[CENTER][SIZE="6"]
تابع
*- قال عبدالله بن عبار هذه الأبيات يسند على غالي الذايدي : 321
سر يـا قـلم وأكـتـب بـيـوت عـذيـات *** قـيـفـان تـهــدا للـفـهـيـم الـنـحـاوي
تهدى على راعي الأهداف البعيدات *** صقـر الحـرار الـلي يصيـد النـداوي
أبـو حبـيـب الـلي فعـولـه حـمـيـدات *** غـالـي رفـيع الشـان للطيـب حـاوي
من راس لابـة يـوم عصـر المثارات *** إلى أعتلـوا من فوق قب الصهاوي
سقـم المعـادي باللـقـاء والـقـوامـات *** عـوق الحـريـب ومبعدين العـداوي
فـوق النجايـب يقـطعـون المسافــات *** فـي مهـمـه فـيهـا يضيـع القطـاوي
لابــة محـددت الجـمـل بـالـحـرابــات *** بـايـمـانهـم قـوت السبـاع المقـاوي
أولاد عـلـي مـن سـلايــل عـمـــارات *** يتلـون أخـو هـوا عـريب العـزاوي
الشيـخ ابـن مـجـلاد زبـن الـونـيــات *** زبـن المجـنـا والـطـريـد الـجـلاوي
واليـوم صـارت يـالسنافـي سلامـات *** الشكـر لـلـه راح عصـر الـغــزاوي
يـابـو حبيـب اللـي تعـرف الأشـارات *** وتـحـل مـلــوى لايــذات الخــبـاوي
وضحت لك مظمون قصـد العبـارات *** حيثـك عـلى فهـم المعـاني قـصاوي
* قال غالي الذايدي رداً على عبدالله بن دهيمش بن عـبـار : 322
عبدالله أرسـل لي بـيـوتٍ جـديـدات *** صـاغـه وعـدلهـا ولا هـوب غـاوي
قـولـه بليـغ مضبط الهـرج بـاثبـات *** حيـثـه عـلى بـدع المثـايـل رهـاوي
قـولـه صحـيـح ولا ذكـر فـيـه زلات *** سـوالـفــه يــرويــه راوي لــراوي
باعـه طـويـل ويـشـهـدن الـمجـلات *** ومـؤلــفــاتـه يـعــرفــه كـل هــاوي
وتعيـش يا مـادح رجـال العـمـارات *** كبـار الـصحـون مـزبـنيـن الجلاوي
وأنتـم لكـم بصفـاح كتـب السجـلات *** أمـجـاد بـالتاريـخ يـاهـل الـقـهـاوي
ولامن عليكم زود يااهـل الشهامات *** صويـبـكـم بـالـكـون مـالـه أمـداوي
وليه عتب يا مرسل عشر عشـرات ** بالـله بـنا يالقـرم ويش أنـت نـاوي
وأبا أختصر بالقول في عـدة أبيـات *** والحـر يــفـهــم خـافـيات الـمـلاوي
وختـام مـا قـلنـاه أزكـى الصـلاوات *** عـلـى مـحـمـد بـالعــدالـة أيـسـاوي
* وقال غالي بن جليف الذايدي يسند على عبدالله بن عبار : 323
خـذ الـرسـالـة ودهــا لأبـن عــبــار *** ومعــهـا لبـو مشعـل سـلام وتحيـه
الصاحب المخـلص صدوق ولا بـار *** أحـرص عـلـيـه مـن حــدا والـديـه
هـو ذخرنا لا صار بالوقـت ما صار *** إلـى تـنـادوا بـيـنـهـم بـالـحــمـيــه
وديوان أبو مشعل به البـن وأبـهـار *** وتـلـقـا بـديـوانـه نـفـوس رضـيـه
أهـده سـلامـي عـدد مـا طـايـر طـار *** خـصـه وعـم الـعـزوه الـوايـلـيـــه
سـلام أحـلا مـن لــبـن در الأبــكــار *** وأحـلا مـن السكـر بـذوق الشـفيـه
وألـذ مـن درت مـبـاكـيـر الأقــفـــار *** تقطـف زهـر ورد الرياض الخليـه
تفلا الحـزوم ولا تقـرب عـلى الـدار *** ولا تـرتـع الا بـالـفـيـاض الـعـذيـه
