قال عبدالله بن دهيمش بن عبار هذا المقطع من أحد قصائدة :
ركـّزت لأنساب القبـيلـة رسـايـم *** وانا بشر ماني عن العيب معصوم
نكتب حقـايـق مـا نـوهـم وهـايـم *** ولا يغيّـر الـواقع تواقيع وختـوم
أسم عنزة عبـر العصور القدايـم *** سجل بتاريخ العرب ليس مكتوم
لـهـم مـعـالـم بـالـديـار وعـلايــم *** بالحـرّة السمـرا مراسيم ورسوم
ما تنجحد يا أهل القلوب الفهايـم *** تاريخهم مشهور والأصل مفهوم
مجد عنزة من فـوق نجم النعايـم *** ولا يختلف بنسابهم كود منجوم
عـزوة ضنا عـنّـاز ماهـم خمايـم *** لهـم بفعـل الطيب عادات وسلوم
أولاد وايـل يـتـعـبـون الـهـمـايــم *** عز الخوي والجار ذباحت الكوم
أولاد وايـل يـوم جـدع الـعـمـايـم *** أفعالهم شهد لها الفرس والروم
كان اعتلوا بكوار عـوج القـوايـم *** باجوا من البيدا رهاريه وحزوم
عـوق الـذي للشّر راغـب ورايـم *** يقـفي ذليـل مخبّث البـال مهموم
ضـد الـذي كبـده بهـا المـر زايـم *** ردع العنيد اللي تجبّر من الـزوم
يـوم المـغـازي يكسبون الغنـايـم *** عدوهم يرجع من الغلب مصدوم
مدحي لهم ماهو حسوف وندايـم *** من فن قافي سجل الفكر منظوم
16
قال عبدالله بن دهيمش بن عبار هذا المقطع من أحد قصائدة :
وضحّـت للـويـلان عـن كـل مـا كـان *** وسجلت ماضي مجدهم عبر الأجيال
مصـادر التاريخ مـن عصـر عـدنـان*** تـروي قـديـمـات الفضـايـل والأنـفـال
سجـلـت واقـع دون زايـد ونـقـصـان *** بأمجـاد لابـه شامـخـه كـنـهـا جـبـال
مجـد عـنـزة مذكور في كـل الأحيـان *** مبطي لهـم في عـالي المجـد منـزال
مـن يـوم كـانـوا بالمـجـازه ومـاوان **** حتى ضعنهم مـن بلـد جـدهـم شـال
عـيـن التمـر لـهـم مـرابـع ومسكـان *** ومـن بعدها خيبـر وهـذيـك الأطـلال
ورديت عن هرج الخطأ كل غـلطـان *** ولانـي مـجـامـل كـل هـايـف ودجّـال
17
قال عبدالله بن دهيمش بن عبار هذا المقطع من أحد قصائدة :
الـلي عـن جـدود القبيلـه مخايـر *** خالـف نـبـيـه والـذنوب ارتكبهـا
جـد عـنـزه مافيـه عيـب ومعايـر *** بـان الدليل وصارت القـوم نبهـا
عزوة ضنا عـناز يا أهل البصاير *** عشريـن قـرن ولا تغـيّـر لقـبهـا
أنـشـد مـن بـلاد اليـمـن للجزايـر *** وأنشد عواين تركها مع عـربها
بشر وضنا مسلم فخوذ وعشايـر *** من سجّل الأنساب وضح نسبها
تـعـرف بـدايدها بطـون وعمايـر *** عـرق الحمايل من ربيعـه نـتبها
يـوم الحـرايب بين نصـر وكساير *** من فـاز بالهيـه خصومه سلبها
يـوم الفشق بـيـن القبيليـن ثـايـر *** والـكـل نـادى للجـمـوع ونـدبهـا
الـلي يـلاقـي جـمعهـم هـج نـايـر *** يلقا الهزيمه بالوغى من حربها
كم راس فارس من علابيه طايـر *** عـنـد البكـار اليـا تناخـوا جنبها
لا طـار ستـر مجـدلات الضـفـايـر *** عدوانها تخشى عواقب غضبها
عـزوة ضنا عـنـاز ستـر الحراير *** مـا تاجـد الـلي بالفعـايـل هـزبها
18
قال عبدالله بن دهيمش بن عبار هذا المقطع من أحد قصائدة :
