تابع
*- قال نايف الحبيل أبو سامي العنزي يسند على عبدالله بن عبار : 239
أبـي أكتـب الأبيـات شكـراً وتقـديـر *** مـانـي مـن الشعـار لا شـك هـاوي
مني لأبـو مشعـل عشيـر المناعيـر *** القـرم عـبـداللـه عـريـب العـزاوي
من ساس لابـة كل أبوهم مشاهيـر *** عـدوهـم يـكـويـه بـالـكـون كــاوي
مبـروك والأنـتـاج جعـله قـدم خيـر *** حـيـثـه يـعـالـج كـايـدات الـبـلاوي
ترشـد بـه الغاوين باسلوب تحذيـر *** في خـط واضح ما يبي لـه فتـاوي
هرجك سديد ولا لقـي بـه عـواثيـر *** النصـح والأرشـاد فـيـه امتسـاوي
والمعـذرة أن كان بالقـاف تقصيـر *** مـا يكـشـف العـلات كـود المـداوي
*- قال عبدالله بن عبار رداً على الشاعر نايف بن حبيل الموايقي : 240
خـط اليـراع وعـبـر الفـكـر تعـبيـر *** من جـد قـلت القاف ما هو هزاوي
جاني جواب مسطر القاف تسطير *** قاف أبو سامي من خيـار الهـداوي
من نايف ابن حبيل ريف المسايير *** مـا سـار بالنـمـة ولا هـو سـواوي
مـا دام الـلي شرواك ليـه مناصيـر *** الحـمـد لـلـمـعـبـود مـانـي خـلاوي
يا شـوق نـافـل مترفـات الغنـاديـر *** الجـادل الـلـي زاهـيـتـهـا المـزاوي
قـدرت مجهود التعـب والمخاسيـر *** يـوم الـرخـوم يفـتحـون الـهـواوي
مثلك يشجعني على مواصل السير *** يفـدونـك الـلي يجلعـون الغـطـاوي
واللي عن الواجب يصيبه معاسير *** خله يابو سامي على المرح ثـاوي
والشاهـد الـلـه ما نطـيع المعـاثيـر *** ولا نـاخـذ المعـلـوم مـن كـل راوي
نظهر ثنا اللي ينطحون الصوابيـر *** زمـل الـتخـوت مـزبـنيـن الجـلاوي
قـلـتـه ولا بـد البشـر مـن معـاذيـر *** ولا فيه رجل كامل الوصف قــاوي
*- وهذه القصيدة من شعر الشاعر خليف النبل الخالدي يسند على عبدالله بن دهيمش بن عبار العنزي : 241
هات القـلم والبوك وأكتـب أناشيـد *** جود مسار القاف لا تصير مزهاف
أكتب من الموجود ما هو مواعيـد *** قـرايـض ما صاغهـا كـود صـراف
أقـول قـولٍ مـا لـقـي بـه مـنـاقـيــد *** وإلى عرض عندالرجاجيل مايعاف
إلى تعرض شـوف بيـن القواصيـد *** كلن يقـول من المـلأ مابـه اعـذاف
وخـلاف ذا شديـت ما يقـطع البـيـد *** كنه غـزال جـال من راس مشراف
حـمـرٍ يشادن بالفـلا ضمـر الصيـد *** ريـم البـراري بالحلايا والأوصـاف
تـنـقـد عـليهـن بالصعـابـة ليبـديـد *** زايد سطر ما هو أهمال بالأعساف
ما لافـتـن بـرقـابـهـن لـلـمـفـاريــد *** وقـت الهدد لهـن عن الزمل وقّـاف
حيـل ثلاث أعيـاد وهـذا لهـن عيـد *** يرعن هيت بقفور منبوت الأرياف
مرباعهن صحصاح حزم الجلاميد *** وعقب المرابع كملن كل الأوصاف
