وقال الشاعر جميل بن محمد بن فلاج الحوسي هذه القصيدة :
قـبلي كسبـت الـمـدح والأشـاده *** مـن جـملـت الشعّـار والنـقـاده
تستاهـل التمجيـد يـا عـبـدالـلـه *** يالـلي تكـلـف واعـتـنـا بعـداده
ماأحدٍ سبقك بفكرتك يا عبقري *** أنـت الأديـب الشاعـر السيـاده
فعلك على غيرك صعيب وكايد *** اتعـبت من يلكـد وراك اجـواده
شيدت صـرح للقبـيلـه شـامـخ *** كـلـن يـعـده مـفـخــره لأجــداده
تـاريـخ وايـل بـالـكـتـب دونـتـه *** والبـيـت ما يبنـا بلـيـا اعمـاده
مراجع التـاريخ تـبحـث عـنـهـا *** أديـب عـصرك والعـلـوم أفـاده
ماية على ست وخمسين مصدر *** ذيـلـتـهـا بـكـتـابـكـم وزيـــاده
جـمعـت مجـدٍ بالكـتـب متشعـب *** كلـه بجهدك صرت مـن رواده
وسـلـم القـبـيـلـة للمـلأ وثـقـتـه *** تروي وتكتب مصدره بأسناده
والشجرة اللي فرعت بغصانها *** الجـذع وايل والأوراق احفـاده
أصدق دلايل في كتاب احكمتـه *** تـاريخ وايـل فـي قديـم امجـاده
أنا اشهـد أنـه حـاز فـي تأليفـه *** جـل المكـارم والبحوث اعتـاده
وأن قيل من هو قلت اناعبدالله *** أبـن المعـنى نـال فـيـه امـراده
من راس لابـه ما يداس احماها *** مثل الليوث اللي تضد اضداده
رجالهـم بالكـون يشهـر سيـفـه *** وكم فارس هدوه عقب اعناده
ولا أبو مشعل دون ربعه يثـني *** من يشمت اللابة عطاه رشاده
شعـره غزيـر ولا يقاس بعمقـه *** مثـل النهـر مـا يـنـقصه وراده
بين البوادي والقرى لـه جولـه *** يبحث عن الأنساب من ميراده
واليا اتضح له الخطأ يستدركـه *** صدق الروايه يحتسب لأبعاده
بعض العوايل للصواب أرشدهم *** كم واحـدٍ صار السبب بسعاده
نـطـلـب لـه التـوفيـق والأعانـه *** والـلـه يفكـه مـن حسد حسّاده
علمـه ضهر بين القبايل صيتـه *** عـبـدالـلـه الـعـبـار يـا نـشــّاده
الكامـل الـلـه والخطأ بأبـن آدم *** من خلقت الدنيا وهي لـه عاده
ما ايلام عبدالله ولا يحمل خطـأ *** بعـد الكفـاح ورايتـه وأجهـاده
ينلام من يخفي محاسن ربـعـه *** الـلي اليا شاف الخطأ يصطاده
يخـفي محاسن طيبيـن السيـره *** قلبـه مريض وعايش بأحقـاده
مدحـه يخص أبـوه مع جـدانـه *** وعند اللوازم صار فيه اشراده
قبل الختام اشكرك يبن دهيمش *** ورد الثناء حـق على القصاده
وأسمح لنا يالقرم كـان اخطينـا *** شعرالمشاعر طاب فيك نشاده
وقال الشاعر جميل بن محمد الحوسي :
وقعت لك وقعت في عشـر الأصباع *** أنـك أديــب وفـيـك صـبـر وجــلاده
شاعرفحل مشهور في كل الأصقاع *** عنـدك عـلى نـظـم القوافي شهـاده
راوي واديب وشاعر وعندك إقناع *** أنـا أشـهـد أنـك تـستـحـق الإشـاده
لا قيـل من هـو قلت بين الملأ شاع *** عـلـمه وذكـره محتـرم فـي عـتـاده
أنـا اشهـد أنـه بالصعيـبـات بـتــاع *** بـالـمـعـضـلــه عـنـده قــدوم وأراده
عبـداللـه العبـار مـا هـو بـرعـراع *** وأولاد وايـل بـالـلـزم هــم اسـنــاده
مـن لابــة هـداتـهـم تـشبـع سبـاع *** عــدوهـم مـا يـهـتـنـي فـي رقـــــاده
وقال الشاعر جميل بن محمد العنزي هذه الأبيات من قصيده جوابيه :
يا أبـو مشعـل معـلن معـك التحالـف *** ضـد نـاس يا أبـو مشعـل يجهلـون
مـا رضينـا أن نكـون مـن الخوالـف *** ولا رضـيـنـا أن نـكـون الأرذلـــون
ولا نقلنـا هـم من بعـض الـزحـالـف *** ولا سمعنـا هـرجـة الـلي يـرجفـون
مـن يعـز النفس مـا يرضى اللفالـف *** مـجـد وايـل دونـه رجـال يـحــدون
