الحلقة العاشره
130
وقال عبدالله بن دهيمش بن عبار هذ المقطع من قصيدة :
قصـر الزنـاتي بـه ملـم الرجـاجيـل *** ما صك عـن ضيفـه دراويـز بيتـه
قـصـر التواجـر طيبيـن المفـاعـيـل *** ادناهـم اللي بالعـرب شاع صيتـه
مـن نسـل جـبـارة نـوادر مشـاكيـل *** والكـل منهـم يـنـتـخـي لا نخـيـتـه
ولادعـة تشهـد لـهـم سبـق الخـيـل *** يـوم المـغـازي والـقبـايـل فـلـيتـه
مقـدمهـم الطيـار شيـخ الحـلاحـيـل *** ومقدمهم ابن سمير ما هو نبيتـه
والشيخ مدباس الوغى خازم الفيل *** يـديان مـن اهـل الحظوظ البخيتـه
الشيخ أخـو بقشه تجيـه المحاويـل *** ولو ابي اعـد افعالهم ما حصيتـه
قـلـت الصحيح ولا بقـولي ابـاطيـل *** ومن غير خلاق الـملأ مـا رجيتـه
131 وقال عبدالله بن دهيمش بن عبار هذ المقطع من قصيدة :
دوجت بالمشقوق قصر ابن راضـي *** شفتـه وهيضني اطلالـه والأنقـاض
قصر الفخـر ينبيك عـن كـل ماضـي *** يـوم الزمان الـلي بالأنياب عضاض
قصـر الفضيلـة يـوم شح المقاضـي *** فيـه الذرى عن السمايم والأرماض
راعـيـه جـاد وحـاش عـلم البياضي *** عن واجبه ما قيل يغضي بالألحاض
نـاره سنـاهـا لهاتـش الليـل يـاضي *** مثـل البـروق اللامعة ضوحها نـاض
لا جاه اللي خرجه من الـزاد فاضي *** بالكيل يملأ مزهب الضيف لا غـاض
في وجه ضيفه ما عبس بمتعاضي *** بشوش ماغظلم حجاجه ولا اغتاض
عـنـده يـقـيـن أن الليـالـي تمـاضي *** ما جض من جايـر زمانـه ولا جاض
يـوم الـرخـوم يخـدمـون الحيـاضي *** بيـره سبيـل لمـن ورد جـمته خـاض
عسى الحمايل ما يجيهـا انقـراضي *** حمـايـة السـاقـة نـزيهين الأعـراض
132 وقال عبدالله بن دهيمش بن عبار هذ المقطع من قصيدة :
حبـلان نسـل معـربـيـن المـجـانـي *** فعـل الفخـر والطيـب مـا يجهلونـه
من روس وايـل مطلقين اليمـانـي *** يـوم الـمـراجـل حـقـهـم يـدركـونـه
ديـرة قـصيـبـاء شيـدوبـه مبـانـي *** وارض القوارة والجواء ينـزلونـه
يـوم النخـل يسـقى بـكـد السواني *** احيـوا غـرايسـهـم ويـثـنـون دونـه
صـانـوا بلدهـم واحمـر الـدم قانـي *** مبطـي شتـيـل جدودهـم يحتمونـه
يذكـر ثـنـاهـم عـنـد قاصي ودانـي *** عـاداتهـم عـرق الـرحـم ياصلونـه
133 وقال عبدالله بن دهيمش بن عبار هذ المقطع من قصيدة :
وأن قيل منهم قلت ربعي ضنا عبيد *** مـن صلـب وايـل باللوازم اسعـاره
مـن حـد تـيـمـاء للغـزالـة إلى فـيـد *** ومـن قـبلي الحرة إلى غـرب قـاره
ومـا حـدتـه خـيـبر لحـزم الجلاميـد *** ومـن الـزبيـر إلـى شمـال العشـاره
ربعـي لـهـم فـي كـل ديـره مـواريـد *** وتـاريخـهـم مـا ذوبـتـه الحـضـاره
أولاد وايــل حـافــظـيـن الـتـقـالـيــد *** مـا منهـم الـلي ضاع سلمه وكـاره
134 وقال عبدالله بن دهيمش بن عبار هذ المقطع من قصيدة :
نـعـم بأهـل حـرمـه قـروم الأوالــيـد *** تاريـخـهـم مشـهـور والـجـد وايـل
يوم السيوف ويوم عصـر البواريـد *** يـروون حـد المـرهفـات الصقـايـل
هـم لبعـضهـم بالـلـوازم عـواضـيـد *** يا ما نحـوا عـن دارهـم كـل عـايـل