متعـفـيـات لـيـن هبـهـب جـويـريـد *** الياما غدا بضهورهن مثل الألياف
عـليهـن الـلي باخصيـن المـواريـد *** مـن كثـر ما هجن بهم قدم وأنكاف
معهـن دلـيلـة بالسهـال السـراميـد *** كان أدلهـم الليل والنجم ما ايشـاف
يـلـفـن لأبـن عـبـار قـرم الأوالـيــد *** الوايلي ممدوح من كثر ما ايضاف
وإلـى لفـيـتـوا وأكـملـن المقـاعيـد *** رحب وهلا ثـم يـضحـك بالأشفـاف
وعـقـب التهـلي فـالكـم يالأجـاويـد *** فـنجـال بـن وراس شـاتيـنٍ أرداف
عند أبو مشعل ساعة عز ما تريـد *** وناسـةٍ واتغـيب كـدرات الأصـداف
* قال عبدالله بن دهيمش بن عبار رداً على الشاعر خليف النبل الخالدي : 242
جاني قوافي شوق منسوعة الجيد *** والخـد قـطـن الـديـر بيـديـن نـداف
جاني جوابه فوق جيش المساعيد *** نضوة شرار وربعـن منطقـة كـاف
حـرايـرٍ مـا كـدنــوهــن مـعــاويــد *** هجن وهجاهيج مناحيـل وأهجـاف
مثل الظليم الـلي أخرشنه عبـاريـد *** جفل من الخرعه بدأ يرجف رجاف
يرعن زهر نوار في سمهـد الريـد *** بارض الفلا ما عودوهن للأعـلاف
وصلـن مناديب الركايـب ابتجهيـد *** نجايب من خليف جابن لـنـا القـاف
من بيت قـرم من رجـال المحاميـد *** من نايـف بن حبيـل بعيـد الأهـداف
وبقدومهـن جبـت الـدلال البغـاديـد *** وفنجال يصبغ رايـب كنـه أرعـاف
قـلت العشى يالربع من غير تنكيـد *** كانـه تصح ضروفكم ما بها اكلاف
ولا عطونـا بواسع الوقـت تحـديـد *** قالوا مشينا أسمح لنا وقـتـنا طاف
ثـم اعتلوا من فوق شيب الملاكيـد *** وتوجهوا مقصودهم دار الاشراف
ويوم أدبروا شديت صنع الملاحيد *** زبن الدريول بالسفر نرسل الهـاف
تـو الجميح مـورد الجـمس توريـد *** بديه وشاصه كان مشموع بغـلاف
جديـد ما سمكـر ولا أحتـاج تنجيـد *** تلقـا خواتـه ركبوا فـوقهـا اسعـاف
راعيـه يرفـض مـا يبيعـه تقاصيـد *** واللي يحوشه دين تبذير وأسـراف
يخاف ما يدرك من السعـر تسديـد *** ومن خسر ماله لا تلومه ولو خاف
جبته وعنيته عن خليف ما ايحيـد *** يوصل جـواب اللي للأمثال عـراف
عطـه الجواب ولا تـزيـد التناشيـد *** مـن شاعرٍ ما هـو حـراوي وبـلاف
مشكور يا من شاد مدحي بتمجيـد *** ودنياك هذي مالها حدود وأطـراف
قـلـتـه ولالـي فـي كـثيـر الـتعـاديـد *** لـو كان صـف الريش يقفـاه نتـاف
ومن يضهده يالخال شح المواريد *** يصد عن كسب الجمايل ولو شـاف
*- قال الشاعر بشير بن محمد الحجر هذه القصيدة يثني على عبدالله بن دهيمش بن عبار : 243
الله يديمـك يـا أبـو مشعـل ويحمـاك *** يا الـلي لنـا عـنـد اللـوازم ذخيـره
كـان الـتـزمـنـا بالـلـوازم نـصـينـاك *** وعنـدك لوازمنـا الكبيـره صغيـره
