تابع
*- قال الشاعر سلطان بن عبدالله الوسيدي الحربي هذه القصيدة يسند على عبدالله بن دهيمش بن عبار : 287
عـسى المعـنى دايـم الوقـت مسرور *** بـأمــر الالـه الـلـي عـلـيـه اتـكـالـي
وعساه فـي درب السعـد دوم مأمور *** يـا الـلـه يـا رحـمـن تـقـبـل مـقـالـي
والـلـه لا أعـد الصـدق وأطلع النـور *** مثلـك عليـه أشفق عـلى كـل حالـي
مـا قـلـتهـا خـايـف ولانـي بـمجـبـور *** لا شـك عنـدي مثـل شرواك غـالـي
أفـخـر ولا أجـامـل ولانـي بـمغــرور *** ولا لـي وراهـا قـصـد أول وتــالــي
معروف قصدي وأنت يالقرم مخبور *** تضـرب بـك الأمثال وسط الرجـالي
لـعـل بـيـتـك بـيـن الأجـواد معـمــور *** ويجـيـرك الله مـن صـدوف الليالـي
مثلك عـلى مدحه مـن الناس معـذور *** لـو يـزعـل الهلـبـاج خـلــه ايـلالـي
نـعــم بـكسـاب الـثـنـاء بـاني السـور *** عـبـدالـلـه الـعــبـار قـرم الـعـيـالـي
من لا بـه تضرب عـلى مشـة الـزور *** أولاد وايـــل يـحـتـمــون الـتـوالــي
يـا مـا وقـع بـنحـورهـم كـل ممـرور *** عـاداتـهـم يـثـنـون يـوم الـقــتـالــي
يـا مـا نحـو عـن ذودهـم كل طابـور *** ويا مـا أرملوا من لابسات الشيالـي
وكـم واحـد خـلـوه طـايـح ومـثـبـور *** دون العــشـايـر مـن وراه الـزوالـي
من جالهم بالعنف يصبر على الجور *** حـمـايــة الـبـل لا كـربـن الحـبـالـي
بمصقـل الهـنـدي وبـنـدق وشرشور *** يشهـد لهـم شالح عـريب الخـوالـي
والمـرتـعـد لا عـد بـالـفـعـل مـنعــور *** كـلـن دري بـه بالجنـوب وشمـالـي
ولو أبي أعـدد طحت في غبت بحور *** يـوم العصـور ويـوم وقـت الفعالـي
ومـن لا يعـد الصـدق بالفين عـاثـور *** والنـاس تـدري وش مـرد السوالي
ومن لا يعـد الصدق هـابي ومقهـور *** خبـل وخبيث وساس عـرقه خبـالي
تكـرم عـنه يـا طيـب الفـكر والشـور *** عـن الـردي فـي عـاليـات العـوالـي
ذكرتـني عـصر مضى دونـه عصور *** بالشعـر والـمعـنـا وزيـن الـمـثـالـي
ونظمت قافي يا فتى الجود مصخور *** فيـه الذهـب يشرى وسوق الـريالي
وأظهرت من در البحر عـدة اسطور *** تصفـق بـه الأمـواج فـي كـل جالـي
مشكـور فـي زيـن التماثيـل مشكـور *** هـذا مـرادي يــوم جــالـي مـجـالـي
قـم يـا نـديبي وأرسل الخـط بـالفـور *** تـلـقـا الرجـال وزين صفـر الدلالـي
تلـفي لبـو مشعـل عـلى فجـة الـنـور *** اقــلـط وكـلـن لــك رفــيـق أمـوالـي
كـلـن يـحيي وأحسـن الـطيب منثـور *** ومـن بعـدها يـذبح سمين الجزالـي
عـلى الصحن قدامك الضأن مـزبـور *** للضيـف مـا حسـب جـميع الحلالـي
بـلغ سلامـي جـعـل يـفـداك مـذعــور *** لـلي رسـى كـنـه حـيـود الـجـبـالـي
وقـله تـرى سلطان فـي كبده حـرور *** ويـن الرجـال الـلي بعـالي الطوالـي
وقـتن لـك الله بيـن صاحي وماشـور *** ودنيـا كفى الـلـه شـرهـا ما تبـالـي
ولا نظلم الأحـرار من شان عـصفور *** الطيـب لأهـل الطيب ما بـه جـدالي
مـن يـظلـم الأجـواد بـألفـيـن حـادور *** قـصـدي زمـان فـيه جـرد السهالـي
أيـام فـيهـا الـباديـة مـا لـهـا قـصـور *** الـدلـو تــجـذب مـن قــراح زلالـــي
الـدلـو تـجـذب والعـرب تشبر شبـور *** مـن شـان شـقح يسهجـن المفالـي
وقت ما فيه من أقشر الناس محذور *** وقـتن بـه الطيب عـلى العـز عالـي