لـهـم بمنظـوم الشـويعــر تـمـاجـيـد *** موروث من عبـر السنين السمايـل
أبـن بشـر يـذكـر صحيـح الأسـانيـد *** وتاريخ أبن عيسى يوضح سجايـل
وتاريـخ ابـن لعبـون يـذكـر بتحديـد *** سجـل نسبهـم بالعـلـوم الصـمـايـل
مـا مـنهـم الـلي قيـل مجـنـاه تقـليـد *** من روس وايل من إعـزاز القبايـل
يـوم الظعون اتسيد في نجد واتميـد *** يـوم العـرب ما بيـن صايل وجايـل
حمـوا شتيـل غـروسهم والمعـاويـد *** ولا ساقـوا الخـوات لـو هـم قلايـل
امجادهم مبـطـي عـليهـا شـواهــيـد *** يـوم المراجـل حصلـوا عـلم طايـل
امجـاد ماضيهم مثـل شـامـخ الحيـد *** والـيـوم لا زال الـفـخـر بـالسـلايـل
نفخـر بهـم لـو يزعلـون الحواسيـد *** والـنعـم والـلـه فـي كـرام السبـايـل
مـجـدتـهـم بـالـقـاف مالي مقاصيـد *** إلا الـفـخـر فـي طـيـبيـن الخـصايـل
135 وقال عبدالله بن دهيمش بن عبار هذ المقطع من قصيدة :
عـزوتك من وايل هـل السلم والكـار *** نـطاحـت الـكـايـد اسـود الجـزيـرة
عـدوهـم مـا يـمـرح الـلـيـل سـهــار *** ونطيحهم بالـكـون يلـقى مصيـره
شاهدهم التاريخ في مـاضي الأدوار *** وامجـاد وايـل والمفـاخـر كـثـيـره
أولاد وايـــل كــل ديـــره لــهــم دار *** طـالـوا سنـام المجـد في كـل ديـره
136 وقال عبدالله بن دهيمش بن عبار هذ المقطع من قصيدة :
كتبـت من فيض العـواطف تعابـيـر *** يهدا على اللي ما بهم هرج قـداح
نسـل العطيـل من سلايـل مشـاهيـر *** هل الكرم ما هم بخيلين واشحاح
من صلب ذربين الرجـال المناعيـر *** طـوالـعـة يـفـخـر بـهـم كـل مـداح
من صلب لابـة بالحـرايـب مغاويـر *** لا ثارت الملحا تـرى ضدهم طـاح
من ولـد عـلي داحريـن الطـوابـيـر *** شجعـان يـوم الجمع للجمع نطـاح
قطعانهـم ترعـى من اردام لضميـر *** يـرعـون بالقـفـر الذي بارقـه لاح
عـدوهـم عـشـوه عـكـف المناقـيـر *** جاه المصيراللي كتب له بالألواح
نفخـر بهـم ما هي مهونة للي غـير *** والطيب مبطي وضحه قبلنا بداح
137 وقال عبدالله بن دهيمش بن عبار هذ المقطع من قصيدة :
ما فيه داعي نذكر الدور اللي كان *** منـزالهم في حاضر الوقـت بالحيد
يسعـون للطـولات ذربيـن الأيمـان *** والـطيب مـا حـدد للأجواد تحـديـد
افخـر بهم ما اجامـل فـلان وفـلان *** واشيـد بالطـيـّب ولالـي مـقـاصيـد
واليوم للمعروف والفضل جحدان *** عنـد الرجال أهل الحظوظ المقاريد
لـو طبت بالحساد يبقـون عـدوان *** ولا تكترث بأهـل النفوس المحاقيد
اعتز وافخـر في مشاهير الأعيان *** واغتـم من عـلم العفـون الرعاديـد
افرح إلى مدحوا من الربع فدعان *** واعـد بالماضي حمايـل ضنا عبيـد
وامجـد الـويـلان حضره وبـدوان *** مـا عـقـبـه عـنـاز مـن دون تفـنيـد
اقـولهـا ولاني بمـا قـلت غـلطـان *** والشـاهـد التاريخ والسجـل والقيـد
ولا يفهم المكنون والقصد كوبان *** الخـايـب الـلي مـا يـعـرف التقـاليـد
138 وقال عبدالله بن دهيمش بن عبار هذ المقطع من قصيدة :