ما تقطف الا مـن زماليـق الأشجـار *** وتـتـبـع هـواهـا بـالـديـار الـمـريـه
يـا مـا حمينـاهـا عـلى قـب الأمهـار *** مـن زارهـا يـورد حيـاض الـمـنيـه
ومـن بعـد ذا قـل للمعـنى بالأخـبـار *** حــنــا بـنـعــمـة والـروابـط قـويــه
وأخبرك يا مشكاي في كل الأسـرار *** وأظـنـهـا مـاهـي عـلـيـكـم خـفــيـه
تـفـرقـوا ربـعـك عـلى عـدة أقـطـار *** من عـقب ما هـم بالمماشي سويـه
عـقب البيارق بـس نسمع بالأذكـار *** فـعــايـل الـمـاضـي لـهـا قـابـلـيـــه
بينت لـك رمـزٍ عـن الحـال باشـعـار ** والمعـذرة يا شـوق صافـي الثنيـه
نـبي أنـتبـادى بالمعـانـي والأشـوار *** ومـا قـالـه ونـيـان يـفـطـن عـلـيـه
يا مسندي خلك عـلى الوقـت صبـار *** وكـلن بفعـل الطيـب يـذكـر خـويـه
ولا بـد مـا تـبــقـى لـلأ يــام تــذكـار *** أسمع وخـذ مـني صحيح الوصيـه
دنيـاك لا بـد حـلـوهـا تـقـلب أمـرار *** ولا كـل سـاعـات الـلـيـالـي هـنـيـه
والمعـذرة يا مكـرم الضيف والجـار *** قـولي حسب عـرفي على كـل نيـه
وأنا عـلى الواجب كما الوالـد البـار *** بـالـروح والـلي يـمـلـكـنـه أيـديــه
حيث الوفى طبعي عـلى مـر الأدوار *** وأحـب راعـي الطيب بـايـة نحـيـه
تمـت وصلـوا عـدد هـطـال الأمطـار *** عـلى رسـول الحـق خـيـر البـريـه
* وقال عبدالله بن دهيمش بن دهيمش بن عبار رداً على غالي الذايدي : 324
يا راكب الـلي غاربه يزهـا الأكـوار *** مـا صـار مثـلـه بالـركايـب مـطـيـه
يا بعـد كـوعه عـن مناسيع الأزوار *** مجنـاه من جيش السعـيدي هـديـه
شمطير أبوه ومنسبه حص الأوبار *** وأمـه ذلـول مـعــربـه صـيـعــريــه
عن الشبه محفوظ بضراب وعشار *** عـرق الصـفـر ما دك بـه قـيـدنـيـه
حطوه من أجل الغذاوه على ضيـار *** حـتـى غـدا يـنـدر مـع الهجـن زيـه
لو شفت زوله مـا تقـول أنـه حـوار *** تــبـارك الـرحـمـن كـبـر الـلـقـيـــه
سعـره عـلى الشـراي مليون دينـار *** ثــم أرتــفـع وأزداد بـالألـف مـيــه
إلى هـازه المحجـان وأختـف بذيـار *** مثـل الشبح مـا يـلحـقـه غـيـر فيـه
من عـندنـا سافـر بحـاجـه ومسيـار *** يـوصـل بتيسيـر الـولي بضحـويـه
يلفي على اللي كـز منظوم الأشعـار *** غـالـي رفـيـع الجـاه زبـن الـونيـه
قـله وصل لي خطكم يا أبـن الأخيار *** مـزلـوه جـابـه يا فـتى الجـود ليـه
ساعـت وصولـه كنهـا عيـد الأفطار *** ولا مـثـل سـاعـات عـيـد الضحيـه
وأرسلت مرسولي قبل فج الأ نـوار *** سافـر ويـوصـل للزميـل أعشـويـه
قـم يـا نـدبي وأرسـل الشكـر تكـرار *** تـرى مسيرك صـوب غـالي نـويـه
وإلـى وصلـت لديـرتـه نـشّـد المـار *** مـن حيـن مـا تجي الكويت العـذيـه
أطـرف رجـل نـاده وقـل جيت زوار *** واسمح لي أبي أسألك لاجتك سيـه
تـراه يـحسـب أنـك بـنشدتـك عـيـار *** ولا ايـحـسـب أنـك تـقــولـه زريــه
تنشد عن اللي شهرته وسط الأنفار *** مثـل العـلامـه فـوق شامخ طـميـه
