قصيدة الفيه من شعر عوض الحبلاني والرد عليه - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

07-25-2025, 08:49 AM

قال الشاعر عوض بن سليمان الحبلاني هذه القصيدة المربعة قالها على حروف الهجاء
يثني على عبدالله بن دهيمش بن عبار الفدعاني :

ألــف أولــف وارسـلــه لأبــن عـــبــار *** عبداللـه الـلي من الحناتيش الأحـرار
مـن لابـة الـفـدعـان حـزّات الأخــطــار *** بـهـم لـبـني وايـل حـمـيـه وصـلبيـن

والـبـاء بـديـت بـاسـم رب المـخـالـيـق *** فـي مبـتـدأ جـزلات شعـر الطـواريـق
بسـم الـلـه اصعـد عاليـات الشواهيـق *** مـولاي رفّـاع السما فـوق والأرضين

والـتـاء تـعـالـى الـرب جـعـلـه يـفـكّــه *** مـن الـهـمـوم وكـلّ ضـيـقـه وضـكّـه
يالـلـه عـسى بـاب الفـرج مـا تـصـكّـه *** وتـنـصـر أبـن عـبـار ضـد الخـبيثيـن

والثـاء ثمـان شهور مع نصهـن نـص *** بـالشـوشـرة لمحـرك العـيـن لا بـص
ودكـتـورهـم من كـل شـيـمـة تخـلّـص *** مـع النحـوس المخبثـيـن الحـقـوديـن

والـجـيـم جـاهـك يـا إلاهــي وعـفـوك *** يـالـلي تـفـك اقـفـال وابـواب تـنـصـك
عـلى الـذي يـقـذف عـمامـه مع الشّك *** ادعــوك يــا ربــي بــلـيـا مـحـامـيــن

والـحـاء حــرامـيـة وبـاشـات مــرقــا *** الـلي مقـاطـعـهـم عـلى البسـت تـرقـا
اصـولـهـا الحـالي مـن الغـرب شـرقـا *** واجـولـهـا مـع الـولـي بـالـمـيـاديــن

والخـاء خـرابـيـط مـن أسـافـل الـقـوم *** مقصـودهـم يـبـون تفـريقـت الـروم
أديـبـيـنـا الـعـبـار مـن سـاس زيـزوم *** مـا يقـبـل التفـريـق بـيـن الفـريـقيـن

والـدال دعيـت الله عسى اذانهـم صـم *** كـل من طعن بانساب الأجواد يـنطـم
عسى الخـزي والـذل والفـقـر والـهـم *** للمندفـن عـن كلمـلـة الحـق بالطيـن

والـذال ذكــر طـيــب عـنـاز مـع طــي *** ولشيـوخـنـا الهـذال جاهـن وتعـطي
قـول الصحيـح الـلي حقيقـه ويسطـي *** فـي روس منهـم بالمواقـف جهيلين

والـراء رعـى الـلـه كـل شيـخٍ بوايـل *** لـه فـزعـتـن مـبـطي حـكيـم وطـايـل
يـعــد قــول الـحــق عـن كــل مــايــل *** ويلجـم بهـا حـلـق العـدو بالدياويـن

والـزاي زلات الـمـلاسـن جـريـمـــــه *** ومن يعتـدي مـابـه شهامـه وشيمـه
ولا يـقـدحـون أهـل العـقـول السليمـه *** واقشر مجـال السّب بالربع الأدنيـن

والسين سميـت باسـم رب السمـاوات *** هـو مـزبـن المظيوم وقـت الملمـات
كتبـت مـن مظـمـون فـكـري عبـارات *** وسجلت مـن عـذب القوافي عناوين

والشين شاعوا الصيت ربع الحناتيش *** من عـزوة الفدعان ريـف الهتاتيش
فدعان فزعتهـم عـلى الخيـل والجيش *** من ضنا عبيد أهـل الفعال العريبين

