[CENTER][SIZE="6"] تابع
قال الشاعر عبدالمجيد بن ثاني الويط الغضوري هذه القصيدة يثني على
عبدالله بن دهيمش بن عبار : 1736
يـاهـاجسي عـطـنـا تـواريخ وأذكـار *** مـن جـم مـا يشبـه رسوس النثيلـه
مـوجـهـه لـلي عـلى الشعـر بـيـطـار *** عبداللـه دهيمش من خـيـار جـيلـه
مـا همنا نـقـل الحكي يـا أبـن عـبـار *** يسـلـم جـنـابـك يـا أديـب الـقبـيـلـه
شاعـر بـني وايـل ورمـزاً لـلأشـعـار *** يـوم الشعـر مـافـيـه مـن يـرتكيلـه
دون الـقـبـيـلـه كـنّـه الـسـيـف بـتّـار *** فـي ساحـة الميدان فـوق الكحيلـه
دونـت عـن مـجـد القبـيلـه بـالأذكـار *** وسجلت بصمه يابـو مشعل جزيله
بانسـاب وايـل ثـم بقـطـوف الأزهـار *** ذكـرت مجد أهل السيوف الصقيله
نشكر جهودك يالولي سـر واجـهـار *** ويـفـداك مـن هـو ما يجمّل حصيله
يـوم أن غـيـرك يـتعـبـه كـل مشـوار *** الحـيـص مثـلـك يـرتـكي للثـقـيـلـه
حـقـن عـلـيـنـا نذكـر حقوق الأخيـار *** ومثلك اليـا جاء واجبه نحتمي لـه
ولا أنـت شامخ تشبـه لضلع سنجـار *** مـا حـركـت راسـه رعـود المخيله
والـلـي عـلـيـك مـزيـفـيـن بـالأخـبـار *** يـا عـلـهـم فـدوة حـمات الـدبـيـلـه
بـعـض الأوادم مـالـهـا كـيـد وهـجـار *** ضعاف البخوت مشاورين الحليله
لا يـزعجـك يا مسنـدي هـرج ثـرثـار *** الـلي عـلى الطيّـب يـدور الفشيلـه
اهل الحسد بين العـرب تشعـم الـنـار *** سود القلـوب الـلي عـملهم رذيلـه
لابـارك الـلـه فـي قصيريـن الأشبـار *** كـم فـرّقـوا مـابـيـن خـل وخـلـيـلـه
يالله عسى اللي يظلم الناس بشهـار ** امـضـيـّع عــقــلـه وتــيــه دلــيـلـه
ولا أنـت فـي كـل المـواقـيف مغـوار *** يا سعـد عـيـن الـلي يـعـدّك زمـيلـه
عن مستوى شرواك يبطون الأشرار *** يـبـي لـهـم الـفـيـن لـيـلـه ولـيـلــه
والصمت عن هرج الملاقيف ما بـار *** الـنـاس ما تنسى الردى والفضيله
والشعر حـرب يشبه لحـرب ذي قـار *** لاشـك مـثـلـك فـاز بـه بـالـنـفـيـلـه
تـذود عن عـنـاز في وقـت الأخـطـار *** مشهـود لـك لا شـب قبس الفتيلـه
ترسي كـما ترسي البواخـر بالأبحـار *** ما زعـزعـتـه امواجها المستهيله
وختـامهـا يا شبـه من بالسمـاء طـار *** حـرن مـقـرّه بالهضـاب الطـويلـه
عسـاك بالـدنيـا مـن طـوال الأعـمـار *** ومثلـك حياتـه بالـرغـد تستـويـلـه
قـلتـه وأنـا من روس ربـع لهـم كـار *** لا ثـار عـج الخيـل ستـر الجـليـلـه
ربعي ضنا سليمان كـان الـدخـن ثـار *** عـدوهـم يـوم الـلـقـاء عـزتـي لـه
قال عبدالله بن دهيمش بن عبار هذه القصيدة جواب لقصيدة الشاعر
عبدالمجيد بن ثاني الويط الغضوري : 1737
