قال الشاعر حمود بن محمد الربوض الشمري هذه القصيدة جواب لقصايد عبدالله بن دهيمش بن
عبار التي يثني بها على الشيخ محمد بن عبدالله الحجاج والرجل الفاضل منصور بن إبراهيم
العليان والرجلين من اعيان أهل القصيم ومن المشهورين بالكرم وقال حمود :
ابـدي بـذكـر الـلـه قـبـل قـيـلي ابـداه *** اللي انزل القرآن واركان الأحسان
فـي قـدرتـه جـل وتعـالـى عــرفـنــاه *** الـلي كفـل خلقه عـلى كـل الأوطان
عـلاّم غيـب الوقـت بادنـاه واقـصـاه *** سبحان من يعلم مدى عمر الأنسان
يـسـالـه الـمسـلـم ويـغـفـر خـطـايـاه *** ويـبـدّل الـسـيّـه بـلـطـفٍ وغـفـران
ارجـيـه عـفـوه بـأول الأمـر واتــلاه *** يغـفـر خطـأ عبـدٍ مـن الذنب مليـان
ومن بعـد ذكره جـزل الأبيات جبنـاه *** على اوضح القرطاس والفكر هويان
وابـي امـدح الـلي بالجزايل عرفنـاه *** شاعـر فخـر معروف مبدا وعنوان
عنـد العـرب معروف بالقدر والجـاه *** من منبع الويلان من روس ويـلان
عـبـدالـلـه الـعـبـار والـمـدح يـزهـاه *** بشي نشوفه يا عرب شوف الأعيان
معروف ابو مشعل على الطيب ممشاه *** يـثـني عـلى شـمّـر وفي كـل ديوان
الـلي مـدح منصـور بالقيـل واطـراه *** ومـدح ابن حجـاج والفعـل بـرهـان
تـواضـع الـويـلان سـاسـه ومـبــداه *** شامخ شبيه طويق في راسل ما بان
الـلي العـلـوم الغـانمـه مـن مـزايـاه *** الـلي خـذا جـزل الفعـايـل بـالأيمـان
معـروف بالساحـه بشعـره ومعـنـاه *** قصـايـده تـعـرض عـلى كـل ديـوان
قصيـد ابـن عـبـار مبـطي سمـعـنـاه *** وادي حـنيفـه مـا يـشـابـه لـوديـان
لا استثقـل المعنـا وجـن الفكـر جـاه *** مـالـه غـلـيـط بالقـصـايـد كـحـيـلان
الـحـق حـق وكـلـمـة الـحـق قـلـنـاه *** ومن يجهل الواجب منافق وخسران
الرجـل حـق النـاس صعـب يتـمـنـاه *** عـلى النقا والطيب مشهد وعرفـان
والصدق قصر وشيـد النـاس مبنـاه *** وحق العرب عند العرب ذكر باحسان
ومن يفعـل الحسنى يجـازا بحسنـاه *** ربحان من يثني على الناس ربحان
واليعـربـي قـول الحقايـق هي منـاه *** ومن يمدح اهل الطيب ما يقال غلطان
ومـن قـدّم الجـزلـه بالأفـعـال يلـقـاه *** مثلـك يا ابن عـبـار بالطيـب كسبان
حيثك عـلى مبدا هـل الطيب والجـاه *** يالـلي بفعـلـك راجحـن كـل مـيـزان
ابـن دهيـمش تـفـعـل الطيـب يمـنـاه *** يا تـاج راس المرجلـه كـل الأحيان
عـلى حقـوق الطبـع يـعـرف بمعنـاه *** بصّمـت فعـل بين النشاما وشجعان
عبدالـله الـلي جـزلـه النـاس تـقـراه *** والمـفـرده وقـع لـه الشعـر ديـوان
عـلى النقـا والطيب من شبّت صبـاه *** معـروف ابن عبار في كل الأوطان
وصـلاة ربـي عــد مـزن نـثـر مـــاه *** عـلى شفيع الخلق من نسل عدنـان
قال عبدا لله بن دهيمش بن عبار هذه القصيدة جواب لقصيدة الشاعر حمود ابن محمد الربوض الشمري :
مـبـداي بـالـلـي مـالـنـا غـيـره أيـلاه *** الـواحـد الـمـعـبـود خـلاّق الأكـوان
رب الـخـلايـق سـيـّد الـخـلـق زكّــاه *** وأهدى العباد الضالة عقب طغيـان
أبــو بــكــر صــدّق كـلامـه وخـاواه *** واسلم معـه عـمـر وعـلي وعثمـان
حمزة وأبن مسعود رب الملأ اهداه *** ثـم اهـتـدى زعيـم فهـر أبـو سفيان
وسارت عـلى كـل المناطق سرايـاه *** من أقصى شمال اسبانيا لدار الأفغان
جيش العرب سيطرعلى معقل الشاه *** الـلـه نصرهم وانتهى ملك ساسان
وقـال أبشـروا دار النصارى فتحناه *** وسادوا بنو يعرب على عشر بلدان
والعـالـم أجـمـع بالشريـعـة حكمنـاه *** ودانـوا لنـا كهـول الخلايق وشبـان
وبعـد ذكـر الله جزل الأشعار صغناه *** منظوم من فكري كما نظم مـرجـان
اكـتـب جـواب الـلي جـوابي تـحـرّاه *** الشاعـر الـلي يبـدع الشّعـر باتقـان
رد الـقـوافـي للـزمـيـلـي بـعـثـنــــاه *** نسل الربوض الشمري عقب سلمان
حمود ابن محمد عسى اللاّش يفداه *** قـرم العيـال الـلي بدأ المـدح لاهـان
من ساس عزوه علّة الخصم وادواه *** تشهـد بـني عدنان ورجـال قحطـان
الشـمـري لا طـالـع الضـيـف حـيّـاه *** بـه طبـع يـومـي للطـراقي بالأردان
شبـيـه حـاتـم عـنـد شـمّـر وجـدنـاه *** يا مكثر الـلي جـاد مع شح الأمـوان
ريـف الـذي عذّب به السفر واضناه *** غب السرى والسير جايع وخرمان
الجـود فـي شـبـح النـواظـر رئـينـاه *** بمقلـط الـلي صحونهم تـقـل كثبـان
مبـطي كـرمهـم بـالمجالس سمعنـاه *** مثل أبـو خوذه من مشاهير جربان
وغـيـره كثيـر الـلي كرمهـم علمنـاه *** تنصى مضايفهم من الهجن ركبـان
قـطـعـانـهـم ريـف الجـبـلـيـن تـفـلاه *** والكـل منهـم لـه غـرايس وبستـان
ومـنهـم قبـايـل بـيـن شطيّـن وفـراه *** حـازوا جبـل سنجـار وديـار حـرّان
مـا جـت لهـم منحه ولا سوم مشراه *** جتهم بحـد السيف والرمح والـزن
مــنـهــم زعـيــم بــلاد حـايـل تـولاه *** الـلي بـنى قـصـر الاديـرع وبـرزان
والـيـاور الـلـي دولـة الـتّـرك تـدراه *** نجلـه حكـم بغـداد عـقـب المريكـان
والـزوبـعي مستعمـر الشعـب صفّـاه *** الشيخ أبن محمود قصّـب نجيمـان
هيّض شعوره منطق الحيف واطناه *** من الكافر الـلي راد للجيش نسوان
واليـوم بـعـراق العـرب منهـم ادهـاه *** ساده وقاده عارضوا مذهب أيران
وصلّوا عـلى الـلي كل ما سن طعناه *** المصطفى سن الفرايض والأركان