مثـل أبـن عـبـار لـه ميقـاف صالـف *** الـوحـيـد الـلي تـبـيّـن مـن سـنـون
مـا تـركـهـا بـيـن جـهـّال تـشـالـــف *** سـيـرة الأمـجـاد درسـهـا الـبـنــون
عـنـد خـيـرت قـومنـا يولف ويالـف *** والـردي كـوبـان مـا هـو لـه زبـون
يـا كـثـر نـاس عـلى وايـل تـهـالـف *** هــذا يـبـي الــعــز وذا وده يـهــون
لـو بعـضهـا حـق قـلـنـا مـا يخالـف *** لـكــن أنــه زيــف شــي يــدعــــون
الـحـقـايـق والـلـفـالـف مـا تـوالـف *** بعد ضلع طويق عن ضلع الحجـون
وقال الشاعر نايف بن عبدالله العمري هذا المقطع من قصيده :
حياك الـلـه مع ربعـتك يا أبن عـبـار *** بالمجـلس الـلي زيـنـتـه وايـلـيـه
حـيـاك ربـي يـا كـبـيـر مـع اكـبـــار *** مـع رايـب الـفـنـجـال بـالشـاذيــه
حيثـك كـريـم ومع كريمين واخيـار *** مـنـا لـبـو مشعـل سـلام وتـحـيـه
والـلـه لـو الـجـو بـه عـج واغـبـار *** يالـوايـلي فـي جـيـتـك لـه مـزيـه
لنا الشرف ننشر فـرحنـا بالأخـبـار *** مـنـك الـزيـاره نـعـتبـرهـا هـديـه
وقال الشاعر رجاء بن سويلم بن شداد البجيدي هذا المقطع من قصيده :
وأرسـل لأبـن عـبـار لـيـه يجـاري *** قـرايضه مثـل الـذهـب ما يخسرك
من مصنع القيفان مـا هـو تجاري *** اليـا طـمـك أمـواج تـلاطـم يعبّـرك
سيف عنزة لاسن وقـت الطواري *** يحشر جنون الأنس من قبل تحشرك
وأنا يابو مشعل على الحـظ أداري *** عسى السعادة طول الأيام تغـمرك
وقال أحد الشعراء هذا المقطع من قصيده :
يابو مشعل يا مكرم الضيف والجار *** وعـلـومكـم بالطيـب كلـن خبـرهـا
هـذي ابـيـات مـهـديـه لإبـن عـبـّار *** الـلي عـذيـات الـقـوافـي سـطـرهـا
اعجبتني بـروايـتـك هـي والأشعـار *** وسوالـف الـويلان فكـرك ذكـرهـا
اعتـز بأهـل الطيـب والفعـل والكـار *** شجعان بالشدات يظهـر صطـرهـا
الـلـي مجـالسهـم بـهـا بـن وبـهـار *** وسوالف يعجب بهـا مـن حضرهـا
يابـو مشعـل زمانـنـا عـج واغـبـار *** ومـن الحسد ما عـاد ينزل مطرهـا
وقال الشاعـر مساعـد العنزي هذا المقطع من قصيده :
يا راكب اللي ما وطأ بأرض الأقفار *** من عندنا يمشي قبل حزت النـوم
تـلـفي جـنـاب الـوايـلي نسـل عـبـار *** عز الصديق وللعدا سيف مسموم
وإلـى لـفـيـتـه بـلـغـه سـر وأجـهــار *** عـز الذي جالـه من البعـد مظلوم
وش حيلتـك فـي وقـتـنـا صـار دوّار *** وقـت علينا اليوم تأمر به رخـوم
يـا مـسـنـدي يـفـتـر دولاب الأفـكـار *** يالوايلي قلبي من الغيض مزحوم
أبغي نصيحة منك يا وافي الأشبـار *** يا أبن الرجال مزبنت كـل مضيوم
ويلان وأن ركبوا على قب الأمهـار *** عـدوهـم مـن بـدت الناس منجـوم
أعتـز فـي ربـعي يدوسون الأخطـار *** قـصيـرهـم دايـم معـزز ومحشوم
وقال الشاعر أبو هاني محمد الشرعبي رحمه الله هذا المقطع من قصيده:
حـي العـزوم أبـن الـعـزوم الأوايـل *** وحي الفهيم الوايلي عالي الأذكـار
هـذاك أبـن عـبـار وافـي الخصايـل *** علمـه كبير ونـادي مثـل الأزهـار
عـز الـلـه أنـه مـوفي حساب وايـل *** عالـم بوايـل مثـل غواص الأبحـار
يذكر أنساب القـوم حسـب الـدلايـل *** متوارثـه بطيـب المعالي والأخبـار
مشكـور فـعـلك يـا رفـيع السـلايـل *** يجـزاك رب البيت سّـواق الأمطـار
عـداك كـل الـعـيـب عـن كـل مـايـل *** المثلـكـم وافـي الشمايـل والأشبـار
من عارضك نبغـي يجـيب البـدايـل *** وقـول بـلا فـعـل رخـيص ومهـذار