يالواتساب أقدم عـلى القـرم مسيار *** حـال العـجـل لازم جـوابـي تـشيـلـه
عبدالمجيد الغضوري نسل الأبـرار *** مـا يجـامـل العـايـل اليـاشاف عـيلـه
حـيثـه مـن الـلي ما يهابون الأقـدار *** يـوم اللقـاء فـوق الجـواد الأصيلـه
مـن عـزوةٍ بـربـاعـهـم بـن وابـهـار *** والنجـر يضبح بـس توحي صليلـه
سـلام للمـنعـور مـن خـاطـري حـار *** أهـديـه لـلـشـغـمـوم مـكـرم نـزيـلـه
عـبـدالمجيـد ارسل عـذيات الأشعـار *** قافه مثل قطف الـزهـر من خميلـه
كـنـه يغـرف الـقـاف مـن نـبـع فـوّار *** مـن ريهجـان القـيـل مـاهـو ثميلـه
الغضوري من صافي الشعر يخـتـار *** منصـف وينـطـق بالعـلـوم النبـيلـه
يـثـني عـلى مجهـودنـا حـر الأحـرار *** عسى فـداه أهـل الهروج الهـزيلـه
يـفـدى جـنـابـه كـل هـايـف ومـكّــار *** سـود الـفوايـل والـفـعـايـل رزيـلـه
ويفداه اللي يقدم على العيب والعـار *** عـفـن الرجال الـلي يجيب الخجيله
يا مسندي هـاك الخبـر بالـذي صـار *** عـن الـذيـن استعـملـوا كـل حـيـلـه
الـلي يـدورون الهضيمة والأضـرار *** ما حصلوا من فضل ربـي حصيلـه
ماني يا أبن ثاني عـلى الغبـن صبّار *** أصـمـد وراعـي الكيـد مات بغليلـه
الـحـل بـيـديـن الـمـشـايـخ والأمّــار *** مـا هـو بكيـف مـروجـيـن النقـيـلـه
الـلّـيـث أخـو نـوره كـعـم كـل غــدّار *** المقـرنـي مـن بـان ظـلمـه يـزيـلـه
الحـكـم يـردع كـل ظـالـم الـيـا جــار *** وأهـل الفسـاد أهـدافـهـم مستحيلـه
قلتـه وأنـا مـاني مـن الجـهـد ذخّـار *** جمعـت مجـد العـزوه الـلي أنتميلـه
أربع عقود اكتب عن العزوة أسطار *** أسـعى حـثـيـث وكـل راوي أجـيلـه
كـم لـيـلـةٍ مـا نـام بـالـلّـيـل سـهّـــار *** أبـحـث عـن الـلي فيـه ذكـر القبيلة
طـول المـدى مجـهـد وللمـال خسّار *** غيـر الفخـر مالي لك الـلـه وسيلـه
ولاهـمـني من قـابـل الجـهـد بأنكـار *** ولا يـنـكـر المجهـود كـود الهبـيلـه
ما يثمنون الجهـد عـميـان الأبصـار *** مهـما عـملـت من العـمـال الجليلـه
مادام الـلي شرواك منصف وشكّـار *** ما اشكل عـلي الـلي يدور الخـذيلـه
مـادام صافيـن الضمايـر لي أنصـار *** مانـي بحـال أهـل العـقـول الضليلـه
مجهـودنـا يشهـد لـه صغـار وكـبـار *** ولا يجـحـد الا الـلي يـبـوق بعميلـه
البـوم ينغـط مـوقـعـه بأسفـل الـغـار *** والحـر وكـره فـوق راس التـليـلـه
قال الشاعر عبدالجبار بن ابراهيم المشيطي هذه القصيدة يثني على
عبدالله بن دهيمش بن عبار : 1738
مـنـي لأبـو مـشعـل تـحـيـه وتـقـديـر *** عـبـدالـلـه الـعـبـار سيـف الحـميـه
ريـف النشامـا والـوجـيـه المسافـيـر *** وفـي مجلسـه تـاجـد رجـال وفـيـه