جيلن بأثر جيلن عـلى الدرب معبـور *** عـزاه يـا قـلـبي عـلـيـهـن غــدالـي
وقتن يـا أبن عبـار مـا يعوض بـدور *** ما بـاقي ألا عـلومهـم وش بقـالـي
الـدور الأول بـيـن الأدوار مـقــبــور *** عـليـه قـلبي مهجـلـن بـي أهجـالـي
من لامني جعـله على الساق مبتـور *** ولا يسـقي بـلاده صـدوق الخيـالـي
وأسلـم وسامحني إذا جيـت بقصـور *** الـكـامـل المعـبـود سـاس الكـمـالـي
ولا أنـت يا المنعـور بالشعـر دكتـور *** لـو يـنـشـرا ردك شـريـتـه بـمـالــي
أعـطيـك يـوم ونصـف يـوم بمقـدور *** أعـجـل بـردك يـا كـريـم الـسـبــالـي
القـلـب يـلعـب بـه ثـمانيـن حـاشـور *** أقــولـهـا والـلـه عــلـيــم بــحــالــي
كـنـه عــلـى نـــار تـوقـــد بــدافــور *** شـي مـن الـلـه يـا المعـنـى طـرالـي
* قال عبدالله بـن دهيمش بـن عـبـار العنـزي رداً عـلى سلطان بن عبدالله الوسيدي الحربي : 288
مبـداي بـالـلي يطـلبـه كـل مضـرور *** رب الـملأ الـرحـمـن لـلخـلـق والـي
سبحان مجري بالفلك شهب وبـدور *** هـو الكريم اللي على العرش عـالي
والخلق مـن آدم إلـى نفخت الصـور *** فـي دبـرت الخالـق عـزيـز الجلالـي
يا لـله بلطفـك تجعـل الذنب مغـفـور *** وأن مـا حظيـت بـرحمتـك عـزتالـي
وبعـد الكلام اللي مـن القول مـأثـور *** قـلـت الجـواب ولا بـديـت أرتجـالـي
قـم يـا نديـبي بـالعجـل جـهـز المـور *** مـتخـيـره غـيـر الشـبح مـا حـلالـي
مشحـون مـن بـرليـن للشام لجفـور *** لـطـريـف ورد مـع طريـق الشمالـي
بنـز الشبح يعجـبـك بـديـه ومـاطـور *** مـا فـيـه ذارب غـيـر سعـره خيالـي
مـن يـمـتـكـهـا لايـعـه كـبـر وغـرور *** ومـن لا ملـكهـا قـال لـيـت اتهيـالي
قـم يـا نـديبي جـهـزه وأنـت ماجـور *** خـلـك سـريـع ولا يصيبك أهـمـالـي
أرسـل سـلام بـفايـح الـنـد وعـطـور *** مـع الـزبـاد وريـح مسـك الـغـزالـي
يشدا نفيح الـورد والروض ممطور *** يـنعــش شـذاه بـلافـح الـهــمـلالــي
ريـح النفـل بيـن الصعافيـق والقـور *** ريـح البختـري في شعيـب الـرهالي
سـلام أحـلا مـن لـبـن شمـخ الخـور *** وألــذ مــن در الـبــكــار الـمـتــالــي
من قيل ابن عبـار وده عـلى الفـور *** يــم الـرفـيـق الـلي نـديـبـه عـنـالـي
ياخذ مرد اللي على الطرس منشور *** مـن قـاف سلطـان الوسيـدي لفالـي
ما يلفـظ المنظـوم مـن رشح قاطـور *** كـنـه يـغــرفـه مـن شـرايـع ديـالـي
صاغ المعاني مـا بهـن بيت مكسور *** جـزل الكـلام مـن الشـواذيب خـالـي
عـبـر بقافـه عن أحاسيس وأشعـور *** وجـه لـي الـمـكـتـوب وأنسـر بالـي
واللي ذكرنا بخيـر بالخـيـر مذكـور *** نعـم الصديق الـلي ضميـره صفالـي
وأطلب عساه بعـز وأفـراح وأحبـور *** حيثـه مـن أعمـاق الضماير دعالـي
السالمي من نقـوة الغوش مصطـور *** قــرم العـيـال الـلي كلامـه صمـالـي
مثل القطامي ناض من راس عنقور *** وقـت الهـدد لا شافـه الجـول جالـي
يهدى على صقر تسلسل من صقور *** ربـعـه بـنـي سـالـم بـعـاد الـمـدالـي
حرب زمان الحرب والسرج والكور *** بسيـوفهـم ينحـون حـمـر الطبــالـي
يـوم الدبـش يحتاج حـامي ونـاطـور *** يـثـنـون دون مـعـبسـات الـشمـالـي