هـذاك بـيـت الـذايـدي كـنـه الـطــار *** ما هو خفي راعي اليدين الصخيـه
سلم عـلى ريـف الـذي جـوه خطـار *** وعـم الـسـلام لعـزوتـه والسـمـيـه
عـطـه الرساله والقصيدة والأعـذار *** وتـقـهـو عـنـد الـوايـلـي شـاذلـيـه
ثـم الخـتـام اعـداد تـبحيـر الأ نـظـار *** صـلـوا عـلى خـيـر العــباد ونبـيـه
*- قال عبدي بن علي الصليلي يسند على عبدالله بن عبار : 325
يا راكب الـلي من ركاب المناصيـر *** خـطـرٍ عـلى ركابهـا مـن سطـرهـا
بـتـرٍ فخـوذه والمـواطي مصاغـيـر *** ومتشطرات أكـواعهـا عن نحـرهـا
فـج الـنحـر مـنـوة كثيـر المشاويـر *** جـدعـيـة جـرد السهــال أتهجـرهـا
تلفـي لأبـن عـبـار ريـف المسـاييـر *** قـولت هلا مـن واجبـه ما قصرهـا
اللي كلامـه مثـل عشب المخاضيـر *** فيضـة ربـيع وسـاطعٍ بـه قمـرهـا
عـقب السلام وقـول مسيت بالخيـر *** أشرح معـاني السالفه وأختصرهـا
تـرى المسّيـر مـا يحـب المخـاسيـر *** مـعــزتـه كـرامـتـه بـأمـحـضـرهــا
يالشاعر اللي مـن كبـار الشواعيـر *** حـذراك سـلـمى لا تـشـيّع خـبـرهـا
ترىالظلايم تـرمي الشخص بالبيـر *** وظـليـمـة المسلـم كـبيـرٍ خـطـرهـا
ولا أنت يابن عبـار ما منك تقصيـر *** تـفهـم ولـك عـيـن وسيـع نـظـرهـا
لا تسمع الـلي يزور الهـرج تزويـر *** يبحث عن الشينه ويركض بثـرهـا
الفاجـر الـلي مذهبـه مذهـب العـيـر *** يرضع حليب أمه ويركب ضهرهـا
عساك تـدرك قـول عـوج المنـاقيـر *** الـلي سوالـفـهـم غـلـطـهـا دمـرهـا
أهـل الردى والـزوم شبابـت الكـيـر *** الـلي تـولـع نـارهـا مـن قـشـرهـــا
وإلى طلبت الحـق صاروا عصافيـر *** مثـل الغنم تـمشي وتـرجع دورهـا
وأنـا ولـد عـلـي سـلايـل مـشـاهـيـر *** إلى كثرت جموع المعادي كسرهـا
أنا وبني عـمي عـلى الشـر والخيـر *** وإلى أغـتـنوا جهامتي ما عسرهـا
هذا الوكاد وغيـره العلـم ما أيصيـر *** وعسى الوجيه الطيبه ما نخسرها
تـمـت ولـك مـنـي تـحـيـه وتـقــديـر *** تـحـيـةٍ مـنـي لـغـالـي بـشـرهــــا
* قال عبدالله بن دهيمش بن عبار رداً على عبدي الصليلي : 326
يا راكب الـلي ما يعشق بهـا القـيـر *** بـالـدال حــط أنــبـيـرهـا ثـم ذرهــا
ذرهـا تغـيـّر مـا تـبي مـنـك تغـيـيـر *** تـفـوز مـن حيـن الدريـول نـقـرهـا
مـن وارد العيسى لفـت تـو تصديـر *** صنع الخبير اللي الصناعة حكرها
زرع العجـل وقـاف مثـل المساميـر *** حـمـل التـريـلـة مـا تحـرك كفـرهـا
مـا وقـفـوهـا بالـمـحـطـات تـاجـيـر *** ولا جابـهـا الـلي للمبـيعـه حـدرهـا
قـم يا نديـبي بالعـجـل دون تـأخـيـر *** خـل الـنجـيـبـة تسـتـعــد لسـفـرهـا
دار الكويـت الغاليـة وجهـت السيـر *** توصل لعبـدي كـان ربـي سـتـرهـا
عـنـده تـقهـو مـن الـدلال المباكـيـر *** ولا بـد عيـت الضـان ينثـر حمرهـا
قصـده كـرم مـا هـو تملـق وتبـذيـر *** كـم حـايـل للضيف عبـدي جـزرهـا
قـلـه وصـل خطه بحشمة وتـوقـيـر *** وحل الرموز أدرى بها من حزرها