يا شـاعـر الـويـلان مسيـّت بالـخـيـر *** يالشاعـر الـلي تـرفـع الـمعـنـويـه
من صغر سنك وانت ضمن المشاهير *** وقـدّمـت للويـلان جـهـدك هـديــه
وصورت تاريخ عنزة خيـر تصويـر *** ووضحت به بعض الأمور الخفيـه
وحررتها يا صاحب العـرف تحريـر *** وبـاكـتـابـتـك مـا تـذكـر العنصـريـه
ولا يلحـقـك يا عـالي القـدر تقصيـر *** فـي مـا كـتبتـه فـي تـاريخ السمّيـه
وعـبّـرت عـن تاريـخ وايـل تعـابـيـر *** تعبـيـر يحـمـل لـه مـعـارف قـويـه
ودونـت بـكـتـابـك فـعـول المنـاعـيـر *** ومـثـلـك فـخـر لـلـعـزوه الـوايلـيـه
والـلي يـقـول كـتـابـكـم فـيـه تغـيـيـر *** لازم يـوضح بـارتـكـاب الـخـطـيـه
وأن كـان مـا وضّـح يـقـدم مـعـاذيـر *** ويقـول أنـا غلطان عن حسن نـيـه
وصلّوا على الـلي فسّر الدين تفسير *** يا سـعـد مـن يـمشـي بـسنـة نبـيـه
قال عبدالله بن دهيمش بن عبار هذه القصيدة جواب لقصيدة الشاعر
عبدالجبار بن إبراهيم المشيطي : 1739
جـتـني رسالـه مـن ربـيع المسايـيـر *** عبدالجبار الـلي أرسل القاف لـيـه
قـافـه مـثـل ورد الفيـاض المـزاهيـر *** روض وخمـايـل بالـربيـع محـميـه
يا مـرحبـابـه عـدد لـفـح المعـاصيـر *** وأهـلا عـدد منـبـوت نـجـد العـذيـه
يا أبن إبراهيم اكفيت شـر العـواثيـر *** وعـسـاك تـرفـل بـالـحـيـاه الهـنيـه
ويا عـل ربـي يالمشيطي لـك ايجيـر *** الـشـكـر والـدعـوات حـقّـك عـلـيـه
تـذكـر جهودي والتعـب والمخاسيـر *** منصف ولـك مـني جـزيـل التحـيـه
أربـع عـقود آخـذ لـك الـلـه مشاويـر *** أجمع تـراث أهـل الربـاع الفضيـه
واجـاوب الكـتّـاب هـم والـشـواعـيـر *** والـحـمـد لـلـه مـا عـلـومـي رديـه
والـلي يـريـد الجـهـد يلـقيـه بـالبـيـر *** حـاسـد ونـفسـه يالمشيطـي دنـيـه
ومـن سبنـا يا مسنـدي جـاه تحـذيـر *** عـن لـفـظ شنعـات العـلـوم البـذيـه
الصّـح والـواقـع صـدر بـه تـقـاريـر *** والكـذب يجـدع فـي قـعـور الهبـيـه
لـو تـجـحـد أهـل البلبلـه والشباشير *** مـا تجحد شخوص الـرجـال التقيّـه
قال الشاعر عبدالمجيد بن ثاني عبر قروب ديوان الويلان يثني على
عبدالله بن دهيمش بن عبار : 1740
لا والـلـه الا نــوّر قــروب عــنـــاز *** مـن يـوم ابـن عـبار شـرّف وجوده
الوافي الكافي عـن الـرّبع ما انحاز *** في كـل موقـف ما تـزعـزع صموده
الشاعـر الـلي حـل صعبات الألغـاز *** كـم شـاعـــرٍ عـن الـقـبـيـلـه يــذوده
صميدع وثـابـت مـثـل جـبـل خـزّاز *** فـكـره عـلى الـجـزلات دايـم يـقـوده
قال عبدالله بن دهيمش بن عبار هذه الأبيات جواب لأبيات الشاعر
