((المدح بالاجواد واجب ومسنون ))
.................................................. ...........................

الـــــمدح بالاجــواد واجب ومسنون=بالشــــــــعر أو بالهـــرج مابــــــه احراجي
اقــولـــها والنـــاس قبـلي يـــقولـون=ماهـــي غصيبــــه قلتـــها فــــي مـــــزاجي
ولا انكرت حق الغير والحق مظمون=ولا خيــر في رجــلً عــن الحــق مـــاجي
وكلً ولـــه ناسً ابفعلـــه يشــــيدون=وللنعــــــــم كــلً مـــن قديـــــــمً يـــــــراجي
ولولا ظروف الوقت واللي بها ايكون=مــا صــــــــار لعلـــوم النشـاما رواجــــي
بافعالهم والمال والروح يشــــرون=عــــلمً صــــداه ابكـل الاقطــــــــــار داجــــي
والحـــق اقوله يوم غيــري يخفون=لنـــه ما هـــو ســـــــــلعه ابسوق الحراجي
ولاانـي من اللي بالقصيد ايتمـنون=قضيــان حـــاجــه أو تــرجــــــي خـــراجي
شعري مشاعر في خفاياي مكنون=لياهـــاض هاجـــــوسي تهـــيٌض وهـــــاجي
معناي اعبر فيه عن شي مخزون=وســــط الحنــايا داخـــل القلــــب بـــاجـي
اختـــار انا جـزل التماثيل واصون=نفســـي.ولا اذكـــر يــوم كنت ازدواجــــي
اخطـــي ومثـلي بالملاييـن يخطــون=ويــــا مكثـــر اللـــي مشــــيهم بانعواجــي
أن صبت مثلي واجـد اللي يصيبون=وكـــلً وحــــظـــه بالنهـــايـــه ايـــفاجـــــي
لاشك اشوف الوقت ماهوب مازون=يصفي معــي ســاعه وعشــره عـجاجي
دنيــا تقــلب ما عـــرفنالــها ,لــــون=نـــــوبً زلال ونـــوب ماهـــا همـــاجــي
وكـــم واحــدً في غيٌها طــاح مفتون=والنــــاس بالدنيـــا ســـــواة الطـــراجي
ولابـــد مـن يــومً به المــرء مدفون=ولا فيــه مخلـــوقً مــن المــوت ناجـي
واختامها ياهـــل المناصــيب تكفون=لا اتـعاملــون الناس حســب المزاجي
الله عطاكم عقل واحساس واعيون=ومــعها البصـيره للبــــنادم اعــــــــلاجي
والعدل يبقى ياهـــل العــرف قانون=ليـا صــار فـي بعض الامــور ارتجـاجي
الـــــمدح بالاجــواد واجب ومسنون=بالشــــــــعر أو بالهـــرج مابــــــه احراجي

(( مـحمد بن ســــــوعان الربيــــع ))

الاخ الشاعر / محمد سوعان
قصيدة وجدانية وذات معاني جزلة
لك الشكر

الشاعر القدير

محمد بن سوعان الربيع

صح لسانك وإعتلى شانك قصيده تستحق الإشاده والقراءه والتمعن أكثر من مره
حيث تحمل ذات معاني ساميه وأهداف عظيمه فهي شامخه بشموخ شاعرها
لله درك شاعر راقي ومتميّز .... وتم تنسيقها لإنها تستحق ذلك



لك مني أجمل التحايا