صفحة جديدة 2


الإهداءات

   
>
    
  

 


    -  تعديل اهداء
العودة   موقع قبيلة عنزه الرسمي: الموقع الرسمي لقبائل ربيعه عامه و عنزة خاصه ركن الأدب الشعبي الركن الخاص بقصائد الشاعر عبدالله بن عبار العنزي
الركن الخاص بقصائد الشاعر عبدالله بن عبار العنزي كل ما استجد من شعر شاعر قبائل ربيعه الشاعر عبدالله بن عبار والإسناد عليه
 
 

إضافة رد
 
   
أدوات الموضوع انواع عرض الموضوع
 
 
قديم 04-20-2010, 07:25 PM رقم المشاركة : 1
معلومات العضو
صاحب الموقع
إحصائية العضو







عبدالله بن عبار متواجد حالياً


افتراضي قصائد جديدة ما استجد من شعر أبن عبّار في شهر جماد الأول عام 1431هـ

هذه القصيدة القيتها في حضرة صاحب السمو الملكي الأمير الدكتور فيصل بن
مشعل بن سعود بن عبدالعزيز آل سعود نائب أمير منطقة القصيم حفظه الله في
منزل الشيخ شخيّر بن دهيمان الرماحي في البصر في بريدة يوم السبت الثالث
من شهر جماد الأول عام 1431هـ

سـلام يـا شـبـل لـك الـعـز مـشـيـود ** يامـن كسبت المعـرفـه فهـم وألهـام
دكتـور عـلم وعادتـك تطلـب الـزود ** ومن هـام جـزلات المراجل لها شام
يا نـايـب الـلي ساعـده فيـك مشدود ** فيصل أبن بنـدر عـلى الطيب جـّزام
نعـم الأميـر الـلي لـه الأمـر مسنـود ** ولـّي أمـر شعـبٍ تـقـيـيـن واحشـام
تـنـوب عنـه وقمت في كـل مجهـود ** أخلصت باعمالك عسى العز لك دام
تستـاهـل التـمجيـد والـقـول مـاكـود ** مـا قـلـت منطوقي خيـالات وأوهـام
أقـولهـا ولالـي مـن المـدح مقصود ** لاشك من يمدح هـل المجد ما أيـلام
يا أميـر فيصل يا سلايل هـل الجـود ** منسوب من لابـه عـزيزين واكـرام
راسـك يطـول اليـا تفاخـرت بجـدود ** ساسك عـريق ومن صناديـد حكّـام
نسل الملوك الـلي لهم فعـل مشهود ** عند العرب والترك وافرنج وأعجام
مشعـل أبـوك وجـّدك العاهـل سعـود ** الليـث الـلي للشعـب قـايـد ومـقـدام
سعـود أبـو خيرين أكـرم مـن النـود ** كفه يفيض مـن الندى خيـر وانعـام
عـسـاه بـالجـنـه يخـلـد بـهـا خـلـود ** يحضى بعفو اللي فرض حج وصيام
حـكـم بـعـدل وسار في منهج العـود ** عبدالعزيز الـلي تـصـّدى للأخـصام
حددها أبـو تركي عـلى ضمّر القـود ** يوم الفخر والمجد في رمح وحسام
رام المعـالـي والـفـخـر دوم منشـود ** قـاد الـمسيـرة مـا تـكـاسـل ولا نـام
المـقـرني فـوق العـلا يصعد صعـود ** سـار ومـسـيـره دايــم الـدوم قـّـدام
كافح من أجل الحق ما قصده الفـود ** حتى استقرت وأنتصر دين الإسلام
كف البداة الـلي تغـازوا عـلى الذود ** وأنها زمان الحنشلة ماض الأعوام
حـوّط عـليهـا وحصّن الـدار بحـدود ** من شرقي بلاد الجـزيرة إلى الشام
وبـنـابـهـا مجـد مـثـل شامخ الطـود ** وجت له بفضل الله على خير ميرام
نصـرٍ مـن الـلي للمخـاليـق معـبـود ** رفـرف علم عـز العرب والسعد قام
وأنجـب مـلـوك كـلهـم نقـوة فـهـود ** ليث الوغى عقّـب عـرينـه لضرغام
مـن سـاسهم قـادة طوابـيـر وجنـود ** لـلـجـتـمـع قــدوده ولـلـبـيـت خـّدام
الـمـجـد مـن والـد يـعّـقـب لـمـولـود ** مـفـاخـرٍ مـن دور هـانـي وبـسطـام
واليـوم أمن وصاحب الشـر ملـدود ** في حكم اللي للمعتدي عوق واكعام
قايدنـا أبـو متعب ذارنـا عـن الكـود ** ريـف الضعافي والأرامـل والأيـتـام
وأخوانـه الـلي باللوازم لـه عضـود ** ذخـر المواطن عـن شنيعات الأيـام
شعب الجزيرة عاش بسهود ومهود ** في ظـل الـلي يلجأ لهـم كـل منظـام
أقـولهـا ومـن شـذ مـا عـنـه منشود ** يلقـا الجـزاء مـن يعتنق فكـر هـدام