والصـاد صيـدي بالمـواقـف حصيـدي *** اليا صار يرفعني تـرى هو رصيدي
عـبـدالـلـه الـعـبـار والـلـه عـضـيــدي *** وربعـه بـني وايل بالأكوان جسرين

والضاد ضميري صار بالحيل مزعوج *** واكتب قوافي واضحه مابها عـوج
جتـك برسالـة شات اسرع من الهوج *** بها امدح الفـدعـان اهـل المـيـاديـن

والطـاء طـلـبـت الـلـه عـلى الظالمينـا *** القـاذفـيـن الـلـي فـلـتـوا مـن يدينـا
لاشـك مـن شعـري مـاهـم سـالـمـيـنـا *** لوهـم مـن كبـار العرب والمسمين

والظـاء ظـول الـنـاس لا مـا يـجـونــه *** مـتـجـنـبـيـن الـشّـر لـو يـعـرفـونـــه
والمعـتـدي بـالـمـعـضـلـه يسـهـجـونـه *** ومن لا يخاف من الولي لاعه البين

والعين عيـن الـلي نثـر محـرق الدّمـع *** وبايـت بليلـه يـدعي لخالـق السّمع
الـلي دعـا ربّـه مـع الفـرض والجـمـع *** تعجـل بطـاريهـم جـروح ومصابين

والـغـيـن غــيـث الـلـه يـنـزل عـلـيـكـم *** الـلـي بـه الأرزاق يـا الـلـه تجيـكـم
مـثـل النقـا وضـحـه تـرى يـحـتـريـكـم *** تبشـروا يا اهـل الوفـاء يالفداعيـن

والفـاء فـالـك خـيـر يـا فـاعـل الـخـيـر *** ان قالهـا الـلـه مـا تخـون التعـابيـر
قـلـتـه وانـا مـن المـدرعيـن المناعيـر *** عـن اربـعـيـن مـدرعٍّ بـالـحـبـالـيـن

والقـاف قـلـت وقـلـت قـبـلـه قـصـايــد *** بـالـلـي لـهـم بالـجـاه مـلـفـا وقـايـد
مـثـل الحـرار الـلـي تـصـيـد الـطـرايـد *** عـز الشيوخ الـلي سملهم له سنين

والكـاف كفـوك طيـب يا فاعـل الطيـب *** محشـوم عـن كـل الخطأ والعذاريب
ان جاوزت قيفان شعـري عـن الريـب *** تـردهـا مـن مـجـلسـك بـالـعـنـاويـن

والـلاّم مـن لابــه عـراب الـمـجــانـــي *** لـهـم فـعـايـل مـن قـديـم الـزمـانــي
لـبـاسـت الجـوخ الـحـمـر مـا تـهـانـي *** مـن شرذمـه الفـوا عـلينـا شياطين

والمـيـم مـيـزات الـحـرار الـمـجـاريـح *** النـادرات الـلي مثـل جـاري الـريح
عـيـونـهـن نـيـشـانـهـم لـلـمـطـاريــح *** وعـيـونـكـم مـيـزانـكـم يالسـلاطيـن

والـنـون نـايـف فـوق شـم الـنـوايــف *** يسطـع كـمـا نـجـم لمـع باللصّـايـف
مـاخـذ بـهـا العـلـيـا نـزاهـه وشـايـف *** يا عـز مـن هـم بالمشـاور حـكيمين

والـهـاء هـلا بـعـداد مـا وابـلـن هــل *** عـلـى طـواريـق المعـانـي وانـا هـل
ألـفـتـهـا ابـي الـجـم بـهـا كـل منـحـل *** مـلحـوقـه بـدعـوة لـكـل الشـقـيـيـن

والــواو والـلـه يـا إلاهــي دعــيــتــك *** يا منجـيـن يـونـس تـراني نصيتـك
وأنـا بقـولي يـا أبـو مـشعـل نخـيـتـك *** تنتـف شـواربهـم مـع الحـق وايبين