حيـث الخطـايـا تـنمحـي بالمعـاذيـر *** وأنـت الـذي زلـت رفيقـه غـفـرهـا
الشك عنكـم بـعـد حايـل عـن الديـر *** من ساس لابـة مـا نشك بضفـرهـا
لابة غـريب الـدار عـوق الطـوابيـر *** يا ما أشتكت عدوانها من ضررهـا
ما قصروا يوم السلف والمضاهيـر *** واليـوم كلـن حصـل الخـيـر وأرهـا
نـدري بـكـم يـا طيـبـيـن المخـابـيـر *** ربعـك غريب الدار مصدر فخـرهـا
خلفة فلاح حبـوس سـتـر الغنـاديـر *** إلى نقضت هنف العـذارى شعرهـا
عـاداتـهـم يـثـنـون دون الخـواويـر *** بالكون يـوم النوق تـرعى وبـرهـا
لا تسمعـون التـايـحـة يـالمنـاعـيـر *** الـلـه حسيب الـلي بـداهـا ونشرهـا
مشكور يا معطي عن الظلم تحذيـر *** أهـل الـطهارة ما ربح مـن مغـرهـا
يا صـاح مـا نـاخـذ كـلام المعـاثـيـر *** وأهـل الردى والزوم ربـك عثـرهـا
ماني عـلى ما تعتقـد مقصدي غيـر *** حاشى على اللي ما تمل أمعشرهـا
أسبابهـا الـلي حّـور الأسـم تحويـر *** سلم على شخوص العشيرة وزرها
وصلوا على اللي نور الدين تنويـر *** عـد السنيـن أيـامـهـا مع شـهـرهـا
*- قال الشاعر البشري بن مناحي الهبداني الجعفري العنزي يسند على عبدالله بن دهيمش بن عبار العنزي : 327
يا الله يالـلي ما لنـا غيـر ظلـك ظـل *** يا مـن رفع سبعـة وسبعـه منزلهـا
تفرج هموم ورثت بالضمير اعـلـل *** وانا أكافح الدنيا وصابرعلى عللها
من بعد ذكر الله هات القلم وارسـل *** لـعـبـدالـلـه الـعـبـار مـني نـوصلهـا
قـرم العيال اللي من مقابلـه ما مـل *** اللي علومه عـن الهزلات يجـزلهـا
بيته لدسمين الشوارب ذرا ومدهل *** شخوص الرجال اللي تأرخ فعايلها
فدعان يوم الكون بالملزمات أزحل *** ما تنوخـذ عصر المغـازي قوافلهـا
فدعان ليوث الغـاب عدوهـم يجفـل *** مثـل الجبـال الشم سربـة جحافلهـا
يوم العصور اللي بها رد خذ وخـل *** حمـايـة الخلفـات بأقـصى مـداهلهـا
أنهض لنا يالحر يالليث أبو مشعـل *** عسى مسـاعيكـم تسهـل عـراقـلهـا
يا مسند النخوة وكفـواً لهـا وتفعـل *** وتتعب عـلى روم المعالي رحايلهـا
يا ريهجان الشعـر فـي قمتـه تنـزل *** إلى قـام أخـو مـره وولـع فـتـايلهـا
يأتيك طوع وكره وقريحتـك تـنهـل *** هـل المزون الـلي تـزلـزل مخايلهـا
ما قلتها بدنيا ولا ملا عب المغـزل *** حوراء العيون الـلي تثـني جدايلهـا
بقضية مافي يـدي من طرفهـا حـل *** عـنـي كـمـا نـجـم الـثـريـا منـازلهـا
لـوعـات بقعـا بالغـرابيـل ما تمهـل *** ما ينتعـدل يـا فـتى الجـود مـايلـهـا
تمت وخيـر القيـل ما قيـل قـل ودل *** وأخـيـر مـن كثـر المثـايـل قلايـلهـا
* وقال عبدالله بن دهيمش بن عبار رداً على الشاعـرالبشري بن مناحي الهبداني : 328
سميت بسـم الله مـولاي عـز وجـل *** محصي جميع الخلق يعـلم فوايلهـا
منزل غمام الغيث بالقاع مزنه هـل *** يسقي ثرى البيدا وتجري مسايلهـا
ومن بعد ذكر الله يالبال هـات وقـل *** أمـل الطلاحـي بالقوافـي وسجـلهـا