ساسه عريب ولا بتـه خلفة العـود *** اللابـة الـلي يـوم الأكـوان فـرسـان
مجده تسلسل من معلا إلى حمـود *** مـن عـيد عـزيـز الطنـايب كحيلان
قـلته ولالي عنـد الأجـواد مقصود *** لكـن معـزه فـي مدايح هـل الشـان
اعتـز بالـلي لـه بالأمجـاد مجهـود *** ولا امجد الهلبـاج والنـذل كـوبـان
عـلم الفضيله غايـة الربح والفـود *** ومن لا يفـوز بطيّب العلم خسران
139 وقال عبدالله بن دهيمش بن عبار هذ المقطع من قصيدة :
قـلتها وافخـر بعـزوه باللوازم نعـتزي بـه
اعـتزي بأولاد وايـل يـوم يشتب الشبوب
أحـمد الـلـه لي قبيلة من نسل وايل صليبـه
العماري والعبيدي والجلاسي والوهوب
كـل ديـرة دوجوبـه لابـتي باجـوا شعـيبـه
مـن شمال ديـار خيبـر للحمـاد الـيـا رحـوب
كل موقع ياصلونه ما حداهـم عـنـه هيبـه
ما منع لو كان دونه موحش البيداء تهوب
140 وقال عبدالله بن دهيمش بن عبار هذ المقطع من قصيدة :
الشيـخ الأول مـن صمـاصيم طـيّـار *** وزميلـه ابـن غبيـن راعـي العطيـه
يـدرون شمطان اللحا بـكـل الأخبـار *** لـكـم عـلـى كـل الـشـيـوخ أقـدمـيـه
خيـبـر ورثـهـا جـدكم وأسس الـدار *** ساسـه عـريـق وعـزوتـه ولدعـيـه
حكـم عـليهـا وحـاط خيبر بالأسوار *** زبـن الـدخيـل إلـى زبـن مـن جـنيـه
حاما على الويلان في غلو الأسعـار *** وفـرق نخـل خـيـبـر بنفسٍ رضـيـه
مكارمـه مـا تـنحصي حـيثهـا أكثـار *** الـجـد جـعــفــر والـمـعـامـق زكـيـه
لكم بعرق المصطفى ساس وأصهار *** والـبيـت الأول عـزوتـه هـاشـمـيـه
141 وقال عبدالله بن دهيمش بن عبار هذ المقطع من قصيدة :
ربعك يا أبن راضي سطام الأجانيب *** يتلون أخو بتلا من الضـد ما هـاب
أولاد وايــل مـن خـيـارالأعــاريـــب *** أفعالهـم يـوم أنهـا بشلف وحـراب
يـوم الـزمان الـلي مضاله حـراديـب *** بهم الضفر لا شب للحـرب شبّـاب
عـوق الخصيم مدلهت شمّـخ النيـب *** ويلان ترعى بضلهم علط الأرقاب
ويـلان لـلـروح الـعــزيـزة جـلالـيب *** يشرون غـال الروح من كل جلاب
وايلان ستر البيض سـود الجلابيـب *** خفـراتهـم تـلبس من العـز جلبـاب
لا أشـتـد بالأزمـات حـزم الكـلالـيـب *** رجالهم ما هـاب مـن طـوب ثـلاب
يثـنـون دون الـلي زهـت بالدباديـب *** ويخشاهم الصنديد والنمر بالغـاب
من غوطة الفيحـاء لحـد المزيريـب *** ومن ديرة الحلة إلى شعبة انصاب
ومن خيبر الحرة لغـرب النويصيب *** لعيون عيسى للرمادي إلى صواب
ومن ديرة البصرة لوادي سلاحيب *** من غربي العقلة إلى راس مشعاب
قطعانهم ترعى القـفـور المخاصيب *** تقطف زماليق الخـزاما والأعشاب
يـوم الـزمـان يقـلب النـاس تـقـليـب *** كـل العرب بالحق يـدون للأوجـاب
142 وقال عبدالله بن دهيمش بن عبار هذ المقطع من قصيدة :
يـالـوايـلي عنـدك دلـهـت وتسلـيـت *** وشفت العلـوم الغانمة والـوناسات
ما طب ديوانك هـل الكـذب والهيـت *** مجلس شرف مابـه مغالط ولجـّات
تجمع بـه الـلي للمسولف مصانيـت *** لو جاه راعي الثرثرة صار سمّات
يسكت به الثرثار من غيـر تسكيـت *** يسمع سوالف تبهج البـال دسمات