الــكـل يــفـخــر فـي مــواريـث جـدّه *** وحنّـا نـطـول ونـفتخـر بالعنـزتيـن
مـسـلـم وبـشـر مـجـدهـم مـا يـهـدّه *** هـوج الـريـاح العـاتيـه والبـراكيـن
أحـفـاد وايــل يــوم بـالــوقـت شّـده *** لأفـعالـهـم عـنـد الـقبـايـل بـراهـين
لـهـم الـمـثـل مـعـروف مـع كـل بـّده *** أهـل الـرباع الشامخـه والـدياويـن
الجمـع الـلي جـمع المعـادي يـضـدّه *** فـوق السبـايـا يـقحمـون المياديـن
19
قال عبدالله بن دهيمش بن عبار هذا المقطع من أحد قصائدة :
وحـنـا بـعـد فـي قـمـة المجـد لحنـا *** نشـوم عـن فـعـل السلوم القـبـيحـه
المـرجلـه فـيهـا أخـتبـرنـا ونجحنـا *** نـفـوز وقـلـوب الأعـادي جـريـحـه
ولا اقـول فـي كـل القبايـل رجحـنـا *** ندرى البخت والحظ نخشى مطيحه
نـمـدح صنـاديـد العـرب مـا قـدحنـا *** بأهل النجور الـلي يشوقك ضبيحه
قـلنـا الهـروج الصاملـه مـا مزحنـا *** وهـرج بـلا برهـان عيب وفضيحه
20
قال عبدالله بن دهيمش بن عبار هذا المقطع من أحد قصائدة :
من عـزوة نالت من المجد مسهمها *** يوم المغازي خفاف الهجن تحفيهـا
عـن المـراجـل مـا تـرخّـت عـزايمها *** أفـعالهـا فـي سجـل المجـد يكـفيهـا
وبـيـوتهـم مـثـل الشوامخ معـالمهـا *** يسعد بهـا اللي سنين الجوع يلفيها
عـدوانهـم بالكـون تكـثـر هـزايـمها *** يخشى المعادي من مطاعن شلافيها
العزوه اللي خشوم الأضداد تلطمها *** تفنا العدا وصدور الأصحاب تشفيها
بـرجس جـهـودي للقبيلـه يـقيـّمهـا *** ولـو شاف خملة رفيع الشان رافيها
شهم الرجال أهـل الفضايل يحشمها *** أبـو زياد أهـل الـرذايـل ايـجـافـيـهـا
مـن يشمـت رجـال القبيلـه ويظلمها *** فـي منهجـه كـل التـقـالـيـد نـافـيهـا
والـلي بـني وايـل يـبـوح بمثـالـمهـا *** يوم قدحوا بجدودنا قلـت وش فيها
وأهـل الجحود الـلي توزع قسايمها *** الـلـه مـن أمراض الضماير يعافيهـا
مـن ألـف إنسـاب القبـيـلـه ولـيمهـا *** في كتب عـن كـل الشوايب مصفيها
ومـن الـذي يشنـا القرايب ويتهمها *** يـبي النحايل عـلى الـويلان يضفيها
جـدود حـقـرّ بـهـا وجـدود عـظمّهـا *** مـرامـه أنـوار الـحـقايـق يـطـفـيـهـا
واللي المصادر عـلى كيفه يترجمها *** مـا يقـدر يـزيـل المـراجع ويخـفيها
مـا يربح الـلي هـل التزوير يدعمها *** مـا يـدري أنـه بالمـهـافي يهـلفيـهـا
وش الـذي غـطّى القبيلـه ونـومهـا *** لابـد مـا نيقـض مـن الـنـوم غـافـيها
21
قال عبدالله بن دهيمش بن عبار هذا المقطع من أحد قصائدة :
وأولاد وايـل بالفخـر علمهم بـان *** نالوا فخرهم يوم صعب المهمات
ياما بـوايـل من مـقـادم وشيخـان *** أمجـادهم ما تنحصي بالحسابات
تـاريخهـم مبـطي كتبـتـه بـديـوان *** ودونت مجـد جدودهم بالسجلات
أذكـر مفاخـرهـم ولا قـلـت بهتـان *** وأدون الأمجاد بالعصر الـلي فات
بالمـدح والتمجيـد نظمّـت قـيـفـان *** مـلاحـم تـبلـغ من الشعـر مـيّـات
ومن لا يعـد الصّدق لاشك غلطان *** أثـبـت عـلى الواقع ولا قـلت زلّات