والـيـاء يـا منـشي همـالـيـل الأمـطـار *** تـفـكــنــا مـن كــل حـاقــد وغـّــدار
الـلي جـعـل وايـل هـمـيـلـه وسمسـار *** مـع الهـدايـف يـا عـساهـم ذليلـيـن

قال عبدالله بن دهيمش بن عبار هذه القصيدة جواب لقصيدة الشاعر عوض بن
سليمان الولم الهيزعي الحبلاني حيث ارسل لي قصيدة الفيه مربعة ورديت على
كل بيت حسب قافيته مع الشكر الجزيل اقول :

الألـف آلـف الرّحـب في طيـب الكـار *** حيـيـت يـا مـرسـل عـذيـات الأشعـار
يا مرحبـا بـك يا أبن الأجـواد تكـرار *** اعـداد مـا صـفّـوا جـمـوع المصلين

والباء بديت أطلب من الرب توفيـق *** في قاف نظمه حين نـبـداه ما ايعيق
منطوق مـا يحـمـل مـزاري وتعليـق *** والسّب عيـب وحرّمـه ناصر الديـن

والـتـاء تـبـت وزرت طـيـبـه ومـكّـه *** مسلـم وديـني مـا دخـل فـيـه شـكّـه
والأجـرب الـلي صـار جـلـده يـحكّـه *** يرداه أخـو نـوره بسيف أبـو حديـن

والثاء ثاروا وأصبح الكـل لـي خص *** والـلي لنسب عنـّـاز لفّق لهم قـص
يوم اعتدا لـو هـو لمـر الشري مص *** تـاب وهـجـد مـا سـب جـد العنزتين

والجـيـم جـتـك القـافـيـه مرسلـه لـك *** وأنـت العـلـوم الغـانـمـه كـلـهـا بـك
والـلي كلامـه يا عـوض منطقـه رك *** لعب عـلى ضعاف العقول المساكين

والـحـاء حـان الـقـول لـلـقـوم فـرقـا *** جابوا علوم من اشهب الكذب زرقـا
الـلي ضمايـرهـم مـن الحسـد حـرقـا *** سـبـب اعـمـالـي للقـبـيـلـه مـغـلـيـن

والخاء خـرط هروجهـم كلهـا علـوم *** صاروا عـلينـا كلهـم يا عوض قـوم
والكـل معـلـوقـه من الحقـد مسمـوم *** والكل منطوقه ضعيف البخت شيـن

والــدال دالــوا كــل مـرّه عــلـى يــم *** والـلي عبث بأنسابنا صار أبن عـم
حـزت تـلاعـب بالنسب قيـل لـه سـم *** زوّر نسبـنـا وتـاجـد الكـل مصغيـن

والـذال ذاروب الرجـل يـوم يـخـطـي *** ينبط سهومه ضد الأصحاب نبطي
لاشـك مـهـمـا قـال يـالـقـرم يـبـطـي *** ما يقترب لـلي عـملته هاك الحيـن

والراء راعي الحـق مـا هـو مسايل *** عـن نـفـح هـرج مروجيـن النقايـل
والـلي يـدورون الــردى والـرزايـل *** مـن فضـل ربـي يالسنـافـي قليليـن

والـزاي زود الهـرج تركـه غـنيـمـه *** وأهـل البخـت ما ينطقـون الظليمـه
عـنـد الحـمـايـل لـي كـرامـه وقيـمـه *** امواتهـم والـلي عـلى القـاع حييـن

السين سمج الهرج ما يطمـن الـذات *** ما يأتي من أهل الخصال الحميدات
كـثـر الـهـذر والـدرد والـخـزعـبـلات *** ينطـق ويصدر مـن حناجـر ردييـن

الشين شين الهـرج لـو قـيـل حتىيش *** ما تشتهر بالسب بعـض الخفافيش
عفـن اللـغّى والشوشره والشوابيش *** مـا هـو وسيلـه للـرجـال العـزيزيـن