143 وقال عبدالله بن دهيمش بن عبار هذ المقطع من قصيدة :
شـفي إلـى تـقـابـلـوا تـقـل عـقبـان *** في مجلس فـيه النشامى ايتسلـون
فـي ربـعـة تلـقـابهـا رمس شيبـان *** تـلـقـا المسولف واحـد ولا يلجـون
تلقـا سـوالفهـم تـقـل نظـم مرجـان *** ماهم من اللي بالنـقيلي أيتحاكـون
في مجلس مابه سوى فلان وفلان *** الـلابـة الـلي عـن سواهـم يعـزون
أهـل النفايل والفضايـل والإحسـان *** والكـل فعـله بالمـخـالـيـق مبخـون
أفـعـالـهـم لـهـا دلايــل وبــرهــــان *** شجعـان ما فيهم تشاكيك وأظنـون
مضى لهـم في سابق الـدور عبّـان *** وكـل القبايـل في فخـرهم يخبـرون
الـلابـة الـلـي بـالـمـلازيـم مـزبــان *** مثل الحيود اللي عن الظيم يذرون
لا قيل منهم قلت ربعي هـل الشـان *** صـوارمٍ عــنــد الـلــوازم يـسـدون
ويلان من ويلان مـن نسـل ويـلان *** تاريخهم يشهـد عـليه أبن خلـدون
144 وقال عبدالله بن دهيمش بن عبار هذ المقطع من قصيدة :
يـوم المغـازي نالـوا العـلم والفخـر *** واليوم عصرالحرب زالـت سبايبـه
قـلتـه وأنـا من لابـةٍ يـوم عصرهـا *** خـمـس المعـانـي نافـليـن بمطـايـبـه
منهـا العـطيـة فـي جـدودك نعـدهـا *** أعـطـأ شـقيـر وسنهـا فـي قـرايبـه
ومنها منادي بالعشا بحزت القصى *** كـم حـايـل سـال الحمـر من تلايبـه
ومنها مقـام الـروم محـدٍ سبق بهـا *** كـم شـيخ لابـة ماكـنـيـن صـوايـبـه
بـواجـت الـديـرة ابـعـاد الـمـدالـــي *** ما فـيـه ريع الا مشوا فـي دعـايبـه
والخامسة لـهـم شـريـك بـوصفـهـا *** ونعـم الـرجـال الـلي تعـزز طنايبـه
مـعـانـيٍ مـا هـي خـفـيـه نـعــدهـــا *** كـانـت فـتـيـة ثـم لاحـت مـشـايـبــه
مفـاخـر الأجـداد نـفـخـر بـمجـدهـا *** وأحفـاد بعـض القـوم تـكفـأ حلايبـه
145 وقال عبدالله بن دهيمش بن عبار هذ المقطع من قصيدة :
وبــلـغ تحـيـاتـي جـمـيـع الحنـاتيـش *** سقـم الحريب إلى بدا خاش خرباش
الـلابــة الـلي بـالـلـوازم مــداغـيـش *** وقـت اللقاء ما راعهم كثـر الأوباش
عاداتهم حـط الهـرافي عـلى العـيش *** يقرون بـه مـن كـان هاشل وهـتاش
بربـاعهـم يجـذبـك حـس المهـابـيش *** تسمع صليـل الـمـاو للبـن مجـراش
146 وقال عبدالله بن دهيمش بن عبار هذ المقطع من قصيدة :
اهـل الـبـويضـا فـي زمـان المـثـارا *** تاريخهم معـروف في نجـد والشام
خلفت صقـر مـا مجـدهـم مستعــارا *** ومن صار بين بيوتهم يرفع الهـام
حـمـايـة الـزلـبـات سـتـر الـعـــذارا *** نـعـمٍ بـهــم مـا لامـهــم كــل لــّوام
أفــالـهـم يـوم الـفـعـايـل اخــيــارا *** لهم على الطولات مسرى ومجهام
147 وقال عبدالله بن دهيمش بن عبار هذ المقطع من قصيدة :
كان الدبش والطرش عرجد مديده *** ربعـك جنـب بالكـون حـم الشعافـي
يـردون غـدران الحـمـاد الصميـده *** يـوم المحول ويوم عصر الجفافـي
أولاد صـقـر نـعـم بـذيـك الـفـنـيـده *** مرذيـن سنـم مقـولمـات الخـفـافـي
ناضـوا من العـقـلـة بـديـرة بـريـده *** يرعـون قفـر الـدار قـبـل القطافـي