جاني شعر منظوم مثل النفـل بتبـل *** قـوافي البشري لي القـرم مرسلهـا
أبن مناحي قـال في منطقـه مـا زل *** ورحـب ضميري بالقـوافي وقـايلها
ربعـه ولـد سليمان من يلتقيهـم ذل *** إلى صارت الهيات يمشون باولهـا
عدوهم بالكون من ضربهم يخـتـل *** إلى هاجت الهيجاء وبادت عواذلها
يالخصم يالمقرود أذلـف وراك أول *** كان أسم الجدعاء ثار فـنك أتقابلها
دخيلهـم محشـوم كـنـه بـعـالـي تـل *** عكـف الشوارب دوم دونـه أتفتلهـا
وأما عن الموضوع أبشر ولا تزمل *** أن كان لي مقدوريالبشري أزهلها
وأن كان ما قدرت قـلي تـراك بحـل *** حل القضيـة لازم اجهـد وأحـاولهـا
وضع العباد اليوم كما تشوف شلـل *** وبقعا لهـا ميلات مـا أقـدر أعدلهـا
من فكر بدنياه لا بـد يشـوف أهـول *** شي يسر النفس وأحيـان يـزعلهـا
واللي على بناخيه يحمل بقلبه غـل *** مـا همـه الا الـزاد يرعـا تقـل بلهـا
يالقرم من شكواك فكـري تعـبـا فـل *** وعسى الحلـول بساع ربك يعجلها
وآخر ختام القاف عـلى محمد صـل *** الـلي عـقايد دعـات الشرك بطلهـا
*- قال صالح بن سعود بن عميرة النتيفي يسند على عبدالله بن عبار ويثني
على الهزازنة بعد زيارة أسرة آل ماجد الهزازنة أهل النعاثل بمدينة الأحساء
بصحبة الشيخ مشاري بن محمد الهزاني وأبنه سعود بن مشاري
ومجموعة من رجال الهزازنة وذلك من الأربعاء 20- 22/ 1417هـ : 329
يا زيـن والله خـوتـك يا ابـن عـبـار *** الا وزيـنهــا مـخـاوى الـهــزازيـن
جينا الحساء يم آل ماجد هل الكـار *** وأنـا خـويا ذربين وضيوف ذربين
ترثت رشيد يجـيـره الله عـن النـار *** كسابت النوماس وأهل النبا الزين
الـلي لهـم بالماضي علـوم وأخبـار *** صاروا بها في راس وايل عرانين
حق الخوي والضيف وكذلك الجـار *** ما فرطـوا به من قديمٍ وذا الحيـن
هـل ديـرة تختـال مـن بيـن الأمـدار *** معـتـزة بعـلـوم أهـلهـا العـزيزيـن
يـوم الديـار تخطف أيميـن وأيسـار *** يأمن بها جيـرانهـا أيسار وأيميـن
والـلي بقـلبه شـك أو عـنـده أنكـار *** ينشـد هـل الخبرة ويقـرأ الدياويـن
يخبرعن اللي في قديم الزمن صار *** مدين حقوق الدار منهم ومن وين
ودي بشرح أمجاد وافيـن الأشبـار *** لكـن تـبي شـرح طـويـل وعناويـن
ولا لـلـتيمـم دور بحضـور الأنهـار *** ويقـضى مـع التجـار دور المقليـن
أرجـو يا أبـو مشعـل ولانـي بأمـار *** تفصيل بيضاً تطـرب الأذن والعين
سجل بديع القاف يا نسـل الأحـرار *** بأبيات شعـرٍ ذات معـنى وموازيـن
أشكر بهـا عـنا هـل الكيـف والكـار *** أهل الحسا وأهل الحريق الميامين
يستاهلون الشكر مع طيـب الأذكـار *** الـلـه يـوفـقـهـم لمـرضـاتـه آميـن
* وقال عبدالله بن دهيمش بن عبار العنزي هذه المنظومة من مجاراة لقصيدة
صالح بن سعود بن عميرة النتيفي بذلك المناسبة : 330
مـبـداي بـسـم الـلـه عـلام الأسـرار *** الـواحـد الـلي لـه عـبـاده مـلـبـيـن
