🦅يامكثر اللي بالمساجد يصلون🌿


يامكـثـر اللـي فـي حـــيـاتي يـمـــرون = ويامكـثـر اللــي مـثلهـم,, يـرحــلونـي
نـاسً تــروح وعـقبـهـم نـاس يـأتـون = مـير البـلا واحـد يهـيّـض اشــجونــي
واحـد بعـيني مـالـه أشــبــاه او لـون = وهـذا ايـلامـن غـاب تكـــثر اغـبـونـي
واحــد يعـادل بيــن الاعــــداد مليـون = ولو غـابــوا المليــون مـا ضـايـقـوني
صديق صـادق عـندي يعـادل الكـــون = عـلـيـه امـون بــكـل شــي ويـمــونـي
مالــه بـديـل ولاش مـن لــه يســـدون = فــرقـاه تـدمي خـافـقـي ,,والعـيــوني
هـذا فـلا يحــتـاجـلـه كــيـف وشــلـون = مـن ناس وسـط قـلـوبـنا يســكـنـوني
صفـوّه عـلى روس الاصــابع يعــدون = ولا ودّنــا لــو لـحـظـــةً,,,,يبعـدونــي
حـيث البشـر باطــباعهـم ما يتسـاوون = وبيـن الــردا والطــيب فــرقً يكـوني
يا مكـثــر اللـي بالمسـاجـد يـصـلـون = ‏‎ولا كـلهــم بـالمــغـفـره,,, يحـتظـونـي
وَيَا مـكثر اللي حـول بيـته يطـوفـون = حــجـاج مـير بــذنـبـهـم,, يرجـعُـونـي
وَيـا مكثر اللي حاولـوا يســتفـيدون = ولا كــل تـجّــار العــرب,,,, يربـحـٰونــي
ولا كٰـلً هرجً نستمـع فـيـه مـوزون = هـرج المهايـط مثل راعـيـه,,,,,,,دوني
بعـض المجالس ناسـها لك يغثون = ايـضـًا ولا كـل البشـٰـر ,,,,يســـٰتحــوني
وأهـل الــردا يا جعـلهـم ما يـردون = ويـا جـعـلُـهـم بالهـاويـٰـه,,,, يـنـزلـوني

✍🏼محمد بن سـوعـان الربيّـع

صح لسانك وعلي شانك ما تقول ألا القصائد الهادفه ولكنك ما بيّنت الذي تعنيه

بارك الله فيك اخوي ابو مشعل
صح ذوقك استاذي الفاضل
تحياتي ومودتي وتقديري لاهنت .