عا قـدر أهـل الأفعـال تأتي الفعايـل *** ولا الردي واللاش مـا منـه أثمـار
أستـاذ نظم ولا أنـت يالقـرم عـايـل *** فيـك الفهامـة والبصيرة والأبصار
الشـرعـبي عـالـدوم عـنكـم يسايـل *** جينـاك قصـدٍ مـن بعيدات الأمصار
الشرعـبي مـن بيـن ذيـك الحمايـل *** يشكرك يالشغموم في بدع الأشعار
أسـتـاذنـا وأنـتـه كـثيـر الـجـمـايـل *** يالقـرم مـا نـوفيك حقـك بالأسطـار
فـصـلـت مـن عـنـاز كـل الـقـبـايـل *** وعديتهم يالقرم في خمس الأقطار
عـسـاك تـرفـل بـالـهـنـا والنـفـايـل *** في جاه من بالبيت صلى بالأسحار
وقال الشاعر خلف بن فهد السماعيل هذا المقطع من قصيده :
مـرسـال مـني مرسلـه لأبـن عـبـار *** يحـمـل سـلام وخـطنـا يعـتـني بـه
ســلام مـنـي عـد هـتـاف الأمـطــار *** هتـاف ديـم مـن الشمـالي نشيبـه
أرسـل سلامـي والتحـيـة والأوقـار *** لشوق الهنوف اللي تقض الذويبه
ثم أشكره حيثـه عـلى منهجـه سـار *** سـار وتـوجـه لـلعـلـوم الـغـريـبـه
يا اللي بذلت الجهد مع كل الأمصار *** مشوارك اللي ما حسبت اتعـذيبـه
الـلـه يفكـك من صواديـف واعـثـار *** في جـاه مطلع شمسها من مغيبـه
الـلـه يـقـاك من المصايب والأكـدار *** جـميع طـيّـب مثـلـكـم نعـتـزي بـه
نقـر لك يا القرم فـي صدق وأقـرار *** سويت طريق من مشى يقتدي بـه
مـن أول حـيـران والـقـلـب محـتـار *** لـكـن يـفيـض بـكـل وادي شعـيبـه
نـفـخـر بـكـم مـا دام لـلـفخـر فـخـّار *** ولا الـردي والـلاش ما نعتني بـه
أقـولـهـا وشكـرك يـا نـسـل الأبـرار *** حيثـك أديـب ولا اشبـوحك قريبـه
وأهـدي سلامي والتحـيـة والأعـذار *** للصاحـب الـلي شـفـنـا نلتـقي بـه
وقال غا نم بن عبدالله بن علي الغري الخمعلي هذا المقطع من قصيده :
يا ما أحلا مع سجت العصـر مسيار *** يـم الـغـلام الـلـي لـشـوفـه نـودي
يـا ربـعـنـا لازم نـزور أبـن عــبـــار *** قـبـل نـروح من الرياض ونمـدي
سـلام مـنـي عـدد مـا هـل الأمـطــار *** وأعـداد مـا هلـت مزونـه مسـدي
واعداد ماشدوا على الهجن الأكوار *** واعـداد ما فوق الركايب ايشـدي
واعـداد مـا زاروا عـلى البيت زوار *** واعـداد مـا صـلى لنـبـيـه مجـدي
واعداد ما ساروا عـلى القاع سيّـار *** واعـداد ما شوف النظر يجرهدي
الـلـه يجيرك من صواديف الأخطار ***عسى المصايب عن مثيلك اتلـدي
والـلـه لـك عـنـدي مـعـزة ومـقــدار *** ما تـنحصي بشعـورنـا لـو تعـدي
وقال الشاعـر غانم بن عبدالله الغري أيضاً :
قـم يا نديبي خفـف اليـوم ممشـاك *** خـذ الـرسـالـه ودهــا لأبــن عــبـّار
عطـه الجواب وثم عـنده امعشاك *** وإلـى نشدك القـرم تعـطيـه الأخبـار
قـرم إلـى جـيـتـه وقـف ثـم حـيّـاك ***وتـلـقـا معـاميلـه بـهـا بـن وابـهـار
وقال الشاعـر غانم بن عبدالله الغري الخمعلي أيضاً :
لمحـلا مـع سجـة العـصـر مـسيـار *** عـنـد الصديق الـلي عـزيـز جنابـه
مـع دلـةٍ تـلـقـابـهـا بـن وابــهـــار *** واخـتـامـهـا مـع الـتـحـيـه هــلابــه
فـي مجلس مـا فـيـه حاسد ومكـار *** واهـمـوم قـلـبي سـاكـنـات اركـابـه
دونـك جـوابي وصلـه لأبـن عـبـار *** قـبـل وديـع الـروح يـاخـذ حـسابـه
وأنا على شوفك مثل شوق الأمطار *** لا هـل مـن منشى مخيلـه سحابـه
والـلـه مـا قـلـتـه مـجـامـل ومـكــار *** قـافـك مـع الأقـطـار كـلـن قـرابــه
مـع التحـيـه نـرفـعـه سـر وأجـهـار *** للـوايـلي والـلي حضـر مـا درابـه