عبدالمجيد بن ثاني الغضوري :
عـبدالمجيـد الـلي بعـلـم الفـخـر فـاز *** عسى فـداه أهـل النفـوس الحقوده
جـاني قـوافي طيـّب الساس بجهـاز *** وحزّت ورود القـاف نـكتـب ردوده
يالغضوري نرفـع لك الشكر بالعـاز *** وأنـت الـذي عـلـم الفخـر ما يكـوده
تعـيش يا طيـر السّعـد تـشبه الـبـاز *** مجناك مـن وكـر الصّقور الصيوده
قال الشاعر هايل بن عبدالله العبار يثني على أخوه مشعل بن عبدالله العبار
بمناسبة اهداء جيب لوالده يقول : 1741
يا ابـو مشاري يرحم الـلـه والـدينـك *** طيبـك مع أبـوك دينـه في عـيـالـك
جـمّـل الـلـه حـالـك وتـسـلـم يـمـينـك *** يـوم فرّحـت أبـو مشعل من حلالك
وقـفتـك هـذي وفـاء طـابـت سنيـنـك *** خصلـة وحدهـا تراهـا من خصالك
ياما جـدت مـن الكـرم لـو زاد ديـنـك *** بـك طبيعـه مـا تفشّـل مـن عـنالـك
جـمّـل الـلـه حـالـك وسلمـت يـدينـك *** هايـل يشكـر منـك وبـيـوتـه فـدالك
وقال عبدالله بن دهيمش بن عبار هذه الأبيات مجاراه لأبيات أبنه
هايل بن عبدالله بن عبار : 1742
عـشت يا هـايـل عسى ربـي يعـينـك *** صغـت جزلات المعاني طـاب فالـك
يـا أبـو هـلا احسنت الـلـه لا يهينـك *** تـمـدح القـرم الـكـريـم وهـو كـذلـك
هـو فـزعتك اليا نخيت وقلت ويـنـك *** حين ما تناديه يا أبـو الهـول جالك
الأخـو لـو تاضـعـه باصـبي عـيـنـك *** هو سندك الـلي انكانك طحت شالك
والعـرب يدرونك عن شينك وزينـك *** أطلب المولى عسى يحسن اعمالك
قال عبدالله بن دهيمش بن عبار هذه القصيدة يثني على الرجل الكريم سعود
المدحلي الحسيني أبو عبدالعزيز بعد أن سمع قصيدة المناشدة لجمع دية نايف
أبن سلامه الجعفري وتبرّع مشكوراً بمبلغ عشرة آلاف ريال لوجه الله وتفاعلاً
مع قصيدتي لذلك وجب أن اشكره واثني عليه وأشيد بفعله كما أثني على أبن
عمّه الرجل الفاضل علي بن خليفه المدحلي حيث له مواقف مشرّفه : 1743
ماهوغريب الجـود من صاحـب الجـود *** حيث الـكـرم مـن عـادة الطيبـيـني
راعي البويضا المدحلي حضرة سعـود *** مشكـور يالشهم الكـريـم الحسيني
دفـعـت عـشـر آلاف مـن مالـك نـقـود *** وساهمت والمقصد اعتاق السجيني
يـا سـعـود كـفّـك دوم للخـيـر مـمـدود *** حـيثـك كثيـر إحسـان طلـق اليميني
يـا أبـو عـبدالعزيـز لـك فعـل مشهود *** عـلمك مـع شخوص الحمايل يبيني
يـا أبـو عـبـدالعزيز لـك فعـل مشهـود *** علمـك مع شخوص الحمايـل يبـيني
بالـمـرجـلـه تمشي عـلى منهج العـود *** مـا تـتـرك المعـروف طول السنيني
عـنـد أبـو ثـامـر دوم لـك علـم مشيود *** يـمـدح ويشكـر خـوتـك كـل حـيـنـي
كـن الرفيـق مـن أدنـى الأدنين معـدود *** خاطرك لـو شان الـزمن مـا يشيني
