تابع
*- قال فهد بن لافي المطيري يسند على عبدالله بن عبار : 307
سـر يا نديبي بالعجـل لأبـن عـبـار *** سلـم عـلـيـه وهـات رد الجـوابـي
وقـلـه تـرانـي يـالمعـنى عـلى نـار *** لا أذوق نوم ولا اهتني بالشرابي
وكل السبب من واحدٍ كان لي جار *** واليـوم دونـه زامـيـات الـروابـي
من راح ما جا من هل الزين زوار *** ومن عندنا ما أحـدٍ يـودي كتابـي
تـقـطـعـت مـن يمهـم كـل الأخـبـار *** وأزداد والـلـه يا المعـنى عـذابـي
أنخـاك يا قـرم تجي عنـك الأذكـار *** تنشر على القراء تضاريس مابي
ولا بـد منهم من على كبده أمـرار *** قـد ذاق مـر الوجـد مثـلي مصابي
* قال عبدالله بن عبار رداً على الشاعر فهد بن لافي المطيري : 308
حي الكتاب وحي من خط الأسطار *** القـرم أبـن لافي عـزيـز الجنابـي
قـرم العـيال اللي شكالي بالأشعـار *** يشكي فراق الزين عذي الشبابي
خـلـك عـلى مـا قـدر الـرب صـبّـار *** طرد المقفي مثـل طـرد السرابـي
تركض وراه وكـل مـا تقـربه سـار *** سمي هباء حيثـه كما قيـل هـابي
ولا أمش للمجمول ما تفيد الأعذار *** ما يـدرك المطلوب رجلاً يهـابـي
أنجـب شغـاميـم المشايخ والأمـار *** وساع الطعون مخضبين الحرابي
لـعــل تـرمـي بـه مـقـاديـر الأقـدار *** ويعـود لك يالقـرم عـقب الغيابـي
*- وقال نزال بن غازي رحمه الله يسند على عبدالله بن دهيمش بن بن عبار : 309
يـا هـيـه يـالـلـي راكـب فـوقـهــنـا *** فـج الـنحـور مـعـربـات اليـمـانـي
عليهن من هو يوصل الهرج منـا *** جسرٍ عـلى درب الخلا مطرشانـي
لا جـيـت أبـن عـبـار قـل لـلمعـنـا *** وأنـت الـذي تفهـم جـميع المعـاني
يـا شـوق مـن قـرنـه بمتنـه تثـنـا *** يا مسنـدي شكيت لـك مـن زمانـي
* قال عبدالله بن دهيمش بن عبار هذه الأبيات رداً على نزال بن غازي : 310
حـي الـبـيـوت الـلي جـديـد لـفـنـا *** من قـاف أبـو عايـد رفيـع المكاني
دنـيـاك مـا تـأتـي عـلى مـا تـمنـا *** والـوقـت دايـم عـادتـه شـقـلـبـانـي
أحــدٍ بـعـز وفـي حـيـاتــه تـهـنـا *** والنـاس مبطي فـيـه قاصي ودانـي
أن كـاني أقـدر للطلـب مـا أتـونـا *** ولا يـبـخـل بجـاهـه لكـود الـهـدانـي
*- وقال متعب بن عبدالهادي الفققي يثني على جهد عبدالله بن عبار : 311
الـنـاس كـلـن قـدر حـقـه عـطـيـتـه *** وبذلت جهـد لعزوتك يرفع الراس
يجـزاك عـنـا خـيـر بالـلي سعـيـتـه *** ولا ينكر جهـودك فطين وحساس
وأفـطـن تـرى الحسـاد سـم مميتـه *** دايـم فصيلتهم رزيليـن وأخساس
لــولا المـؤرخ كـان صـرنـا شتيتـه *** يضيع علم الناس من بطوالأرماس
والقصر الـلي بجهود جهدك بنيتـه *** أمش بطريقك دام تبني على ساس
* قال عبدالله بن دهيمش بن عبار رداً على متعب الفققي : 312
خطـك وصلـني والقـوافي قـريـتـه *** مشكور يا متعـب تشجع ولا بـاس
الـحـاسـد أبـشـرك خـربـت بـيـتــه *** والـلي كلامـه حـق يرجع بنوماس
الكذب عن عرض الحمايـل نفيتـه *** لا شك يالمنعور من يرضي الناس
ولانـي بحـال الـداجـيـن الـفـلـيـتـه *** اعتز بالطيـّب وتغـتاض الأنجـاس