فـوق الثناء والمدح مهمـا مدحنـاك *** فـعـلـك تـعـدى مـدحـنـا واتعـبيـره
انت الوفا فراشك وملبسك واغطاك *** والطيب والشومات بيت وحظيـره
وبـل الـنـدى يا ماكـر الجـود يمنـاك *** واحـة نـعـيـم لـوارده مع صديـره
سطع قمر نورك عـلى ليـل مسـراك *** كالحيد يـذري عـن لوافح هجيـره
عـرفـتك مكسب يـوم حـنـا كسبنـاك *** رصـيـد مكـسبنـا جـواهـر ونـيـره
يا طير شلـوى دوم حـنـا شكـرنـاك *** جـمـايـل صـارت عـلـيـنـا كـثـيــره
تـبـادر زمـام المـوجـبـه لا نخـينـاك *** وتهون لو هي بالمساعي عسيره
يا تـاج راسي ما اتجـاهلك وانسـاك *** مانساك لوانسى الوطن والعشيره
يـا الـلي لـربـعـك طـيـبـات نـوايــاك *** لتـاريخهـم سـويت منهـج وسيـره
غصـبٍ عـلى الـلي بالذرايع تحـداك *** أطـفيـت كيـده بالذكـاء والبصيـره
لأنساب وايـل كـل جهـدك ومسعـاك *** وكلـن ذكرتـه مـع وسيمـة بعيـره
وهـذا دلـيـل أنـه حـمـيـده سجـايـاك *** منهجك واضح يا نظيف السريره
جعـل الـردي يـا منهـل العـلم يفـداك *** يـفـداك لاش مـاكـر الـبـوم طيـره
وصـلاة ربـي عـدد دورات الأفــلاك *** عـلى الرسول الـلي تبعنا مسيـره
* قال عبدالله بن دهيمش بن عبار هذه القصيدة رداً على بشير بن محمد الحجر الدهمشي : 244
سميت بسـم الـلي ملـك كـل الأمـلاك *** الـواحـد الـرحـمـن لا رب غــيـره
الـلي بـغـبـات البحـر قـات الأسمـاك *** مـولاي خـّلاق الـعـبـاد ودبــيـــره
ومن بعـد ذكـر الـرّب دنيت الأبـواك *** وغرفت من جـم البحـورالغـزيـره
سـلام مـنـي عـدد مـا يـورق الـّـراك *** واعداد ما فـاح الشذا من عبيـره
يا الفكـر حـي الـلي بالأشعـار حيّـاك *** اكتب جواب أهل الوجيه السفيره
جـاني يا أبـو خالـد جوابـك ومبـداك *** وافـرح بمنطوق الرجال الشهيره
مدحتني مـن طيـب ساسك ومـربـاك *** مـن صلـب لابـه للمعـادي نحيـره
ولا هـو كثيـر أن كـان حـنـا نفعـنـاك *** حيثـك رفيـق وتستحـق البـريـره
لا شك ما يخفي الثناء مثـل شـرواك *** من يصنع المعروف يجزا بخيره
شـكـرتـنـي وأنـت الـمـلامـة تـعـداك *** واسمح خمالـي يا زبـون العثيـرة
يا ليتـنا يالقـرم نقـدر عـلى ارضـاك *** لا شـك نـوبـات الأيـادي قـصـيـره
لكـن خطـات الـدرب ما فيـه مسلاك *** ولو ينسلك نأتيه باقصى الجزيره
والحاجة اللي يا أبن الأجواد تنـلاك *** نبـرم لـهـا يالقـرم حبـل الجـريـره
واليا أنعقـد جريرها بحبـل الأشبـاك *** وتلولست مثـل خطـات الضفـيـره
ننـخـا عليـهـا مـن هـذولا وهـذولاك *** حتى تحلحل عقب حوسة مـريـره