وهذه القصيدة قالها الشاعر عبدالله البداح البرازي السهلي يسند على زميله عبدالله
بن عبار العنزي ويثني على ضويحي البرازي السهلي من أهل البطين بالقصيم :
بسم رب الخلـق والكـون الفسيحي ** أبتـدي بالقاف وأن عاضب عسفته
خـاطـري مشتـاق للقـول الملـيـحي ** هـاوي الجـزلات والهـزلة عـذفـتـه
صـرت والأفـكـار فـي لـح ولحيحي ** الـرجـل يخـاف مـن قـولـت زهفتـه
لا مـرشد بـّذّال ولا نـيـب السريحي ** شاعـر عـلى قـدي أغطـاي التحفتـه
والـعـرب نـقـّاد سـتـيـر وفـضيـحي ** وعن كلام الناس نظم القاف حفتـه
فيه بعض الناس باسلوبـه مسيحي ** تـتـهـمـه بـالخـيـر ولكـلـمـك عـفـتـه
والسماحـة نـور بالوجـه السميحي ** وزبدة الموضوع من جمّـه غـرفته
والنصاحة تلـقى بالـرجل النصيحي ** يـوم سـار القـاف للطـيّـب حـرفـتـه
لـك يا أبن عبـّـار بالأسم الصريحي ** وأنت لـك ميقـاف يعـرف لا وقفتـه
يـالـمـعـنّـى سـر ولا بـه نـبـيـحـــي ** أكـتـشـفـتـه ولا بـعـد مـا أكتشـفـتـه
يـا مـعـلـّم كـان فـيـهـا لاح لـيــحـي ** قول هاك الرجـل مبطي ما صدفتـه
كـني أمـلـك كـل ثـروة الـجـمـيـحي ** لا عـقبـت الـعـرق وخـلافي نسفتـه
مدري أنا صاحي أو ماني صويحي ** يا وسيـع العـرف ودي منـك لفـتـه
لا حسيت البـال مـا هـو مستـريحي ** للبطيـن أروح وأدنـا بـيـت ضفـتـه
يـنشـرح الـبـال واهـمومي تـزيـحي ** انشراحي مـا تصـدّق لـو وصفـتـه
كـلهـم نعـميـن وملـفـايـه ضـويـحي ** أهـتني بفنجـال عـنـده لـو رشفتـه
مـقـدّم الـتـرحيـب بالبـال الشـريحي ** ولـو أقول المدح كلّـه مـا أنصفتـه
يا أبو مشعل عارفه مهبوب ريـحي ** فـيـه كـل الطيـب سمعـتـه وشفـتـه
مغالطـه بالطيـب ماخـوذ وطـريحي ** والحنـف يـمـوت مـا عـّدل احنفتـه
يابو مشعل والله لو تبخص ضويحي ** لتندم عـلى يـوم فـاتـك مـا عـرفتـه
من هو اللي سمع مـداّح الشحيحي ** وأسحـب الكـلام وبالشارع حـذفتـه
مـدح بغـيـر أهـلـه مذمـوم وقبيحي ** عنه احساسي كلـه والنظر صرفته
في ما مضى المدح بالذبح وذبيحي ** ولا هـاك الـوقـت مـذلاف ذلـفـتـــــه
مهـف الدخان مع عاصوف ريحـي ** كـم عيون الدمع فـي وقـتـك ذرفتـه
اللي ربح واللي ماخـوذ ويصيـحي ** جاهل اللي يلحق الماضي احسفتـه
يا ثـقيـل الـروز والعـقـل الـرجيحي ** يا مصيب الـرأي معكم مـا أختلفتـه
يا عميـد الشعـر بايـن مـن نضيحي ** من عام التسعين ذا الموطن ولفته
مـوطـن أبـو فهـد كسّـاب المـديحي ** يكـذب الـلي بالـكـرم يـقـول طـفـتـه
الشهامة تـقـدح مـن راسه قـديحي ** خـذهـا مـني ديـن لـو تـبي حـلـفتـه
كـم مـن وده مـثـلـه يقـوم ويطيحي ** يـحـتـزم للطـيـب وهـيبتـه كـلـفـتـه
يكسـب الـطـولات مـن لهـا نطـيحي ** مثـل متـعـب اهـتـواهـا والتـقـفـتـه
أمـدح أبـو فـهـد بالفعـل الصحيحي ** والـلـه مالي فيها مقصود وهـدفتـه
والسموحة مـنـك يالـوجـه الفليحي ** في جنابـك نقص مـدحي اعتـرفتـه
يا سليل المجـد يا مبـري الجـريحي ** الفخـر لك ساس والله مـا استلفتـه
يـرحـم من عقبك والـلـه لـه يبيحي ** مـوجـز مـن كـثـر طـيـبـك اقتطفتـه

