مريت في ملعب الاستاد لي مره ** ودخلت بمدرجه من ضمن جمهوره
شفـت الجماهيـر بالسـاحات مشتـّره ** تـوافـدت تحتـشد بالـلعـب مسحـوره
(تنوس نوس الدبا اليا ناض من حّره) ** قـوم تهارف تـقـل هـرفال مسعـوره
(بهم خطو عـود متوهـن مـن السـره ** وبهـم شباب وبهم شمطان وابزوره )
والكـل مـنـهـم تـرنـم والـلـحـن جـره ** يصفق كفوفه وصوته شق حنجوره
صفيرهـم يسمعـه مـن يسكـن البّـره ** ويوحيه حتى الذي في راس تـنـوره
وعيونهم من حماس اللعب محمره ** نعـوذ بالـلـه تقـول الـقـوم مخمـوره
اللـه وأكبر أعصاب الشخص منزره ** يـبـغي فـريـقـه ينـال الفـوز بالـدوره
وأن كان بطـل القـدم فـر القـدم فـّره ** دخل جراب الهوا مع شبك ماصوره
هتـف ولوّح هـاك الجمهور بصـوّره ** كـنـه يشـابه صلاح الديـن بعـصوره
وأن كان جاب الهدف بمعـاود الكّره ** تـعـالـت أعـلامهـم بالأفـق منصـوره
نـاس تضاحك تشـوح الريح بغـتـره ** وناس تناحب من الخسران مذعوره
اللاعـب المنتصر مـدعـوم ومـشـره ** مـار المشجع قليل الفـود وش دوره
وعـند النهـاية تشوف القـاع مغـبره ** الـكـل فحـط وعـلـق صـوت زمـوره
توحي صريخ العجل بالقار له صـره ** يزعجك تفحيطهم والروح مخطوره
(واللي تجشم عفاش القـاع وأحـفـّره) ** خـلـه يـعـلـه يـطيح بقـاعـت الجـوره
طايش عملهم نظـام الشرع مـا قـّره ** والمنعوج يردعه مصقول أخو نوره
ذاك الزعيم الـذي يكـوي عـن العـره ** المقرني ما ربح من حاد عن شوره
يـا أمـة فـي سـراب الـوهـم مغـتـرة ** ترقص طرب من دخول القول مسروره
عـدوانـنـا تـنـتـج الصـاروخ والـذره ** وحنا انتـفاخر بنصر الفـوز بالكوره
نـقـول وقـلـوبـنـا مـا يـنـطـفـي حـره ** وش فـوزنـا وقـوة الإسلام مكسوره
كـل مـا فرحنـا انتذكـر مصرع الـدّره ** جابوا لنـا قصته بالصوت والصوره
الغـادر الـمعـتـدي عـم العــرب شـره ** والغرب يستعطفه لا يجرح شعـوره
اعـمالهـم تـزعـل الخـفـرات بـخـّدره ** عـبـر الجرايد بكل الصحف منشوره
أنا أشهـد أن الحقيقة يـاعـرب مـّره ** هو كيف نفرح ودار القدس مخفوره
القدس تـنخى مـن التدنيس مـنضره ** في حكـم صهيون منهيـه ومـامـوره
وين أنـت يالمعتصم يا منجـد الحـره ** أفـزع لها صاحت مـن الذل مقهـوره

ارجو شرح الكلمات اللي بين قوسين
لاني حفظتها
الارياء وش معنى خبيثين الارياء

(والتبع يبقى تبع لومصقره حر )
والهلب ما حاز السبق لو تبرّه


يا الـلـه يارب العباد أكفني شـر
شر الحقود الـلي بلاني بشّـره


يارب يا مخرج من (المشة الدر )
أنك تجازي من يـدور المضّره


جعل كفر خطو التريله اليا صر
يدهك عظامه مـا تجمّع اكسّره


يصبح طعام لجايع الدود (والذر )
فتيت جسمه مثل (رمل الصفّره)



عنده خداع ولـه ملاويذ وازبـر
ومن قام مقفي (بالعلابي يـتّـره)
(عبدالله العبار)

(وكان الصقور بوكرهـا طيـر دراّج )
(مـا صـقـرت غـيـري ولا صـقـرتـنـي)
(عبدالله العبار)

بالآخره كلٍ يحاسب بالاعمال
(يالله يا منشي حقوق المخيله )
(عبدالله التشيم)

المخيله المزون. ليه يسمونها مخيله
يمكن اول كانوا يخيلونها من مسافات بعيده ارجو من ابن عبار ان يشرحها لنا
كيف اول يخيلونها ؟


اولاد عم ولابنا قول (شبشار)
وشيخ لنا عنده جلاله وتقدير
(مشعان الهذال)

اعذرني على كثرت الاساله