من بـان عـلمـه نشهـره ما كنيتـه *** لو يزعـل اللي وده الناس تحتـاس
*- قال الشاعر محمد بن أحمد بن سعد الحسن الهزاني يسند على عبدالله بن دهيمش بن عبار العنزي : 313
يا الـلـه يـا منشي الـمـزون الثقـايـل *** يـا عـالـمٍ بالغـيـب محـصي بشـرهـا
تـفـرج لمـن كثـرت عـلـيـه الـدوايـل *** يـمـشي وكـنـه غـارق فـي بـحـرهـا
أشـوف بـالـدنـيـا عـظـيـم الهـوايــل *** ولا عـاد أمـيــّز جـدهـا مـن هـذرهـا
تـرفـع لـهـا أنـذال وتهـفـي حـمـايـل *** والحـر الأشقـر يشتكي مـن كـدرهـا
والـحـمـد لـلـه جعــل فـيـهـا بــدايــل *** نفوس عـلى المعروف ربي فطرهـا
مـلـزوم نـذكـر مـن يـدور الجـمـايـل *** الـلي بعـلـوم الطيـب نفسه شهـرهـا
مـلـزوم نـذكـر مـن عـلومـه جلايــل *** الـلـي صعـيـبـات الـمـعـالـي قـدرهـا
مـثـل القـطـامي مـا يصيـد الهـزايـل *** الـحـر جـزلات الـمـراجـل حـصـرهـا
تـرفع لـه البيضاء بـروس الطوايـل *** والمسـك والعـنبـر واشـذى زهـرهـا
عـبـدالـلـه العـبـار مـن نـسـل وايــل *** مـن لابـة يخـشى المعـادي خطـرهـا
فـدعـان فـي الـغـدراء نجـوم دلايــل *** إلـى هـاجـت الهيجاء وعتـّم قمرهـا
أولاد وايــل مـن أعــزاز الــقـبـايــل *** وتـاريخهـم كـتـب السجـلة سطـرهـا
وأن جـاء نهـار فـيـه صايـل وجايـل *** تضرب على الكايد وتنصى خطـرها
عـنـاز تـروي مـرهـفـات الـسـلايــل *** وعدوهـم عينـه شكت مـن سهـرهـا
بـني وايـل أهـل الـفـعـول الجـزايــل *** وأن أظلمـت بالكـون ترهـم سفـرهـا
وأن عبتهـم يا سعـود حب الأصايـل *** وأن حـلـت العـلـيـا تـراهـم فـخـرهـا
يـا سـعـود ذا قـولي بصـدق ودلايـل *** قـول عـلـى فـعـل يـصــّدق خـبـرهـا
* قال عبدالله بن دهيمش بن عبار العنزي رداً على محمد بن أحمد بن سعـد الحسن الهزاني : 314
بـديـت فـي منشي حقـوق المـخـايـل *** يضفي عـلى القاع المحيله مطـرهـا
يـنـبـت زمالـيـق الـزهـر بالخـمـايــل *** ويخضر شتيل أوراقها مع شجرهـا
سبحـان مـن يـخرج دريـر المشـايـل *** رحمـن والـرحـمـة بخـلـقـه نشرهـا
نـطلـب حـنـانـه يـوم نـشر الـفـوايـل *** يـوم الخلايـق مـوقـفـه بامحشـرهـا
ومـن بـعـد ذكـر الله بـديـت المثـايـل *** رديـت لـلـي جـابـتـه مـا أخـصـرهـا
محمد عريـب الساس جزل الفعـايـل *** أبـن أحمـد شعـوره بشعره جهـرهـا
أبـن سـعـد مـن خـاطـره رد قـايــــل *** قيفان مـن غايـة ضميرها صخـرهـا
جـرب وشـاهـد مـن زمـانـه هـوايـل *** يشكي مـن الـدنـيـا وكايـد خـطـرهـا
يـا أبـن حسن دنيـاك ما مـن صمايـل *** لو شفت كـل الناس تركض باثرهـا
يـا مـسـنــدي نـعــيـم دنـيــاك زايـــل *** لـو هرفـت لـك مـا يدوم أمعشـرهـا
يـا الـقـرم صـيـور الجـدايـد سمـايـل *** والـرابح الـلي شيمتـه مـا خسـرهـا
وأشـكـر جـنـابـك يا عـزيـز النـزايـل *** يا مـن عـلومي بالمجالس شكـرهـا
يشكر بـذل جهـدي عـلى أولاد وايـل *** شاف السطور الـلي زميلـه نشرهـا
حـاولــت أعــد بـدودهـا والـعــوايـل *** وحاولت حصر أقسامها مع أسرهـا
