العيد فرحه

تهنئه بمناسبة حلول عيد الاضحى المبارك
اصدق التبريكات الى كل احـبتي واصدقـائي الغالين
على قلبي
الاعـزاء والاكـارم مــن حيــث مـا وجـدوا
وكل عــام والجمـيـع بخيــر وأمـن وســلام
وكل عام وانتم بخير ,,,,,,, وعساكم من عواده .
_____________________________

العيــد فـرحــه والتهــانـي مـواجـيـب = وياجـب الى الغاليـن نرسل تهـاني

مقــرونــةً بالـود والمـســك والـطيـب = والغـالـي من الهـيل والـزعـفـراني

واعيـدهـا بالـفعـل والـقـول واجـيـب = قـافً عـلـيه اعـن النواقـص ضـماني

ازفـهــا مـن قـلـب ينبـض تـراحـيـب = وازيـد انـا الـدعـوه فــ خـيـر الامـاني

من قلب ينبض فـ الضلوع المحـاديب = ولا غـيّـر المكـنـون جــور الـزمـاني

من صغر سني لين حولـبي الشيب = ارقــا اسـنود ولا التـفـت للطــماني

وانا احمد اللي يعـلم السـر والغـيب = مبداي ثابــت والله اللـي,, حـبـاني

وعسى الفرح ياتي ديـار الاصاحيـب = فـ آمن وسلام فـ كل وقـت ومكاني

عسى يعــم السلم شرق ومغاريب = بـعـون الكريـم الـواحـد المستعـاني

وعسى تـخف اللي جروحه معاطيب= وترفـع عن اللي مـن ظروفـه يعاني

العيــد فـرحـه والتهــاني مواجــيـب = ازفــهـا مـن قـلـب ينبـض,, حـنـانـي

محمد بن سـوعان الربيّع