لـولا الموده والغـلا ما نشـدنا
,,,,,,,,,,,,,,,,,,,,,,,,,,,,,,,,
لـولا المــوده والـغــلا ما نـشــدنـا = لاوالــذي نـــزّل تــبــارك والاحـــزاب
ننشد عن الصاحب ونحفظ عـهـدنا = ولا نخلف الميعاد مع جـمع الاصحاب
هــذي طبـايـعــنــا وهــذا وعــدنـا = وهـذي اسـلـوم اجـدادنا قـبـل الانجـاب
متـوارثـيـنـه مـن قـبـل لاانـوجدنا = مـن راس عــودً ورث الطـبـع للـشـاب
عـادات واســلـومً عـلـيهـا اسـتندنا = نـفـخــر بهـا عنـد القـرايب والاجـنـاب
وبنفـوســنا لاهـل المراجل رصدنا = قـــدر وكــرامه مالــها عــد واحـسـاب
ومن يـفعـل المعــروف فيـنا أشـدنا = نرفـع لـه البيـضا على كــل مــرقــاب
لاشـــك حنـــا مالفـضــله جـحــدنا = عـزيـز لـو هـو مـن بعـيديـن واجـنـاب
مــا كـنــه الا بالـمـعـــزه ولـــدنـا = ويبدي عـلى بعض الجماعـه والاقــراب
ما هـزنا اللي في هــروجه هـجـدنا = مـنهـــاجــنـا مــا بــدلـــه كـــل كــذاب
مــا همنـا هــرج الـذي يـنـتـقــدنـا = وش عاد لـو سـولـف بنا كــل مغــتــاب
عـن زود هـذرات الردي ما نشدنا = ريح العواصف ماثنت روس الاهضاب
ويامـا ويـامـا للحــقـــوق اســتعـدنا = ولا يـنـتـحــي حـــقً تـقــفــــاه طــلاب
حـنـا لــذربــات المـعـــاني حصـدنـا = والـكـــل منـــا للــجـمــــالات كســـاب
وعند المواجـه لاحشى ما ارتعــدنا = ناطـا الخطـرما صابـنا خـوف ارعـاب
ما نخـضع الا للـذي لــه ســـجــدنا = لـه تنحـني روس البشر فــوق الارقاب
وطـاعة ولـي الامـر ما عنه حـدنـا = نمــوت حنــا ولا انـــوالـي للاغـــراب
بـقـلـمـــي :
محمــد بن ســـوعان الربيـّع
الإهداءات
04-18-2017, 07:43 PM
لولا الموده والغلا ما نشدنا
العرض العادي