قـلت وعلى قولي دلايـل وبـرهـان *** ولا خـيـر باللي حجته مالها أثبات
عناز مضراب المثل كـل الأحيـان *** يـوم العرب لهم صوايل وجـولات
تشهـد بقـوتهـم سلاطين عـثمـان *** وتشهد لهم مستشرقين الخواجات
قبايـل يعـزون من صلـب عـدنـان *** صفـوة ربيعـه ما بهـم قـط شكّـات
يوم الفخر بالسيف ومذلّق الـزان *** كـل الـقـبـايـل تـعـتـزي بالـمـلـمات
22
قال عبدالله بن دهيمش بن عبار هذا المقطع من أحد قصائدة :
مـن بـرز بالطّيـب مـنّـا وننتميلـه *** والـردي كـل الـرفاقـه يكرهونـه
وأحـمد الله عندنا شخوص نبيلـه *** منصفيـن وكـل جـهـد يـثمنـونـه
نـفتخـر بالـلي لـه اعـمـالاً جليلـه *** الـذي بـالـخـيـر دايـم يـذكـرونـه
ونفتخر في صاحب اليمنا الطويله *** النبيـل الـلي الـرجـال يقدرونـه
ونفتخـر بالـلي حمل ربعـه يشيله *** من ثقيل الشيل ما كـلّـت متونـه
ونمـدح الـلي بالمواقف لـه فعيله *** لا حصل لولاس ربعـه ينجبونـه
قـلـتهـا والحـق مـا نرضى بديلـه *** والتمادي بالخطأ اسبابه رعونه
مجهـد وقـدّمـت للعـزوة حصيلـه *** في كـتـاب المنصفين يطالعـونـه
مـا تـغـيـر عـنـدنـا دم الفـصيـلـه *** ولا نطيع الـلي نسبنـا يحورونـه
مـا خبـرت الجـد يستهمـل هميلـه *** مـاضي التاريـخ لازم يفهمـونـه
كيف حطّـوا جـدنـا وايـل جـديـلـه *** وكـل وايـل فـي نسبنـا ينكرونـه
مـن دفـن تـاريخنـا تحـت النثيلـه *** المـرام الـلي يـريـده حيـل دونـه
23
قال عبدالله بن دهيمش بن عبار هذا المقطع من أحد قصائدة :
العـزوه الـلي أيـاد الخـصم تعـطبهـا *** نقـوة حمايـل عساني دوم ما افقدها
العـزوه الـلي صريح المدح يطربها *** أطـلب عسى الله ولي الكون يسعدها
العـزوه الـلي مـقـر الطيـب مجذبهـا *** وقـت اللّزوم بحّزت الضيق ناجدهـا
العزوه اللي نهار الكون ما اصعبها *** يوم الحرايب مـا ربح من يضاددهـا
العـزوة الـلي قـوي البـاس هايـبهـا *** يا ويل من هـو بغلس الليل هاجدهـا
العـزوه الـلي سلـوم الطيب يعجبهـا *** بالفعـل مـن سجّـل التـاريخ حامدهـا
هـم عزوتي من خيار القـوم ناجبها *** مجـدتهـا ومـن يـعـد الحـق مجـدهـا
حدب السيوف اللي غلاض مقاضبها *** تشهد على اللي من الأغماد جردها
سـيـوفـهـا بـدم المـعـادي تخـضبـهـا *** ضد الخصيم الـلي سهومه يسددها
مـا يـنـطّـح جـمعهـا لا ضـاع مـدّبهـا *** عـلى النّقـا وكبود الأخصام تلهدها
عـنـاز بـأفـعـالـهـا تـرفـع مناصبهـا *** وتبني شوامخ مجدها في سواعدها
فعـل المراجـل هـو مقاصـد مطالبها *** والعـز يكـمـن والفخر فـي تعاضدها
بالسّلـم يـزهـالهـا ميـلـت عـصايبهـا *** وبالحـرب مـا يسلم خصيم يعـاندها
وأن فـتّلت عصم الشوارب شواربها *** ياويل مـن هـو بالحـرايب توعدهـا
يـوم الـذي خيله على الخصم هاذبها *** يـفـك ذوده والـمـعـاديـن يـبـنـدهــا
رجالهـم روحـه عـلى الموت يجلبهـا *** بالكون وعلـوم المـراجل مجودهـا
الـديـره الـلي أولاد وايـل تحـاضبهـا *** كان أرتعـت ذيـدانهـم مـن يطّـردهـا