ولا أنـت عن البير ما يقصر أرشاك *** رايـك حـكيـم وبـالـلـزم نستشيـره
* قال الشاعر بشير بن محمد الحجر الدهمشي هذه القصيدة يسند على
علي بن حمد المالك ويثني على حمولة المالك : 245
يا الله يا معـطي العـطـايـا الجـزيلـه *** باسمك بديـت بلفـظ منهج خطـابي
وأهـدي سلامي عـدد وبل المخيلـه *** وبـل المطر من مرزمات السحابي
سـلام لـلـي يـدركـون الـنــفــيــلـــه *** مـن نسل مالـك مكرميـن الجنابـي
أهل الوفى والطيب وأهـل الفضيلـه *** طيب الـرجـال بشيبهـم والشبابـي
نـعـم بـهـم مـن خـيـريـن الـقـبـيلـه *** نـرفع ثـناهـم فـوق روس الروابي
ومـن يـنـتـمي لجـدودنـا ننتمي لـه *** وأنـا أعتـزي بالـلي نـداه أعتزابـي
يـا ربـعـنـا يـا كـاسبـيـن الجـمـيـلـه *** لكـم تسـامـت فـرحـتي بـانـتسابـي
أفـخـر بكم يا أهـل الفعـول الجليلـه *** ربعي وعزي فخر مصدر اعجـابي
مـنـهـل ذرى عـزٍ ضفـافـه ضليـلـه *** وأرضه من الكوثر ربيع وخصابي
مـن وايـل الأول نـبـع سـلـسـبـيـلـه *** واللي نهل من منهل الطيب طـابي
يا عـلي فيكـم شفـت فعـل الفضيلـه *** بالطيب فـزتـوا لـو عليـه أنتخابـي
يا عـلي شفـت مـن التواضع دليلـه *** بشوف الحرار اللي ربت بالروابي
يـا عـلي مـا فـيكـم نـفـوس ثـقـيلـه *** الكـل منكـم بحسـن الأخـلاق رابـي
المجـد والمعـروف نـلـتـم حـصيلـه *** وأفعـال طيبٍ ما حصاها الحسابـي
يا أبن حمد يا ستر ضافي الجديلـه *** بـنـت الـرجـال مخضبين الحـرابـي
ودي بـشـوف وجـيهـكـم كـل لـيلـه *** قـلبي عليكـم يا أبـن مالـك مشابـي
لـيـت الـزيـارة يـالقـرايـب طـويـلـه *** حـتى نشـوف الـلي جنابـه مهابـي
منصور ريف الـلي احوالـه هزيلـه *** وريف الضيوف منفضين الزهابي
أبـن حـمـد للخـيـر منهـج سـبـيـلـه *** نـال الفخـر من شبتـه ليـن شـابـي
فيـه الخصايـل والسجايـا الأصيـلـه *** وفـيـه المكـارم والعـلـوم الطيابـي
مـن ساس لابـه ما تضايـق دخيلـه *** مثـل الأسـود وضـاريـات الـذيابـي
يـا عـلي فـيـكـم كـل خـصلـه نبـيلـه *** يـا عـسى يفـداكـم متـان العـلابـي
الـلي عـن المعـروف نفسـه ذلـيلـه *** ما هـاب من لـوم العـرب والعتابي
حبر القلم عـلى الورق سـال سيلـه *** بأبيات شعـري قـلت معنـا جـوابـي
أبـيـه لأضـهـار المـعـانـي وسـيـلـه *** بيـن الصباح وبيـن شمس تغـابـي
والهـرج يكـفي عـن كثيـره قـليـلـه *** مـا قـال أبـن حثليـن كلـه صـوابـي
وصلوا على من سن فرض ونفيلـه *** عـد النبات وعـدد رمـل الـتـرابـي
*- وقال الأديب الشاعر صالح بن حمد المالك هذه القصيدة رداً على الشاعر بشير بن محمد الحجر : 246
