محاوره بين شاعر أهل العرفا السيف البتار محمد الطرقي القهيدان وأخيه محمد بن عايد بن دوهان في قروب شبكة منتديات قبيلة السّبعة أهل العرفا قال محمد الطرقي القهيدان أبو يوسف :

يا محمد إكشف لنا الموضوع قبـل أكشفه***أول حياتك صريح وصرت مانت بصريح
كنت أحسب إنـك شربت العـلـم والمعرفـة***لكن فهمت الدروس أللي يصح الصحيـح

وقال محمد بن عايد بن دوهان :
يـا مـرحـبـا بالـزمـيـل ألـلـي نبيـل اهـدفـه***يا شوق بنت الأصيل أللي ماهاوة شحيح
هـو عزوتـي مسنـدي مـا يسمع المرجفـة***راع الـحـميّـة يـزوم ولا جـلـس مستريح

قال محمد الطرقي القهيدان أبو يوسف :
فيـك البقى والخطـا أللي صار من بطرفه***أبغـاك تضرب على الأوتـار مابـي المديح
عمـك ركـب فـوق ظهرك لين وِصل هدفه***واليـوم مكسور ظهرك في فراشك طريح

قال محمد بن عايد بن دوهان :
الطِّـيـب بـيـن الـعـرب يـا مـسندي تعـرفـه***وراع المراجل يهوش ودون ربعه يطيح
وألـلــي مــا هــو قـدّهـا خـلـه ولا تكسفـه*** مـا كـل مـن دوّر الطّولات يكسب مـليـح

قال محمد الطرقي القهيدان أبو يوسف :
الـطِّـيـب لـلي جهـل بالطِّـيـب لا تصرفـه***خـلـك تـوقّــع وخــذهــا بـالـكــلام الفصيـح
الشيخ الأكبـر هـجـر عـمّك وثـم عسفـه***أول يـــروم الـقـراح وعــاد يــم الضحـيـح

قال محمد بن عايد بن دوهان :
ألـلي يـبـي المرجلـة ما يكثّـر الفلسفـة***والمـرجلـة تـنـفـرق مـا فـيهـا عـلـمٍ قـبـيــح
وألـلي يلـف ويـدور خـلّـه يذوق علفـه***وتر الردي يـا عضيـدي يلقـى لمثلـه نطيـح

قال عبدالله بن دهيمش بن عبار :
الكل من الشاعرين جاهد وصان شرفه *** بالشعر صاغ المعاني صاحب العقل الرجيح
الرجال أهل الحميـه والكـرم لهـم صفه *** وكـل منهم للقرايب مخـلص وقـلبـه نصيـح

قال شاعر أهل العرفا السيف البتار محمد الطرقي القهيدان :-
يالشاعر أللي خذيت المجد بأفضل صفه***أهــل الحـسـد ودّهـــا لـلــي فعـلـتـه تزيـح
وأهـل الـردى يأبو مشعـل للردى منشفه*** قـامـت تـنـفــذ مـخـطــط واحــدٍ مستريـح

وقال محمـد بن عايد بـن دوهـان :-
يـا بـيـرق الـعـز فــوق روسـنـا مَـرفـفـه***يا مورّخ أبنـا ربيـعـة عــز عَـقِـب الذبـيـح
إسمك بـمي الـذهـب خطـيتـه ومـزخرفـة***يـا مخلّـد أمجـاد وفعـل معطريـن الصفيـح

قال عبدالله بن دهيمش بن عبار :
يانسل اللي برباعهم من حالي التمر خصفه *** والنجـر فـي ديـوانهـم يجذبك صوته له ضبيح
ومن بعدها كبش الغنم للضيف قلط بصحفه *** راعيه يرجي مربحه من صاحب الوجه الفليح
يا محمدين أنـتم فـخـر فيكم حميه ونهـفـه *** ياكـثر اللي من قولكم ساكت ومعـلـوقـه جـريـح
ما تجاملون المنعوج كانه حصل فيه جنفه *** الـلي يعـيـل ويعـتـدي مـا تتـركـونه لـو يصـيـح