صوت وصدا مع الحميدي بن صنعا

سـلام يا الفـــدعـان بــواجت الـدار= نـوماس وايــل يوم وقــت المجـاعــه
لكـم عـلى الطايـل مكـانه ومعــبــار = عــوق العـنيد اللي بـرأســـه بتاعــه
ومضايــفً مـاهي خـفـيــه للانظـار = ياهــامـت التــاريخ مجــده وقــاعـه
عـدوكــم يشـرب قــراطـيع الامرار= وصــديـقـكـم ماشاف مـنكـم قــطـاعـه
زبـن الدخيل اليانعمت فيه الأبصــار = في وســطكم ماهـاب خصــمه وراعــه
ريف الخوي والضيف وعزاز للجار = وعـدوكــم يلـقى العـنا والشـجـاعـه
سـتر العــذارا. لا التهب واهج النـار = حــمـر النـواظـر للمـراجــل طــماعه
افعـالكم ماتنحصر وســط الاســطار = مع الكرم والجود عـرف وبــراعـه
اهــل العطــيه مابهـا قـول وش صار = وكــلً على ماقيل عـنـده. قـناعه
ســـلام ي الفــدعــان بواجـت الدار = نوماس وايــل يـوم وقــت المجاعـه

الحميدي ابن صـنعا الجعفري العنزي

واليكم ردي على الاخ والزميل الشاعر الحميدي ابو عمر الله يمسيه بالخير

يا مـرحبــا حييت يا واف الأشـبار = يا مرحـبابـك كـل لحـظـه وســاعه
يا مرحبـابـك عـد زخــات الأمطـار = وما غــرد القمـري بـراس الرفـاعـه
شـرفتـنا فـي جيتـك سر وإجهـار = ياللـي عـلومـك كـل طـيّب أذاعـه
نفـخر بمثـلك وانتُحـرا لـه اخبـار = حيثك من رجال الوفـا والشـجاعـه
يابــو عمـر شـرواك فـي لابتـه بـار = يــوم البعض مالـه عليهـا استطاعه
سـلـومً قـديمـه يالحميدي لكم كـار = والـعــز. فـيهـــا والفـخــر والبتاعه
ربعـك هل الجـدعا. صواريم سنجار= حمـايـة التـالي. فـهــود ً اسـبااعـه
جعـافـره للظـيف ريـفً مـع الجـار = عـز الخـوي في وقت مابه سـناعـه
ربعً لكــم بالقلب حـشـمـه ومقدار= ونفخـر بكــم. يا ربـعـنـا والجـماعــه
حـنا لكم وقـت الصعـايب والأخطار = وأنتـم لنـا وقـت اللـزوم ودفـاعــه
أفعـالكـم ما اظـن توفيهـا الاشـعـار = تمدح بهـا اجـواد العرب عـن قناعه
سـعدون تـذكـر سـيرتـه عبرالادوار = تـاريـخ يـعـرب ما نـسـاه واضـاعـه
خـالـد مـخـلـد فـالضمـايـر والافكـار = مثل القمر يمـلا الفيافي شـٰعاعـه
علمه ملك. لُب البصيره والأبصـار= وكـم شــيـخ قـومً شـل قـلبـه ولاعـه
وعـقــاب ســيفً فـالمهـمـات بتــار = ومن سطوته كم راس خفف صداعه
حٰـًٰـر تميّز فــالنــواد والأطــيـار = قــرمً. تـعــدا كــل مكـيـال صـاعـه
واليـوم صارت عــبرالايام. تذكار = تاريــخ. والتـاريــخ. مثـل الـوداعـه
والحمد. للمعبود عــلاّم. الاســرار= صارت اسهود امهود عقب. اللقاعه
والله يديـم الامــن بــديار الاخيار = اللي لهم منا على السمع.طـاعـه
لابـة هـل العـوجـا. طـويلين الإعـمار = وسـلمـان. قـايـدنا. وحـنـا ذراعـه
في ظلـهـم عشـنا عزيزيـن واحــرار= والعـز رفـرف في وطـنـا. اشــراعـه

محمد بن سوعان الربيع