يا صـادق الـنـيـه لـك الحـق عـرفـان *** قـلتـه وأنـا لممشاك مـاني جحـودي
ترفع لـك البيضاء عـلى راس مابـان *** في راس رجـم الطيب يرفع سنودي
قـلمك يصـرخ صـدق في كـل مـيـدان *** ضد العـداء ويلطم لخشم الحسودي
فيـك الوكـاد وعنـدك الصدق منصان *** ولا كـامـل ألا الـلـه وحيـد الوجودي
لاقيل ابن عـبار وحـان الوفـاء حـان *** لـك الـتـحـيـه مـن ضـمـيـر يـجـودي
يالوايـلي جتـك المثـايـل عـلى لسـان *** من مصقـرة مـرويـن حـد الـزنـودي
مـن خـلـفـة الـلي لا كسأ الجو دخـان *** يرخص بعـمره ما يهـاب الحشودي
رشيد أخو سكره أن جد اللغّى وشان *** دايـم عـلى الـعـدوان فـعـلـه يـزودي
واقـبـل سـلامـي يـا سلايـل كحـيـلان *** يـالـلـي عـن الـويـلان دايـم تــذودي
وقال عبدالله بن دهيمش بن عبار هذه القصيدة جواب لقصيدة الشيخ مشعل بن
هدوان بن رشيد المصرب :
حي الجـواب الـلي بـداه أبـن هـدوان *** عـد الحصا واعـداد رمـل الـنـفـودي
تـرحيبـة الـبـدوان فـي غـر الأمـزان *** لاشافوا البـارق وصـوت الـرعـودي
يا مرحـبـا تـرحيـب حـاتـم بضيـفـان *** الـلي يجـيـه مـن الـهـواشـل وفـودي
أزكـى التحيـة قـلتـها جـهـر واعـلان *** بالـلي يـنـوّه عن سـوابـق جـهـودي
يا مشعـل لـك مـني تشكّـر وعـرفـان *** حيثـك عـلى العـليا مسيرك صعـودي
منجوب ساسك مـن صناديد شجعان *** منشأ البواسل فـي عـريـن الأسـودي
أبطـال في عـصر المعامع وفـرسان *** مـا مـنـهـم الـلي يـنعـتـونـه شـرودي
الـيـا سـمـك عـج السبـايـا بالأكـوان *** لـهـم عـلـى حـيـاض المنـايـا ورودي
لهم شهود الـرمح والسيف والـزان *** وسرج الفرس والكور فوق القعودي
أمـدح ولانـي بالـذي قـلـت غـلطـان *** وأثـني عـلى الـلي بالـرجال محمودي
الـمـدح يـزهـى للنبيـل أبـو سلطـان *** يـا فـاعـل الـمـعــروف جـنّـك ردودي
يـفداك الـلي طبعـه تنكّـر وجـحـدان *** الـلي عـن الـواجـب يجـيـه الصدودي