رب العباد الـلي عـلى الخلق ستـار *** يـوم البشر توقـف عـرايا وحافيـن
سجلت من فيـض الروابع والأفكار *** ونظمت من بدعي فـنون وتلاحين
هيضني الـلي لفـظ هرجه لـه أثمار *** صالح يشيـد بطيب كـل الهـزازيـن
شاعر فحـل مشهور بالشعـر بيطار *** يبدع جزيل القاف من غير تفطين
ما كـاده المعنى ولا قصـده أعسـار *** بس أختصر كما يقـول ابن حثليـن
شعره نهـر سيله إلـى سـال مـدرار *** لا شـك قـصـده يكتـفي بالنياشيـن
منظـوم صالح مثـل باقات الأزهـار *** أرق وألطـف مـن عبيـر الرياحيـن
قافه كما الأصداف في جوف محار *** من صافي النيروز مسبك وتعديـن
عـاقـل ولا هـو بـالديـاويـن ثـرثـار *** الله وهب له حسن الأخلاق والدين
مع الصخى والطيب بارع بالأشعار *** النادر اللي من شخوص القمازين
يا بن عميرة شاقني صحب الأخيار *** من لـذت الدنيا مخاوى الشريفيـن
أدري بها تجلي عن الكبـد الأمـرار *** خوة هل المعروف تسوى ملاييـن
من رافق الأخيـار ما شاف الأكـدار *** والنعـم والله بالـرجـال الحشيميـن
حنـا أعزاز وعـندهـم قـدرنـا أكـبـار *** وهم عندنا يانسل الأجـواد غاليـن
يا الله عساهم من طويلين الأعمـار *** النخبـة الـلي مثـل ما قـلت ذربيـن
أبـو حمـد مقـدامهـم وافـي الأشبـار *** مجناه من عقب الرجال العـريبين
مثل القطامي من صورايـم الأحـرار *** طيرالسعد مرن علىالصيد تمرين
فـعـلـه يـنـومس بالهـدد كـل صقـار *** مضراب كفه يقسم الخرب قسمين
مصقر حرار رشيد من ماكـره طـار *** جـميعهـم مـا فيهـم التـبع صافيـن
منهم مشاري طـاب علمـه بالأذكار *** سهل الجناب وطبعه الرفق واللين
حيثه عـلى العـدوان قاسي وجـبـار *** وفيه التواضع للضعوف المساكين
ويوم العرب صاروا بالأموال تجار *** يسعـون ما هـم للمـواجيب فاضين
مـا هـمـه بـدنـيـاه درهــم وديــنـار *** لـو يفـقـد المـلـيـون كـنـه ريـالـيـن
وعن الكرم ما يمنعه غلو الأسعـار *** يرخص حلالـه لـو غـلي بالتثامين
عـوايـد الـشـغـمـوم لـلحـيـل جـزار *** وعن الحشو ما سد ذبح الخرافين
يا مـا ذبـح للضيف مفرود وحـوار *** لـو حـنـت أمـه قـال خـلـك تحـنيـن
حـاشيـك يـالـنـاقـه تعـشـوه خـطـار *** حـني عـلـيـه ولا يبـاتـون مقـويـن
تسمع حنين الخلج من كـل معطـار *** تعول وحاشيها على جفنت الصين
إلـى عـزم مـا يقـنعـه كثـر الأعـذار *** عنـد أبـو حمد كل يـوم امعـزومين
قصـده كـرم ما هو مـنـافـق ومكـار *** وعـن الريا عنده مناعه وتحصين
كريم سبلا ويبـذل الجـهـد باصخـار *** فيه الصخى شفناه بمجـرد العـيـن
عـوايـده وقـت الجـفـا شبـت الـنـار *** الـلي بجـوده يشهـدون المبـاخيـن
الـلـه يفـكـه من صـواديـف الأقـدار *** سرنا معـه لمشاهد الربع مشفيـن
عصـر الربوع لسفرنا صـار تذكـار *** بآخر جماد بمبتدى شهـر تشريـن
من العاصمة سرنا لأهل هجر زوّار *** مع الرفاقـه فـوق بنـز وصواليـن
كـنـه يــقــديــنـا مـع الـــدرب رادار *** نمشي على توجيه والخط سيدين