مبـطـي مـداليهـم لـك الـلـه بـعـيـده *** يرمون غـالي ارواحهـم بالمهافـي
قـطعـانهـم بـالـسيـر يعـجـل فـديـده *** عـلى الـقـفـاري مقبـلات ومقـافـي
148 وقال عبدالله بن دهيمش بن عبار هذ المقطع من قصيدة :
قـلتـه وأنـا مـن لابـة تـذبـح الحـيـل *** مـا همهـا عـنـد الشريـطي غـلاهـا
الـلابـة الـلـي لـلــمـلافـي مـداهـيــل *** لـلـجـار والخـاطـر لـطـيـفٍ نـبـاهـا
اهـل الـربـاع الـلي تـلـم الهـواشـيـل *** أهـل البيـوت الـلي تعـز اقصـراهـا
أهـل السمـوت معـذبـيـن المعـامـيـل *** الـلي بـزيـنـات الـفـعـايـل تـبــاهــا
عـدوانـهـم تـلـقـا مـهـونـة وتـذلـيـل *** وصدقـانهم تـكـرم سواعـد الحاهـا
وأن كلشن عصـم الشوارب مفاتيـل *** تدعس على خشم المعادي حذاهـا
عـنـاز مـا هـم بـالملاقـى مسـاهـيـل *** لا هـاجـت الهـيجـا تـهـزم اقـبلاهـا
يروون عطشان السيوف المصاقيل *** ويثنون كان الحرب دارت رحـاهـا
سقم المعادي يوم عصر المصاويـل *** مثـل الشوامخ تتعـب الـلي رقـاهـا
نـعـم الـرجـال مـعـربـيـن الأخـاويـل *** بالوصف ما يحصى مفاخر علاهـا
رضيعهم لـو كـان وسـط الـزهاميـل *** لا شـب عـادات الـجـدود ايحمـاهـا
مـا ينجحـد تـاريخهـم كـنـه اسهـيـل *** أمجـاد لـو طـال الزمـن مـا محاهـا
وليـم كتب عن مجد وايـل وموزيـل *** وكل من كتب عن فعلها ما حصاها
ماني مفضلها عـلى النـاس تفضيـل *** الـكـذب عـلـه والحـقـايـق أدواهــا
149 وقال عبدالله بن دهيمش بن عبار هذ المقطع من قصيدة :
قـلتـه وأنـا يالقـرم مـن سـاس لابـه *** من مارثت عنـاز لـو بينها حـدود
مـن صلـب وايـل كـل أبوهـم قـرابـه *** كان أفتخرت بفعلهم صدق ماكـود
مـنـا الـزعيم الـلي عـريبـه أنسـابـه *** عبدالعزيـز الـوايلي صفـوة سعـود
ومنـا الزعيـم الـلي المعـالي رقـابـه *** أبـن خـليـفـة للعـلا يصعـد أصعـود
وأبـن صبـاح الـلـي يـحـل الـطـلابـه *** من وايل وهرجي له ثبات وشهود
تـاريخـهـم بـالـصـدق كـلـن حكـابـه *** لهـم الفخر غصب على كل جاحود
عـزوة ربـيـعـه مـا خـلطـهـم زلابـه *** مامنهـم الـلي بـه معايـب ومنقـود
وأن كـان فـازوا بالفـخـر لا غـرابـه *** فعـل المثـنى قبلهـم وأبـن مسعـود
لهـم الفخـر مـن دور بكـر وعكـابـه *** من عصرهوذه مع ثمامه وجارود
ذيـقـار تـشـهـد والـفـعـايـل تـشـابـه *** مـيـراث مجـد وعـقـبه جـد لجـدود
وفعـل الفـضيلـة والفخـر والنجـابـه *** موروث مـن والـد يعـقـب لمولـود
حـاميـن مـجـد اجـدودهـم بالنـيـابـه *** عـنـد اللزوم إلـى هـبا كـب سرمود
عـوق العـديم الـلي براسـه صعـابـه *** رجالهم بالكون يصبر عـلى الكـود
والــلي يـعــاديـهـم تـكـدر شــرابـــه *** مدحتهـم والقـول مثـبـت ومسنـود
وأدخل على الله عـن ملام وعـتـابـه *** ولا قـلت عن فعل القبايل بهم زود
يـوم الـمـرازق حـوشـهـا بالـنهـابـه *** الكـل حـقـه ياخـذه كاش واقصـود
آخر تعديل عبدالله بن عبار يوم 07-16-2021 في 07:00 AM.
|