قصيده بعنوان
ندم القلب على الزمان وانا مخضب بالمشيب
يا حالي من دهري من مرض عضال او من عزوف الاهل
خوفن من المحال
--------------------------------------------------------------------------------------------------------------- كلهم جربتهم مايفيدون
ولا يسون دمعاتج يلعيون
كون زغار باقين ويلعبون
جنه زغار متربين فدبيت
كلت أرتاح بيهم من يكبرون
كبرو ريتهم ما كبرو اليوم
وصار همي من وراهم هم مجنون
كون زغار باقين ويلعبون
وأمنه تنشرنه بساحت البيت
نلتم ناكل كلنه بفرد ماعون
أبو جفوف السخيه مكفي لعيال
وعلى بساط الشرف كلهم يكعدون
كون زغار باقين ويلعبون
فوانيس المحنه امنور الدار
عليه بليل يقرون ويكتبون
شجاكم تغيرتم شصار ما صار
كثر مالكم وعن حالي تعزفون
كون زغار باقين وتلعبون
امان الدنيه ياولدي تتغير بلحضات
وامان الوالد ذهب مكنون
يحبابي سنين المضة انه الكم مطر
وسنين العلي عجاف ملعون
كون ازغار باقين وتلعبون
انه ابو لبس الترف وكرم معروف
يصح نايم على الارض وظهري مطعو
يارب خذ الامانه من هل الجسد بمعروف
وخليني بجنان الخلد وي المؤمنون
كون زغار باقين ويلعبون
ما عاد أسأل على الدنيه يلعيون
الكل يرجع الاصله وبلموت فرحون
كون باقين ياولدي طويل العمر وتتذكرون

تحياتي للاخ سعد ومنتدى العبار
الشاعر علي الشيباني- القادسيه - ناحية الشنافيه