قال عبدالله بن دهيمش بن عبار هذا القصيدة تحكي فشل الحملة المغرضه والشكاوي الكيدية :
يـا مـستـمـع اسـمـع كـلامـي وصـدّقـنـي *** اشرح لك الوضع وأوضح لك الصوره
اشـتـقـت لـعـلـوم الـنـشـامـى وشـوقـنـي *** تاريخ الأمجـاد مـنـه النفـس مسـروره
صابـر وحملـت دعـاة الشـر ما ارهـقني *** والـلي حـسـد مـا هـم كـيـده ولا جـوره
راعي الهـروج الـبـاطـلـه مـا يضـايقـني *** وش عاد لـو عبّر عن الغيض بشعوره
والـلي يـبـي عـن خـط سيـري يعـوقـني *** عـن شـف مقـصـوده أيـاديـه مقصـوره
يـرغـب يجـاريـنـي ولـه شـف يسبـقـني *** والمعرفة ما هي على شخص محكوره
قـصـده يشلّـح مـا جـمعـتـه ويـسـرقـنـي *** يشمت عـلى كتابي وينقل من اسطوره
حـاول يـريـد بـغـبـت الـمـوج يـغـرقـنـي *** لـكـن غـطـس بالـجـم لنـجـه وشختـوره
مـن وهّـق الـعـزوة لـو اغضيت وهقني *** خالفـت مقصـوده وجـنبـت عـن شـوره
ينصـب عـلـيـه فـي خـداعـه ويـدرقـنـي *** والـلـه حـمانـي مـن بـلاويـه واشـروره
ومـن عاضـده فـي خطتـه يـبي يفهقـني *** بطـش بـه الـلي منهـج الشرع دستوره
مـن فـضـل ربـي ولـي الـكـون وفـقـّنـي *** زال الدجـى والحـق الأبلج سطـع نـوره
بأمـر الكريم الـلي مـن الطـيـن خـالقـني *** حـصّلـت حـقـي واهـل الظـلـم مدحـوره
والـلـي يـريـد مـن الـحـنـاضل يـذوقـنـي *** يجـرع مـن السّـم الـذحاحـي بحنجـوره
وكـان اشتهـرت وطيّـب العـلـم رافـقنـي *** مـن بـان عـلمـه يـلـزمـه دفـع فـاتـوره
مـا أقـول بـي ميـزه عـن الغيـر تفـرقني *** مجهـد ومـن يجهـد مساعيـه مشكـوره
صـادق بحوثي عـلى أهـل البحث فوقني *** أذكـر مـراجـع تـجيـب العـلـم مشهـوره
مـا أريـد اقـصّـر أخـاف اللّـوم يـلحـقـني *** والـنـاس مـا تـعـذر الـرجّـال بقـصـوره
أطـلـب مـن المـعـطي الـرزاق يـرزقـنـي *** مـن مـد جـوده تـدوم الـحـال مـستـوره
ويـوم الحشـر أرجـي الـرحمـن يعتـقـني *** مـن السعـيـر الـلي بـه النـار مسجـوره