ولا همني يـا الـقـرم سـود الدغـايـل *** الـلي على الصاحب يقبقب سحرهـا
راعـي الحسد يشمت ولا نـال طايـل *** لـو كـان شـاهـد زلـتـي مـا غـفـرهـا
ومن قصر شبحه ما يحوش النفايـل *** وأهـل الحسد رب الخلايـق عثـرهـا
والـلـي يـبــون يـفـتـقـون الـخـلايــل *** ربـي دعـى بخـذلانـهـا مـا نصـرهـا
وصلوا على اللي حاش كل الفضايل *** نـوه بـنعــمـة خـالـقـه مـا كــفـرهــا
*- قال عيسى بن جاسر الأيداء هذه الأبيات يشكر عبدالله بن عبار : 315
شكـراً يا أبـن عـبـار جـتـنـا الهـديـه *** هـديتـك مضمـونـهـا يـرفـع الـراس
تـهـدي ولا تـطـلب عـلـيـهـا جـزيـّـه *** وتجهـد لعلك بالجهد تـرضي الناس
أنـت الـذي جـمـعـت شـمـل السمـيـه *** بـكـتـاب يـقـرأ بـينـنـا تـقـل نبـراس
ومـجـلـدات بـالــعــدد تـجـي مــيـــه *** مثـل الذهـب ما طبها صفـر ونحاس
وأنـت الـذي عـلـيـت بـالـمـعـنـويــه *** يفهم هدفك اللي له شعـور وحساس
وأنـت الـذي شـهــّرت بـالـوايـلـيــه *** أن قيل أبن وايل قالـوا صح لا بـاس
عـن غيركم يـا القـرم صـّدت معـيّـه ** ولاقـت عـليـكـم رافـضـه كـل بـلاس
أثـنـي عـليـكـم بـالجـهـود الـضـنيـه *** الـلي بـذلـتـوهـا بحـكـمـه ومـقـيـاس
البعض يجهـل ويش معـنـا الحمـيـه *** معـنا الحميه عندهـم ضربت الفـاس
وأنـت الـذي دافـعـت فـي كـل هـيــه *** تبي الحقيقه كـل قولـك عـلى ساس
وأخـتـامـهــا مـني جـزيـل الـتحـيــه *** لك يا أبن وايل عدد ما هـب نسناس
* وقال عبدالله بن دهيمش بن عبار العنزي هذه القصيدة رداً على عيسى بن جاسر الأيداء : 316
جـاني كـتـاب الـلي عـلـومـه نـقـيــه *** شكر ابن جاسر لي معـزه ونوماس
ما هـو مـن اللي هـروجهم بـوبهيـه *** يـفــدا جـنـابـه كـل هـايـف وهـلاس
خطـو الهـذور الـلي عـلومـه رديــه *** يـزوم وأهـدافــه دنـيـات وأخـسـاس
يـا أبـو عبدالـلـه خـدمـتي للسـميــه *** ما هـي مجـرد كتـب حبـر بقـرطاس
لاشــك مـالـحــت الـغــثــا والأذيـــه *** ولا مـر يــوم ألا تـعــرضـت لـولاس
كـتبـت عـن وايـل عـلى حسـن نـيـه *** وقامـت تناهشني شطيرات الأمواس
الـكـل مـنـهــم يــدعـي بـأقــدمـيـــه *** لأجـل العظام الباليـه تحـت الأرماس
لاشـك مـا جـاب الـغـضنـفـر حـلـيـه *** وش حيلتي والليث عـقب له بساس
أذكـر فـخـرهـم يـوم يـفـطـن عـلـيـه *** يطري مثل عصر المهلهل وجساس
يـا الـوايلي مشكـور لا جـتـك سـيـه ** حيثك سلايـل لـيـث والعـرق عساس
وصلـوا عـلى سيـد العـبـاد ونـبــيـه *** عـد الـنجـوم وعـدد ذرات الأطعـاس
* وقال عيسى بن جاسر الأيدا هذه الأبيات يثني على عبدالله بن عبار : 317
أنا أشهد أنـك يا أبـو مشعـل تجملـت *** فـي كـل واحـد يـنـتـمـي لـلـقـبـيـلـه
ما منهم اللي شال نصف الذي شلـت *** ما هو تجاهـل مار ما مـن حصيلـه
الـلـه يـعـيـنـك يـوم عـنـا تـحـمـلـــت *** بعـض المصاعب والحمول الثقيلـه
يا ما تعبت ورحت وأنفقت وأرسلـت *** ويـا مـا كتبـت وقـلـت فـي كـل ليلـه