ونظراً لصعوبة القافية وحيث أن الأخ عبدالله لم يترك لنا من مواقف الأبيات
ألا ما قل فقد رديت عليه بما تيّسر من أبيات فقلت هذه القصيدة جواباً لقصيدة
الشاعر عبدالله بن بداح السهلي :
راكـب الـلي لا مـشى مـالـه فحيحي ** كنه الـلي يـطـرده مـن شـب سفـتـه
مـرسـل مـن عـنـدنـا روّح مـشيحي ** مع طريق الجوف يجري فوق زفته
سار نـوه صاحب الـوجـه الصبيحي ** يلفي أبـو بـداح يـفـرح كـان ضفتـه
جـاني المكتـوب بـه قـول فـصيـحي ** وحين مـا جـاني من شفقتي خطفته
مـن مـثـايـل شاعـرٍ هيّـض قـريحي ** أخـذ عـذي القـاف وخـلالي حجفتـه
ما يغـرف القاف مـن طـل ورشيحي ** عـيلـم ما غـاض جـمـّه لـو نـزفـتـه
يابو بداح القاف تصدح به صديحي ** مثل عقـد الماس من نظمه رصفته
مـا تغـّزل بـه مثـل شعـر الـوضيحي ** تمـدح الطـيّـب وغـيـره مـا قـذفـتـه
بالكـلام أحسنت يـا مـادح ضويـحي ** لـك جزيل الشكر حيث أنك أنصفتـه
أبـو ناصر عـن لـزومـه مـا يميحي ** ولا نـلـوم الـلي مع ضويحي نهفتـه
وأن لفاه الضيف في بـيـتـه يريـحي ** أبـو ناصر ريـف مـن بقعـا انحـفتـه
يالـبـرازي عـسى يـفـداك الـوكيـحي ** بالجواب أنصفت والمعبـود خـفـتـه
كـل ربـعـك يـستـحـقـون المـديـحـي ** الفخـر والمجـد لاحـوا فـي شعـفـتـه
فـعـلـهـم يـوم الـمـوازر لـه ضبيحي ** خصمهم بالكون يجفـل مـن رجفتـه
يالـزمـيـل أخبـرك بالقـول الصريحي ** الـف نعم بكل الـلي منهـم عـرفـتـه
منهـم الـلي لـو ملـك خـزن الفتيحي ** بـدده حـالاً وحـطـه فـي صـحـفـتــه
الدسم دايـم عـلى صحـونـه يسيحي ** بالكـرم مـا ضـب كـفـه لـو كـتـفـتـه
والجـمـايـل مـا كسبـهـا كـل تـيـحـي ** لـو تـجـي مـلـزم يحسب أنـك بلفتـه
كالسـراب الـلي يـغـرك بالضحيـحي ** يـغـري الظـامي ولا يـروي لهـفـتـه
بالصباخي مـا نـبـت عرفج وشيحي ** والثمـر مـن العـواشـز مـا خـرفـتـه
مـن ورد للـرس مـا حصّـل نشيـحي ** والصقر مـا طـار لـو ريشـه نتفـتـه
والـبشـر آخـر مصيـره بالضـريـحي ** يـرقـد بـسـرداب بـبـلـكـه سـقـفـتـه







