صحيح من قال الزمن غير مأمون = كم واحد ٍعقب المعزه يذله
كما تدين الناس لك يوم مديون = ومرسي تبع حسني بدأ في محله
تظاهروا ضده من الشعب مليون = والجيش يومين ٍ لمرسي أمهله
وطحينها من اول الوقت معجون= لاكن متى يحين للوقت زله
ومرسي مفوه بالخطابات ملسون= وكل اقتصادات البلد قام شله
وآخر خطابه مثل من مس بجنون= الجمع على الجمع وده يصله
الرجل شد ولامشى شوي بالهون = ورمز البلد اصبح على الدارعله
واصبح مصر في الخطر شبه مضمون = خطر التفتت بالبلد صار كله
كل ٍ توقع مابها شك وضنون = والجيش واعي والمخاطر فطله
جيش ٍ يحب الدار والشعب له عون = يحمي مصرللشعب درع ومضله
الجيش مع الشعب يعرف ومبخون= ماصار ضد الشعب او مال للــــه
وهذا الربيع الي يسموه ملعون = عسى وطنا مايجيه ويبله
يحمي وطنا ربنا خالق الكون = الي حصل لارض العرب مايحصله
ياهل الربيع الي بعشبه تمارون = قلوبكم بالدم تشرب مغله
عند الولي وش عذركم يوم تأتون= كل ٍ مخلد في جهنم تمله
يوم الحشر عند الولي وش تقولون= يقاتل المسلم وش الذنب قله
اعضاك تشهد ماتكنه بمكنون = والدمع من عينك تسابق تهله
ناس ٍ تجر الويل وناس ٍ يلبون = وناس ٍ أتخل عيونها بالاخله
وناس ٍ تقول الله وأكبر يهتفون= اوجيههم مثل البدر مستهله