قال عبدالله بن دهيمش بن عبار هذه القصيدة نصيحة للذي حرف نسب قبيلة عنزة وعاب
جدها عناز بن وايل وصنفه لقيط ولا يسكت عنه كل من يجري في عروقه الدّم العنزي :
يالـلي عـن الأنسـاب تكتـب مهـازل *** عطنا خبر من وين مصدرك جبته
حـنـا عنـزة عـن اصلنـا مـا انتنازل *** والساس ميطي بالثرى جذع نبته
حـرفـت مـنـسـبـنـا تـريـد الـمـرازل *** والـجـد صنـفـتـه لقـيطـه وعـبـتـه
بيـن عنـزة حطيّـت بالكـذب عــازل *** وقسمتهم فـي قـولـك الـلي كتبـتـه
مفتن وصـرت لشمل عنـاز خـازل *** وعـنـاز ابـو بشـر ومسلم هـزبتـه
هـذا نـسـب مـا يـنشبـك بالـجـوازل *** وابـن القبيلة ينتسب مـن عصبته
حـتى الـلـّواتـي يـفـتـلـن الـمـغـازل *** زادن غضب لـمّى خطاك ارتكبتـه
مـن يقـبـل العـيلات ثـاوي وهـازل *** ولا هـو عـزيـز الـلي يطمن رقبته
قدرك مع الـلي يفهـم القصد نـازل *** حظـك ردي والعـلم الأقشر كسبته
الإهداءات
09-04-2025, 11:36 AM
قصيدة نصيحة لمن حرف نسب عنزة وصنف جدها لقيط
العرض الشجري
