للطيب اصخـر نـادر القاف تصخير
—�—�—�—�—�—�—
اهـداء متواضع الى الاخ العزيز والغالي فهد الزعابا العنزي ابوبدر بعد اتصال أجراه معي من الخارج وهو في رحلة علاج يطمئنني عن تحسن حالته الصحيه والحقيقه أفرحني وسررت كثيراً بهذا الخبر اسال الله ان يعافيه ويشافيه ويرده سالماً غانماً لاهله وذويه ومحبيه فالأخ ابو بدر يستاهل كل خير وكانت تلك الابيات كردت فعل نحوى هذا الخبر السار .

بشـرتني والله يبشـرك بالخــيـر= وطمـنتي والله يزيــدك ســعـاده
افـرحتني فـرح القــوانيص بالطيـر = اللـي عـقب ما ضاع ربـك اعاده
الحمـد للمعـبـود رب المـقـاديــر = اللي عطـاك. مـن العـزايـم إراده
ومن يتقي ربه ويصبـر على الضـير = لابــد مــا ربــك يـحـقق مــراده
عقب الألم عقـب السهر والتفاكيـر =نجّـاك مـن يرحـم ضـعايف عبــاده
سبحـانه اللي صـوّر الكـون تصـويٰر = وعليـك مـن فـضـلـه .طغا زاد مـاده
غالي ولك بالقلب حشـمـه وتقـديـر = وانت الـذي يثلـم علينا ابعـاده
معـزتك ياصـاح تـفــرق عن الغيــر = نشتاق لك شــوق التقـي للعبــاده
تشتــاق لك بيـض الدلال المباهيـر = ومجالس اهل الطيب واهل والرياده
نسل الرجـال اللـي تـقود الطـوابيـر = اهـــل الســــلوم الغانمــه والجـــلاده
يابـو بــدر عـلمـك ينومسك وايتثيـر= يثـيـر كـــل خــيّـر عـريبٰـه اجـداده
جالك شـعوري دون نقصً وتـزويـر = مـن شـاعـرً نـطــٰم. القـوافي أجُـاده
يـحــدنـي عـرق الـوفـا للمـنـاعيــر = ليـن اصبحت يا صاح طبعً وعــاده
ماسـرت انا بدروب بعض الشـواعيـر =اللـي نـظــم معـنــاه للاســـتفاده
للطيب اصخـر نـادر القاف تصخير = قلـته وفـا والصدق تــم اعتمـاده
ترجــع عليـنـا بالسلامـه عـلى خـيـر = ونفـرح بشـوفـك يافـهــد في زيـاده
بالله عسى عقب الصعـايب تياســير = يـا صاحــبً بالقلـبً ينبـض وداده
واقبـل تحيـات الـوفـا. والتـقـاديــر = يـامـن أخـذ من كــل خيـّـر شـهـاده

محمد بن سـوعان الربيٰع

الجمعه في 30 محـرم 1439 هجري
الموافق 20 اكتـوبـر 2017 ميلادي .

الأخ الشاعر المبدع محمد بن سوعان الربيّع أنت وفي وصاحب مواقف ونسأل الله الشفاء للأخ فهد بن شنيتر الزعيبي ويعود سالماً معافى

اللهم امين
نسال الله الشفاء العاجل
والمعافاة الدائمه
وجميع مرضى المسلمين
اخوي أبو مشعل اسعد الله جميع اوقاتك لاهنت ....