وإلى سمك عـج الرمك تـقـل داجـور *** كـتـم وسـرد الخيـل لهـن أجتـوالـي
بالكون بيرقهم على الخصم منصور *** يــروون لـدنـات الـقـنــا والسلالــي
قـلتـه وانـا ربعـي شغـاميم وأنـمـور *** بـهـم القـبـايـل يضـربـون المثـالـي
خصيمهـم بـأمـر الولي دوم مدحـور *** وحـريـبهـم قـلـبـه يصيبـه أجـفالـي
قطعـانهـم بالحمض مـا ترتـع الهـور *** مـن خـيبـر الحـره لـقـرن الشمالـي
وبـبـيـوتهـم تـلـقـا معاميـل وأنـجـور *** ودلال مـركـيـه عـلـى جـال صـالـي
فنجالهـن يصبغ تـقـل ورس غـندور *** أشـقـر مثـل توصيف عـلي القبالـي
وزيـن النبـا وتقليط مـا كان ميسـور *** بالجـوع يـوم الـزاد صعـب المنالـي
يا الله تجعـل عرض الأجواد مستور *** صـيـد الحـمـايـل طيـبـيـن العـمـالـي
هاضت روابع خاطري كلها أحضور *** يـوم الـوسيـدي مـن زمانـه شكالـي
العصر الأول صار يا القـرم مهجـور *** الله يعيـن الـلي ما هـو عـنه سالـي
ولا أسب منهـم كـل فاهـم ومشهـور *** نـفـخـر بفعـل الـلـي يـنـال المعـالـي
وصلوا على اللي فاز في جنة الحور *** عـلى النبي عـداد الحصى الرمالـي
*- قال الشاعر علي بن فالح بن موسى المطيري يسند على عبدالله بن دهيمش بن عبار : 289
عديـت فـي ضلع كمـا ضلـع سنجـار *** وأعـلنت عـن نـاس مـقـرد حـيـادي
أهل السوالف والمشاكل والأشـــرار *** إلـى نـصـوا وادي تـنـصـيـت وادي
أن شـرقـوا سـنـدت مـنـظـر لمحـدار *** وأن غـربـوا شرقـت والخيـر بـادي
عـقـب البيـوت الطيبـه يا أبن عـبـار *** أقــرب قـريـب لـي طلع لـي معـادي
حظي طلع من يمهـم عشرة اصفـار *** والـنـار تـالـيـهـا لـك الـلـه رمـــادي
زرعـت بالصبخا وواجهـت مخسـار *** وزراع بالصبخـا من النـاس غـادي
زرع الصباخـي مـا يـشجع بالأثمـار *** وأصبحت مـن زرعي غليل فـوآدي
إلـى حـداك الـوقــت والـوقــت بـوار *** وحـداك عـن زيـن المنـازل حـوادي
أي الـذي يــورد عـلى رس وأبــيـار *** والـرس مـا تكـثـر عـلـيـه الـورادي
يا الوايـلي وقـفـت عـاجـز ومحـتـار *** جعـل الفـرج في المقبلات الجـدادي
شـر عـلى الأنـذال وأقـفــاي وأدبـار *** وخـيـر على أهل المرجله والقنادي
الـنـار تشعـل والـنجـر جـانـب الـنـار *** وصفـر مـن الهيل المصفى تـزادي
وبـابي قـبـل مفتوح فـي ليـل وأنهـار *** والطيـب فـي الأنـذال عـود وكـادي
وأبـن حمولـه مـن مشاكيل وأخـيـار *** مـا لـوثـت صـفـحـاتـنـا بـالـسـوادي
أنشـد مع الأجـناب وأنشد مع مطـار *** عـن سـاس جـدي خـذ كلام وكـادي
جدي وقف من دون سمحات الأنظار *** وأصبـح يمـينـه جـاهـزه للـزنـادي
وجهـت وجهـي للـذي سـن الأفطـار *** عـقـب غيـاب الشمس شـي وكـادي
الـلي فـرج للمصطـفى داخـل الغـار *** أعـمى عيون القوم عـقب الطـرادي
يا مـنقـذ ذا النـون من غـب الأبحـار *** عـليـك يـا الـرب الكـريـم اعـتمـادي
أجعـل لنا من موقع الضيق مضهـار *** وأفـرج لـنـا بالمعـضلات الـشـدادي
الــلــه مــن نـــو تــزبـــر تـــزبــــار *** عـلى السعـوديـة ضـروسه حـدادي
عشريـن ليـل ويسبـل الـوبـل سـمـار *** والـجـو مـن كـل المعـاصيـر هـادي
الأرض جـفـت وأشتـكت قـل الأمطار *** تـشحـذك يا رب السمـاء والعبـادي
عـريـانــة ولـبـاسـهـا عــنـد غــفــار *** يغـفـر ذنـوب العبد لـو هـي نكـادي
