قال محمد بن موسى الشملاني هذه الأبيات مجاراة لقصيدة نكبة حزيران وقد نشرها في توتر :
يا الـلي بـديـت بـيـوتـك بـقـافيـة آن *** وخـتمتهـا يا مسنـدي بـقـافيـة أيـن
يالشاعر اللي صرت للشعر عنوان *** وتملك من جـزال القـوافي دواويـن
اسـمـك يشّـرف ربعـك بكـل ميـدان *** وصيتك ينومس عصبتك والبعيدين
ان كان قلبك عـذبـه دعح الأعيـان *** وحـبـه سكن في خافقك والشرايين
ابشـر ما دامـك من صناديد ويـلان *** بـالـلي يسـرّك يا طليـق الحجاجيـن
اقـولـهـا عـن لابـة الـعـز شـمــلان *** الـلي يـنـومـس فـعـلـهـا بالميـاديـن
ومـا دام في يمنـاي خـاتـم سليمان *** تبي تجيك اسرع من رماشة العين
قال عبدالله بن دهيمش بن عبار هذه الأبيات جواب لأبيات الشاعر محمد بن موسى الشملاني :
تعيش يا الـلي صرت للحـق ميـزان *** يامحمد الموسى وصل قافك الزين
مجـدتـني يـجـزاك ربـي بالأحـسـان *** حيثـك مـن الـلي يلحقـون المخليـن
الـيـا تـلاقـوا بـالـديـاويـن فـرســان *** عـوايـد السلـقـا بـالأكـوان ضفريـن
والـنّـعـم بالشـمـلان مفعـولهـم بـان *** بالمرجلـه والطيـب مبـطي وهلحين
وقـصيـدتـي يالقـرم نكبـة حـزيـران *** مضى عليها حول خمسه وخمسين
لاشـك مـا قصـرت يا طـيـر حـوران *** تقـول أنـت وجـماعـتـك مستعـديـن
أنتـم أهـل فزعات من قـدم الأزمـان *** الكـل منـكـم بـه شجاعـة وبـه ديـن