الله يبقيك حسبت انها لك

وش معنى حيص بيص __ حيص بيص عبارة مركبّة مثل ما يقولون ( حوس دوس ) .

وفي ابيات لك عجيبه اتمنى تشرحها

(صـلـب العزايـم لـلمعـالـي تـســلـّق) ( والعـز الأقعس )فاز به من سبق لـه )‏ ____ العز الأقعس عربية فصحى تعني وصول الشخص لقمة المجد والفخر .

(حق الحشو لـو خـف حملـه تزلـّق ) (والحيص شـال الشيل لـو زاد ثقـلـه) ‏ ______ الحيص الجمل كامل النمو بحيث يسمّى حيص ويسمّى منيب .

(ومن خار عـزمه ثوب مجده تشلّق) خـاب وخسر (وغـراب بينه) نعق لـه ‏ _____ معناها من تكاسل ما وصل الهدف المنشود وغراب البين هو الغراب الذي يتطيرون منه العرب .

واللي على الغصن المطـّرف تعلّق يسهل عـلى عاصوف الأرياح رقله ‏

والـلي (تـجمـل بـالهـدوس السملـق) مثـل الـذي يـزرع بالأصباخ حقـلـه ‏----- الهدوس تعني الخبول العفون والسمّلق تعني أهل الرياء والتمّلق .

ومن جاد مع راي الريـا والـتمـلـّق يـقـضي لـزومـه ثـم يعـطيه صقـلـه ‏___ صحة شطر البيت : من سار مع راعي الريا والتملق .

والـلي عـلى كـل الجنـوس ايتخلـّق الـيـا شاف غـرات المغفـل درق لـه ‏

(والـلـي تـشـدق بـالـكـلام وتـجــلـّـق) (كنـه يـمـص بـمـايـل الشدق بـقـلـه) ‏ ____ معنا التشدق واضح وقد جاء عنه حديث في ذم : الثرثارون والمتشدقون والمتفيقهون ومن وضع في فمه أقط بقل فأن . شدقه يميل .

(لـه مـلـسـن مـثـل الـعـريـني مـذلـّق) والـهـرج بـالـبـاطـل تـعـوّد لنـقـلـه ‏ _____ العريني من أنواع الرماح ومذلّق يعني مذبب وأمثل لسان الثرثار والنمام مثل الرمح يطعن وهكذا .

لا تصدقـه لـو هـو حلف لك وطلـّق لازم يخـون بصاحبـه مـا صدق لـه ‏

ما يشبع الجايع مـن اللحس (واللـّق) ولا يـروي الظامي سراب برق لـه ‏ ____ اللّق مختص بالحيونات ذات الناب حيث يقال يلق بلسانه ومعنا اللّحس واللّق واحد .

والكل يرغب لـو عـلى الأفـق حلـّق ( والـوقـت هـذا يختلـف مـن بـدقـلـه) ‏____ بدق كلمه عامية معناها الفطنة يعني من فطن له .

شفـت الـزمان الـيـوم راسـه مفلـّق وسلم الكـرام أدبـرعسى الله يعقلـه ‏