يا سعـود طيبـك ليـس يالقـرم مـحدود *** من دون ماأنشد ناس علمك يجيني
بـك الصّخى والطيّـب يا سعـود ماكود *** مـا هـو خفي يا سعود شفته بعـيني
عسى الـولي يحميك مـن كـل مـقـرود *** أهـل الـغـوى والطيش والحاسديني
مدحـك فـخر يا سعود والقول مسنـود *** مـع الكـرم يا سعـود عقلـك رصيني
قـلتـه ولا أنسى الـلي بالأفعال محمود *** عـلي الخليفـه مسنـدي هـو ضنيني
فـي منـصبـه يـبـذل لمـن جاه مجهـود *** يـا مـا نـفـع مـلـزوم بـه يـستـعيـني
مــن جـاه فـي دربــه حـواجـز ولادود *** مهـد وعـر ممشاه وأصبح هـويـني
مـن جـاه حـصل مكسب الرّبح والفود *** حـيثـه بالـلي يـنصـاه مـا يستهـيني
مــداحــلــه مـجـدتـهــم خـص مفـنـود *** عـرفـتهـم مـا شـفـت مـنهـم دويـني
مـن سـاس عـزوة ملتجأ كـل مضهود *** مـن ذربـة الأجـواد والـغـانـمـيـنــي
أهـل البـويـضـا يـوم حـاوي ومـردود *** حـمـوا حـدود ديـارهـم بـالـعـريـنـي
الـلـي يـلاقـي جـمـعـهـم عـاد مـسرود *** يـوم المغـيـر ويـوم عـزل الكـميـني
وقال الشاعر حمد بن سالم الضوي هذه الأبيات مجاراة لأبياتي يقول : 1744
يـا شـاعـر الـويـلان لـك نـهـج مـحـمـود *** يـا مـنـبـع الـشّـعـر الـجـزيـل الـثـمـيـنـي
نـعـرفـك شـاعـر بـالغ ( ن ) كل مقصود *** تـغـرّد لـحـالـك مـالـك مـنـافـسـيـنـــــــي
وسعـود جعـل سعـود مـن زود فـي زود *** ويـا جـعـل يـفـداه الـردي والـدويـنــــــي
وافـي ولا قـصّــر بـذل كـل مـجـهـــــــود *** غـالـي وقـدره فـوق راسـي وعـيـنـــــي
يـا سـلاحـنـا الـلـي دوم جاهـز وموجـود *** اثـنـيـنـكـم وافــيــن ومـجـمـلـيـنـــــــــي
وعـزوة بـنـي وايـل لـنـا دروع وعضود *** لـعـيـون نــايــف كـلـهـم جـاهــزيــنــــي
وقال الشاعر صنت الغضوري هذه البيات مجاراه للأبيات السابقة يقول : 1745
مـن عـادة أهـل الطيـب بالطيـب في زود *** عـلـى شـمـوخ الـطـايـلـه مـعـتـلـيـنــــي
رقـيـت بالحـسـنى عـلـى عـز يـا سـعـود *** مـــدك جـزيـل وكـل فـعـلـك ثـمـيـنــــــي
رقـيـت بـالـجـزلـه عـلـى شـامـخ الـطـود *** عـلـى مـسـار جـدودك الأولــيــنـــــــــي
رمـز الـوفـاء والـطيـب مـن جـد لـجـدود *** مـن خـلـقـة الـدنـيـا لـهـا حـايـزيـنــــــي
مـلاذ مـن جـاهـم مـن الـوقـت مـحــــدود *** عـلـى سـلـوم جـدودهـم مـحـتـمـيـنــــي
هذه الأبيات من شعر محمد بن فهد الخضر أبو فهد من أهل بريدة قالها يثني
على الرجل الفاضل قاسم بن حبيب العنزي أبو عبد العزيز : 1746
يا أبـو عـزوز ربـك يحفظك يالهمام *** فزعة اللي يجيلك من رفيق وقرابه