مـن ديـره الشنبـل تـناشع مضاربها *** للـحـرّه الـسمـرا مـعـالـم مـرابـدهــا
أرض الحـمـاد يـربـّعـون بـدبـادبـهـا *** وقفر الصحاري ينزلون بصياهدها
مـثـل الجيـوش الـلي تنظـمّ كتايبـهـا *** سادوا عـلى كـل العـدود ومـواردها
أهـل البـيـوت الـلي رفـاع جـوانبـهـا *** أدناهم الـلي بـراس الحيـد شيـدهـا
ريف الطراقي كان غاضت مـزاهبهـا *** مـن عندهـم تقفي ملايـا مـزاودهـا
أولاد وايـل عـريـب الساس ينـتبـهـا *** من نسل عامر لها التاريخ شاهدها
صفـوة أسـد الـلي عـريبـه منـاسبهـا *** أنسابـهـا كـل المـصـادر اتـحـددهـا
عـنـاز مـا تـاخـذ مـفـاخـر قـرايـبـهـا *** تـعتـز بأمجادهـا وصـافي عقايدهـا
الفـعـلـه الطـيـبـه تـنسب لصـاحـبهـا *** عبـر الوسايل من سمعهـا يـرددهـا
وايـل جـديله ضنـا عـنـاز مـا انجبهـا *** ولامـن قبيله تسمّي بغيـر والـدهـا
24
قال عبدالله بن دهيمش بن عبار هذا المقطع من أحد قصائدة :
مـن طلعـنـا مـالـنـا بـوايـل خـشيـر *** ولا اخـبـر جـد القـبـيـلـه مستـعـار
الـجـد الـلـي بـالـعـرايـا مـا يـصيـر *** ولا يـجـوز الـجـد يخـتـار اخـتـيـار
جـدنـا مـا هـو ضعـيف ولا حـقـيـر *** صيرمي مجنـاه من مصقـر حـرار
حنـا عـنـزة مـا انتسمّى بجـد غيـر *** ومـن تسمّى بغيـر جـده نـال عـار
الـنسـب مـعــلـوم لـلأمــه مـصـيـر *** تـاج في روس البشر مثـل الشعار
لـو تلهـزمـنـا مـع الجـمـع الكـبـيـر *** الأصل والساس مـا جـالـه غـيـار
الـلـهّـازم جـمـع مـفـزاع ونـصـيـر *** والنسب ثابت مثـل صلب الحجـار
يـوم في ذي قـار جـاء بكـر النذير *** فـزعـنـا معـهـم وحقـقـنـا انـتصار
نـفـزع لـبـكـر ابـن وايـل بالنـفـيـر *** والعجـم مـن ضربـنا راحـوا فـرار
كان في عصر الجهل شر وشريـر *** الـشـعـوب الحـرب دمـرهـم دمـار
ومع بزوغ الديـن جانـا كـل خـيــر *** زالـت الأحـلاف والـوقـت استـدار
نـعـتـمـد بأنـسابـنـا عـلـم الخـبـيـر *** فـصّـل بـتـاريـخ مـا عـقّـب نـــزار
كتب أبن خلدون هـو وأبـن الأثيـر *** والـمـصـادر كـلـهـا تـورد اخـبـار
يـذكـرون جـدودنـا كانـوا حـضيـر *** بالـديـار المخـصبه لهـم انـتـشــار
مـن شـثـاثـا حـددوا خـط الـمسيـر *** صوب خيبـر وملـكـوا كـل الثـمـار
مـن عقب جلوت قريضه والنضير *** مـع بـني جـعـفـر ملـكـنـا بالـديـار
القـبـيـلـه عـلـمهـا مبـطـي شـهيـر *** مثل نور الشمس في نصف النهار
يشهـد التاريخ واصحاب الضميـر *** النسب مـا تـو يـصـدر بـه قـرار
نفتخـر في دعـوة الهـادي البشيـر *** وقـول نـعـم الحـي زودنـا افـتخـار
والشـريف الـلي عـلى مـكّـه أميـر *** الـمـثـل قـالـه عـلـيـنـا بـاخـتـصـار
عـزوة الشجعـان زبـن المستجيـر *** مـن ضـنـا وايـل لـهـم قـدر اوقــار
مـا حـصيـنـا بـالـقـبـيـلـه كـل زيـر *** يوم عصر الكـون يهـدون العـمـار
نخـبـر الـلي غـر بالـقـول الغـريـر *** الـرجـل طـبعـه عـلى سـاسه يـغـار