صفحة جديدة 2


الإهداءات

   
>
    
  

 


    -  تعديل اهداء
العودة   موقع قبيلة عنزه الرسمي: الموقع الرسمي لقبائل ربيعه عامه و عنزة خاصه ركن الأدب الشعبي الشعر الشعبي المكتوب
الشعر الشعبي المكتوب خاص بالشعر الشعبي لقبائل ربيعه
 
 

إضافة رد
 
   
أدوات الموضوع انواع عرض الموضوع
 
 
قديم 01-03-2011, 05:30 PM رقم المشاركة : 1
معلومات العضو
عضو منتديات العبار
إحصائية العضو







النداوي متواجد حالياً


افتراضي افضل ماقيل في مدح عنزة



السلام عليكم

هذي قصيده لشاعر شمري يمدح عنزه قصيده عجبتني وحبيت ان اضيفها لمن يمدحون القبيله وشكرا




على قولة هل العرف ياحسيـن=لاخيـر فـي رجـلٍ بليـاجمـاعـه
وانا ولـدت بـدار فكاكـة الديـن=اهل الكرم والطيب واهـل الشجاعـه
ويلان لا وردو على المـوت عجليـن=فيهـم علـى ورد المنايـا بتـاعـه
الطيبـيـن الطاهـريـن النقـيـيـن=الخيـريـن الصادقـيـن السبـاعـه
موفين حق الجـار بالطيـب والليـن=للجار فـي قـرب النشامـا مناعـه
معهم سليت ورحت بالمذهـب الزيـن=راحت معاهم حفنـة سنيـن ساعـه
ثلثيـن عمـري راح يـاوي ثلثيـن=مايـوم جتنـي العايلـه واللكـاعـه
صاروا لي ألطف من غطى الجفن للعين=وارق من حكـي الحديـث بشفاعـه
تحس في قـرب الرجـال المياميـن=انك اخو من ((دم)) ولا ((رضاعـه))
حمّاية الوضحا مـن اللـي مغيريـن=لاوين مـن طالـت عليهـم ذراعـه
واجب علي اذكـر فعـول الكريميـن=اللي شروا كسب المراجـل بضاعـه
مدامنـي وافـي واحـب الوفيـيـن=وقناعتـي فيهـم تفـوق القنـاعـه
لازم علـيّ اعـد فعـل الحشيميـن=واترك حديـث الناكسـه والرعاعـه
اترك علوم عفون الاشـوار مهفيـن=حـق الرجـال الطاهـره بالشناعـه
نقالة الحكـي الملفـق علـى ويـن=بالهون ياهـل الواطيـه والبشاعـه
ياحسيـن ماتوخـذ قبيلـه بخبلّـيـن=مادامهـم مـا يـوم جابـو قلاعـه
دحوش الرجـال مقابليـن النساويـن=اهل الحكي والكذب واهـل الخناعـه
وياحسين قالوا في حديـث القديميـن=تحشم كـلاب القـوم رغـم الدناعـه
وانـا لـك الله ماسمعـت المقفـيـن=واللي مشا لـي بـاع دبلّـت باعـه
مايرخـص الغاليـن فعـل الردييـن=راعه بقلبـي حـب الاجـواد راعـه
ياحسين جيت ونبض كـل الشراييـن=حب عنزه باعلـى عوالـي رفاعـه
ولاتحسبنـي جيـت لانـي مسيكيـن=ولا سـلايـل دافعـيـن الرتـاعـه
جيتك ولد مـن روس ربـعٍ عريبيـن=شبـوب نـارٍ عـالـي بانـدلاعـه
انـا سـلايـل لابــة بالملايـيـن=بالضبـط امـه كاملـه باتسـاعـه
شمر على عرش المراجـل سلاطيـن=اسياد عرش الطيب من فـوق قاعـه
ان جت على الفزعات نعمك ونعميـن=وان جت على المده تموت المجاعـه
ولا جت على وصل الرحـم للقريبيـن=اقسـم قسـم مـا بالطنايـا قطاعـه
الحاصل ان القلـب مابيـن عرقيـن=متساويـات بنبضـهـن واندفـاعـه
عرق النسب واسم الطنايا العزيزيـن=وعرقٍ مع الويلان صعـب انقطاعـه
وامنت في قـول الرجـال الحكيميـن=مربى الولد يغلب على الاصل طاعـه
ياحسين واللي نـزل الطـور والتيـن=واللي هدى الانسـان فـن الزراعـه
ما قلتها ياحسين واقصـد بهـا شيـن=غير الثنـا بالطيـب مامـن طماعـه
حبي لكم ياحسين اصـل المضاميـن=ومداد حرفي مـع سنـاه وشعاعـه
حـرف كتبتـه ورد فـل ورياحـيـن=وياليت كـل النـاس تقـدر سماعـه
وربـي لرددهـا بـكـل الميـاديـن=ولو لي بعد قـدره نصيـت الاذاعـه
لاني وفـي عشّـاق طبـع الوفييـن=وقناعتـي فيكـم تفـوق القنـاعـه
وختامها بالـورد والعطـر يا حسيـن=مني لكـم ياهـل الوفـا يالجماعـه
















رد مع اقتباس
قديم 01-03-2011, 07:15 PM رقم المشاركة : 2
معلومات العضو
فئه صاحب الموقع
إحصائية العضو







محمد بن دوهان متواجد حالياً


افتراضي

عز الله قصيدة مثمنه وعزيزة فأتمنى يالنداوي لو نتشرف بإسم قائلها وفقه الله ..

