الأخ الكليزي الشاعر خابور الشهيل رحمه الله تعنيت أبحث عنه وكان معي مسجل وقابلته وطلبت منه أن يتكرّم علي بتسجيل قصائدة فرفض ولم أحصل على شيء منه رحمه الله وبدأت بجمع بعض قصائدة من صدور الرواة الذين يحفظونها فجمعت بعض قصائدة وحيث أنها لا تخلوا من أبيات لا يجاز نشرها فقد نشرت بكتابي قطوف الأزهار عدد من قصائده من ضمنها القصائد الذي طلبتها ولكنها غير كاملة وإليك هي حسب الصيغة التي نشرت بها :
وهذه الأبيات للشاعـر خابور الشهيل عندما طلب منه الشيخ خليل الحاكم المهيد أن يبني على قافية قصيدة بركات الشريف دون أن ياخذ من أبياتها وقد أعتبر خابور أن الشيخ خليل يريد أمتحان شاعريته فقال :
أريـد اسـالـك بـالتسـلسـل وأسليـك *** وشو سبب زعلك يا شيخ ورضاك
يالـلي من الجوهر تسلسل مباديـك *** سـل تـفـرق شـوفـة الضـد بـريـاك
يالحر اللي عقلك عن الناس مغنيك *** الـلي خلقـك مـن الـبـواليـد صّفـاك
يـا الهيلعي طيـر الشبك شابك فيـك *** وأشوف من خـدعـه كثيـر ملاواك
من راد قـتلـك ما بغـا النوب يحييك *** اللي جمع لك مـر الأمرار وأسقاك
حالي مثـل حالك وجرالي جواريـك *** وجرحي مثل جرحك وديويت بدواك
مـانـي شحـوذٍ لـك ولانـي مداريـك *** لـو كـان ينصى للعطا مثـل شرواك
* أما الشاعر خابور الشهيل من الخرصة من ضنا ماجد من الفدعان وهو شاعر جزل وله قصائد كثيرة ومن قصائده هذه القصيدة يمدح الشيخ عبيد بن صالح بن غبين والشيخ ممدوح بن سليمان الأميّر :
عيني اللي مـن سببهـا النـوم جايـل *** عـيني الـلي دفقـت عـبـرات ماهـا
نسـأل الطـرشان عـن قـول وقـايــل *** نسـأل الطرشان ولا نصدق لغاهـا
أسـمعـوا مـني كـلامـي والـمـثــايـل *** عقـبـو شـارب بخيـل مـا اشتراهـا
الـعـفـو يـا قـوم مـن سـمـو القبايـل *** مرتعـين ودارهـم ما أحـدٍ غـزاهـا
وين من قـال أركدوا مامن صوايـل *** تركوا الصوله وجوزوا من بلاهـا
خلوا اللي صار من روس النحايـل *** وش له بدروب المشاور ومحكاها
المشـاور تـصـلح لماضي الفعـايـل *** طير شلوى سربـة الخيل ايحماهـا
لـو حكيتـوا عقبهم مامـن صمـايـل *** كـل هـيــة غـايـبـيـن عـن لـقـاهـــا
هـم شيوخ جدودنـا مـن دور وايـل *** ربـعـةٍ تـقـعــد مـسـرة مـن تـلاهــا
كـل حـكـم لا بــده مــن قـيــل زايـل *** غيـر بسّـاط أرضها ورافع سماهـا
يـا ولـد قحـّام يـا معـطـي الأصايـل *** مـا دريـت عبيـد من عـقبك لـواهـا
الـمـراجـل عـقـب أبـو فـواز حايـل *** هـو أول مولـودهـا وآخـر ضنـاهـا
مـن تـسـمى شـيـخ يـقـدم للدبـايـل *** تـرتــفـع رايـات ربـعـه مـا رمـاهـا
ولحـقـت بممـدوح شيـال الـثـقـايـل *** كـان قيـل الـروم للمـوت ايحـداهـا
حـس سـبع الخيـل مع خيـل جلايـل *** مـا يـصـد بـراسـهـا عـن قـبـلاهــا