سـلام مـنـي يـا عـريـب الـقـبـيـلــه *** يا طيّـب العشـرة وسـمح الجنـابـي
سـلام أبـن عـمٍ يـحـب الـفـضـيـلــه *** يهوى الجميـل ويفتخـر بالقـرابـي
أقـراب مـا تـقـرب عـلـوم الـرذيلـه *** ولا هم من اللي يسكنون الخرابـي
مسكانهـم فـي راس عيطـا طويلـه *** مزبـان مـن شـاف بزمانـه عـذابـي
بشيـر أبـو خـالـد جـوابـي يجـيـلـه *** مشكـور يـامـن بالمـكـارم هـقـابـي
الـدهـمشي مـاضي جـدوده دليـلـه *** لـطـامـت العـايـل بسـمـر الحـرابـي
وأن ولـعـت بالـكـون نـار الفـتيلـه *** وغـدالـهـا عـنـد الحـريـب أشتبابـي
والخـيـل بالميـدان تسـمع صهيلـه *** وثـار الـكـتـام وصـار حـز العـلابـي
رجـالـهـم يـرخي عـنـان الكحـيـلـه *** ويدلي على خصمه ادلات العقابـي
مـلاذ مـن هــدت بـلاويــه حـيـلـــه *** ريـف الضيوف ومكرمين الركابـي
عـدوهـم مـا يـأخـذونــه بـحــيــلـه *** بحدب السيوف اللي تقص الرقابي
ما قيـل فيهـم من رضي بالهـزيلـه *** ولا قيـل فيهـم مـن لخصمـه يهابي
وحنـا يا أبـن عـمي رجـال أصيلـه *** غـايـاتـنـا من فـوق هـام السحابـي
وهـذي تـرى عـادات كـل القـبـيلـه *** مـن جـدنـا الأول لـسـاعـة كـتـابـي
وتشكر عـلى نظم البيوت الجميلـه *** وتسلم يا بن عمي حسين الجوابي
*وقال عبدالله بن دهيمش بن عبار هذه القصيدة مجاراة لقصيدة
الشاعرين بشير بن محمد الحجر وصالح بن حمد المالك : 247
سميت وأدنيـت القـلـم مـن مشيلـه *** فـكـري تهيـّض بالبـيـوت العـذابـي
قـال الـذي يـنظـم مـن الفكـر قـيلـه *** والشعـر مبطي عـن مزاريـه تابـي
نـدرا الكـلام الـلي يجـيـب الفشيلـه *** نخشى عقاب الله ونرجي الثـوابـي
بشيـر عـذب القـاف وضّـح ذبـيـلـه *** وللقاف في صـدر الفهيم أنسيابـي
مـن صافي النقـروح مـابـه طميلـه *** أعـذب مـن الكوثـر لذيـذ الشرابـي
وصالح كلامـه مثـل ورد الخميـلـه *** أخـن مـن ريـح النـفـل بالهضـابـي
قـافـه غـزيـر ولا تـوقـف نضـيـلـه *** لـو كـان مـا طـول كلامـه ايـجـابـي
صـالـح جـوابـه منطقـه ينصغيـلـه *** حال العجـل عـن سايـر الربع نابـي
وبشـيـر يـمـدح طيبـيـن الفـعـيـلـه *** عبّر عن الـلي شاف ما هو محابـي
يمـدح مكـارم محـتميـن الـدبــيـلـه *** عـاداتـهـم حـل الأمـور الصـعـابــي
نسـل الـذي بالطيـب يكـرم نـزيـلـه *** منصـور بـن مالـك كبيـر الـوجابـي
عـقب حمـد حمـل الـرفاقـه يشيـلـه *** وعبداللـه ودخيـل عصـم الشنابـي
ديـوانـهـم مـن جـار وقـتـه يجـيلـه *** ريـف الهجافى كـان نشف اللعابـي
ريـف الهواشـل بالسنيـن المحيلـه *** لا حـال مـن دون المعـزب سـرابـي