فصح لسانك ولسانه حتى ترضون وبارك الله فيك وبما نقلت لنا ، ويانعم والله بإخوان غلبا بإعداد ما أشرقت شمسٍ وغابت ..

وليا حل طاري شمر يالنداوي أتذكر البيت التالي والذي أتمنى كذلك أن نعرف قائله وأللي يقول :


ان صحت شمر جاوبك صوت عناز=وان قــلــت وايــــل جـاوبـتــك الـطـنـايـا

كما نتذكر أبيات شاعر عنزة وأديبها المنصف حفظه الله وأطال بعمره حين قال :


نعم بشمر خلفة طي=من عصر حاتم وعدي
نعم بغلبا نعم الحي=سناعيس أهل الطنيات
نعمٍ في شمر عموم=حشا ما يلحقهم لوم
كم عديمٍ عقب الزوم=خلوه يهيّد بسكات






رد مع اقتباس
قديم 01-03-2011, 10:45 PM رقم المشاركة : 3
معلومات العضو
نائب صاحب الموقع
إحصائية العضو







متعب الفققي متواجد حالياً


افتراضي

والنعم بجميع القبايل الف شكر يا النداوي . اسم على مسمى







رد مع اقتباس
قديم 01-04-2011, 05:45 AM رقم المشاركة : 4
معلومات العضو
صاحب الموقع
إحصائية العضو







عبدالله بن عبار متواجد حالياً


افتراضي

مع الشكر الجزيل لمن أختار هذه القصيدة التي تمثّل منطق الرجل العاقل الواعي الذي يقدّر الرجال ويعد الثناء ونتمنى لو ذكر أسم الشاعر كاملاً ومعرفة من هو حسين الرجل الذي أسند عليه الشمري وإذا لم يخيب ظني أنه يقصد أما حسين بن علي الطويلعي صاحب الوائلية الرجل الذي كسب الثناء من كل من يعرفه أو يقصد حسين الحريّص الرويلي فهو من أفاضل الرجال أو حسين آخر المهم نود أن نعرف ممن لديه معلومة كما يتضج أن لهذه القصيدة قصّة 0







رد مع اقتباس
قديم 01-04-2011, 11:14 AM رقم المشاركة : 5
معلومات العضو
مشرف الشعر الشعبي الصوتي

الصورة الرمزية سعد فرحان الجفران

إحصائية العضو







سعد فرحان الجفران متواجد حالياً


افتراضي

قصيدة رائعه

ومشكور ياالنداوي على النقل







رد مع اقتباس
قديم 01-04-2011, 01:04 PM رقم المشاركة : 6
معلومات العضو
عضو منتديات العبار
إحصائية العضو







النداوي متواجد حالياً


افتراضي

الأخ العزيز ابن دوهان

ماعرف اسم قايلها وان شاءالله نجيب اسمه

وكذلك البيت الثاني ماعرفه

وفيه بيت لبو مشعل مشهور يشبه للبيت اللي اوردته

ازبن على ربعٍ يفكون الانشاب //// فيهم طنا شمر وفزعة عتيبة

الشيخ الفاضل/ متعب الفققي

اشكرك ولاهنت يابن الاحرار

القدير / ابو مشعل

انت ابخص طال عمرك والوكاد انها من اجمل ماقيل في مدح اللي مثلك وشرواك

راع الطواريق /

مشكور على مرورك ولاهنت







رد مع اقتباس
إضافة رد

 
المواضيع المتشابهه
الموضوع كاتب الموضوع المنتدى مشاركات آخر مشاركة
انشر لكي يعرفون من هو افضل البشر رياض بن سالم منزل العنزي المنتدى العام 2 01-05-2010 06:02 PM
أجمل ماقيل عن عـيون المرأة فواز حموان الفدعاني المنتدى العام 2 06-17-2009 04:20 PM
أجمل ماقيل عن المرأة والرجل ...... بنت وايل سوالف التعاليل 7 01-12-2009 12:31 PM
 
 

أدوات الموضوع
انواع عرض الموضوع

 
تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

 
 
 
 
 

الساعة الآن 04:26 PM.


Powered by vBulletin® Version 3.8.8 Beta 3
Copyright ©2000 - 2014, Jelsoft Enterprises Ltd 
vEhdaa 1.1 by NLP ©2009