والصـاد صـادق يـالشـجـاع العـنيـدي *** ياعوض يـزهـاك الثنـاء والحميدي
منصف وعن علـم الفخـر مـا تحيدي *** حـيـثـك سـلايـل ملحـقيـن المخـليـن

والضاد ضاع السلم يا مكبر الصوج *** وصـار يتحـدث كـل فاسـد ومرجوج
الـلي يسجـل هـرج بـايـخ ومسمـوج *** صفوا وراه أصحاب الأهداف صفين

والطـاء طـاب الـكـيـف لـلـمـعـتـديـنـا *** سـود القـلـوب الـلي تـجنـوا عـلـينـا
مغـويـن واغـواهـم ابـلـيـس اللعـيـنـا *** والكل عن فعل الفخر غمّض العيـن

والـظـاء ظـاهـر عـلـمـنا يـجـحـدونـه *** مـن يصنـع المعـروف مـا يذكرونـه
والـلي عـملـتـه يـا عـوض يكتمـونـه *** يـدرون مـا حـنـا عـلى الكـل خافيـن

والعين عيب الـلي يخـمع اللّغى خمع *** واللي تعدّى وعال يحتاج لـه صمع
يأخـذ بـرأي بالظـن والخـمن والرمع *** علم النسب ما هـو هقاوي وتخمين

والغـيـن غـاب الحـق والـعـدل فـيـكـم *** والـلـه مـا عـمـري قـدحـت بحديكـم
والـلـي تـبـونـه مـا تـطـولــه يـديـكـم *** والهـرج مـا يـقـبـل بـلـيـا بـراهـيـن

والـفـاء فـنـدت الـمــزاعــم بـتـقـريـر *** دونـت نـسـب عـزوتـي والمشاهيـر
مضيت خمس عقـود بمواصل السيـر *** ولا هـمني عـوج الهـروج الملالين

والـقـاف قـالـوا ظـلـم والـكـذب زايـد *** ومواقـفي مـا هـي لـك الـلـه جـدايـد
وعـن عـزوة الـويـلان لا زلـت ذايــد *** الـرب يـعـلـم والـمـخـالـيـق داريــن

والكاف كـف الهـرج يا مـدوّر العـيب *** من فضل ربي ما ذكر بي عـذاريب
مـن يعـتـدي يـردع بحكـم المـعـازيـب *** وأهـل الجـرايـم بالعـنابـر مساجين

والــلاّم لــولا خــوف ربــي تــرانــي *** اقـدر اسـب الـلـي بـقـولـه هـجـاني
عـن مـنـطـق الـبـاطـل أقـيّـد لسـانـي *** اعـرض ولا أجاري هبيل المجانين

والميـم ميـزت الـرجـال الطـحـاطيـح *** بالناس أهـل عـفّـه وفيهـم مراويح
والـلي سـوالفهـم معـايـب وتـجـريـح *** ما سلـت عنهم لـو عددهـم ملايين

والـنـون نـادم بـالـعـرب كـل هـايــف *** مـاهـو مـن الله مالـك الملك خايـف
مـا نـال فـود ألا الـنـدّم والحسـايـف *** يا حـيـف يا هـرج الوقاحه وياسين

والهاء هـذر الهـرج ما يشفي الغـل *** نفيـح صـدر الـلي من الـرب مـا ذل
لـو قـال للشيـطـان قـلـع الـمـدى ول *** يصمت ولا يفـرح قـلوب المعاديـن

والـواو والـلـه مـا بـقـولـي شـنيـتـك *** ليتـك تكـف وتـتـرك السـب لـيـتـك
وكانك تـبي يظهـر مع الناس صيتك *** خـل العـلوم السامجه واعمل الزيـن

والياء يالـلي بحت في هرج ما صار *** أنشـد قبـايـل نـجـد تعطيـك الأخـبـار
من فضل خـلاّق المـلأ مـا بـنـا عـار *** نلنـا الفخـر عنـد الرفاقه والأقصين