ريف الضعيف وريف من قـل كيله *** لا صـار في حبـل الزمـان أكترابـي
الـكـل مـنـهـم مـا يـبـور بـعـمـيـلـه *** يـوم الفخـر يطـلـب بشـد العصابـي
نالـوا فخـرهـم بالسنيـن السحـيلـه *** والطيب يضهر يـوم تفضا المخابي
حـمـد دروب المـرجـلـه يعـتبي لـه *** نـال المـراجـل والمـراجـل اتعـابـي
حمد عـرف بالطيب باوساط جيلـه *** يصب مـن فـوق العصيب العـرابـي
دايـم دلالـه فـوق حـامـي المـليـلـه *** فـنجـالهـن كـنـه شـقـار الخـضابـي
وأحفـاد مـالـك كلهـم مـن فصـيـلـه *** يـا بـعـدهـم عـن الـردى والعيـابـي
حـفـيـد مـالـك بـالـمـكـارم وكـيـلـه *** عسى الحمـايـل نجـمهـم ما يغـابـي
رجالهـم يلـكـد عـلى الطيب خـيلـه *** دايـم عـلى الـعـلـيـا يـلـث العـقـابـي
عـرفتهـم مـا شفـت منهـم عطيلـه *** ولا شفـت أنـا فيهـم هـداني وهابـي
عـزوة شـرف مـا فرقـتهـم نقـيلـه *** وعـن اللـوازم مـا بهـم مـن يغـابـي
مـن لابـةٍ تروي السيوف الصقيله *** دهـامشـة لا صـار جـل الـمـصـابـي
لهـم المـراجـل مـا خـذوهـا نحيلـه *** خـذوا عـلى كـل المـفـاخـر حـزابـي
* الشاعـر المعروف صالح بن حمد المالك من فطاحل الشعـراء وهو ملم بالشعر العربي الفصيح
ومع ذلك فهو يجيد الشعر الشعبي وقد أسند على عبدالله بن دهيمش بن عبار هذه الأبيات : 248
أهلا وسهلا يـا أبـن عبـار مرحـب *** تـحـيـة مـن داخـل القـلب وأقـصـاه
تهـدى لمـن شعـره رفيـع ويطـرب *** يا حلـوا مدلـولـه ويـا زيـن مـبنـاه
شعر الفهيم الـلي بما قـال يحسـب *** مـا هـو مـن الـلي ما يفكـر بمعـنـاه
بالطيب أبـو مشعـل صديق مهـذب *** وفـي والـصـاحـب يـوده ويـحـمــاه
هـو للـقـرابـة مثـل سيـف مجـرب *** تضرب به العايل وتقصر به أخطاه
وأن جيت له وقت اللـزم ما تغيّـب *** وأن كان جيته حـزت الضيق تلقـاه
رايـه سـديـد وكـل مـا فـيـه طـيّـب *** محـبـوب بـه نخوه وسـمح محـيـاه
أقـولـهـا مـانـي أجـامـل ولا أكـذب *** الصـدق غـايـة مـا أقـولـه ومـبـداه
* وقال عبدالله بن دهيمش بن عبار هـذه الأبيات رداً عـلى الأديب الشاعـر صالح بن حمد المالك : 249
قبل أبتـدي بالقـاف سميـت بالـّرب *** ولا خـاب مـن يذكـر وليـه ومـولاه
ومن بعـد ذكره نبع فكـري تسـّرب *** رد الجواب اللي من الصدر مجراه
جاني جواب من الصديق المعـّرب *** صـالـح بـن حـمـد حميـدة سجـايـاه
حـيثـه عـلى فـعـل المـكـارم تـدّرب *** حمـد بـن مالـك عـلى الطيـب ربـّاه
ما خالفوا سلمه لـو العصـر قــّرب *** وبعض الرجال سلوم الأجداد خلاه
من طاب عن فعل الفخر ما تهـّرب *** والحـمـد لـلـه لـه كـرامـه وله جاه