نـبي هـجـر عـانيـن سجـه ومسيـار *** يـم الرجـال الـلي للأقـراب داعيـن
الماجـد اهـل الطيب والسلم والكـار *** بحي النعاثل شيدوا قصـر جبريـن
شـاده محمـد بالخمـايـل والأشجـار *** بيـن الغصـون اليانعـه والبساتيـن
بنى المضيف وثم أحاطه بالأسـوار *** لأجـل المراجل زيّن القصر تزييـن
أحـفـاد مـاجـد طيبهـم مـابـه أنـكـار *** وقت القصى ما يقفلون الصياوين
حطـوا سلوم جدودهم تاج وأشعـار *** مبطي على فعـل المراجل امعييـن
اكـبـارهـم لـهـم وجـاهـة ومـقـــدار *** واصغارهـم عـقـّال ما هـم شقييـن
قاموا بنا بحشمـة وشيمـة وتعـبـار *** وتـداورونـا النـافـلـيـن الصخيـيـن
الشيـخ ابن موسى دعـانـا للأفطـار *** قبل أرتفاع الشمس مقدار رمحين
والقـويـزانـي مـن بعيـديـن الأذكـار *** من روس لابة باللزوم امعروفيـن
وابن عفـالق بالمـواجـيـب مـا بـار *** وجميعـهـم والنعـم مـاهـم رديـيـن
والشاهـد الله مـا بـهـم قـول معـيـار *** مبطي على فعل المراجل مضرين
ما قصـروا بالحـق صلبين الأشـوار *** الـكـل يـدعـي والمساييـر عجليـن
والمعتجل في وضع الأجـواد يحتـار *** الفرصة اللي جت لنا بس يوميـن
والضيف حين مغادره عـد ما صـار *** ولولا المشاغل كان نبقا أمقيميـن
يـلهـج لساني بـالـثـنـا لكـل الأنـفـار *** اثـني على كـل القرايب والأقصين
ما أقدر أعـد افضالهم حيثهـا أكثـار *** جميعـهـم عـن المـدايـح غـنـيـيـن
وأخـص نسل الوايلي سـر وأجهـار *** من مارثـت عـنـاز مـا هـم خفييـن
نسل الرجال اللي على الكود صبـار *** وقـت اللـوازم ينطحون المغيريـن
هـزازنـة يـوم الحـرايـب والأشـرار *** كانوا على من دور الشر شرسين
يوم المغازي من نطح جمعهـم نـار *** لديارهـم مـن كـل الأضداد حاميـن
يـوم المغـازي فـوق زينات الأكوار *** بالكون ضد اللي على الدارغازين
هـزان من دور الصحابة والأنصار *** عـلى بريـك وبرك كانـوا سلاطيـن
تشهد لهم بالطيب سكـان الأمصـار *** تشهـد تميـم ويشهدون القحاطيـن
يشهـد سليمـان العـفـالـق بالأخبـار *** وعبيد يذكر فعلهم من هاك الحيـن
حـامـيـن واديـهـم بـصـارم وبـتــار *** عدوانهم شـدوا عـن الـدار مقفيـن
الـلابـه الـلي عـلمهـم عـم الأقـطـار *** أهـل نـعـام بـدار الأجـداد مبـطـيـن
لـهـم بـواديـهـم مـغـاريـس وأبـيـار *** حطوا فلايح غرسهم بين ضلعيـن
اللابـة الـلي جمعهـم مـلـي الأنظـار *** من صلب وايل بالمناسب عريبين
من لا بنى جداره على ساس ينهار *** صم الصخر ما يشبه لرمل يبريـن
عسى يعـل ديـارهـم وبـل الأمطـار *** مـنـازل الـلـي يلحـقـون المخـلـيـن
منـازل الشجعـان بالمـوقـف الـحـار *** هزازنة دايـم على الخصم صلفين
يا ما بـهـم من كـل فـارس ومغـوار *** فوق الأصايل يودع الخيل خيليـن
تلقـا مضايفهـم بهـا ابهـار وأكـتـار *** ويرجعون الصاع للخصم صاعين
وصلوا على الـلي للمخاليق مختـار *** قـلتـه وتـم القـاف يالقـرم سبعيـن
يتبع