مـا لـبـاسـهـا خـام عـلى بـاب تـجـار *** لـبـاسـهـا نــؤ يـجـيـهــا امـتـقــادي
حـفـت وجفـت وأقشعـرت بـاالأنـظار *** ولا بـاقي إلا أسبـوع دون العيـادي
يـا الـلـه تـعـايــدنــا بـسـهـاب هــدار *** تـبـرق مقـاديـمـه ويسقـي البـلادي
ينبـت لـنا ما تـنبت الأرض وأشجـار *** ويـرفع مصالح حضـرنـا والبـوادي
أفـرج لخـلـفــات عـيـيـلهــن أصغـار *** زل الحـيـا وأقـبـل عـليهـا الـبـرادي
ضعيفـات ونحيفات وهـزال وضمـار *** والـرعي راح ولا بـقى إلا الكـدادي
تـمـت وصلـوا يـا صـليبيـن الأشـوار *** عـلى الرسول الهاشمي خير هـادي
* قال عبدالله بن دهيمش بن عبار هذه القصيدة رداً على الشاعـر عـلي بن فالح بن موسى المطيري : 290
مبـداي بالـلـه عـالم بـسـر الأســرار *** مـولاي خـلاق البشـر مـن جـمـادي
أنجـأ خـليـلـه مــن مـلاحــد وكـفــار *** وأرسـل من جنود السما له أمـدادي
سبحـان ربـي مـالـك المـلـك جــبــار *** محـصـي عـبـاده كـلـهـم بـالـعـدادي
أدعـيـه باسمـه بالعشيـة والأسحـار *** وأطلـب عسى التقوىزهابي وزادي
ومن بعد ذكر الله بديت أكتب أسطار *** جـتني رسالـة مـن عريـب الجدادي
عـلي بـن فالح قـال مـن نبع الأفكـار *** منـظـوم يـشـبـه للجـنيـه الـرشـادي
وكتبت رد القاف في جهـد واصخـار *** لـو الـظـروف الـقـاسيـة بـزديــادي
يـا مـرحبـا بالـلي نـديـبـه لنـا ســـار *** مـرسل مـن الشغموم ذيب المعـادي
علي يقول أشرف على عالي الطـار *** مـع الـمـقـرد مـا يـطـيـق الـقـعـادي
يالـلي تـبـي حـل المعـاني بتـبـصـار *** عـنـدي نصيحة وأنت رايـك سدادي
الـرّس مـهـمـا جـم بـالـقـايـلـه غـار *** مـابـه روى لـو كـان قـعـره صمادي
عـلـيـك بـالـهـداج بـالـلّاهـب الـحـار *** الـعـيـلـم الـلـي مـا ذكـر لـه مشـادي
والـلي جرالك مع كثير العـرب صار *** ولا كـل مـن يـجهـد يـنـال المـرادي
هـب الـهـبـوب لكـل هـايـف ومـكّـار *** راعـي التـمّـق والـكـذوب الـربـادي
مالت على بعض الحمايل والأخيـار *** وتـوازنـت لأهـل الـدّنـس والفسادي
الثـعـلـبي يـلـعـب عـلـى كـل الأوتـار *** ويحلـو لـه التغـريـد مـع كـل شـادي
وأن طعـت شوري لا تعمّق بالأفكـار *** شـرواك مـا تشكـل عـليـه السرادي
وأن كـنـت يالمنـعـور بـالـجـد فـخّـار *** الجـود سلـم ونسـل الأجـواد جـادي
جـدّك مـثـلـه مـابـهـم قـول شـبـشـار *** لـهـم بـزيـنـات السّـلـوم اعـتـقـادي
ملجأ الطريد وريـف للضّيف والجـار *** يـدلـه بـرفـقـتـهـم حـزيـن الفـوادي
نـتـبـع طـريـق الحـق والـرّب سـتـّار *** ونطلب من المولى صلاح الـولادي
ولا زال حـنـا بـخـيـر والـشّـر بـدبـار *** والحمـد لـلـه عندنـا الوضع عـادي
شفنـا العـلـوم المرسله عبر الأقـمـار *** فـي شـاشـة التـلـفـاز ولا الـروادي
لـنـا بـخـلـق الـلـه عـبـايـر وتـعـبــار *** الـلي بـوطنـهـم يحـملـون العـتـادي
الحـرب والتدمير في بعض الأقـطـار *** نـوبٍ صبـاح ونـوب يـأتي هجـادي
الوقت الأقشر يوم بـه عـج واغـبـار *** والـيـوم سـاكـن لـو تـذر السـمـادي
أنشد كبـار السّن يا عـلي وش صـار *** الـلـه يجيـرك يـوم شوي الجـرادي
زالـت كـوابيس المخاطـر والأضرار *** والكـل كـثـرت نـعـمـتـه واستـفـادي