والدور هذا لبعض الأجـواد خـّرب *** سلم العرب خالف مسيره وممشـاه
مهمـا الملأ يالقـرم شـّرق وغـّرب *** من لا سلك درب الهدا خاب مسعاه
*- قال الشاعر علي بن علي بن عبدالله الصويلح هذه القصيدة يسند على عبدالله بن دهيمش بن عبار : 250
يا ابن عبـار يا اللي ما تخـفـاك العشـايـر
دون تكليف شف لي يا عـريب العشيره
ضاع عمري وأنا في موقف الجهل حاير
والزمان أنتهابي ما عرفـت أتعبيره
عميـت العـيـن حـتى والقـلوب البصايـر
ويش يبغى برجل بدون فكر وبصيره
العـمـر راح كـلـه فـي بيـوت وعـمـايـر
والقصيـر المجـاور مـا يسنع قصيـره
أغـرقـتـنا الحضارة بس نجمع تجـايـر
والـذي راح عـبـره مـا نـفـكـر بـغـيـره
المعرفـة غـدت يا الله عـليك الستـايـر
والـمـعـارف بـداخـل مـملكـتـنـا كـثـيـره
لـو أحصـل ربوعي كود أسوق البشاير
لـو بحـلـم عـليـك مطـالعـه وأتعـبـيـره
نحمـد الـلـه بخـيـر ولا عـلينـا قـصايـر
غـيـر قـل المعـرفـة نعـتـبـرهـا قـصيـره
يـا عـدو الخـطـايـا والـذنـوب الكـبـايـر
شف حلول المشاكل قبل تصبح كبيـره
دلني كـان تـدري عـن حـرار وحـرايـر
عطني العـلم وأسرع قبل وقت الظهيره
* قال عبدالله بن عبار العنزي رداً على الشاعر علي بن علي بن صويلح : 251
يا عـلي مـرحبـابـك يـوم حـليـت زايـر
عـدد مـا هـل هطـال المـزون الـغـزيــرة
يا أبو عبدالعزيز أن كنت للأصل داير
مـن يـدور القـرايب مـا تطـولـه معـيـره
خـذ جوابي سريع وبالعجل جاك هايـر
مـا نخـفي عـليـك ونخـبـرك بالسـريـره
كانك من آل صويلح أنشد أهل الخباير
في طـواريـف ليـلى لهـم حـاره وديـره
لـك عشيرة عريبه منهم أبو الخسايـر
وأبن شامـان يـمدح بالسنين العسيـره
الكـبـرى ربـوعـك كـان شبـت سعايـر
يـوم عصـر المعـارك ينطحـون المغيـره
عزوتك من جميلة والزمن كان جايـر
شتـت شمـل القرايب في شمال الجزيـره
المحـل والحـرايب ما بـغى الله صايـر
والسنين العصيبة من أسباب الجـريـره
يوم حلف العتوب أودع عليهم جراير
لـولا رمح آل زايـد كـان صارت جـريـره
حـل كون القرايب وأشهب الملح ثاير
بس حـذف الجماجم بالسيوف الشطيـره
مـا نقـولـه هقـاوي بالبديـع الحفـايـر
والـرسـوم البـوالـي دارسه تـقـل صـيـره
وأنتحا حلف عتبه جمعهم راح سايـر
قـدرة الـلـه نحتهـم حيـث بالأمـر خـيـره
لـمع نجـم الصبـاح وزبـنـوا كـل نايـر
كثـر شعـب الكويت وصـار جابـر أميـره
وأحمـد بن خليفـة ضم تـلـك الجـزايـر
والـرفـاع احكمـوبـه بيـن شـط وبحيـره
وأنـت ربعـك بعـز وحافظين الشعايـر
فـي بـلاد الـكـرامـة والمـلـوك الشهـيـره
شـامخيـن الـمبـانـي كـنهـن الـدوايـر
والغـرايس سقـوهـا والـمـرازق وفـيـره
بتبع