قال الشاعر عبدالله الموسى الخرشاوي هذه الأبيات :

الكلام يتــزاحم فـــي خفـــوق وسيـــع *** جال بيـن الحنايا تسمع التمتمــه
قلت ما ني مبين قال ما ني مطيـــــــع *** اكتب اللــي تريده لا لا لا تكتمه
الحزن وسط قلبــي من كلام شنيــــــع *** من حسود حقود منخدع بقلمـــه
ما تدارى لحظــه سب حصــن منيـــع *** ما تجيه المذمة لا نذوق عدمــه
بين كل القبايـل بــه فخرنـــا جميـــــع *** زان وسط المزاين شامخ بكرمه
فرق بينــه وبينــه بالقـــدر والصنيــع *** سيرة الشيخ نور وسيرته مظلمه
يا شيخ هزاع قدرك دوم عالي رفيــع *** عزتـك وســط قلبـي ربنا يعلمـه
وكان هي بالشهامة والكلام البديــع *** واجب اسكت وغيري واجب اقدمه
القبيلة فخرهــــا بالكريم الشجيــــــع *** (درع وايل) تنهض ربنا يسلمــــه
ابتدأ بالنصايــح والكلام السنيـــــــع *** الله اللي أعـــزه والحسود ألجمـــه
يوم غيره تلفظ بالكلام الوضيـــــــع *** ثابت بالمباديء ماتزل قدمــــــــه
أشهد إن القوافي لا بو مشعل تطيــع *** رد قولة(حسود) وسطر الملحمة

جواب عبدالله بن عبّار على أبيات الأخ عبدالله الموسى الخرشاوي :
يابو فهد تعيش وجاك ردي سريـع *** من قريض القوافي كالقراح طعمه
بالخطأ ما نجاري من فـواده وجيع *** لكن الحيص يجزع من قراد حلمه
الحكيـم المحـنـّك بالخـطـأ مـا يـذيع *** وأن تعـّدى خصيمه هجّده واكعمه
الشعر اللي قـريتـه بالنوادي أشيـع *** لفظ منطـق بشيّـر سجلـه من فمـه
يزعم أن المطوطح خلا ذيبه مجيع *** عنده الذيـب جايع ما عطـاه لحمـه
لكن الذيب هيّص بين قمـرا وربـيع *** وأبتهج كل راعي لا يحوف غنمـه
يـوم خطـات تـاجـر بالفطانـه لكـيع *** لو يزوره مسيّر بار بـه ما احشمه
بس يجـمع دراهم بالشرا والمبـيع *** ناشف جلد وجهه تقل لـون رضمه
مـا تكفـل بـرمـلا ولا يـتيـم رضيع *** ولـو تـنصّاه مغـرم حـقّـره واشتمـه
أبو فهد شرالـه مـن حـلالـه قطيع *** ويوم شيّد خيامه من نصاه اعـزمه
شاد صيوان ضوّه بالدجا له لميع *** ومن قـلط فـي محلّـه شاهـدٍ بكرمـه
الرجال اعرفوه وجوه مع كل ريع *** بالنـفـايـل بـداه وبالجـميـل اخـتـمـه