الـيـوم نسكـن بـالـطـوابـق والأدوار *** عـقـب البـيـوت الشامخه بالحمـادي
الأمـن سـاد وجـيـز مـن كـل بــتّــار *** حـدب السيـوف مـغـمّـده بالـغـمـادي
بجهود سيـد الشّعـب والحاكم الـبـار *** الـلي جعـل بـيـن الشّعـوب أتـحـادي
في كل ليله لـه عـلى الهجن مشوار *** عاف الكرى وحارب لـذيـذ الرقـادي
لـه أذعـنـت كـل القبايـل والأمصـار *** وركّـز عـلى الساس المتين الوتادي
عبدالعزيز المقـرنـي عـقّـب احـرار *** يرمـون جـزل الصيد وقـت الهـدادي
حطّوا علمهم منهج الشّرع واشعار *** وتـمسّـكـوا بـالحـق درب الـرشـادي
وصلّوا عـلى الـلي للمخاليق مختار *** شـفـيـعـنـا يـوم البـشـر باحـتـشـادي
*- وقال عبدالله بن دهيمش بن عبار العنزي هذه القصيدة بمناسبة أجتماع بعض أسر
وحمائل الجلاعيد من الدهامشة من عنزة لقصد التواصل والتراحم والتعارف بينهم : 291
مبـداي بـالـلـي لـلمـخاليـق مـعـبـود *** مـولاي نسـجـد لـه وبــه نستجيري
اللي حمى إبراهيـم مـن نـار نمـرود *** فـي قـدرتـه طفى لهيـب السعيـري
سبحـان خـلاق الـملأ مجـري الـنـود *** الـمعـتـلـي مالـه بملـكـه خـشـيـري
ومـن بعـد ذكـرالله سجلـت مـرد ود *** سلام مع نفـح الشـذا لـه عـبيـري
أرجـوالسموحه كان بالقـول منقـود *** العـفـو مـانـي بـالقـوافـي خبيـري
القـاف لشخـوص الجلاعيد مسنـود *** اللـي لـدعـوتـهـم تـوجـه مسـيـري
ألتـم شمـل الـلي بسميرا وأبـا الـدود *** والوصل نفخربه ويفرح ضميري
جمع الشمل هوغاية الكسب والفـود *** مـن لا أعتزا بربعه جناحه كسيري
مشكورمن يبذل على الوصل مجهود *** وصـل القرايب يعتبر عـمل خيري
ومن يفرق الشوفات بالناس مقـرود *** يغـتـر فـي رايــه ولا يـستـشيـري
والعز باللي من الفخـر يطلب الـزود *** ذخـر الجـماعـه بالزمـان العـسيري
منهم نـدي الكـف والـنّـعـم بسـعـود *** ريف الهواشل والخوي والقصيري
حاش الكرم والطيب والبذل والجـود *** الـمـكـرم الـلـي للنـشـامـا عـشيـري
منجوب ساسه من صماصيم جلعود *** من علي الأول من سلا يل حضيري
لابة هل ( الريشا ) صناديد وأفهـود *** صـيد الرجال اللي فخرهـم شهيـري
دهامشـه لهـم الفخـر مـارث أجـدود *** مـن هازهـم عـن نـيـتـه يستـخيـري
أمجادهـم ما تنحصي مـالهـا أحـدود *** وأعـتـز في تـمجيدهـم مثـل غـيـري
من دور تحديد الجمل نضوة الـقـود *** عـاداتـهـم يـروون حــد الـشـطيـري
ما قلت منظومي على شان مقصود *** لا والـذي بـأمـره يصّرف مـصيـري
والحمـد لله عصرنا سهـود ومهـود *** فـي ضل من هـو للشريعة نصيري
عدل المناهج لـه براهيـن وأشهـود *** فضلـه عـلى شعـب الجزيـرة كثيري
ثم الصلاة أعداد مـا يخضـرالعــود *** عـلى النبي المرسل بـشيـر ونذيـري
قال الشاعر عبدالعزيز بن حماد الجلعود ( أبو سعود ) من قرية الخوه بحايل
هذه القصيدة رداً على قصيدة الشاعر عبدالله بن دهيمش بن عبار : 292
مبـداي بـمديـر الهبايب عـلى الكون *** مرجع نظريعقوب وأصبح بصيـري
مـن يوم جوه عيال يعـقـوب يـبكون *** أبيـضت العينيـن وأصـبح ضـريـري
يا اللـه يا خالق عـلى الكاف والنون *** سبحـان مـن يـعـلم صغيـر وكبيـري
شـديـت لي جمس جـديـد ومضمون *** مـن نوع سوبرمان ما هـو صغيري
