هذا مقطع من قصيدة قالها نواف بن مبارك بن ضرباح الموايقي يثني على عبدالله بن دهيمش بن عبار :
سلام يا أهل الوفاء واهل الكرم ما حييت *** وأن مت يبقى ذكر الأصحاب لأصحابها
ركبت من ديرتي لـيـل الخميس وسريـت *** مـخـاوي لـي نـشامى يحـسب حسابـهـا
عـنيـت يـمـك وكني يـا الـوفي مـا عـنيت *** مـن زود ما اغـليك تدنى نجد وهضابها
وجينـاك يالوايلي حـنا من أرض الكويت *** نـطـوي جـبـال الديـار ونطـوي شعابهـا
ياللي مع أهل الوفا والطيب بعت وشريت *** يـا شاعـراً نـال حـب النـاس واعجابهـا
لا قـيـل عـبـدالـلـه العـبـار فخـر وصيـت *** قـرم الـيـا جـاتـه الـضـيـفـان هـــلابـهـــا
ولأجل عنزة يالسنافي كم عنيت ومشيت *** تـجـمـع تـراث عـنـزة وتـسجـل أنسابهـا
ولـو أمدحـك ما يوفي مـدحـك الـف بيـت *** مـا يـستـوي لـلـكحـيـلـه غـيـر ركـابـهـا
واختامها يالسنافي مثـل ما أبدأ انتهيت *** سـلام لأهـل الـوفـاء مـن خاطـري جابهـا
وقال عبدالله بن دهيمش العبار هذا المقطع من قصيدة جواب لقصيدة الشاعر نواف بن مبارك بن ضرباح الموايقي :
الـعـفـو يـا نـواف تـو لـمـجـاوبـك بـديـت *** لو اعتذر كلمة عذر ما عاد فاد اعرابها
يـا مـرحـبـا بـك يــوم لـديـارنــا لــفــيــت *** وربـعـك يـا أبـن ضربـاح يـا مـرحبابهـا
كنت أنتظـر لزيارتك في كل يوم احتريت *** لفوتك لفوت المطـر كان انهمـر سحابها
أنـا سعيد الحظ وأفرح كان عني رضيت *** حيثك من كرام اللحّى الـلي تـعـز شنابها
أغليتني يالقرم وأنت عنـدي بعـد غليـت *** كـل الحيـود العاليـة من عادتك ترقـابهـا
يا بن مبارك مدحتني وأنا طلبت ودعيت *** العـز والخيـر الـوفيـر تأتيك كـل اسبابها
بعثت لك مني نديب ملزوم دونك ما يبيت *** يوصل سلامي عزوتك شيابها وشبابها
العزوة أهـل الطايله في معرفتهم حضيت *** العـزوة الـلي باللـقـاء عـدوهـا يهابـهـا
كتب مفاخر لابتي من يوم بالدنيا نشيت *** اربع عقود وموتري يبرم عجل دولابها
ياما تعبت بجمعها ولغير ربـي ما شكيت *** ياما طويت مـن الديـار سهولها واتبابها
أيـام عمري كلها ابحـث ولا منها اكتفيت *** وأيامنا ما ساعفت عسى تهون صعابها
وقال نواف بن مبارك بن ضرباح الموايقي يسند على عبدالله ابن دهيمش بن عبار :
بسم الذي في حكمه الأرض كـورت *** ثـبـت كـواكبـهـا وأرسى جبـالـهـا
ربـي الـيـامـنـه وهـبـك بـرحــمـــه *** الـرحمـه الـلي لـك وهبـهـا تـنالهـا
من بعد ذا سجلت بالطرس والقـلم *** وأخـذت من نظـم القوافي جـزالـهـا
نصيت أبـن عـبـار مـن بـدة الـمـلأ *** رجـل اليـا جتـه الحـمول ارتكـالهـا
وخـتـامـهـا مـنـي تـحـيـه مـعـطـره *** لكـل الرجال اللي حميده اخصالهـا
وقال عبدالله بن دهيمش بن عبار هذه القصيدة جواب لقصيدة الشاعر نواف بن مبارك بن ضرباح الموايقي :
مبداي بالـلي القاع مهّـد سهالها *** رب الملأ يـذري ذواري رمالها
ومـن بعـد ذكر الله بديت القوافي *** أبيات أبن ضرباح نرسل بدالها
نـواف بن مبارك بعث لي رساله *** أبيات جتـني مرسله فـي كمالها
وأبـي اعتذر له حيث ردي تأخـر *** مامقصدي والشاهد الله اهمالها
لاشـك تـأتي لـي رسـايـل كـثيـره *** تحـوي مواضيعٍ تنـوّع اشكالها
هـذا جـوابي والعـذر والسموحة *** قصيدتي لنـواف يـلـزم ارسالهـا
حيثك عزيز ومن قبيلـه عـزيـزه *** نعم الرجال اللي تشرف فعالهـا