آخر تعديل عبدالله بن عبار يوم 04-21-2010 في 07:50 AM.
رد مع اقتباس
قديم 04-21-2010, 04:50 PM رقم المشاركة : 2
معلومات العضو
فئه صاحب الموقع
إحصائية العضو







محمد بن دوهان متواجد حالياً


افتراضي

السلام عليكم ورحمة الله وبركاته

بادئ ذي بدء الحمد لله على السلامة وسفراً موفق إن شاء الله تعالى ..

وصح لسانك يا أديبنا العزيز حفظك الله ولسان الشاعر عبدالله البداح السهلي

وأنعم وأكرم بالمادح والـممدوحين أجمعين وعلى هذه القصيدة الوطنية من شاعر الجزيرة العربية وأديبها تجاه أسرة آل سعود حفظهم الله ورحم من مات منهم وجعل مثواه الجنة وجمعنا بهم في مقر رحمته ..

وكل الشرف والفخر لنا بقراءه هذه القصائد الشامخة بشموخ من قالها ومن قيلت فيه من أهل الكرم والطيب والنخوة العربية الأصيلة ..

وكن أعزك الله برعاية الله عز وجل وحفظه .







آخر تعديل محمد بن دوهان يوم 04-21-2010 في 04:52 PM.
رد مع اقتباس
قديم 04-25-2010, 05:28 PM رقم المشاركة : 3
معلومات العضو
باحث

الصورة الرمزية أباوائل الوائلي

إحصائية العضو







أباوائل الوائلي متواجد حالياً


افتراضي

آل سعود هم شمس جزيرة العرب وهم هامة ربيعة ...فأكرم بالممدوحين والمادح وبارك الله فيك يا أبامشعل فأنت نراس النت بأكمله فجزاك الله خيرا وألبسك لباس التقوى والعافية وبارك الله في المضيف الكريم ابن الكريم ابن الاكرام شخير بن دهيمان الرماحي ....







رد مع اقتباس
قديم 04-25-2010, 07:21 PM رقم المشاركة : 4
معلومات العضو
مشرف أخبار أبناء قبيله عنزه
إحصائية العضو







مفضي الوحداني متواجد حالياً


افتراضي

بارك الله فيك ابو مشعل والله يعطيك العافية







رد مع اقتباس
قديم 04-25-2010, 09:19 PM رقم المشاركة : 5
معلومات العضو
عضو منتديات العبار
إحصائية العضو







هيبة ملك غير متواجد حالياً


افتراضي

صح لسانك وعلا شانك وافي يابو مشعل ويستاهلون الممدوحين ..بيّض الله وجهكـ ..







رد مع اقتباس
قديم 04-26-2010, 03:17 PM رقم المشاركة : 6
معلومات العضو
المراقب عام

الصورة الرمزية رياض بن سالم منزل العنزي

إحصائية العضو







رياض بن سالم منزل العنزي غير متواجد حالياً


افتراضي

صح لسانك يا أبو مشعل







رد مع اقتباس
قديم 05-01-2010, 10:20 AM رقم المشاركة : 7
معلومات العضو
شاعر
إحصائية العضو