عن العطال الجمس جاهز ومصيون *** الـلـه يـسـهـل كــل درب عـسـيــري
أسـرع مـن البارق إلـى لاح بمـزون *** وأسـرع من اللي بالخضيرا يطيري
وأسرع مـن التيار لا صـار مشحون *** مـع فـتـحـت المفـتـاح دق النـبيـري
بـديـت بالشعـر المسطـر عـلى نـون *** أقــولــهـا بـمـدلـهـيـن الـقـصـيــري
يـا الـلي نـويـتم لبـن عـبـار تمشون *** الشـاعـر الـلـي بـالقـوافـي خبـيـري
تـلـقـون رجـل واقـف حيـن تـلـفـون *** أنـا أشـهـد أنـه للنشـامى عـشـيـري
أنا أفتخر بك يا أبـو مشعـل وممنون *** جتـك البيـوت مؤلفـه مـن ضميـري
قـلت المثايـل مـا بهـا شـوك وفـنون *** ألـيـن مـن الديـبـاج ولا الحـريــري
لا طـالـب دنـيـا ولا نــي بــمــديــون *** من فضل رب العرش خيري كثيري
لـيه طـلـب نـبـغـي عـلـيــنا تسجـون *** فـي ديـرة الجلعـود ضـل وغـديـري
ننعـم بظـل اللي عـلى الحق يمشون *** حـمـايـة الـمـلـة بـسـيـف شـطـيـري
حـمـايـة لـلـــديــن والــلـي يـلـبــون *** يـمشون بشرع الله وبـه نستجيـري
يـا سـامعيـن القـول واجـب تصلـون *** عـلـى محـمـد عـد رمـل البـصـيـري
*- قال محمد بن عبدالله الجلعود هذه القصيدة رداً على عبدالله بن دهيمش بن عبار : 293
سميت بسـم الـلي عبـاده لـه سجـود *** الـواحـد الـلـي بـالخلايـق بـصيـري
يـا مهلك فرعـون وأصحاب الأخدود *** وأنجيت أبن يعقوب من جـم بيـري
يـا مـن سخـرت الجن لأمر ابن داود *** الـلي عـلى هـوج الهبـايـب يطيـري
ومن بعـد ذكر الله يقـول ابن جلعـود *** مـثـايـل نـظـمـتـهـا مـن ضـمـيــري
قـيفـان نـاقيهـا عـن النقص والـزود *** قـلتـه عـلى عـرفـي وقـد أتعـبـيـري
حي الكتاب الـلي بـه المسك والعـود *** مـن شـاعـر بنظـم المثـايـل خبيـري
مـن قـيـل ابـن عـبـار ما فيـه منقـود *** يصخـر بديع القاف لو هو عسيري
يـا مـرحـبـا تـرحيـبـنـا لـيس محدود *** أعـداد مـن فـوق البسيطـة يسيـري
بـالـلي لربـعـه مـا ذخـر كل مجهـود *** مـجـهـد ويشهـد له كبير وصغـيري
سلسـل نسـب عـنـاز والـد ومـولـود *** وجـاب الـدلايـل للغـشـيـم الغـريـري
مشكور يا اللي كل ممشاك بصعـود *** يـفـداك مـن يـزمـر وفعـلـه حقيـري
مجـدت لابـه كـنـهـا نـمـور وافهــود *** إلـى ولـعـت بالـشـر نـار السعـيـري
الجـمع الـلي يكسـر طوابيـر وجـنود *** يــوم المـراجـل والـفـلـك يستديـري
يـوم أن بعـض الناس هجاع ورقـود *** والــكـل يـفـخـر كـان مالـه كثـيـري
عـادات ربـعـه باللقـاء تـنطح الكـود *** إلى صـار لفهود الضراغـم زويـري
يـوم الـقـبـايـل بـيـن طارد ومطـرود *** ضـد الـمـعـادي بـالـنـهـار الكبـيـري
يـوم الفخـر يـطلب بـصـارم وبـارود *** من ناطح الفـدعـان جمعـه كسيـري
منهم مصوت بالعشاء صدق ما كود *** الشيخ نسـل مـهيـد ريـف الفـقيـري
واليـوم حـنـا بخـيـر والعـدل ماجـود *** حـكـامـنـا بحكـم الشـريـعـة تسيـري
وصلوا عدد ما لاح من برق ورعود *** وعـد المزون اللي مطرها غزيـري
وقـال الشاعـر محمد بـن عبد الله بن محمـد الجلعـود هـذه القصيـدة يسند على عبدالله بن دهيمش بن عبار : 294
يا راكب الـلي يـقطع الـدرب لا سـار *** جـمس حمـر من مصنعـه جايبينـه
جمس حمـر يطـوي بعيدات الأقـطار *** والبـلـف صـافـي تـوهـم وازنـيـنـه