أنـت طبعك كريم وأنـت نسل الكـرام *** لا ذكر علم طيبك قلت مابه غـرابـه
أشهد أنك تساوي عـنـد أمـك سنـام *** وصورتك في عيونه كنها الف لابه
الصخى معقبٍ لك من خوال وعمام *** وأنت شهم وكريم يا شبيه السحابه
تعمل الخيـر تـرجي دعـوةٍ بالظـلام *** مـن يتيـم دعالـك دعـوتـه مستجابه
شفت بالعين فعلك في نهار الصيام *** عندك الناس تفطرتبي من الله ثوابه
وحقك اكبـر علينا من قصيد وكـلام *** كل من جاه خيرك توصله عند بابـه
عسى ربي يعزك ولك جزيل السّلام *** والسنـد ما نسيته الله يحفظ شبـابـه
قال عبدالله بن دهيمش بن عبار هذه الأبيات مجاراة لأبيات محمد بن فهد
الخضر أبو فهد الذي يثني على الرجل الفاضل قاسم بن حبيب العنزي : 1747
يامن مدحت قاسم لك قدر وأحتـرام *** مادح القرم منا نشكر حضرة جنابه
يامحمـد دام عـزّك يا رفـيـع المقـام *** مثلك بطيب قاسم كلن يبدي اعجابه
أشهد أنـك بوصفـك كـل قولك تمـام *** يشتهـر بالبشاشه والصخى يلتقابـه
حيث بالجود قاسم له ولع واهتمـام *** خط سيرالمراجل سار معه ومشابه
كل من جاه ناصي نال قصد المـرام *** وكل من جاه عاني اكرّمه واعتنابه
أبـو عـزوّز يبعـد عن طريق الملام *** فيه دين ونزاهة وفيه لطف وحبابه
مثل غيث المزون ومثل حد الحسام *** وكان دعاه داعي له سريع الأجابـه
السلـوم يعـرفهـا ويفـتهـم بالـنـظـام *** من بداية حياتـه ما ذكـر بـه معابـه
أبيات قالها أحد الجيران يقول : 1748
الـلـي فـنـا عــمـره مـدافـع ونـسّـاب *** يستـاهـل أنـه مـن رمـوز القبـيـلـة
ما همّـه الـلي من الهماليش يغـتـاب *** ولا هـمّـه الـلي مـا تـبـع الفضيـلـه
كـبـيـر قـدر وشـاعـر ومولف كتـاب *** اصبـح لـمـن ضيّـع جـدوده دلـيـلـه
مـا أحـد يـذم المجتهد لـو ما أصـاب *** والـلي يعـرف الصّـح يجيـب كيـلـه
جـار ويـبعـد عـنـنـا فـتـحـت الـبـاب *** مـا عـمـر شفنـا لـه مـع الشّر ميلـه
احفـظ لسانك عـنـه لا تظهـر النـاب *** لا تشيل ذنـب ولا أنـت مجبر تشيله
جواب عبدالله بن دهيمش بن عبار على أبيات أحد الجيران : 1749
مشكور يالـلي تـفتهـم كـل الأوجـاب *** جـاني جـوابـك بالبـيـوت الجـميـلـه
حيثك من اللي طبعهم عز الأصحاب *** ريف القصير أهـل العمـال الجليلـه
الـلـه يفكـك مـن شنيـعـات الأسبـاب *** ويكفيـك شـر أهـل العـقـول الهبيلـه
قلت الصحيح الواقعي ما أنت كذاّب *** والـلي جحـد خـلّـه يمـوت بغـلـيـلـه
خـلّـه يعلّـه تحتـرق مـنـه الأعصاب *** حـاسـد وفاسـد مـا يحـوش النفيلـه
جـميـع مـا سويـت خـدمـة للأقـراب *** ولانـي بـحـال الـلي يـبـوق بعـميلـه
يتبع
آخر تعديل عبدالله بن عبار يوم 07-13-2022 في 06:36 PM.
|