سلام ياشيخٍ رفيعٍ مقامه=شيخٍ عزيزٍ من اعزاز المقامي
شيخٍ ولد شيخٍ بقومه وقامه=عزك اليامنه تنهض وقامي
خلف ولد كساب حق احترامه =اهديه تقديري وكل احترامي
فيه المروه والكرم والشهامه=بالطيب والمعروف شد الحزامي
رجل المواقف والذكاء والفهامه=معربٍ من ساس خال وعمامي
نعم الرجل ساس الكرم والكرامه=خلف ولد كساب نعم الأسامي
شيخ التعارف يوم جانا سلامه=نمدح مقامه في جزيل الكلامي
الطيب ناله واعتلاء في سنامه=ولاهو غريبٍ الطيب نسل الكرامي
بالطيب والاخلاق والاستقامه=يسير في درب العلاء للامامي
والعمر يفنى واخر العمر خامه= وصلوا على المختار مسك الختامي