مـن وارد الـلي بـالصناعـة لهم كـار *** صنـاعـة الـلي شغـلـهـم عـارفـينـه
صنعـة خبير الجمس بالصنع بيطـار *** شاصـه وبـديـه بـالـعـمـل متقـنينـه
ورد وجيب لمعـرضه عـبـر الأبحـار *** وجـابـوه للميناء بحوض السفينـه
قم يا نديبي وأحضرالجمس بحضار *** هــاتــه تـرانـا بالـعـجـل طـالـبـيـنـه
عنـاه ابـن جلعـود بخطوط وأسـرار *** يحـمـل خطـاب مـن الشعـر كاتبينـه
غـادر سميـراء قـبـل تبـيـن الأنـوار *** والـنـاس كلـن غمض النـوم عـينـه
الخـوة والحبشي يحطه عـلى أيسار *** وأن سـهـل الله قـصدهـم واصلينـه
ملفـاه لـلي يـكـرم الضيـف والـجـار *** عـبـد الـلـه الـعـبـار تـسـلـم يـمـينـه
شاعـر بـني وائـل لـه علوم وأذكـار *** عــنـاز شـعـره كـلـهـم خـابـريـنـــه
وصـل سـلام الوائـلي نـسـل عــبـار *** ريـف الضيـوف إلى لفـوا منتصينه
سـلـم عـدد مـا زاروا الـبــيـت زوّار *** وأعـداد مـن جـوا للحـرم قاصدينـه
وبـقـدومكـم تـرحيب مع بـن وبـهار *** وأهـل الشكالـة مجـلسه حاضرينـه
صفـر الـدلال مـراكيـات عـلى الـنـار *** والنجـر يضبح بالضحى سامعـينـه
سـّلـم عـلـيـه وبـلغــه كـل الأخـبــار *** ولا تــأتـي ألا الـرد لـي جـايـبـيـنــه
يـا عـل يـفـدا الـوائـلي كــل ثـرثــار *** المسـرد الـلـي مـا يعـرف السكـينـه
كتـبـت كتـب مـن السجـلات بسطـار *** كـلامــكـم مـاكــود ومـوثـقــيــنــــه
وبينت للجاهل عـلى ماضي الأدوار *** وعـلمـت نـاس أنسابهـم جـاهـلينـه
مضمون كتبك بـه تواريـخ وأعـبـار *** تـذكـيـر لـلـي مـجـدهـم مـنـتسـينـه
تذكـر وهـب وعـبيـد وعـيال عـمّـار *** وجـمع الجلاس بـكـتـبكـم ذاكـرينـه
تـذكـر بـني وائـل بـوادي وحـضّــار *** وجمعـت الـلي دار العـرب ساكنينه
حصيت من حد اليمن لأرض سنجار *** والشـام والبلـقـاء والـلي نازليـنـه
وذكـرت مـن وائـل مشاهـيـر وأمـار *** وكـل المشـايخ سلمهـم حـافـظـينـه
وذكـرت قـول وكـل قولـك لـه أثـمار *** والقـاف عن هـرج الـردى منتقينه
نشكرك يا المنعـور في كـل الأمـرار *** مجـهـودكـم يا الـوائـلي شـاكـرينـه
مـن لابـة الـفـدعـان بـواجـت الــدار *** مـا أحـد يـقـول أفـعـالهـم منكريـنـه
فرسان بالهيجا عـلى سـرد الأمهـار *** ودخـيلهـم بـسيـوفـهـم مـحـتـميـنـه
كـم راس شـيخ شيـل فـي حـد بـتّـار *** وكم رمح في صدر العدو راكزينـه
يـا مـا فنـوا بالسيـف خـائـن وغـّدار *** خــلـوه لـسـبـاع الـفــلا ذابحـيـنـه
مركاضهم يشبع به وحوش وأطيار *** يـوم الـمـلاقـا خـصمهـم كاسـريـنـه
منهـم مـصـوت بـالـكـرامـة لخـطـار *** ريـف الهواشل يـوم تقحـط أسنينـه
ابن مهيد اللي أشتهر ماضي الأدوار *** يـوم الـليـالـي بالأجـاويـد شـيـنــه
تـذكـر صيانـيهـم وسيعــات وأكـبـار *** يشرون عيـت الحيل لو هي ثمينـه
ما همهم بعصر الجفاء غلو الأسعار *** طبـع الـكـرم مـن جـدهـم وارثـينـه
هـذي جـوابي وأنتـظـر رد الأشعــار *** سجـلتـهـا والـقـاف لـك نـاظمـيـنـه
وصلوا عـدد ما هـل هطـال الأمطـار *** عـلى الرسول الـلي سكـن بالمدينة
* قال عبد الله بن دهيمش بن عبار رداً على محمد بن عبد الله الجلعود مع تغيير القافية : 295
من نبع فكري هاض مكنون شـوقي *** منظـوم بـدع الـقـاف زاد اشتيـاقـي