شامان متواجد حالياً


افتراضي

حدّدها أبـو تركي عـلى ضُمّر القـود ~~~ يوم الفخر والمجد في رمح وحسام
رام المعـالـي والـفـخـر دوم منشــــود ~~~ قـاد الـمسيـره مـا تـكـاسـل ولا نــــــام
المـقـرني فـوق العـلا يصعد صعــــود ~~~ سـار ومـسـيـره دايــم الـدوم قــــــدّام
غفر الله لمؤسس هذا الكيان الشامخ وأبقى ابنائه وأحفاده من بعده ليكملوا هذه المسيرة المباركه ..
صح لسانك يابو مشعل حفظك الله والبسك ثوب الصحّة والعافيه..
{ دام أبداعك المعهود }






رد مع اقتباس
قديم 05-01-2010, 11:01 AM رقم المشاركة : 8
معلومات العضو
شاعر
إحصائية العضو







شامان متواجد حالياً


افتراضي

والسماحـة نـور بالوجـه السميحــي ~~~ وزبدة الموضوع من جمّـه غـرفته
والنصاحة تلـقى بالـرجل النصيحـي ~~~ يـوم سـار القـاف للطـيّـب حـرفـتـه
لـك يا أبن عبـّـار بالأسم الصريحـي ~~~ وأنت لـك ميقـاف يعـرف لا وقفتــه
*****
كـل ربـعـك يـستـحـقـون المـديـحـي ~~~ الفخـر والمجـد لاحـوا فـي شعـفـته
فـعـلـهـم يـوم الـمـوازر لـه ضبيحـــي ~~~ خصمهم بالكون يجفـل مـن رجفته
يالـزمـيـل أخبـرك بالقـول الصريحـي ~~~ الـف نعم بكل الـلي منهـم عـرفـتــه

ألأخوة الكرام
الشاعر/عبدالله البداح السهلي
الشاعر والاديب/عبدالله ابن عبار العنزي

صحّت السنتكم ’ ونعم بالجميع ويستاهل ابو فهد سمو الامير متعب الفهد الفيصل قولة نعم ياحلّ
طاريه ’ونعم بالاخ ضويحي ابو ناصر وبيّض الله وجيهكم جميع على هذه القصائد
الجميله وفقكم الله لما فيه الخير دمتم بخير ..






رد مع اقتباس
قديم 05-02-2010, 09:58 AM رقم المشاركة : 9
معلومات العضو
عضو منتديات العبار
إحصائية العضو







عزيزقوم متواجد حالياً


افتراضي

صح لسانك وعلا شانك وافي يابو مشعل

ويستاهلون الممدوحين ..بيّض الله وجهكـ






رد مع اقتباس
قديم 08-29-2010, 03:20 PM رقم المشاركة : 10
معلومات العضو
عضو منتديات العبار
إحصائية العضو







دحام فهيد معيض الشملاني متواجد حالياً


افتراضي

صح لسانك يابو مشعل ولا هانو الشعار الثانين







رد مع اقتباس
إضافة رد

 
المواضيع المتشابهه
الموضوع كاتب الموضوع المنتدى مشاركات آخر مشاركة
قصائد جديدة عبدالله بن عبار الركن الخاص بقصائد الشاعر عبدالله بن عبار العنزي 4 02-27-2012 12:33 AM
قصائد جديدة مسندة عبدالله بن عبار الركن الخاص بقصائد الشاعر عبدالله بن عبار العنزي 8 01-04-2011 11:15 AM
ما استجد من شعر أبن عبار في شهر رجب عام 1431هـ عبدالله بن عبار الركن الخاص بقصائد الشاعر عبدالله بن عبار العنزي 7 07-04-2010 12:12 PM
قصائد جديدة من أهل بلدة البطين عبدالله بن عبار الركن الخاص بقصائد الشاعر عبدالله بن عبار العنزي 5 03-27-2010 02:24 PM
قصائد جديدة من كرم الكرام عبدالله بن عبار الركن الخاص بقصائد الشاعر عبدالله بن عبار العنزي 17 01-08-2010 07:06 AM
 
 

أدوات الموضوع
انواع عرض الموضوع

 
تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

 
 
 
 
 

الساعة الآن 11:35 AM.


Powered by vBulletin® Version 3.8.8 Beta 3
Copyright ©2000 - 2014, Jelsoft Enterprises Ltd 
vEhdaa 1.1 by NLP ©2009