ويا ما نشدت وثـم بالصـوت سجلـت *** والـجـاحـد المـنـكـر عـطيتـه دلـيلـه
بـذلـت جـهـد ولـلبشـر مـا تـوسـلـت *** مـن حيث ما لـك غيـر ربـك وسيلـه
وشكرت من قـدم تعـاون لـه أكملـت *** ومـن ساعـدك بالطبع تذكـر جميلـه
لأسـمـه ورسـمـه بالمجـلـد تـناولـت *** وقـدمـت لـلـويـلان خـدمـه جـلـيـلـه
مـانيب شاعـر بـس للشعـر حـاولـت *** أشكرك شكر مـن الشعـور الجزيلـه
عشريـن عـام أقـرأ بكتبـك ولا زلـت *** ألـقـا بـدواويـنـك عـلـوم الفـضـيـلـه
والـخـاتـمـة ذكـرت ربـي وهــلـلــت *** وصلـوا عـلى المختـار ذكـره نـفيلـه
* قال عبدالله بن دهيمش بن عبار رداً على عيسى بن جاسر الأيداء : 318
قبـل أبتدي بالقاف بسم الـولي قـلـت *** رب الـمـلأ مـجـري نـهـاره ولـيـلـه
بـاسمـه بـديـت وبالـقـوافـي تمثـلـت *** ورديـت قـيـل الـلي شكرنـي بـقـيلـه
عيسى عـلى منطـوق لفـظـه تعـللـت *** وفرحت بـه فـرح العـرب بالمخيلـه
القرم نسل اللي بفخـرهم أسترسلـت *** يـديـان ستـر الـلي تـقـض الجديـلـه
بحثت فـي ماضي الفعـول وتهـولـت *** حصـر المفاخـر مـا لـنا فـيـه حيـلـه
شرق وجنوب وثم غربـت وأشملـت *** أبـحـث ولـو كـان المصـادر قـلـيـلـه
والـلي ذكـرتـه واقـعـي مـا تـخــيلـت *** يشهـد لهـم كخـيـا البـواشي وفيـلـه
خلـوا جيوش المعتـدي تنهـزم فـلـت *** وجابـوا سلاحه عقـب تحطيم ريلـه
قـلـت الـجـواب ولـلـقـوافـي تـقـبلّـت *** أختـار عـذب القـاف وأكتـب ذبـيلـه
والحمد لله سامك العـرش مـا عـلـت *** ولاني بحـال أهـل العـقـول الضليلـه
سـرت وعـلى رب الخلايـق توكـلـت *** ولا يخـذل المخلـوق والـلـه وكيـلـه
* وقال عيسى بن جاسر الأيدا يسند على عبدالله بن دهيمش بن عبار : 319
الشبه عندي يا أبو مشعل ولا جيـت *** نبي عـذر معقول ولا أنـت محقـوق
عشـرة دقايـق لـو مريـت وتقهـويت *** مـا أطلبك أنا حقٍ ولا تطلب أحقوق
عطـيتـك الجـوال مع هـاتـف البـيـت *** ودنيـاك هـذي كـل مطـرود ملحـوق
عـزمتني بـالبـيـت وعـنـدك ولـبـيـت *** تركت شغلي وأنا لي شغـل بالسوق
أنـت الأديـب الشـاعـر الـلي تعـلـيـت *** ومن مثلكم لو يخطي الحق مطبوق
أشعـاركـم فـي كـل ديـرة لهـا صيـت *** الوايلي وأقطوف الأزهار والشـوق
عـرفـت قـصـدي كـان لـيه تـوحيـت *** نبـغـي مـرد القـاف والعـذر مرفـوق
* وقال عبدالله بن عبار رداً على عيسى بن جاسر الأيداء : 320
يا أبـو عبدالـلـه يـوم للربـع شبـيـت *** ودعيتنـا لفنجـال يطـرب لـه الـذوق
بالمجلس الـلي مـا تجيـه السرابيـت *** ولا يـوم داجوبه هـل الغـدر والبوق
خـذ العـذر بالصدق والقـول تـثبيـت *** يا أبـن الكـرام الله يفكك مـن العـوق
ودي لو أني صوبك العصر سجيـت *** لاشـك رحـت بلازمـي تقـل مسيـوق
لـو شفتني مـا بيـن تلـك الحـوانيـت *** في شارع الستين عنـد أبو مخروق
ومـن بعـدهـا لسـوق العـليـا تعنيـت *** عندي جهاز الطابعة صـار محـروق
هـذا الـذي يالـقـرم خلانـي أبـطـيـت *** ولا جيت كود النوم بالجفن والمـوق
وأرجـوك تسمح لي إذا كـان زلـيـت *** زادت ضروفي والبشر دم وأعروق
يتبع