نبـع المشاعـر مـن مـزاجي وذوقـي *** يـجـري قريحـه بالخواطـر سواقي
جتـني رسالـة من عـريـب العـموقي *** لـفـظ الـفهـيم مسجـلـه بـالـوراقـي
كلامـه أحلا مـن العـسـل بـاللعـوقـي *** وأعـذب مـن الصافي لذيذ المذاقـي
والـلي عـلى رد الـقـوافـي شفـوقـي *** سجلـت ردي وأشكـره من أعماقـي
الـقـرم أبـو هـذّال هـرجـه صدوقــي *** أعـني مـحـمـد مـن نــوادر رفـاقـي
دايـم عـلى فعــل المـراجـل يـتـوقـي *** مـن طلعـت الشغموم بالطيب شاقي
حيـثه عـلى كسب الفضيلـة سبوقي *** كـنـه مـع دروب الـمكـارم ايسـاقـي
نـعـم بسلايـل حـافـظيـن الحـقـوقـي *** يـذكـر فخـرهـم بـالسنيـن العـتـاقـي
هـل الفـخـر مـا طـبهـم كـل سـوقـي *** ولا مـنهـم الـلي يـتـقـي بـالمـتـاقـي
الـيـا بـار بالصاحـب قليـل الوفوقـي *** رجـالهـم وافـي عـلى العـهـد بـاقـي
نـزر وعـلى العايل شجاع وطفوقي *** لكـن عـلى الصاحب كريـم الخلاقــي
أدنـاهـم الـلي بـه مـديـحـي يلـوقـي *** وأعـلاهـم الـلي بقـمـة المجـد راقـي
بالعصر الأول يـوم نشف الحلوقـي *** وقـت الحـرا مـا خـيـبـوا كـل هـاقـي
أن جاهم الـلي من الزمان مخنوقي *** وصلـت معـه من فـوق حد التراقـي
لضيوفـهـم دم الـكبـاش أمهـروقـي *** والـنـار تـوقـد بـالمساء والشفاقـي
مـع طلع غـرس مـدليات العـذوقـي *** الـلي لـهـن مـن طيّـب القـنـو نـاقـي
يـتلـون مـن يحمـل ثقيـل العـلـوقـي *** الحيـص حمـله مـا لغـيره أيـطـاقـي
قـال البليهـي شيلـوا الحـمـل فوقـي *** لو درت مثـله مانـت بالـزمـل لاقـي
الشيخ سعـود بـواجـبه مـا يـموقـي *** ريف الهواشل والضيوف الطراقـي
منصى الركايـب ناحـلات العـروقـي *** أن روحـن عـقـب التعـب والرهاقي
مـا قـال يكـفي عـن معاويـد نـوقــي *** تمر الحسا وتمـن جريش العـراقـي
مـن عـادتـه تـقـديـم قبـل الـريـوقـي *** فـنجـال تـنعـش شـفـتـه بـالذواقــي
يقري ضيوفه في صبوح وغـبوقـي *** يـقـول أحـط وعــنـد ربــي أرزاقـي
يـا محمـد الجلعـود لا جـاك عــوقـي *** هـيضتني بالقـاف والصـدر ضاقـي
كل مـا أتذكـر حـارب النـوم مـوقـي *** وصـاب الضماير يا سنادي حراقـي
يهـوم مـع ذكـر الحمايـل خـفــوقـي *** عسـى لهـم فـي كـل ديـرة بــواقــي
يا محمد الماضي صعيـب اللحـوقـي *** والبـيـت ما يـذري بـدون الـرواقـي
ويـن الرجـال الـلي تخيـط الفتـوقـي *** إلى صـار بالجمع الجميع أنشقـاقي
بعض الشباب اليوم عوج الطروقي *** كيف العصايـب بـدلـوهـا بـطـواقـي
باللـه نعـوذ من الخطـأ والعـقـوقـي *** ومـن شـر دوار الـجـفـاء الـفـراقـي
الكـل صابــه مـن زمـانـه أطـقـوقـي *** ويجحد صوابه لو حصل له أفلاقي
يسكت ومن كثـر الغبـون معـزوقـي *** كـنـه مكـتــف فـي مـتيـن الـوثـاقـي
هـيهـات لا زلـنـا نـخيـل الـبـروقــي *** نبي المطر مـار السماء بـه زراقـي
كان الفخـر صار لعريض الشدوقـي *** وأصبح وضيع الشان نفسه نزاقـي
لا تـأمـن الـدنـيــا تـراهــا تــبـوقــي *** دولاب بـقـعـا يـقـتـلب بـصطـفـاقـي
أن أقـبـلـت لـك بـالسعــادة تــروقـي *** وتـقـودهـا بسلك الحـريـر الدقـاقـي
وأن أدبرت وأقـفـت تراهـا محـوقـي *** ما عن سهمها يا ابن الجواد واقي
يتبع
آخر تعديل عبدالله بن عبار يوم 07-07-2022 في 11:27 AM.
|