سر يا قلم واكتب الابيات منقوشه
بيوت شعر تشرفني معانيها
للصاحب اللي يمد الطيب وينوشه
من روس قوم علي العليا مبانيها
رفقة شرف ماهي بالتلفيق مغشوشه
يسمع بها قاصي العرب ودانيها


اهداء خاص... ل ابو مشعل الله يطول لنا بعمرك ويخليك ذخر لهل قبيله

سجلت لك في صفحة الطيب ميلاد
بين الرجال الي عريقة نسبها
ترفع لك الراية على رؤس الامجاد
وان شبت النيران تخمد لهبها
وان كان لأهل الطيب سيد وأسياد
ترى أنت سيدها وسيد عربها
اهداء خاااص ...ل ابو مشعل
الله يطول بعمره

مع التحية والتقدير للأخ أبو ليلى إليك جواب عبدالله بن عبار :

تعيـش يالـلي بالنظـر تبعــد الطـوشه *** يفداك ناس ينظرون لمواطيهـــا
والخايب اللي مقصده يجمع قروشه *** تمرح ضيوفه مقويه ما يعشيها
واللي يدوّر على أبن عمّه الهوشه *** وعدوان ربعه بالمجامل يداريها

الرد على الأبيات الثانية :
أنا اشهد أنك يا أبو ليلى من الأجواد *** الـلـي اليـاعـد الــرجـال انحسبهـا
عسى فداك أهـل الهذاريم الأةغـاد *** اللي الحقايق عن سنعها اتحجبها
دامـك مـعي ما همـني كـل سرمـاد *** والجـرب بالقطـران نـطـلا جـربهـا